29/03/2026
اڄ پورھيت مزاحمت تحريڪ ڪي اين شاھ طرفان ايران–اسرائيل جنگ (مذھبي ۽ لبرل بيانيو جو ڇيد) تي اسٽڊي سرڪل ڪيو ويو، جنھن ھيٺيون ڳالھيون ڪيون ويون،
اسرائيلي–آمريڪي جارحيت ايراني خودمختيار قوم تي حملو آھي،
لبرل نقطهٔ نظر ته ھي اسرائيلي ۽ آمريڪي حملو ايران قوم کي آزادي بخشيندو ۽ جمهوريت قائم ٿيندي، اھو غير حقيقي آھي، آمريڪا جي مداخلت ليبيا، شام ۽ عراق ۾ ڏيکاري ٿي ته جتي به اھا مداخلت ٿي، اتي ان قوم جي قومي خودمختياري ۽ تھذيبي سڃاڻپ کي نقصان پھتو آھي،
ٻئي پاسي ايران جو رياستي نظام ٿيوڪريسي (آيتوڪريسي) آھي، جيڪو مذھبي نقطهٔ نظر ولايت فقيه تي مشتمل آھي، اھو رياست ۽ مذھب کي گڏ کڻڻ جي ڳالھ ڪري ٿو بلڪه عملي طور ھڪ سخت گير مذھبي شخصيت جي حڪمراني کي مضبوط بڻائي ٿو، جيڪو جديد دور سان مڪمل مطابقت نٿو رکي ۽ اتان جي عوام جا بنيادي انساني حق به غصب ڪري ٿي پوري متبادل سياسي نظام کي پڻ سختي سان ڪچلي ٿي ۽ ان جي اوسر کي به روڪي ٿي ڇڏي ان سان گڏ پوري خطي کي مذهبي فرقيواريت جي ور چاڙهي ٿي ڇڏي.
اسان کي ايران تي موقف رکڻ وقت مذھبي رجيم ۽ اتان جي عوام کي الڳ ڪري ڏسڻ جي ضرورت آهي .
ھي دنيا ھاڻ ھڪٻئي سان گھڻي ڳنڍيل آھي ھڪ علاقائي جنگ عالمي معيشت کي غير مستحڪم ڪري ٿي جنھن سان ماڻھو بيروزگار بڻجڻ ۽ مهنگائي جو ٿيڻ لازمي جز بڻجي وڃي ٿو جنھن سان نقصان عام عوام جو ٿيندو،
ايران جي قسمت جو فيصلو ايراني عوام جو حق آھي نه ڪي ڪنھن ٻاھرين ڌر جو،
ھي جنگ اسان سان سڌو تعلق ھڪ معني ۾ ايئن رکي ٿي ته ھي اسان جو خطو توانائي جي وسيلا نار ملڪن کان وٺي ٿو ۽ ھن ملڪ جا ستر لک کان وڌيڪ ماڻھو نار واري عرب ملڪن ۾ رھن ٿا، جيڪڏھن جنگ وڌي ۽ عرب ملڪن تائين پکڙجي ته اسان جو خطو تمام گھڻو متاثر ٿيندو،
اسان ترقي پسند ڌرين جون نيڪ تمنائون ايراني عوام سان گڏ آھن.
