26/09/2026
ضلعی پولیس ٹانک
آر پی او ڈیرہ اور ڈی پی او ٹانک کی خصوصی ہدایات پر ٹانک پولیس کا مشترکہ سرچ اینڈ سٹرائیک آپریشن، مغویہ عائشہ بی بی بازیاب، اغواء میں ملوث 4 ملزمان گرفتار
ٹوٹل 04 مسروقہ موٹرسائیکلیں اور 02 عدد سمارٹ فونز برآمد، قتل اور منشیات مقدمات میں مطلوب اشتہاری بھی گرفتار
ٹانک پولیس؛ تفصیلات کیمطابق `آر پی او ڈیرہ اسماعیل خان غلام مبشر میکن` اور `ڈی پی او ٹانک عبدالصمد خان` کی خصوصی ہدایات پر جرائم سے پاک معاشرے کے قیام اور امن و امان کے مؤثر قیام کے سلسلے میں ایس پی انویسٹیگیشن ٹانک خالد محمود، ڈی ایس پی سٹی سرکل شریف اللہ خان کنڈی، ڈی ایس پی رورل سرکل مشتاق خان، ایس ایچ او تھانہ گل امام مہتاب خان، ایس ایچ او تھانہ ملازئی ہدایات اللہ اور ایس ایچ او تھانہ شہید مرید اکبر طاؤس خان معہ دیگر پولیس نفری نے مشترکہ سرچ اینڈ سٹرائیک آپریشن کیا۔
دورانِ آپریشن مغویہ عائشہ بی بی کے اغوائیگی میں ملوث نامزد ملزمان اسلم ولد صاحب جان، عمر فاروق، محمد اجمل پسران اسلم خان اور انعام ولد خان زمان اقوام گنڈہ پور ساکنان روڈی خیل ٹانک کو گرفتار کرکے مغویہ عائشہ بی بی کو بحفاظت بازیاب کرالیا گیا۔
اسی طرح قتل، اقدام قتل اور ڈکیتی سمیت دیگر سنگین جرائم میں مقامی پولیس کو مطلوب مجرم اشتہاری ثاقب ولد علی مرجان قوم کنڈی سکنہ پائی کے گھر پر حسبِ ضابطہ چھاپہ زنی کی گئی، تاہم مذکورہ مجرم اشتہاری گھر پر موجود نہ تھا۔ البتہ اس کے گھر سے 02 عدد مسروقہ موٹرسائیکلیں اور دو عدد سمارٹ فونز برآمد کرلی گئی جو مختلف مقامات پر اسلحے کے زور پر لوگوں سے چھینی گئی تھیں۔
اسی طرح ایک اور کاروائی کے دوران سرقہ شدہ موٹرسائیکل 125 ماڈل ملزم خالد ولد عمردراز سکنہ گرہ محبت کے گھر سے برامد کیا جبکہ ملزم فرقان ولد خان زمان سکنہ شربتی کے گھر سے بھی 01 عدد موٹرسائیکل سی ڈی 70 سرقہ شدہ برامد کرکے قبضہ پولیس کیا۔ دونوں ملزمان کی گرفتاری کی سر توڑ کوششیں جاری ھیں۔
مزید برآں قتل اور منشیات کے مقدمات میں مطلوب مجرم اشتہاری سعادت ولد حق نواز قوم بٹھنی سکنہ شاہ زمانی کو دورانِ آپریشن حسبِ ضابطہ گرفتار کرکے پابندِ سلاسل کردیا گیا۔ جرائم پیشہ عناصر کے خلاف سرچ اینڈ سٹرائیک آپریشنز کا سلسلہ جاری رہے گا۔
