Divisional Information Cell Faisalabad

29/08/2026

پاکستان پیپلز پارٹی فیصل آباد ڈویژن کا اہم تنظیمی اجلاس

پاکستان پیپلز پارٹی فیصل آباد ڈویژن کا اہم اجلاس آج ڈویژنل صدر سید عنایت علی شاہ اور ڈویژنل سیکرٹری جنرل رانا بلال فاروق کی زیرِ صدارت، ڈویژنل سینئر نائب صدر رانا فرخ محمود کی رہائش گاہ سنت سنگھ والا میں منعقد ہوا۔

اجلاس میں ڈویژنل باڈی کے عہدیداران، فیصل آباد ڈویژن بھر کے ضلعی عہدیداران، ٹکٹ ہولڈرز، انفارمیشن سیکرٹریز، ونگز کے عہدیداران اور بڑی تعداد میں کارکنان نے شرکت کی۔

اجلاس کا آغاز تلاوتِ کلامِ پاک سے ہوا، جس کی سعادت سینئر کارکن حاجی یاسین صاحب نے حاصل کی۔ ڈویژنل صدر سید عنایت علی شاہ نے اجلاس کے اغراض و مقاصد اور ایجنڈے پر روشنی ڈالی۔

اجلاس میں پاکستان پیپلز پارٹی کو فیصل آباد ڈویژن بھر میں مزید متحرک، منظم اور مضبوط بنانے کے حوالے سے اہم فیصلے کیے گئے۔ تمام ٹکٹ ہولڈرز کو اپنے اپنے حلقہ جات میں سیاسی و عوامی سرگرمیاں بڑھانے اور کارکنان سے بھرپور رابطہ رکھنے کی ہدایات دی گئیں۔

اجلاس میں فیصلہ کیا گیا کہ ستمبر میں فیصل آباد میں ایک بڑا ورکرز کنونشن منعقد کیا جائے گا جس میں پنجاب پیپلز پارٹی کی مرکزی قیادت شرکت کرے گی۔ کنونشن کی حتمی تاریخ قیادت سے مشاورت کے بعد ڈویژنل صدر کی جانب سے جلد اعلان کی جائے گی۔

ڈویژن بھر کے عہدیداران اور ٹکٹ ہولڈرز نے ورکرز کنونشن کو کامیاب بنانے اور بھرپور شرکت یقینی بنانے کے عزم کا اظہار کیا۔

ڈویژنل صدر سید عنایت علی شاہ نے فیصل آباد ڈویژن کے ہر جیالے کارکن کو سلام پیش کرتے ہوئے کہا کہ اگر کوئی کارکن کسی بھی وجہ سے نالاں یا ہم سے دور ہے تو ہم اسے تنہا نہیں چھوڑیں گے، بلکہ گھر گھر جا کر اس سے رابطہ کریں گے اور اسے دوبارہ پارٹی کے کارواں میں شامل کریں گے۔

کارکن ہمارا سرمایہ ہیں، اور ہر جیالا ہمارا اپنا ہے۔

Pakistan Peoples Party - PPP Bilawal Bhutto Zardari Aseefa Bhutto Zardari

26/08/2026

عید میلادالنبی صلی اللہ علیہ وآلہ وسلم؛رحمت ، محبت، اخوت اور انسانیت کا عالمگیر پیغام ہے

26/08/2026

22/08/2026

ایک فرق جو وقت کے ساتھ واضح ہوتا جا رہا ہے۔
نواز شریف نے پاکستان کو اپنے تجربے سے دیکھا، عمران خان نے اپنی مقبولیت سے، شہباز شریف نے اپنی انتظامی صلاحیت سے مگر بلاول بھٹو زرداری پاکستان کو ایک نئی نسل، نئی سوچ اور نئی سیاسی سمت کے ساتھ دیکھ رہے ہیں۔وہ صرف ماضی کی سیاست کا تسلسل نہیں، مستقبل کی سیاست کا امکان ہیں۔
پاکستان کو اب تقسیم نہیں، مکالمہ؛ انتقام نہیں، جمہوریت؛ اور نعروں سے زیادہ vision، competence اور continuity کی ضرورت ہے۔

Bilawal Bhutto Zardari A leader for the next generation. 🇵🇰❤️
Pakistan Peoples Party - PPP
Aseefa Bhutto Zardari

19/08/2026

عوامی مسائل کا حل عوام کے قریب ہونا چاہیے
ایک عام شہری کے لیے حکومت کا مطلب اکثر قومی سیاست نہیں بلکہ اس کی گلی، سڑک، پانی، صفائی، سیوریج، ٹریفک اور پارک ہوتا ہے۔
اسی لیے مؤثر مقامی حکومت کسی بھی ترقی یافتہ معاشرے کے لیے انتہائی اہم ہے۔
جب مقامی اداروں کے پاس واضح اختیارات، مناسب وسائل اور جوابدہی کا نظام ہو تو شہری مسائل کو زیادہ تیزی اور مؤثر انداز میں حل کیا جا سکتا ہے۔
فیصل آباد جیسے بڑے صنعتی شہر کو بھی ایسی شہری منصوبہ بندی کی ضرورت ہے جو اس کی بڑھتی ہوئی آبادی، صنعت اور کاروباری سرگرمیوں کے ساتھ چل سکے۔
آپ کے علاقے میں ایسا کون سا مسئلہ ہے جس کا حل سب سے زیادہ ضروری ہے؟

16/08/2026

معیشت کے اعداد و شمار اپنی جگہ اہم ہیں، لیکن ایک عام گھرانے کے لیے سب سے اہم سوال یہ ہے کہ مہینے کے آخر میں اس کی آمدنی سے کتنی ضروریات پوری ہو رہی ہیں۔
راشن، بجلی، تعلیم، علاج، سفر اور رہائش کے اخراجات جب آمدنی پر مسلسل دباؤ ڈالیں تو معاشی پالیسی کا اصل مقصد متاثر ہوتا ہے۔
مہنگائی کا پائیدار حل صرف قیمتوں کو عارضی طور پر کنٹرول کرنا نہیں۔ ہمیں پیداوار بڑھانے، صنعت کو مضبوط کرنے، روزگار پیدا کرنے، برآمدات بڑھانے اور کاروباری لاگت کم کرنے پر توجہ دینا ہوگی۔
معیشت کی اصل کامیابی تب ہے جب عام آدمی کی زندگی بہتر ہو۔
آپ کے خیال میں آج پاکستانی گھرانے پر سب سے بڑا معاشی بوجھ کیا ہے؟

12/08/2026

پاکستان کی معاشی ترقی صرف نئے ٹیکس لگانے سے ممکن نہیں بلکہ ایک ایسے منصفانہ نظام سے ممکن ہے جہاں ہر اہل شخص قانون کے مطابق اپنا حصہ ادا کرے اور عوام کو یقین ہو کہ ان کے ٹیکس کا پیسہ شفاف انداز میں قومی ترقی پر خرچ ہو رہا ہے۔
بطور معشیت کے طلب علم، میرا ماننا ہے کہ معیشت اس وقت مضبوط ہوتی ہے جب کاروبار ترقی کرے، ٹیکس نیٹ وسیع ہو، برآمدات بڑھیں اور پالیسیوں میں تسلسل ہو۔
آپ کے خیال میں پاکستان کی معیشت کو مضبوط کرنے کے لیے سب سے اہم اصلاح کیا ہے؟ اپنی رائے کمنٹس میں ضرور دیں۔

08/08/2026

آج دنیا کی مضبوط معیشتیں صرف قدرتی وسائل پر نہیں بلکہ علم، تحقیق، جدت اور ٹیکنالوجی پر کھڑی ہیں۔
پاکستان کے نوجوان باصلاحیت ہیں۔ اگر انہیں معیاری تعلیم، جدید ٹیکنالوجی، تحقیق اور کاروباری مواقع فراہم کیے جائیں تو وہ نہ صرف اپنی زندگی بدل سکتے ہیں بلکہ پاکستان کو بھی ترقی کی نئی منزلوں تک لے جا سکتے ہیں۔
ہمیں ایسا ماحول بنانا ہوگا جہاں تعلیم، صنعت، ٹیکنالوجی اور کاروبار ایک دوسرے کے ساتھ مل کر قومی ترقی کا راستہ ہموار کریں۔
آپ کے خیال میں پاکستان کو اگلے 10 سالوں میں سب سے زیادہ کس شعبے پر توجہ دینی چاہیے؟ اپنی رائے ضرور دیں۔