04/09/2026
پلاک دے زیرِ اہتمام محفلِ نعت رسول مقبولﷺ دا پربندھ
پنجاب ادارہ برائے زبان، فن تے ثقافت (پلاک) دے زیرِ اہتمام محفلِ نعت رسول مقبولﷺ منعقد ہوئی، جیہدے وچ ممتاز نعت خواں حضرات حافظ مرغوب احمد ہمدانی، الحاج اختر حسین قریشی، قاری افضال انجم، حافظ نور سلطان، حافظ عدنان ہجویری، حافظ محمد عثمان، ندیم اقبال باہو تے محمد اسلم باہو نے بارگاہِ رسالت مآب ﷺ وچ عقیدت دے پھل نچھاور کیتے۔
ڈی جی پلاک محمد اسلم شاہد نے آکھیا کہ ایہہ محفل نعت حضور نبی کریم ﷺ نال محبت تے عقیدت دے اظہار دا ذریعہ اے۔ پلاک پنجابی زبان، ادب، فن تے ثقافت دے فروغ دے نال دین تے دنیا دے معاملات نوں باہم جوڑن لئی اپنا کردار ادا کردا رہوے گا۔
محفل دے اختتام اُتے ملک و قوم دی سلامتی، امن، ترقی تے خوشحالی لئی خصوصی دعا کیتی گئی۔
