MSWD Villanueva Official

04/09/2026

BAG-ONG OPORTUNIDAD UG PAG-USWAG ALANG SA MGA KABABAINHAN! 🎓✨

Malampuson nga gisaulog ang Graduation Ceremony alang sa ELEVATE AIDA PLUS—usa ka programa nga nag-abli ug dako nga oportunidad ug naghatag ug kahanas sa Virtual Assistant training alang sa atong mga kababainhan!

Dakong pamaagi ug dungog alang sa 12 ka graduates gikan sa Lungsod sa Villanueva ug 10 ka graduates gikan sa Lungsod sa Tagoloan nga nakatapos sa maong Training on Virtual Assistant.

Kining dakong kalampusan dili mahitabo kung wala ang kanunay nga supoorta sa atung halangdong Mayor Atty. Julio Uy ✨

ug lakip napod ang nagkahiusang pagsuporta ug pagtinabangay sa atong mga bililhong kapartner:

🤝 Aboitiz Foundation Inc. – gi-representaran ni Ms. Meldz Duran (Impact Officer for Jobs, Aboitiz Foundation Inc.)

🤝 SPI Power Inc. – gi-representaran ni Mr. Jerome R. Soldevilla (Community Development and Public Relation Manager) ug Ms. Elnie Cagas

🤝 TESDA

🤝 MSWDO-Villanueva – sa pangulo ni Ms. Liuxene E. Orditor, RSW

🤝 MSWDO-Tagoloan – sa pangulo ni Ms. Verlyn Baclay, RSW

🤝 RINGCIRCLE BPO – gi-representaran ni Mr. Emmanuel Bagay (Co-Founder)

Sa tanan natong mga bag-ong graduates: Dako ug init nga Pahalipay sa inyong tanan! 🎉

27/07/2026

Para sa kasayoran sa tanan 💚

03/07/2026

Malipayong Adlawng Natawhan, Hon. ATTY. JULIO UY!

Ang tinuod nga lider makita dili lamang sa iyang mga pulong, kondili sa iyang matinud-anong pag-alagad. Hinaut nga padayon kang panalanginan sa Ginoo ug lig-onon sa paghatag ug kaayohan sa katawhan sa Villanueva.

– Greetings from MSWD Office, LGU Villanueva

01/07/2026

"Dili tanang batang naglatagaw, pasaway. Usahay, nangita lang sila og lugar nga ilang matawag og panimalay."

Adunay mga bata nga matawa bisan gigutom.
Adunay mga bata nga magpaka-isog bisan puno na og kahadlok.
Ug adunay mga bata nga magpadayon sa paglakaw, dili tungod kay kabalo sila asa padulong, apan tungod kay wala na silay laing kapadulngan.

Mao kana ang istorya ni Soysoy.

Gikan sa Cebu City, nagbiya siya sa ilang lugar nga walay dala gawas sa iyang paglaom. Mosakay sa dagkong truck, motabok sa dagat, ug maglakaw sa mga dalan nga dili niya pamilyar. Ang iyang damgo simple ra—makaabot sa lain nga lugar ug mangita og mas maayong kinabuhi.

Apan ang kinabuhi dili kanunay mosunod sa atong plano.

Sa iyang pag-abot sa Villanueva, usa ka panghitabo ang nakapausab sa tanan. Ang bata nga walay kasiguruhan sa ugma, giduolan sa mga tawo nga wala niya damha. Gitabangan siya sa PNP- Villanueva ug dayon giatiman sa MSWD Villanueva.

Didto, wala nila nakita ang usa ka "batang naglatagaw."

Ilang nakita ang usa ka bata nga adunay damgo.
Usa ka bata nga angay higugmaon.
Usa ka bata nga angay hatagan og ikaduhang higayon.

Karon, ang iyang mga tiil nga kaniadto nagsuroy sa mga karsada, naglakaw na padulong sa eskwelahan.

Ang iyang mga mata nga kaniadto puno sa kahadlok, nagsugod na og silaw tungod sa paglantaw sa iyahang kaugmaon.

Ug ang iyang kasingkasing nga kaniadto nag-inusara, nakakita og pamilya nga dili man kadugo, apan tinuod nga nahigugma.

Ang pinakadako nga milagro dili ang iyang pag-abot sa laing lugar.

Ang pinakadako nga milagro mao nga adunay mga tawo nga mituo nga ang usa ka batang halos gibiyaan sa kinabuhi, mahimo pa diay nga mahimong usa ka tawo nga adunay kaugmaon

Usahay, ang usa ka bata dili nanginahanglan og daghang salapi.

Ang iyang gikinahanglan mao ang usa ka kamot nga mokupot, usa ka kasingkasing nga modawat, ug usa ka tawo nga moingon...

"Anak, wala ka nag-inusara."

Ug tingali, mao kana ang unang higayon nga nabati ni Soysoy nga adunay nagtuo sa iyang kaugmaon.

Padayon, Soysoy.

Kay ang batang kaniadto naglatagaw sa dalan, mahimong inspirasyon ugma sa uban nga wala na usab ka padulngan.

30/04/2026

PAGPALIG-ON SA KAHIBALO ALANG SA MAS LUWAS NGA KOMUNIDAD! 🛡️🤝

Malampusong gipahigayon ang tulo (3) ka adlaw nga Training on Camp Coordination and Camp Management (CCCM) & Internally Displaced Person (IDP) and Protection.

Kini nga training gisalutan sa mga representante gikan sa nagkalain-laing departamento sa LGU-Villanueva sama sa MSWDO, PNP, MDRRMO, RHU, ug lakip na ang mga opisyales sa Brgy. Looc.

Kini nga inisyatibo nahimong posible pinaagi sa hugot nga suporta sa atong halangdong Mayor Atty. Julio T. Uy, kauban ang atong Sangguniang Bayan Members sa panguna ni Vice Mayor Jeric Emano.

Ang tumong niini nga training mao ang pagsiguro nga ang atong mga frontliners andam ug dunay saktong kahanas sa pagdumala sa mga evacuation centers ug paghatag og proteksyon sa atong mga kaigsuonan (IDPs) sa panahon sa kalamidad o krisis. Gusto sa atong lokal nga kagamhanan nga walay mabiyaan ug tanan makadawat og de-kalidad nga serbisyo ug proteksyon.

Dili usab kini magmalampuson kung wala ang tabang ug pagpaambit sa kahibalo sa atong mga halangdong Guest Speakers gikan sa DSWD FO 10:

Atty. Jerone S. Repayo (Information Technology Officer I / PPD-DSWD)

Ms. Dalene Mae T. Yebra (Social Welfare Officer- II / DRRS-DRMD)

Ms. Michelle L. Tan (Social Welfare Officer- II / DRR Section Head- DRMD)

Daghan kaayong salamat sa inyong serbisyo para sa katawhan sa Villanueva!

23/04/2026

IKADUHANG HUGNA SA PANAGHIUSA: PADAYON NGA TABANG PARA SA MGA BIKTIMA SA SUNOG SA VILLANUEVA 📦🤝

Dili kamo pasagdan! Malampusong napahigayon ang dugang nga pagpang-apod apod sa hinabang alang sa 14 ka pamilya nga naapektuhan sa nahitabong sunog niadtong Abril 15, 2026, sa boundary sa Brgy. Katipunan ug Brgy. Poblacion 2.

Kini nga inisyatibo bunga sa lig-on nga kooperasyon sa LGU-Villanueva nga nahimong possible pinaagi sa pagpaningkamot sa atong halangdong Mayor Atty. Juliot T. Uy, kauban ang atong Vice Mayor Jeric Emano ug ang tibuok Sangguniang Bayan ngadto sa nagkalain-laing ahensya sa gobyerno aron masiguro nga mahatagan sa saktong kagamitan ang atong mga kaigsuonan.

Gikan sa DSWD Region X: mao Ang mga Hygiene Kits, Kitchen Kits, Sleeping Kits, ug uban pang batakang panginahanglan.

Naa usab Ang 📦 Office of Civil Defense (OCD) / RDRRMC: nga mihatag ug Family Packs ug uban pang importanteng kagamitan.

Dako usab ang pasalamat sa aktibong koordinasyon sa:MSWDO-Villanueva ubos sa pagpangulo ni Ms. Liuxene Orditor, MDRRMO-Villanueva staff, Mga Barangay Officials sa Brgy. Poblacion 2 ug Brgy. Katipunan.

Kini nga mga hinabang dili na ang unang higayon nga ilang nadawat gikan sa LGU, ug kini nagpamatuod nga ang inyong lokal nga kagamhanan dili mohunong sa pagpangita og pamaagi ug pagdawat og mga donasyon gikan sa nagkalain-laing ahensya sa nasudnong gobyerno. Ang mga plato, habol, ug hygiene kits simbolo sa atong pagpakabana nga kamo makasugod pag-usab sa inyong adlaw-adlaw nga panginahanglan nga naay dignidad ug panaghiusa.

Bisan pa man sa dakong pagsulay nga giagian, magpabilin kitang lig-on tungod kay ang Villanueva usa ka komunidad nga nagtinabangay.

22/04/2026

PAGPANGANDAM ALANG SA TIU-NAY NGA PANAG-UBAN: PRE-MARRIAGE ORIENTATION (PMO) SA VILLANUEVA 🤵🏻💍👰🏻

Malipayong gipahigayon ang Pre-Marriage Orientation (PMO) alang sa atong mga magtiayon nga naghinam-hinam na sa pagsulod sa sagradong kaminyuon. Kini nga kalihokan gipangunahan sa atong aktibong Municipal Social Welfare and Development Officer, Ms. Liuxene Orditor.

Tumong niini nga orientation nga mahatagan og saktong giya ug kahibalo ang mga "to-be-married couples" sa dili pa sila moingon og "I Do."

Dili lang kini basta rekisitos, kondili usa ka higayon aron:
✅ Makat-on sa epektibong komunikasyon sa usag-usa.
✅ Masayod sa mga balaod ug katungod sa magtiayon.
✅ Ma-edukar bahin sa maternal health ug child care.

Pinaagi sa LGU-Villanueva ug sa MSWDO, tinguha nato nga mahimong lig-on ug malampuson ang pundasyon sa matag pamilya sa atong lungsod.

Congratulations sa tanang partisipante ,👏🏻👏🏻

Pinaagi sa saktong edukasyon, mas masiguro nato ang malipayon ug malungtarong panimalay. 💍🏠

22/04/2026

21/04/2026

FYI!

21/04/2026

PAGPALIG-ON SA KAHIBALO SA MGA BARANGAY POPULATION VOLUNTEERS ALANG SA MAS PLANADONG PAMILYA 👨‍👩‍👧‍👦✨

Malampuson nga gipahigayon karon adlawa ang Seminar Workshop on Responsible Parenthood and Family Planning alang sa atong mga dedikadong Barangay Population Volunteers (BPV). Ang maong kalihokan gipangulohan sa atong Municipal Population Officer, Ms. Romelyn M. Nonot.

Dako ang atong pasalamat sa atong mga dinapit nga Guest Speakers gikan sa Provincial Population OFfice nga sila Ms. Charlene R. Ramosa, RN (Population Program Officer II) ug Ms. Kyrie Carlle Razon (Population Program Officer) sa pagpaambit sa ilang kahanas ug mahinungdanong impormasyon.

Kini nga kalihokan dili mamahimong posible kung wala ang lig-on nga suporta sa atong Administrasyon sa LGU-Villanueva, ubos sa pagdumala sa atong halangdon Mayor Atty. Julio T. Uy, kauban ang Sangguniang Bayan Members sa panguna ni Vice Mayor Jeric Emano. Mapasalamaton usab kita sa koordinasyon sa atong buhatan sa MSWDO-Villanueva nga gipangulohan ni Ms. Liuxene Orditor.

Ang responsableng pagkaginikanan dili lang mahitungod sa pagpadako sa mga anak, kondili mahitungod sa pagsiguro nga ang matag pamilya adunay saktong kapasidad sa paghatag og maayong kaugmaon sa ilang mga minahal. Ang pagplano sa pamilya usa ka timaan sa paghigugma—aron mahatagan ang matag bata og saktong atensyon, edukasyon, ug kahimsog. Magtinabangay kita sa pagtukod og komunidad diin ang matag pamilya andam ug de-kalidad ang kinabuhi.