Abbottabad Police

Abbottabad Police Follow the Abbottabad Police channel on WhatsApp: https://whatsapp.com/channel/0029VbBWj8n3gvWhzQb7M93s
(225)

ڈی پی او ایبٹ آباد ہارون رشید خان کی ہدایات پر جرائم پیشہ عناصر اور اسلحہ کی نمائش کرنے والوں کے خلاف کارروائیاں جاری،ان...
05/06/2026

ڈی پی او ایبٹ آباد ہارون رشید خان کی ہدایات پر جرائم پیشہ عناصر اور اسلحہ کی نمائش کرنے والوں کے خلاف کارروائیاں جاری،
انچارج چوکی جناح آباد سردار شکیل کی کارروائی، سوشل میڈیا پر اسلحہ کی نمائش کی ویڈیو اپلوڈ کرنے والا ملزم گرفتار اسلحہ برآمد،

پولیس نے کارروائی کرتے ہوئے وقاص ولد خواج محمد سکنہ پھلڑا مانسہرہ حال پھل گلاب روڈ منڈیاں کو گرفتار کر لیا، جو سوشل میڈیا پر اسلحہ کی نمائش کرتے ہوئے ویڈیو اپلوڈ کر رہا تھا۔ ملزم کے خلاف امتناعِ اسلحہ آرڈیننس کے تحت مقدمہ درج کر کے مزید تفتیش شروع کر دی گئی۔

ڈی پی او ایبٹ آباد ہارون رشید خان کی ہدایات پر ایبٹ آباد پولیس کا جرائم پیشہ عناصر کے خلاف کریک ڈاؤن جاری،ایس ایچ او تھا...
05/06/2026

ڈی پی او ایبٹ آباد ہارون رشید خان کی ہدایات پر ایبٹ آباد پولیس کا جرائم پیشہ عناصر کے خلاف کریک ڈاؤن جاری،
ایس ایچ او تھانہ پی او ایف کی کارروائی، شہری کو 4 ہزار روپے کے لین دین کے تنازعہ پر تشدد اور فائرنگ میں ملوث 4 افراد گرفتار اسلحہ برآمد ،

تفصیلات کے مطابق تھانہ پی او ایف کی حدود غالب خان مارکیٹ کے قریب شہزاد خٹک ولد محبوب سلطان اور دوسرے فریق کے درمیان 4 ہزار روپے کے لین دین کا تنازعہ چل رہا تھا، جس پر احسان یار ولد رستم، عاشق ولد ملک شیر افضل سمیت دیگر افراد نے فائرنگ کر دی۔ فائرنگ کے نتیجے میں مدعی جبکہ ملزمان کے اپنے گروپ کا ساتھی عاشق بھی زخمی ہوگیا۔

واقعہ کی اطلاع پر ایس ایچ او تھانہ پی او ایف نے فوری کارروائی کرتے ہوئے ملوث 4 افراد کو گرفتار کر لیا اور وقوعہ میں استعمال ہونے والا اسلحہ بھی برآمد کر کے ملزمان کے خلاف زیر دفعہ 324 PPC مقدمہ درج کر کے مزید تفتیش شروع کر دی۔

ڈی پی او ایبٹ آباد ہارون رشید خان کی ہدایات پر ایبٹ آباد پولیس کا جرائم پیشہ عناصر کے خلاف کریک ڈاؤن جاری، ایس پی کینٹ ع...
05/06/2026

ڈی پی او ایبٹ آباد ہارون رشید خان کی ہدایات پر ایبٹ آباد پولیس کا جرائم پیشہ عناصر کے خلاف کریک ڈاؤن جاری، ایس پی کینٹ علی حمزہ بٹ کی زیر نگرانی کینٹ ڈویژن کے سرکل میرپور اور کینٹ کے جملہ تھانہ جات کی حدود میں بھاری نفری کے ہمراہ سرچ اینڈ سٹرائیک آپریشن کیا گیا۔
آپریشن کے دوران 295 مکانات کی چیکنگ عمل میں لائی گئی جبکہ 15 کرایہ داروں کی رجسٹریشن نہ ہونے پر مالکان کے خلاف مقدمات درج کر لیے گئے۔ غیر قانونی طور پر مقیم 03 فارنرز کے خلاف 14 فارنر ایکٹ کے تحت مقدمات قائم کیے گئے۔
پولیس کارروائی کے دوران 07 پستول، 02 بندوقیں، 100 کارتوس اور 02 کلو 200 گرام ہیروئن برآمد کر لی گئی، جبکہ مختلف مقامات سے 22 مشکوک افراد کو گرفتار کر کے مزید تفتیش کے لیے تھانوں میں منتقل کر دیا گیا۔
ایبٹ آباد پولیس کا کہنا ہے کہ جرائم پیشہ عناصر، منشیات فروشوں اور غیر قانونی سرگرمیوں میں ملوث افراد کے خلاف سرچ اینڈ سٹرائیک آپریشنز کا سلسلہ مزید تیز کیا جائے گا تاکہ شہریوں کو محفوظ ماحول فراہم کیا جا سکے۔

ڈی پی او ایبٹ آباد ہارون رشید خان کی ہدایات پر ایبٹ آباد پولیس کا جرائم پیشہ عناصر کے خلاف کریک ڈاؤن جاریایس ایچ او تھان...
05/06/2026

ڈی پی او ایبٹ آباد ہارون رشید خان کی ہدایات پر ایبٹ آباد پولیس کا جرائم پیشہ عناصر کے خلاف کریک ڈاؤن جاری

ایس ایچ او تھانہ نواں شہر کیڈٹ قمر شہزاد کی جرائم پیشہ عناصر اور منشیات فروشوں کے خلاف کارروائی۔
پولیس کارروائی کے دوران بچوں کے ساتھ زیادتی کے مقدمہ میں ملزمان اشفاق ولد یار گل اور گل بادشاہ ولد میر اللہ کو گرفتار کر کے مقدمہ علت 480/26 درج کر لیا گیا۔
اسی طرح منشیات فروشوں کے خلاف کارروائی کرتے ہوئے ایس ایچ او تھانہ نواں شہر نے مشہور منشیات فروش عبدالحمید ولد عبدالکریم کے قبضے سے 355 گرام اعلیٰ کوالٹی آئس برآمد کر لی۔ ملزم کو موقع پر گرفتار کر کے مقدمہ ہذا میں پابند سلاسل کر دیا گیا۔

جو بھی اسلحہ لہرائے گا سیدھا جیل جائے گا، ضلعی پولیس سربراہ ہارون رشید خان کی ہدایات پر حویلیاں پولیس کا اسلحہ کی نمائش ...
05/06/2026

جو بھی اسلحہ لہرائے گا سیدھا جیل جائے گا،
ضلعی پولیس سربراہ ہارون رشید خان کی ہدایات پر حویلیاں پولیس کا اسلحہ کی نمائش کرنے والوں کے خلاف کریک ڈاؤن

ایس ایچ او تھانہ حویلیاں کی کارروائی، اسلحہ کی نمائش کرنے والے ملزم زیشان خان ولد نیاز خان سکنہ لنگرہ کو گرفتار کر لیا گیا۔ ملزم کے قبضے سے رائفل 222 بور معہ 50 عدد کارتوس برآمد کر لیے۔

ملزم کے خلاف امتناع اسلحہ آرڈیننس کے تحت مقدمہ درج رجسٹر کرکے بند سلاسل کر دیا گیا۔ ایبٹ آباد پولیس کی طرف سے عوامی امن و امان میں خلل ڈالنے اور اسلحہ کی نمائش کرنے والوں کے خلاف کارروائیاں بلا تفریق جاری رہیں گی۔

آپ کریں عبادت ہم کریں حفاظت ، چھانگلہ گلی میں ایبٹ آباد پولیس کے اہلکار نماز جمعہ کے دوران عوام کی جان و مال کے تحفظ کے ...
05/06/2026

آپ کریں عبادت ہم کریں حفاظت ،
چھانگلہ گلی میں ایبٹ آباد پولیس کے اہلکار نماز جمعہ کے دوران عوام کی جان و مال کے تحفظ کے لیے موجود ۔۔۔۔

*ایبٹ آباد پولیس کا جرائم پیشہ افراد کے خلاف کریک ڈاون* رجوعیہ میں ڈرامائی انکشاف — “لڑکی” بن کر شادی کا جھانسہ دے کر شہ...
04/06/2026

*ایبٹ آباد پولیس کا جرائم پیشہ افراد کے خلاف کریک ڈاون*

رجوعیہ میں ڈرامائی انکشاف — “لڑکی” بن کر شادی کا جھانسہ دے کر شہری کو لوٹنے والے دو ملزمان گرفتار

تھانہ رجوعیہ کی حدود میں پیش آنے والے واقعہ میں موبائل فون پر “لڑکی” بن کر شادی کا جھانسہ دے کر سادہ لوح شہری کو لوٹنے والے دو افراد کو پولیس نے کمال مہارت سے گرفتار کر لیا

مدعی شربت علی ولد مسکین سکنہ رجوعیہ کے مطابق، وہ بیوی کے انتقال کے بعد دوسری شادی کا خواہاں تھا کہ اسی دوران ایک نامعلوم نمبر سے اسے ایک “لڑکی” کی کال موصول ہوئی۔ بات چیت بڑھنے پر جعلی لڑکی نے خود کو شادی کے لیے رضامند ظاہر کیا اور مدعی کو ملاقات کے لیے رجوعیہ زیارت کے قریب بلایا۔
جیسے ہی مدعی مخصوص مقام پر پہنچا تو وہاں پہلے سے موجود دو افراد اسامہ ولد خانداد اور احتشام ولد ریاض ساکنان رجوعیہ نے اسے گھیر لیا اور زبردستی اس سے موبائل فون اور نقدی چھین کر فرار ہو گئے۔
واقعہ کی اطلاع ملتے ہی رجوعیہ پولیس نے فوری کارروائی کرتے ہوئے جدید طریقہ تفتیش بروئے کار لاتے ہوئے دونوں ملزمان کو گرفتار کر لیا۔ گرفتار ملزمان کے قبضے سے چھینا گیا موبائل فون اور نقد رقم 45000 روپے بھی برآمد کر لی گئی۔
ملزمان کے خلاف دفعہ 382، 386 اور 420 پی پی سی کے تحت مقدمہ درج کر کے مزید تفتیش شروع کر دی ہے۔

ڈی پی او ایبٹ آباد ہارون رشید خان نے ساتویں اور دسویں محرم الحرام کے جلوسوں کے روٹس کا تفصیلی دورہ کیا۔اس موقع پر ایس پی...
04/06/2026

ڈی پی او ایبٹ آباد ہارون رشید خان نے ساتویں اور دسویں محرم الحرام کے جلوسوں کے روٹس کا تفصیلی دورہ کیا۔

اس موقع پر ایس پی کینٹ علی حمزہ بٹ، ڈی ایس پی کینٹ طاہر سلیم اور دیگر پولیس افسران بھی ان کے ہمراہ موجود تھے۔ ڈی پی او ایبٹ آباد نے ملکپورہ، مرکزی امام بارگاہ اور شہر کے مرکزی بازار کا دورہ کرتے ہوئے سکیورٹی انتظامات، جلوسوں کے روٹس، داخلی و خارجی راستوں اور ڈیوٹی پوائنٹس کا جائزہ لیا۔

ڈی پی او ایبٹ آباد نے متعلقہ افسران کو ہدایت کی کہ محرم الحرام کے دوران فول پروف سکیورٹی کو یقینی بنایا جائے، جلوسوں کے راستوں پر موثر نگرانی رکھی جائے اور عزاداروں کو ہر ممکن سہولیات فراہم کی جائیں۔ انہوں نے کہا کہ امن و امان کے قیام کے لیے تمام دستیاب وسائل بروئے کار لائے جائیں گے جبکہ مشکوک افراد پر کڑی نظر رکھنے اور سرچ و سویپ آپریشنز کو مزید مؤثر بنانے کی بھی ہدایت کی گئی۔

04/06/2026

تھانہ میرپور کی حدود جناح آباد میں فائرنگ کے افسوسناک واقعہ میں میرپور پولیس کی کارروائی چار افراد کو گرفتار کر لیا گیا، وقوعہ میں استعمال ہونے والی گاڑی برآمد
گزشتہ رات تقریباً 9 بجے جدون پلازہ کے قریب گاڑیوں کے ایکسیڈنٹ کے بعد جناح آباد سٹریٹ نمبر 9 میں فریقین کے درمیان جھگڑا ہوا، جس دوران ارسلان اور دیگر ملزمان کی جانب سے فائرنگ کی گئی۔ فائرنگ کے نتیجے میں 22 سالہ معاذ اللہ ولد منظور حسین سکنہ شاہزمان کالونی گولی لگنے سے موقع پر جاں بحق ہو گیا، جبکہ جھگڑے کے دوران حارث ولد ریاست خان سکنہ کوٹھیالہ حال البدر کالونی معمولی زخمی ہوا۔

پولیس نے کارروائی کرتے ہوئے چار افراد کو گرفتار کر لیا اور گاڑی برآمد کر لی ہے ، جبکہ وقوعہ میں ملوث دیگر ملزمان کی گرفتاری کے لیے مختلف مقامات پر چھاپہ مار کارروائیاں اور ناکہ بندیاں جاری ہیں۔

ڈی پی او ایبٹ آباد ہارون رشید خان کا حویلیاں کا دورہ، جلوسِ گیارہویں محرم الحرام کے روٹ کا تفصیلی معائنہڈی پی او ایبٹ آب...
03/06/2026

ڈی پی او ایبٹ آباد ہارون رشید خان کا حویلیاں کا دورہ، جلوسِ گیارہویں محرم الحرام کے روٹ کا تفصیلی معائنہ
ڈی پی او ایبٹ آباد ہارون رشید خان نے محرم الحرام کے دوران امن و امان کی صورتحال اور سیکورٹی انتظامات کا جائزہ لینے کے لیے تحصیل حویلیاں کا دورہ کیا، جہاں انہوں نے گیارہویں محرم الحرام کے مرکزی جلوس کے روٹ، داخلی و خارجی راستوں، حساس مقامات، امام بارگاہوں اور دیگر اہم پوائنٹس کا تفصیلی معائنہ کیا۔
اس موقع پر ایس پی حویلیاں جمیل الرحمن، ڈی ایس پی حویلیاں سراج خان اور ایس ایچ او تھانہ حویلیاں کیڈٹ عبدالغفور قریشی بھی موجود تھے۔ پولیس افسران کی جانب سے ڈی پی او ایبٹ آباد کو جلوس کے روٹ، سیکورٹی ڈیوٹی، نفری کی تعیناتی، ٹریفک پلان، سرچ اینڈ سویپ آپریشنز، واک تھرو گیٹس، سی سی ٹی وی مانیٹرنگ، ایمرجنسی رسپانس اور دیگر سیکورٹی اقدامات کے حوالے سے تفصیلی بریفنگ دی گئی۔
ڈی پی او ایبٹ آباد ہارون رشید خان نے جلوس کے روٹ پر تعینات افسران و جوانوں کو الرٹ رہنے، مشکوک افراد پر کڑی نظر رکھنے، داخلی راستوں پر سخت چیکنگ یقینی بنانے اور عوام الناس کے ساتھ خوش اخلاقی سے پیش آنے کی ہدایات جاری کیں۔ انہوں نے کہا کہ محرم الحرام کے دوران امن و امان کا قیام پولیس کی اولین ترجیح ہے اور کسی بھی ناخوشگوار واقعہ سے نمٹنے کے لیے تمام دستیاب وسائل بروئے کار لائے جائیں گے۔
ڈی پی او ایبٹ آباد نے مزید ہدایات دیتے ہوئے کہا کہ جلوس کے دوران فول پروف سیکورٹی انتظامات، موثر ٹریفک مینجمنٹ اور عزاداروں کو ہر ممکن سہولیات فراہم کی جائیں تاکہ مذہبی ہم آہنگی اور پرامن ماحول کو برقرار رکھا جا سکے۔ انہوں نے پولیس افسران کو عوام کے ساتھ مسلسل رابطے میں رہنے اور تمام مکاتب فکر کے افراد کے ساتھ باہمی تعاون کو فروغ دینے کی بھی تاکید کی

Address

Police Headquarter
Abbottabad
22010

Telephone

+929929310033

Website

Alerts

Be the first to know and let us send you an email when Abbottabad Police posts news and promotions. Your email address will not be used for any other purpose, and you can unsubscribe at any time.

Shortcuts

Share

Category