Assistant Commissioner Duki

15/06/2026

ڈپٹی کمشنر کی ہدایت پر دکی بازار کا تفصیلی معائنہ، متعدد دکانوں کو وارننگ جاری

15 جون 2026

ڈپٹی کمشنر دکی محمد نعیم خان کی ہدایت پر تحصیلدار دکی سردار عبدالرازق دمڑ نے فوڈ آفیسر بخت محمد کے ہمراہ دکی بازار کا تفصیلی دورہ کیا۔ اس دوران اشیاء خوردونوش کی قیمتوں، معیار، ایکسپائری ڈیٹس، صفائی ستھرائی کی صورتحال، ہوٹلوں اور باربر شاپس کا باریک بینی سے معائنہ کیا گیا۔ مختلف دکانوں، ہوٹلوں اور باربر شاپس میں نرخناموں کی موجودگی، سرکاری قیمتوں پر عملدرآمد اور حفظانِ صحت کے اصولوں کی پابندی کا جائزہ لیا گیا۔ معائنے کے دوران بعض مقامات پر صفائی کی ناقص صورتحال اور معمولی بے ضابطگیوں پر اظہارِ برہمی کرتے ہوئے متعلقہ افراد کو فوری بہتری کی ہدایات جاری کی گئیں جبکہ متعدد دکانداروں اور کاروباری مراکز کو وارننگ بھی دی گئی۔ انتظامیہ نے واضح کیا کہ عوام کو معیاری اشیاء اور خدمات کی فراہمی، سرکاری نرخناموں پر عملدرآمد اور صفائی کے معیار کو ہر صورت یقینی بنایا جائے گا، جبکہ خلاف ورزی کرنے والوں کے خلاف قانونی کارروائی عمل میں لائی جائے گی۔

11/06/2026

غیر رجسٹرڈ کلینکس کے خلاف کارروائی، متعدد طبی مراکز سیل

10 جون 2026

ڈپٹی کمشنر دکی محمد نعیم خان کی ہدایت پر اسسٹنٹ کمشنر دکی محمد اکرم حریفال نے ڈسٹرکٹ ہیلتھ آفیسر ڈاکٹر بہادر خان لونی اور UT نائب تحصیلدار اکرام اللہ ترین کے ہمراہ ضلع بھر میں مختلف نجی کلینکس اور طبی مراکز کا اچانک معائنہ کیا۔ دورے کا مقصد عوام کو معیاری طبی سہولیات کی فراہمی کو یقینی بنانا اور غیر قانونی طور پر چلنے والے کلینکس کے خلاف کارروائی کرنا تھا۔معائنے کے دوران کلینکس کی رجسٹریشن، لائسنس اور دیگر ضروری دستاویزات کا تفصیلی جائزہ لیا گیا۔ متعدد کلینکس مطلوبہ قانونی سرٹیفکیٹس اور محکمہ صحت کی منظوری کے بغیر کام کرتے پائے گئے، جنہیں موقع پر سیل کر دیا گیا، جبکہ بعض مراکز کے ذمہ داران کو ضروری دستاویزات مکمل کرنے کے لیے ہدایات جاری کی گئیں۔اس موقع پر اسسٹنٹ کمشنر دکی محمد اکرم حریفال نے کہا کہ عوام کی صحت کے ساتھ کسی قسم کی غفلت یا لاپروائی برداشت نہیں کی جائے گی اور غیر قانونی طور پر طبی خدمات فراہم کرنے والوں کے خلاف بلاامتیاز کارروائی جاری رہے گی۔ انہوں نے تمام نجی کلینکس اور طبی مراکز کے مالکان کو ہدایت کی کہ وہ سرکاری قوانین اور ضوابط کے مطابق اپنی رجسٹریشن اور لائسنس مکمل کریں۔

04/06/2026

04/06/2026

اسسٹنٹ کمشنر محمد اکرم خان حریفال کا ہنگامی دورہ، گراں فروشوں اور تجاوزات کے خلاف کارروائی

ڈپٹی کمشنر دکی محمد نعیم خان کی ہدایت پر اسسٹنٹ کمشنر دکی محمد اکرم خان حریفال نے شہر بھر کے بازاروں، شاہراہوں اور تجارتی مراکز کا تفصیلی معائنہ کیا۔ دورے کے دوران اشیائے خوردونوش کے نرخ چیک کیے گئے، سرکاری نرخ ناموں کی خلاف ورزی اور گراں فروشی پر متعدد دکانداروں کو وارننگ اور جرمانے عائد کیے گئے۔ تجاوزات کے خاتمے کے لیے سڑکوں اور بازاروں سے ریڑھیاں اور اضافی سامان ہٹایا گیا جبکہ صفائی کے ناقص انتظامات پر چار دکانوں کو سیل کر دیا گیا۔ اس موقع پر اسسٹنٹ کمشنر نے کہا کہ عوام کو بہتر سہولیات کی فراہمی، گراں فروشی کی روک تھام، صفائی ستھرائی اور قانون پر عملدرآمد کو ہر صورت یقینی بنایا جائے گا، جبکہ خلاف ورزی کرنے والوں کے خلاف بلاامتیاز کارروائیاں جاری رہیں گی۔

25/05/2026

اسسٹنٹ کمشنر دکی کا مختلف پٹرول پمپس کا دورہ، قیمتوں کا جائزہ

25 مئی 2026

ڈپٹی کمشنر دکی محمد نعیم خان کی ہدایت پر اسسٹنٹ کمشنر دکی محمد اکرم حریفال نے ضلع دکی کے مختلف پٹرول پمپس کا دورہ کیا۔

دورے کے دوران اسسٹنٹ کمشنر نے پٹرولیم مصنوعات کی قیمتوں، پیمانوں اور سرکاری نرخناموں کا تفصیلی جائزہ لیا۔ انہوں نے پٹرول پمپس مالکان کو ہدایت کی کہ حکومت کی جانب سے مقرر کردہ نرخوں پر عملدرآمد یقینی بنایا جائے اور شہریوں کو مکمل مقدار میں پٹرول و ڈیزل فراہم کیا جائے۔

اسسٹنٹ کمشنر نے کہا کہ مصنوعی مہنگائی، کم پیمائی اور زائد نرخ وصول کرنے والوں کے خلاف سخت قانونی کارروائی عمل میں لائی جائے گی۔ کارروائی کے دوران زائد قیمت وصول کرنے والے متعدد پٹرول پمپس کو سیل بھی کر دیا گیا۔

انہوں نے متعلقہ عملے کو ہدایت کی کہ عوامی شکایات کے فوری ازالے اور ناجائز منافع خوری کے خاتمے کے لیے نگرانی کا عمل مزید مؤثر بنایا جائے تاکہ شہریوں کو ریلیف فراہم کیا جا سکے۔

25/05/2026

ڈپٹی کمشنر دکی جناب محمد نعیم خان کی ہدایت پر اسسٹنٹ کمشنر دکی محمد اکرم حریفال نے ڈسٹرکٹ ہیڈکوارٹر ہسپتال دکی کا تفصیلی دورہ کیا۔

دورے کے دوران اسسٹنٹ کمشنر نے ہسپتال کے مختلف شعبہ جات، ایمرجنسی وارڈ، او پی ڈی، میڈیکل اسٹور، لیبارٹری اور مریضوں کیلئے فراہم کی جانے والی سہولیات کا جائزہ لیا۔ انہوں نے ڈاکٹرز، پیرامیڈیکل اسٹاف اور دیگر عملے کی حاضری بھی چیک کی اور ہسپتال میں صفائی ستھرائی، ادویات کی دستیابی اور مریضوں کے علاج معالجہ کے معیار کا معائنہ کیا۔
اسسٹنٹ کمشنر نے ہسپتال میں موجود مریضوں اور ان کے لواحقین سے ملاقات کی اور انہیں فراہم کی جانے والی طبی سہولیات سے متعلق معلومات حاصل کیں۔ انہوں نے متعلقہ عملے کو ہدایت جاری کی کہ مریضوں کو بروقت اور بہتر طبی سہولیات کی فراہمی یقینی بنائی جائے اور ڈیوٹی میں کسی قسم کی غفلت یا لاپرواہی ہرگز برداشت نہیں کی جائے گی۔
انہوں نے مزید کہا کہ عوام کو معیاری طبی سہولیات کی فراہمی ضلعی انتظامیہ کی اولین ترجیحات میں شامل ہے اور اس سلسلے میں ہسپتالوں کی کارکردگی کی مسلسل نگرانی جاری رکھی جائے گی۔

ضلعی انتظامیہ دکی عوام کو بہتر طبی سہولیات کی فراہمی اور سرکاری اداروں کی کارکردگی کو مؤثر بنانے کیلئے عملی اقدامات کر رہی ہے۔

22/05/2026

*ڈپٹی کمشنر دکی جناب محمد نعیم خان کی ہدایت پر اسسٹنٹ کمشنر دکی محمد اکرم حریفال کی نگرانی میں پتھر ٹاپ کوئلہ کان ریسکیو آپریشن جاری، ایک کانکن کو زندہ نکال لیا گیا

*22 مئی 2026*

دکی: پتھر ٹاپ ایریا میں واقع کوئلہ کان میں پھنسے 6 کانکنوں کو بحفاظت نکالنے کے لیے ریسکیو آپریشن مسلسل جاری ہے۔ اسسٹنٹ کمشنر دکی محمد اکرم حریفال موقع پر موجود رہ کر ریسکیو سرگرمیوں کی خود نگرانی کر رہے ہیں جبکہ تمام متعلقہ ادارے امدادی کارروائیوں میں مصروف ہیں۔

ریسکیو ٹیموں نے کامیاب کارروائی کرتے ہوئے پھنسے ہوئے کانکنوں میں سے ایک کانکن کو زندہ نکال لیا، جسے فوری طور پر طبی امداد کے لیے ہسپتال منتقل کر دیا گیا۔

اسسٹنٹ کمشنر دکی محمد اکرم حریفال نے کہا کہ ضلعی انتظامیہ کانکنوں کی بحفاظت بازیابی کے لیے تمام دستیاب وسائل بروئے کار لا رہی ہے اور ریسکیو آپریشن کو مزید تیز کر دیا گیا ہے۔ انہوں نے امید ظاہر کی کہ انشاء اللہ باقی کانکنوں کو بھی جلد محفوظ طریقے سے نکال لیا جائے گا۔

انہوں نے ریسکیو ٹیموں، پولیس، محکمہ معدنیات اور مقامی افراد کی کوششوں کو سراہتے ہوئے کہا کہ مشکل صورتحال کے باوجود تمام ادارے مکمل تعاون کے ساتھ امدادی سرگرمیوں میں حصہ لے رہے ہیں۔

20/05/2026

ڈپٹی کمشنر دکی جناب محمد نعیم خان کی ہدایت پر اسسٹنٹ کمشنر دکی محمد اکرم حریفال نے آج مورخہ 20 مئی 2026 کو گورنمنٹ بوائز ہائی اسکول دکی بازار، گورنمنٹ پرائمری اسکول ہزارہ محلہ اور گورنمنٹ پرائمری اسکول کلی حاجی صاحب خان ناصر کا تفصیلی دورہ کیا۔
دورے کے دوران اسسٹنٹ کمشنر نے اسکولوں میں اساتذہ کی حاضری، طلباء کی موجودگی، تدریسی عمل، صفائی ستھرائی، بنیادی سہولیات اور مجموعی تعلیمی ماحول کا جائزہ لیا۔ انہوں نے مختلف کلاس رومز کا معائنہ کیا اور طلباء سے تعلیمی سرگرمیوں کے حوالے سے گفتگو بھی کی۔
اسسٹنٹ کمشنر نے متعلقہ ہیڈ ماسٹرز اور اساتذہ کو ہدایت جاری کی کہ تعلیمی معیار کو مزید بہتر بنایا جائے، طلباء کی حاضری کو یقینی بنایا جائے اور اسکولوں میں صفائی و نظم و ضبط پر خصوصی توجہ دی جائے۔ انہوں نے اس بات پر زور دیا کہ حکومت بلوچستان تعلیم کے فروغ کیلئے سنجیدہ اقدامات اٹھا رہی ہے اور اساتذہ اپنی ذمہ داریاں ایمانداری اور احساسِ ذمہ داری کے ساتھ سرانجام دیں۔
مزید برآں انہوں نے اسکولوں میں درپیش مسائل، بنیادی سہولیات کی کمی اور دیگر ضروریات سے متعلق معلومات حاصل کیں اور یقین دہانی کرائی کہ مسائل کے حل کیلئے متعلقہ حکام کے ساتھ رابطہ کیا جائے گا۔
ضلعی انتظامیہ دکی تعلیمی اداروں کی بہتری، طلباء کو معیاری تعلیم کی فراہمی اور تعلیمی نظام کی مؤثر نگرانی کیلئے اپنے اقدامات جاری رکھے ہوئے ہے۔

06/05/2026

Meeting