Livestock Department South Punjab

01/06/2026

01/06/2026

بروقت اطلاع... بروقت علاج

اپنے جانوروں میں کسی بھی بیماری کی علامات ظاہر ہوتے ہی محکمہ لائیو سٹاک پنجاب کی ADRS-FARMER موبائل ایپ کے ذریعے فوری اطلاع دیں۔ بروقت رپورٹنگ سے نہ صرف بیماریوں کی جلد تشخیص اور مؤثر علاج ممکن ہوتا ہے بلکہ دیگر جانوروں کو بھی بیماری کے پھیلاؤ سے محفوظ رکھا جا سکتا ہے۔

صحت مند جانور، خوشحال کسان، مضبوط معیشت
ہیلپ لائن: 080009211)

01/06/2026

وزیراعلی پنجاب لائیو سٹاک کارڈ ہولڈرز متوجہ ہو ں۔۔۔۔

لائیو سٹاک کارڈ ہولڈر حضرات سے درخواست ہے کہ واجب الادا رقم جلد از جلد بینک آف پنجاب کی کسی قریبی برانچ میں جمع کروا دیں تاکہ مستقبل میں کسی پریشانی کا شکار نہ ہو سکیں ۔

30/05/2026

وزیر اعلی لائیو سٹاک کارڈ ہولڈرز متوجہ ہوں ۔۔۔
لائیو سٹاک کارڈ کی واجب الادا رقم جلد از جلد جمع کروائیں۔۔

29/05/2026

گرمیوں میں جانوروں کی دیکھ بھال کے اصول

29/05/2026

رانی کھیت مرغیوں کی مہلک بیماری۔۔۔۔

29/05/2026

جانوروں میں لو لگنا (Heat Stroke / Heat Stress) گرمی کی شدت، تیز دھوپ، بند یا گرم ماحول اور پانی کی کمی کی وجہ سے ہوتا ہے۔ عیدالاضحیٰ کے دنوں میں مویشی منڈیوں اور ٹرانسپورٹ کے دوران اس کا خطرہ بڑھ جاتا ہے۔

لو لگنے کی علامات

جانور کا تیز سانس لینا یا ہانپنا

جسم کا درجہ حرارت بڑھ جانا

بے چینی یا کمزوری

منہ سے زیادہ رال بہنا

کھانا چھوڑ دینا

کھڑا ہونے میں دشواری

آنکھوں کا سرخ ہونا

شدید حالت میں جانور گر سکتا ہے یا بے ہوش ہو سکتا ہے

فوری احتیاطی تدابیر

جانور کو فوراً سایہ دار اور ہوا دار جگہ منتقل کریں

ٹھنڈا اور صاف پانی پلائیں

جسم خصوصاً سر، گردن اور ٹانگوں پر ٹھنڈا پانی ڈالیں

پنکھے یا ہوا کا انتظام کریں

ہجوم اور زیادہ بندش سے بچائیں

دوپہر کے وقت جانوروں کی نقل و حرکت کم رکھیں

بچاؤ کے اقدامات

منڈیوں اور فارموں میں سایہ اور پانی کی مستقل فراہمی یقینی بنائیں

جانوروں کو متوازن خوراک اور منرل مکسچر دیں

ٹرانسپورٹ کے دوران مناسب وقفے اور پانی کا انتظام رکھیں

بیمار یا کمزور جانوروں پر خصوصی توجہ دیں

شدید علامات کی صورت میں فوری طور پر قریبی ویٹرنری ڈاکٹر یا محکمہ لائیو سٹاک کے عملے سے رابطہ کریں۔

29/05/2026

عیدالاضحیٰ کے موقع پر محکمہ لائیو اسٹاک پنجاب کی جانب سے 24/7 خدمات کی فراہمی جاری
لاہور:
سیکرٹری لائیو اسٹاک پنجاب احمد عزیز تارڑ کی ہدایات پر محکمہ لائیو اسٹاک پنجاب نے عیدالاضحیٰ کے موقع پر صوبہ بھر میں مویشی پال حضرات، بیوپاریوں اور شہریوں کو معیاری ویٹرنری سہولیات کی فراہمی کیلئے ہنگامی بنیادوں پر چوبیس گھنٹے خدمات انجام دیں۔
محکمہ کی جانب سے عیدالاضحیٰ سے قبل جانوروں کی نقل و حرکت کے حوالے سے ایڈوائزری جاری کی گئی جبکہ فوری بیماری رپورٹنگ کیلئے ADRSInfo Farmer App کو فعال رکھا گیا۔ جانوروں کی بیماریوں کی روک تھام کیلئے ادویات، ایکاری سائیڈل ادویات اور سپرے مشینوں کی وافر مقدار بھی دستیاب رکھی گئی۔
صوبائی سطح پر ڈائریکٹوریٹ جنرل ایکسٹینشن لاہور میں 24/7 سینٹرل کنٹرول روم قائم کیا گیا جبکہ ڈویژنل سطح پر بھی کنٹرول رومز فعال رہے تاکہ ہنگامی صورتحال میں فوری رابطہ، مانیٹرنگ اور کوآرڈینیشن یقینی بنائی جا سکے۔ عوام کی سہولت کیلئے ٹال فری ہیلپ لائن 08000-9211 بھی مسلسل فعال رہی۔
محکمہ لائیو اسٹاک پنجاب کی جانب سے ضلع و تحصیل ویٹرنری ہسپتالوں کو عارضی طور پر چوبیس گھنٹے فعال رکھا گیا جبکہ لاہور میں پانچ ویٹرنری ہسپتال مکمل 24/7 آپریشنل رہے۔
عوام میں آگاہی پیدا کرنے کیلئے سیمینارز، الیکٹرانک میڈیا، پرنٹ میڈیا اور سوشل میڈیا کے ذریعے بیماریوں سے بچاؤ اور احتیاطی تدابیر سے متعلق بھرپور آگاہی مہم چلائی گئی۔ اس کے علاوہ ڈائریکٹر جنرلز اور مانیٹرنگ افسران کو عیدالاضحیٰ سرگرمیوں کی نگرانی کیلئے فیلڈ میں تعینات کیا گیا۔
فیلڈ سرگرمیوں کے مطابق 28 مئی 2026 تک:
صوبہ بھر میں56 مویشی منڈیوں اور 199 قربانی جانور سیل پوائنٹس پر ویٹرنری سہولیات فراہم کی گئیں۔
مجموعی طور پر 255 مقامات پر محکمانہ سرگرمیاں جاری رہیں2013 افسران و عملہ ڈیوٹی پر مامور رہا۔
189 موبائل ویٹرنری ڈسپنسریز خدمات انجام دیتی رہیں۔
5,12,340 جانوروں پر سپرے کیا گیا تاکہ متعدی بیماریوں سے بچاؤ یقینی بنایا جا سکے۔
35,496 جانوروں کا علاج کیا گیا۔
مزید برآں بین الصوبائی جانوروں کی نقل و حرکت کی نگرانی کیلئے 20 انٹر پروونشل چیک پوسٹس قائم کی گئیں جہاں جانوروں اور گاڑیوں کی چیکنگ اور سپرے کا عمل جاری رہا۔
محکمہ لائیو اسٹاک پنجاب عیدالاضحیٰ کے دوران صحت مند جانوروں کی فراہمی، بیماریوں کی روک تھام اور مویشی پال حضرات کو بروقت سہولیات کی فراہمی کیلئے اپنی خدمات جاری رکھے ہوئے ہے۔

29/05/2026

گرمی کے موسم میں جانوروں کو تازہ اور ٹھنڈے پانی کی فراہمی کو یقینی بنائیں۔