Chak 92 GB Chheena

29/06/2023

's
‏⁧‫

03/06/2023

اپنے بارے کھول کے دساں
جا اڑیا کی بول کے دساں

توں وی میری اکھ نہیں پڑھدا
تینوں وی دکھ ۔۔بول کے دساں

تیری یاد عبادت میری
ہنجو تسبیح رول کے دساں

میرے ولوں پکی گل اے
تیری گل دا مول کے دساں

تیرے باہجوں ککھ نئیں پلے
اکھوں اتھراں ڈول کے دساں

01/06/2023

کُکھ دی قیدوں چُھٹ کے رویا
اج اک بُوٹا پُھٹ کے رویا

میں تے ہَس کے گھاٹے سہہ لے
لُٹن والالُٹ کےرویا

کچی وستی لنگھن لگیاں
راتیں بدل ٹُٹ کے رویا

لَٹھے دی تھاں پاٹے لیڑے
چور قبر نوں پُٹ کے رویا

گُھٹ گُھٹ کر کے اتھرو پیتے
واج گلے وچ گُھٹ کے رویا

05/05/2023

پنجابی زبان کی لازوال نصیحتیں *

میرا آکھا مَن لے پُترا
ھَر گل پَلے بَنھ لے پُترا

موڑاں والی راہ نئیں چَنگی
نِت بیگانی چاہ نئیں چَنگی

اَصلوں ھولا دِل نئیں چَنگا
بہتا وڈا تِل نئیں چَنگا

بوھتی کِھلری وَل نئیں چَنگی
کَنڈوں اوھلے گل نئیں چَنگی

تِڑھ کے ماری چھال نئیں چَنگی
بوھتی لَمی کال نئیں چَنگی

‏رُکھاں تَھلے مَچ نئیں چَنگا
ڈھیر فَسادی سَچ نئیں چَنگا

کَکھاں نیڑے اَگ نئیں چَنگی
سِر توں بھاری پَگ نئیں چَنگی

بے قدرے دی کھوہ نئیں چَنگی
بَدو بَدِی دی موہ نئیں چَنگی

اِس توں پچھے ھور نُوں پَھڑئیے
پہلاں گھر دے چور نُوں پَھڑئیے

کرنی اَنت اَخیر نئیں چَنگی
‏کُتیاں اگے کِھیر نئیں چَنگی

لَڑ کے کِیتی وَنڈ نئیں چَنگی
لُون دے نیڑے کھنڈ نئیں چَنگی

َمَنگویں سوچ تےچُک نئیں چَنگی
سَٹ کے چٹنی تُھک نئیں چَنگی

کچی پِلی رُت نئیں چَنگی
سب نُوں دِسدِی گُت نئیں چَنگی

اَکھاں دے وِچ قہر نئیں چَنگا
جِبھ وِچ بَھریا زھر نئیں چَنگا

‏تُوں تُوں تے تکرار نئیں چَنگی
ھَٹ کے بیٹھی نار نئیں چَنگی

وَکھری وَکھری تَون نئیں چَنگی
ایویں کرنی چَون نئیں چَنگی

جیٹھ ھاڑ دی دُھپ نئیں چَنگی
مَوتاں ورگی چُپ نئیں چَنگی

رَستے دے وِچ بیر نئیں چَنگی
صُلح وِچ کرنی دیر نئیں چَنگی

اے گلاں جے بُھل جَاویں گا
پُترا جَگ تے رُل جَاویں گا،،

24/06/2022

16/09/2020

گاؤں میں زندگی سادہ لیکن پر سکون..

22/08/2020

Family is life 💖