What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/111478681631587/

Office of the Vintar Mayor

Home
Philippines
Vintar
Office of the Vintar Mayor

Our leadership guarantees to serve for SPEED, INTEGRITY and EFFICIENCY. Progress is our purpose.

29/05/2026

TULONG KADAGITI KAKAILIAN A VINTARINIAN, AGTULTULOY

Agtultuloy ti pannakaipaay ti financial assistance kadagiti kakailian tayo nga agkasapulan ti tulong nga agpaay kadagiti pagkasapulanda, kangrunaan kadagiti agas ken iti salun-atda.

"Sapay koma ta babaen kadagitoy nga programa nga ipatpatungpal tayo iti lokal a gobierno ket mariknayo ti kalikagumtayo a mangipangpangruna kadagiti kasapulanyo a kakailianmi, nangnangruna nu maipanggep iti salun-atyo." Paset daytoy ti mensahe nga inpaay ni Mayor Richard Agregado Degala kadagiti benepisaryo ti AICS iti daytoy a bansada.

28/05/2026

Kakailian, gundawayan daytoy a kanito!

Kadagiti kakailian nga agsapsapul iti panggedan, adda ditoy Balay ti Ili dagiti pannakabagi ti SM Supermarket Laoag tapno mangisayangkat ken agawat kadagiti aplikasyon.

20/05/2026

MAYOR DEGALA, SINANGAILINA DAGITI KAMENG TI ALSWDOPI TI ILOCOS NORTE

Naragsak a pinasangbay ni Mayor Richard Agregado Degala dagiti kameng ti Association of Local Social Welfare and Development Officers of the Philippines, Inc. (ALSWDOPI) - Ilocos Norte Chapter, kalpasan ti Quarterly Meeting ken General Assembly dagiti kameng ti nasao nga asosasyon a naangay iti La Presidencia ditoy Vintar.

Ditoy metten a nagyaman ni Mayor Degala iti asosasyon gapu iti pananginominar dagitoy kenkuana iti kallabes a Gawad Parangal ti asosasyon, a nakaipaayan kenkuana ti pammigbig kas Outstanding Local Chief Executive of the Philippines (Luzon Cluster).

Karaman kadagiti ladawan dagiti opisyales ken miyembros ti ALSWDOPI-Ilocos Norte Chapter, iti panangidaulo ti Presidente a ni Elizabeth Aquino, MSWD Officer ti Piddig, Ilocos Norte.

17/05/2026

RICE DISTRIBUTION PROGRAM NI PBBM, NAISAYANGKAT ITI VINTAR BABAEN TI PGIN

Naisayangkat ti Rice Distribution Program ni Presidente Bongbong Marcos iti ili ti Vintar, babaen kenni Governor Cecilia Araneta Marcos ken ti PGIN. Naragsak a pinasangbay ken nagyamanan manen ni Mayor Richard Agregado Degala ti presidente ken ti PGIN, pakairamanan ni Vice Governor Matthew Marcos Manotoc, Senator Imee R. Marcos ken ni Congressman Sandro Marcos.

14/05/2026

RYPIC-VINTAR GRAND LAUNCH, MANAMNAMA NGA ATENDARAN NI PRESIDENT BBM

Manamnama ti panagatendar ni Presidente Ferdinand "Bongbong" Marcos iti maisayangkat a naindaklan nga inagurasyon ken grand launch ti RYPIC-VINTAR intono July 3, 2026.

Daytoy ti nagsasaritaan dagiti pannakabagi ti DOST-PTRI babaen kenni Ms. Evangelin Flor O. Manalang, Chief Science Research Specialist of the Technical Services Division ti nasao nga ahensya.

Nagatendar pay iti naangay a zoom meeting ti agdama a Provincial Director ti Department of Science and Technology (DOST) iti Ilocos Norte a ni Engr. Brian U. Rasco.

Paset ti nagsasaritaan dagitoy dagiti addang a maaramid kas panagsagsagana ti LGU-Vintar, babaen iti panangidaulo ni Mayor Richard Agregado Degala, iti panagatendar ti presidente ti pagilian iti nasao nga okasyon. Inpanamnama ni Mayor Degala ti kinatalged dagiti bisbisita kabayatan to ti maisayangkat a programa. Inpeksa pay daytoy iti nalaus a panagyamanna iti pannakaipatader ti paktoria ti panait ditoy Vintar.

Ti RYPIC-Vintar ti maikatlo pay laeng a pasilidad a naipatakder iti entero a pagilian ti Pilipinas.

13/05/2026

RYPIC-VINTAR, NANGRUGIN NGA AGARAMID ITI PANAIT

Personal a naimatangan ni Mayor Richard Agregado Degala ti operasyon ti RYPIC-VINTAR iti panagpartuat dagitoy iti panait, babaen ti superbisyon dagiti pannakabagi ti DOST - PTRI.

Innala ni Mayor Degala ti gundaway a nakisarsarita kadagiti kameng ti DOST kadagiti pakaseknan ti pasilidad. Nakiarsarita pay ti ama ti ili kadagiti emplyedo a taga Vintar a nangrugin iti panagsanay dagitoy nu kasanu ti operasyon dagiti makina nga adda iti uneg ti paktorya ti panait.

Maragsakan Ni Mayor Degala, ken napalaus ti yamanna kadagiti agtultuloy a suporta dagiti ahensya ti gobierno a mangpabpabileg iti kasasaad dagiti kakailianna. Manamnama nga maiyawat ti operasyon ti pasilidad iti LGU-Vintar kalpasan ti makatawen nga imanehar ti DOST-PTRI ti nasao a pasilidad - ti maikatlo a RYPIC iti entero a pagilian.

11/05/2026

PLEASE SHARE!

KAKAILIAN, AWAN TI PAKAINAIGAN tayo iti daytoy nga Facebook Profile. Nu man adda ag-friend request kadakayo wenno mensahe daytoy nga account, kangrunaan nga aramiden tayo ket i-report tayo daytoy nga account, ta saan nga adayo nga usarenda daytoy iti saan a maikanatad nga aramid, wenno MANG-SCAM!

AWAN Ti PAMMALUBOS tayo iti pannakausar ti ladawan tayo, isu nga dawatek nga i-report tayo koma daytoy iti Facebook/Meta tapno insigida a maikkat daytoy nga account.

Agtitinnulong tayo koma a mangprotekta iti interes ti tunggal maysa. Ulitek, AWAN TI PAKAINAIGAN tayo iti daytoy nga Facebook Account ken AWAN TI PAMMALUBOS tayo nga usarenda ti ladawan tayo!

Kiddawek ti panagishareyo koma iti daytoy a pakaammo! Dios ti Agngina!

10/05/2026

It's definitely an honor to celebrate for our dear mothers!

Kablaawak man dagiti kangrunaan nga inna iti pamilya Degala. Isuda dagiti nagbalin a taklin ken kangrunaan nga inspirasyonko; ken kasta met a kablaawak amin dagiti INA kadagiti pagtaenganda, pakairamanan dagiti amin nga an-annungenda ti kina- ina!

Agyamanak iti agtultuloy nga ayat ken suportayo kadagiti ay-ayatenyo iti biag! Dakayo dagiti INA a mangmangted iti raniag ken silaw dagiti annak!

Agtultuloy koma ti imbag, pia, ken salun-atyo amin a sangapada!

HAPPY MOTHER'S DAY to all mothers in the word!

06/05/2026

OFWs, AGTULTULOY TI SUPORTA TI LOKAL A GOBIERNO KADAKUADA

Gapu iti panangbigbig ti lokal a gobierno iti Vintar kadagiti Overseas Filipino Workers (OFWs), babaen iti panangidaulo ni Mayor Richard Agregado Degala, agtultuloy dagiti programa a mangmangted iti tulong kadagiti repatriated and distressed OFWs. Daytoy ket babaen iti pannakailatang ti pondo a manamnama a makapalag-an iti kasasaad dagitoy.

Manipud idi Mayo 5, 2026, addan innem (6) nga OFW ti nagbalin a benepisaryo ti programa, ket lima (5) kadakuada ti nagawid manipud sadiay Middle East.

Kadagiti OFW a napilitan a nagsubli manipud ballasiw-taaw gapu kadagiti di-napakpakadaan a pasamak ken inpaayan ti LGU iti agdagup iti duapulo a ribu a pisos (Php 20,000.00) kas tulong pinansiyal. Daytoy a kantidad ket naituding a kas puunan iti pangrugian a pagbiagan wenno livelihood project, a mabalin a makatulong nga in-inut a mangpatalged iti kasasaad ti pamilia.

Malaksid iti daytoy nga inisyatibo, nabiit pay a nangipaay manen ti LGU iti nayun a tulong-pinansyal kadagiti OFW, nangruna kadagiti naapektaran iti agtultuloy a krisis sadiay Middle East. Adu kadagitoy a trabahador ti naawanan iti panggedan ken nagkurang iti nasapulan, gapuna a biglaan ti panagawidda.

Gapu iti kastoy a kasasaad, agtultuloy ti pannakapabileg dagiti OFW babaen kadagiti livelihood trainings a pakasursurwan dagitoy a mangpapigsa iti panagnegosyo. Inpanamnama ti ama ti ili ti suportana kadakuada ket agtultuloy dagiti programa para iti pagkasapulanda.

Dagitoy a ganetget ti mangiparangarang iti dedikasyon ti LGU-Vintar iti “responsive governance and social responsibility”, nangnangruna iti daytoy a panawen ti krisis. Agtultuloy ti panangitag-ay ti kabibiangan dagiti OFW, a mabigbig a dakkel ti naitulongda kadagiti komunidadda ken iti pagilian.

05/05/2026

Kadagiti Kakailian nga interesado iti daytoy a training babaen ti TESDA, agturong laeng iti MSWD Office ket sapulen ni Ms. Irene V. Agbayani tapno agpailista, ket para iti ad-adu pay nga impormasyon maipanggep iti BOOKKEEPING NC III. Daytoy ket silulukat para kadagiti amin nga interesado nga agtawen iti disiotso agpangato. Mangitugot laeng iti valid ID nu inkayo agpailista!

Address

Brgy. #2 San Nicolas
Vintar
2915

Opening Hours

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm

Website

facebook.com

Alerts

Be the first to know and let us send you an email when Office of the Vintar Mayor posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Office of the Vintar Mayor:

Shortcuts

Address
Opening Hours
Alerts
Contact The Organization
Claim ownership or report listing

Want your organization to be the top-listed Government Service in Vintar?