ANP Awaz

04/07/2026

مالاکنڈ ڈویژن میں ٹیکس کا نفاذ، عوامی نیشنل پارٹی خیبر پختونخوا نے اہم اجلاس طلب کرلیا

اے این پی کے صوبائی صدر میاں افتخار حسین کی ہدایت پر جنرل سیکرٹری حسین شاہ یوسفزئی نے مالاکنڈ ڈویژن کے تمام ضلعی صدور و سیکرٹریز کا اجلاس طلب کرلیا ہے۔ اجلاس 6 جولائی (بروز پیر) کو صبح 11 بجے باچا خان مرکز پشاور میں منعقد ہوگا۔ اجلاس میں صوبائی کابینہ کے تمام اراکین بھی شریک ہوں گے۔ اجلاس میں مالاکنڈ ڈویژن میں وفاقی حکومت کی جانب سے ٹیکس نفاذ کے فیصلے کے خلاف احتجاجی تحریک شروع کرنے بارے تفصیلی تبادلہ خیال کیا جائے گا اور لائحہ عمل طے کیا جائے گا۔ تمام اراکین اجلاس میں اپنی بروقت شرکت یقینی بنائے۔

|

04/07/2026

04/07/2026

29/06/2026

عوامی نیشنل پارٹی خیبر پختونخوا کے صدر میاں افتخار حسین نے صوبائی حکومت کی جانب سے پیش کردہ مالی سال 2026-27کے بجٹ کو الفاظ کا ہیر پھیر، اعداد و شمار کا جادو اور صوبے کو تباہی کی طرف دھکیلنے کی ایک منظم سازش قرار دیتے ہوئے کہا ہے کہ پاکستان تحریک انصاف کا یہ تیرہواں بجٹ ہے، لیکن افسوس کہ تیرہ سال اقتدار میں رہنے کے باوجود آج بھی عوام کو حقیقت بتانے کے بجائے گمراہ کیا جا رہا ہے۔ انہوں نے کہا کہ حکومت ایک طرف 48 ارب روپے کے خسارے کا دعویٰ کرتی ہے جبکہ دوسری جانب غیر موجود ضلعی حکومتوں کے نام پر 52 ارب 80 کروڑ روپے خرچ دکھائے جا رہے ہیں۔ یہ بجٹ نہیں بلکہ اعداد و شمار کا ایسا گورکھ دھندہ ہے جس کے ذریعے خیبر پختونخوا کے عوام کی آنکھوں میں دھول جھونکی جا رہی ہے۔ میاں افتخار حسین نے کہا کہ پہلی مرتبہ 1201 نئے ترقیاتی منصوبے شامل کیے گئے ہیں، جن میں سے سینکڑوں منصوبوں کیلئے چند ہزار روپے اور بعض کیلئے ایک روپیہ تک مختص نہیں کیا گیا۔ یہ ترقیاتی منصوبے نہیں بلکہ ناراض اراکین اسمبلی کو خوش کرنے اور سیاسی وفاداریاں خریدنے کی منصوبہ بندی ہے۔ حکومت نے ترقی کے نام پر پورے صوبے کا مستقبل داؤ پر لگا دیا ہے۔ انہوں نے کہا کہ 45 لاکھ بچے آج بھی سکولوں سے باہر ہیں لیکن ان کیلئے صرف 5 ارب روپے رکھے گئے ہیں، جبکہ تعلیم کے پورے ترقیاتی شعبے سے تقریباً تین گنا زیادہ رقم سڑکوں کیلئے مختص کی گئی ہے۔ یہ اس حکومت کی ترجیحات کا واضح ثبوت ہے کہ اسے انسانی ترقی، تعلیم، نوجوانوں کے مستقبل اور صحت سے کوئی دلچسپی نہیں۔ اے این پی کے صوبائی صدر نے کہا کہ بی آر ٹی آج بھی اربوں روپے کی سبسڈی پر چل رہی ہے، عمران خان کے کزن نوشیروان برکی کے ایم ٹی آئی ہسپتالوں کے اخراجات میں مسلسل اضافہ ہو رہا ہے جبکہ صحت کی بنیادی منصوبوں کو بجٹ نہیں دیا جارہا۔ دوسری طرف ہزاروں ترقیاتی منصوبے ایسے شامل کیے گئے ہیں جن کی تکمیل میں 10، 20 اور بعض صورتوں میں 30 سال تک لگ سکتے ہیں۔ یہ بجٹ ترقی کا نہیں بلکہ آئندہ نسلوں پر قرضوں، نامکمل منصوبوں اور مالی بحران کا بوجھ منتقل کرنے کا منصوبہ ہے۔ انہوں نے کہا کہ سب سے شرمناک حقیقت یہ ہے کہ تیرہ سال حکمرانی کے باوجود صوبے کی اپنی آمدن نہ ہونے کے برابر ہے اور حکومت آج بھی وفاق کے سامنے ہاتھ پھیلانے پر مجبور ہے،موجودہ بجٹ کا 92 فیصد حصہ وفاق کے مرہون منت ہے۔ جس جماعت نے خودمختاری، تبدیلی اور معاشی انقلاب کے دعوے کیے تھے، اس کے دور میں خیبر پختونخوا مالی طور پر پہلے سے زیادہ کمزور اور وفاق پر زیادہ انحصار کرنے والا صوبہ بن چکا ہے۔ میاں افتخار حسین نے کہا کہ یہ بجٹ عوامی فلاح، معاشی ترقی اور ادارہ جاتی اصلاحات کا بجٹ نہیں بلکہ سیاسی مصلحتوں، اعداد و شمار کے ہیر پھیر اور ناکامیوں کو چھپانے کی ایک ناکام کوشش ہے۔ عوامی نیشنل پارٹی اس بجٹ کو مکمل طور پر مسترد کرتی ہے اور سمجھتی ہے کہ موجودہ صوبائی حکومت جان بوجھ کر خیبر پختونخوا کو معاشی، تعلیمی اور انتظامی تباہی کی طرف دھکیل رہی ہے۔ انہوں نے مطالبہ کیا کہ حکومت عوام کو گمراہ کرنے کے بجائے حقائق سامنے لائے، ذاتی مفادات کیلئے غیر ضروری سیاسی منصوبہ بندی بند کرے اور صوبے کے وسائل کو حقیقی ترقی، تعلیم، صحت اور روزگار پر خرچ کرے۔ تاریخ اس بجٹ کو خیبر پختونخوا کے مستقبل کے خلاف ایک سنگین سازش کے طور پر یاد رکھے گی۔

29/06/2026

🚨 ملگری ڈاکٹران خیبر پختونخوا نے میڈیکل آفیسرز کی بھرتیوں میں مبینہ بے ضابطگیوں، اقربا پروری اور کرپشن کے خلاف پریس کانفرنس کرتے ہوئے دعویٰ کیا ہے کہ ان کے پاس آڈیو، اسکرین ریکارڈنگز اور دیگر ناقابلِ تردید شواہد موجود ہیں۔
ہم مطالبہ کرتے ہیں کہ متنازع فکسڈ پے بھرتیوں کو فوری منسوخ کرکے میرٹ پر شفاف بھرتیاں کی جائیں۔

13/06/2026

اے این پی نے وفاقی بجٹ کو عوام دشمن، غیر متوازن اور زمینی حقائق سے لاتعلق قرار دے دیا - مرکزی صدر سینیٹر ایمل ولی خان کا ردعمل
🟥وفاقی بجٹ مراعات یافتہ طبقے کے مفادات کے تحفظ کی ایک دستاویز ہے، ایمل ولی خان
🟥اگر فارم 45 اور فارم 47 والے عوام کے حقیقی نمائندے ہوتے تو بجٹ عوامی مفاد میں ہوتا
🟥بند کمروں میں لانے والوں کے سامنے یہ سب لوگ ایک ہوتے ہیں
🟥عوام کے مینڈیٹ پر اسی دن کیلئے ہی ڈاکہ ڈالا جاتا ہے، یہ بجٹ ان کو لانے والوں کیلئے ہے
🟥یہ عوام کا نہیں بلکہ دفاعی اداروں، اشرافیہ اور اقتدار کے ایوانوں میں بیٹھے حکمرانوں کا بجٹ ہے
🟥مہنگائی، بے روزگاری، غربت اور معاشی بدحالی کے شکار عوام کو مکمل طور پر نظرانداز کیا گیا ہے
🟥بجٹ میں دفاعی اخراجات عوامی مفاد کے شعبوں کیلئے مختص رقوم کا موازنہ ترجیحات کو بے نقاب کرتا ہے
🟥لاکھوں بچے سکولوں سے باہر، ہسپتال بنیادی سہولیات سے محروم اور نوجوان بے روزگاری کا شکار ہیں
🟥انسانی ترقی کے شعبوں کو نظرانداز کرنا مستقبل سے کھیلنے کے مترادف ہے
🟥بجٹ میں ترجیح صرف ان 15فیصد لوگوں کو دی گئی ہےجو ہمیشہ سے فائدے اٹھاتے رہے ہیں
🟥عوام کے پیٹ سے 1700 ارب روپے نکال کر انہیں دیے جا رہے ہیں، جیسے عوام کو ترقی کی ضرورت ہی نہیں
🟥ملک کی تقریباً 37 فیصد آبادی خط غربت سے نیچے زندگی گزار رہی ہے
🟥لیکن ریاستی وسائل کا بڑا حصہ انسانی ترقی کے بجائے غیر پیداواری شعبوں پر خرچ کیا جا رہا ہے
🟥بدقسمتی سے ہر سال کی طرح اس بار بھی عوام کو پس پشت ڈال دیا گیا ہے
🟥بجٹ کا مجموعی حجم بڑھانے، محصولات کے اہداف مقرر کرنے اور ترقیاتی منصوبوں صرف دعوے ہیں
🟥عام آدمی کی زندگی میں بہتری لانے کیلئے کوئی واضح اور مؤثر حکمت عملی پیش نہیں کی گئی
🟥حکومت عوام کو صرف معاشی استحکام کے جھوٹے خواب دکھا رہی ہے
🟥بجٹ میں بالواسطہ ٹیکسوں کے ذریعے مہنگائی کا مزید بوجھ عوام پر ڈال دیا گیا ہے
🟥اشیاء ضروریہ پہلے ہی عوام کی پہنچ سے باہر ہوچکی ہیں ، بجٹ ان مشکلات میں مزید اضافہ کرے گا
🟥تنخواہ دار طبقے، مزدوروں، کسانوں، چھوٹے تاجروں اور متوسط طبقے کیلئے بجٹ میں کوئی ریلیف نہیں
🟥خیبر پختونخوا اور بلوچستان کے عوام کو ترقی اور خوشحالی کے نام پر صرف وعدے دیئے گئے ہیں
🟥دہشتگردی سے سب سے زیادہ متاثر خیبر پختونخوا آج بھی اپنے آئینی، مالی اور ترقیاتی حقوق سے محروم ہے
🟥بجٹ میں صوبے کے نقصانات کے ازالے بالخصوص ضم اضلاع میں متاثرہ علاقوں کی بحالی کیلئے کوئی پیکج نہیں
🟥امن و امان کی بہتری اور ترقیاتی منصوبوں کے لیے بھی کوئی غیر معمول رقم مختص نہیں کی گئی ہے
🟥صوبوں کو حاصل مالی خودمختاری اور وسائل کے منصفانہ حق کو یقینی بنائے بغیر ملکی استحکام ممکن نہیں
🟥اگر وفاق اپنی مالی مشکلات کا بوجھ صوبوں پر منتقل کرنے کی کوشش کرے گا تو بے چینی میں مزید اضافہ ہوگا
🟥وفاق کی ذمہ داری ہے کہ وہ محض اعداد و شمار کے کھیل کے بجائے زمینی حقائق کو مدنظر رکھے
🟥وفاق ان علاقوں کی بحالی کو قومی ترجیح بنائے جو دہائیوں سے جنگ اور بدامنی کا بوجھ اٹھا رہے ہیں
🟥ملکی معیشت کرائے کی سانسوں کے سہارے چل رہی ہے، قرضوں کی ادائیگی کیلئے کھربوں روپے مختص کیے ہیں
🟥قرضے لئے جارہے ہیں مگر عوام کو ریلیف نہیں مل رہا ہے
🟥اگر قرضے لینا ہی حل ہے تو مزید قرضے لئے جائیں مگر عوام کو تو ریلیف دیا جائے
🟥عوام کب تک ناقص معاشی پالیسیوں، آئی ایم ایف کی شرائط اور حکمرانوں کی غلط ترجیحات کی قیمت ادا کرتے رہیں گے؟
🟥عوامی نیشنل پارٹی ایک ایسے بجٹ کی حامی ہے جو عوام پر سرمایہ کاری کو ترجیح دے
🟥تعلیم، صحت، روزگار، سماجی تحفظ اور پسماندہ علاقوں کی ترقی کو قومی ترجیحات کرنا ہوگا
🟥وفاقی حکومت کے پیش کردہ موجودہ بجٹ میں ایسی کوئی سوچ نظر نہیں آتی
🟥اے این پی اس بجٹ کو عوام دشمن، غیر متوازن اور زمینی حقائق سے لاتعلق قرار دیتے ہوئے مسترد کرتی ہے
🟥ایسا معاشی وژن ضروری ہے جو چند طبقات کے مفادات کے بجائے کروڑوں عوام کی زندگیوں میں بہتری لائے
🟥جب تک بجٹ سازی کا مرکز عام شہری نہیں بنتا، تب تک معاشی ترقی کے تمام دعوے بے معنی رہیں گے
| |

13/06/2026

16/02/2026

پختونخوا میں سڑکوں اور موٹر ویز کی بندش / عوامی نیشنل پارٹی کے مرکزی صدر سینیٹر ایمل ولی خان کا ردعمل

🟥اس تمام صورتحال میں بھی سب سے زیادہ نقصان پختونخوا کے عوام کو اٹھانا پڑ رہا ہے، ایمل ولی خان
🟥یہ کیا گندگی مچائی ہوئی ہے؟موجودہ حالات نے پختونخوا کے عوام کی زندگی اجیرن بنا دی ہے
🟥آخر اس ساری کشمکش میں صوبے کے عوام کا کیا قصور ہے؟کیا بانی پی ٹی آئی کو ہم نے قید کیا ہے؟
🟥وفاقی اور صوبائی حکومت آپس کی سیاسی مفاہمت اور "فرینڈلی میچ" کو بند کردیں
🟥اگر بانی کو رہا کرنا ہے تو بھی کرلیں اگر بند رکھنا ہے تو بند رکھیں، پختونخوا کے عوام کی زندگیوں کو آسان بنائیں

|