31/05/2026
*کارروائی: ضلع کونسل کی زمین پر قبضے کی کوشش ناکام*
*ڈیرہ غازی خان:* ضلع کونسل ڈیرہ غازی خان کی حدود کالا کالونی، تحصیل ڈیرہ غازی خان میں عید کی چھٹیوں کے دوران سرکاری زمین پر غیر قانونی طور پر تعمیر کی گئی چار دکانوں کے خلاف بڑا آپریشن کیا گیا۔
ڈپٹی کمشنر ڈیرہ غازی خان جناب عثمان خالد صاحب نے واقعے کا سخت نوٹس لیتے ہوئے فوری کارروائی کی ہدایت کی۔ چیف آفیسر ضلع کونسل جناب جواد الحسن گوندل کی سربراہی میں ضلع کونسل ٹیم نے پولیس اور پیرا ملٹری فورس کی مدد سے موقع پر پہنچ کر کارروائی کی۔
آپریشن میں سپروائزر افتخار احمد اور بلڈنگ انسپکٹر جی ایم سلطان ضلع کونسل سٹاف کے ہمراہ موجود رہے۔ "ستھرا پنجاب" کی ہیوی مشینری کے ذریعے تمام غیر قانونی دکانیں مسمار کر کے ضلع کونسل کی ملکیتی زمین واگزار کروا لی گئی۔ اس موقع پر ایس ایچ او تھانہ سٹی احسان چانڈیا پولیس نفری کے ساتھ موجود رہے۔
ضلع کونسل انتظامیہ کی جانب سے قبضہ مافیا کے خلاف قانونی کارروائی کرتے ہوئے تھانے میں پرچے کے اندراج کے لیے درخواست جمع کروا دی گئی ہے۔
چیف آفیسر جواد الحسن گوندل نے کہا کہ سرکاری زمینوں پر قبضے کی کوئی بھی کوشش برداشت نہیں کی جائے گی۔ عید کی چھٹیوں کا ناجائز فائدہ اٹھانے والے عناصر کے خلاف زیرو ٹالرنس پالیسی پر عمل کیا جائے گا۔
Commissioner DGKhan
Deputy Commissioner Dera Ghazi Khan
Jawad Ul Hassan
Team MNS
Chief Minister Punjab's Updates
Local Government & Community Development Department, Punjab
Government of Punjab
