LGU Villanueva

LGU Villanueva Fast growing 1st Class Municipality in the Province of Misamis Oriental.

VIsion:

Villanueva is a premier agro-industrial center in Northern Mindanao empowered with proactive, responsive and accountable governance in a peaceful and sustainable environment of compassionate, sincere and responsible constituents who enjoy meaningful lives.

BUNTIS CONGRESS 2026 MALAMPUSONG GIPAHIGAYON DINHI SA VILLANUEVA MUNICIPAL GYMNASIUMMalampuson nga gipahigayon karong ad...
29/05/2026

BUNTIS CONGRESS 2026 MALAMPUSONG GIPAHIGAYON DINHI SA VILLANUEVA MUNICIPAL GYMNASIUM

Malampuson nga gipahigayon karong adlawa sa LGU Villanueva ang “Buntis Congress 2026” nga gipangunahan pinaagi sa Rural Health Unit of Villanueva ubos sa pagpangulo ni Dr. Marybelle A. Linog, Municipal Health Officer.

Uban sa tema nga "Kalidad na pangangalaga sa ina, Kalusugan ng sanggol may garantiya”, nagtigom ang mga inahan nga nagmabdos, ilang mga pamilya, ug mga healthcare professionals aron madungagan ang ilang kahibalo kabahin sa safe motherhood, maternal education, ug mas maayong prenatal care.

Dakong pasalamat usab sa mga personahe gikan sa DOH 10 nga mitambong isip mga resource speakers ug mihatag ug bililhong kahibalo ug giya aron mapaligon ug ma-empower ang mga inahan sa ilang pagpanamkon.

Malampuson ang maong kalihokan nga adunay tumong nga maghatag ug insaktong kahibalo ug serbisyong panglawasn alang sa mga buntis ug makahatag ug hustong giya alang sa luwas nga pagmabdos ug breastfeeding

Nagkalain-laing aktibidad usab ang gipahigayon sama sa Medical services para sa mga inahan, TikTok Dance Contest ug Miss Gandang Buntis nga adunay mga representante gikan sa 11 ka mga barangay dinhi sa Villanueva.

Dako usab ang suporta ni Mayor Julio T. Uy, Vice Mayor Jeric G. Emano, ug sa tanang miyembro sa Sangguniang Bayan nga nagpakita sa ilang pag-atiman alang sa kahimsog ug kaayohan sa mga inahan ug kabataan sa lungsod.

Daghang salamat sa tanang nitabang, misuporta, ug mipartisipar aron mahimong malampuson ang Buntis Congress 2026.

Kanunay kita sa pag-amuma ug pagpanalipod sa kahimsog sa matag inahan ug bata sa Villanueva!

GROUNDBREAKING UG CAPSULE LAYING SA XAVIER RESIDENCES, MALAMPUSONG NAPAHIGAYON KARONG ADLAWAUsa na usab ka maayong kalam...
28/05/2026

GROUNDBREAKING UG CAPSULE LAYING SA XAVIER RESIDENCES, MALAMPUSONG NAPAHIGAYON KARONG ADLAWA

Usa na usab ka maayong kalambuan ang nasinati karong adlawa dinhi sa lungsod sa Villanueva human malampusong gipahigayon karong buntaga ang Historic Groundbreaking ug Capsule Laying Ceremony sa Xavier Residences sa Sitio Madrid, Brgy. Looc, Villanueva, Misamis Oriental.

Ang Xavier Residences, nga proyekto sa Lance Prime Development Corporation, pagatukoron ibabaw sa halapad nga 4.9-hectare nga yuta ug gilauman nga mahimong unang economic to mid-high housing community sa Villanueva. Kini adunay kapin kun kulang 365 ka residential lots nga gihimo alang sa modernong pamilya ug progresibong pamaagi sa pagpuyo.

Kini nga landmark project usa ka dakong lakang alang sa kanunay nga pag uswag sa Villanueva tungod kay kini maghatag og accessible, komportable, ug sustainable nga komunidad. Usa kini ka first-of-its-kind residential development dinhi sa lungsod.

Ang pagkahimong realidad sa Xavier Residences nahimo pinaagi sa padayon nga suporta ug lig-on nga liderato ni Misamis Oriental Governor Juliette T. Uy ug Villanueva Mayor Julio T. Uy. Gipasalamatan usab ang dakong kontribusyon sa miaging administrasyon ubos ni Former Mayor Jennie Uy-Mendez nga nahimong kabahin sa pundasyon niini nga proyekto.

Padayon ang pagsidlak sa Villanueva ngadto sa mas progresibo ug mas maayong kaugmaon!

Read the article on the website here: https://villanuevamisor.gov.ph/groundbreaking-capsule-laying-ceremony-marks-the-rise-of-xavier-residences-in-villanueva-misamis-oriental/

25/05/2026

IMPORTANTENG PAHIBALO

Maayong adlaw sa tanan!

Ginahangyo namo ang mga pangalan nga nalista sa ubos nga palihug bisita sa LGU Villanueva Business Permit and Licensing Office (BPLO) sa pinakadali nga panahon.

Sa mga nakaila o adunay kontak nila, palihug lang ko’g pahibalo kanila ani nga mensahe. Daghang salamat sa inyong tabang ug kooperasyon

Mga Pangalan:
- POLAO, WALID
- RACOMA, BERNABE
- BRANZUELA, DANIEL
- ARNADO, DAISY
- TORRES, RODULFO
- OLINAN, CRISTOPHER
- CORTEZ, ELMER
- NALAGON, JUREY
- OLJOL, JOHN KENETH
- NAHIAL, REYNALDO
- DELA CRUZ, DAVE REY
- NAMOCO, REMANDO
- HERMOSO, KIRT
- ARNADO, DAISY
- TUNDANON, LINO

Daghang Salamat ug amping kanunay

LGU VILLANUEVAFlag Raising Ceremony May 25, 2026Ang Lokal nga kagamhanan sa Villanueva ubos sa maayong pagpangulo ni May...
25/05/2026

LGU VILLANUEVA
Flag Raising Ceremony
May 25, 2026

Ang Lokal nga kagamhanan sa Villanueva ubos sa maayong pagpangulo ni Mayor Julio T. Uy nagpahigayon karong adlawa sa regular nga first day of the week flag raising ceremony dinhi sa Municipal Hall Grounds.

Gitambongan kini sa mga lokal nga opisyales, mga empleyado sa gobyerno, ug uban pang sektor sa panggamhanan dinhi sa Villanueva.

Ang maong kalihokan nagpakita sa panaghiusa, disiplina, ug padayon nga pagserbisyo alang sa kaayohan sa katawhan sa Villanueva.

COURTESY VISIT | MAYOR’S OFFICELGU VILLANUEVAMay 22, 2026Mibisita karong hapon ang team sa 58th Infantry Battalion sa op...
22/05/2026

COURTESY VISIT | MAYOR’S OFFICE
LGU VILLANUEVA
May 22, 2026

Mibisita karong hapon ang team sa 58th Infantry Battalion sa opisina ni Mayor Julio T. Uy aron sa pagdawat ang ilang hangyo nga rice assistance ug uban pang mga materyales nga personal mismong gitunol sa Mayor.

Samtang anaa didto, nagpresentar usab ang team sa ilang SIPS (Stable Internal Peace and Security) program, nga naglangkob sa kasamtangang kahimtang sa ilang Area of Responsibility (AOR) dinhi sa Villanueva, Misamis Oriental.

Ang mga personahe nga mibisita mao sila: 2Lt. Dwayne Greg R. Pascha (INF) PA – Bravo Company Officer-in-Charge, 2Lt. Mary Evangelyn R. Duronio (AGS) PA – Civil-Military Officer, PFC Chkf Leston P. Gonzaga (INF) PA – CMO NCO BCOY ug PFC Cindy GAD Sophee A. Agbong (INF) PA.

Malipayon kaayo si Mayor Julio T. Uy sa pagdawat kanila ug sa pagtan-aw sa ilang dedikasyon alang sa kalinaw ug seguridad sa Villanueva.

LGU VILLANUEVA NAGBISITA SA NAGPADAYON NGA KONSTRUKSYON SA 4-STOREY GAISANO VILLANUEVA ARON SUSIHON ANG MGA REQUISITOS U...
22/05/2026

LGU VILLANUEVA NAGBISITA SA NAGPADAYON NGA KONSTRUKSYON SA 4-STOREY GAISANO VILLANUEVA ARON SUSIHON ANG MGA REQUISITOS UG KOORDINASYON

Karon hapon, ang Local Government Unit (LGU) sa Villanueva nagsugod sa site visitation sa nagpadayon nga konstruksyon sa 4-storey Gaisano Villanueva aron susihon ang kahimtang sa proyekto ug ang papeles sa business permits, manpower coordination, ug uban pa.

Ang mga nagbisita nga team mao sila Ms. Jacint Wilyn Nain sa Business Permit and Licensing Office (BPLO), mga sakop sa Public Employment and Services Office nga gipangulohan ni Ms. Vanessa Mae R. Morales, ang Barangay Katipunan pinaagi usab sa presensiya ni Kapitan Julio Cabato, ug Kagawad Raul Agravante. Lakip usab ang Villanueva Municipal Information Office nga nagdumala sa photo documentation para sa site preview.

Sa maong pagbisita, gi-awhag sa LGU Villanueva ang team sa nagpadayon nga konstruksyon nga kanunay makig timbayayaong sa husto nga koordinasyon sa LGU Villanueva aron mapalig-on ang maayong partnership ug masiguro ang hapsay nga operasyon sa negosyo.

Ang site visitation usa ka lakang subay sa mandato ni Mayor Julio T. Uy nga palig-onon ang monitoring ug checks sa tanang establisemento dinhi sa Villanueva, Misamis Oriental.

Ang Gaisano Villanueva naglangkob og hapit usa (1) ka ektarya ug bag-o pa nagsugod ang konstruksyon, nga gilauman matapos sa sulod sa 2 ngadto sa 3 ka tuig.

Read the article on the website here: https://villanuevamisor.gov.ph/lgu-villanueva-conducts-strategic-oversight-on-gaisano-4-storey-development/

JOINT MEETING SA MPOC UG MADAC SA LGU VILLANUEVA ALANG SA 2ND QUARTER 2026, NAGMALAMPUSONMalampuson nga gihimo sa LGU Vi...
21/05/2026

JOINT MEETING SA MPOC UG MADAC SA LGU VILLANUEVA ALANG SA 2ND QUARTER 2026, NAGMALAMPUSON

Malampuson nga gihimo sa LGU Villanueva ang joint meeting sa Municipal Peace and Order Council (MPOC) ug Municipal Anti-Drug Abuse Council (MADAC) para sa ikaduhang quarter sa tuig 2026, nga gipangulohan ni Vice Chairman Vice Mayor Jeric G. Emano.

Gisalmutan kin isa pipila ka miyembro sa konseho aron hisgutan ug repasohon ang daghang mga importanteng agenda, lakip ang: Accomplishment reports sa mga proyekto ug programa sa miaging quarter, Updates sa ongoing initiatives sa peace and order ug anti-drug campaigns, Pagsusi sa kasamtangang isyu ug mga angay buhaton nga solusyon ug Pagplano sa umaabot nga mga kalihokan aron mas mapalig-on ang seguridad ug kalinaw sa LGU Villanueva.

Gipasiugda sa meeting ang malampuson nga kooperasyon tali sa MPOC ug MADAC, ug naghatag og higayon sa konseho nga magtinabangay alang sa mas malinawon, luwas, ug progresibong komunidad sa Villanueva, Misamis Oriental.

DYNAMIC DUO NGA SILA GOVERNOR JULIETTE UG MAYOR JULIO T. UY NANGUNA SA PAGPANG APOD APOD SA 1, 500 KA PACK SA BUGAS ALAY...
21/05/2026

DYNAMIC DUO NGA SILA GOVERNOR JULIETTE UG MAYOR JULIO T. UY NANGUNA SA PAGPANG APOD APOD SA 1, 500 KA PACK SA BUGAS ALAYON SA “BIGAY BIGAS” PROGRAM SA VILLANUEVA, MISAMIS ORIENTAL

Sa usa ka mainiton ug makapahimuot nga pagpakita sa panaghiusa, personal nga gipangunahan ni Governor Juliette T. Uy ug Mayor Julio T. Uy ang pagpang apod-apod sa 1,500 ka pack sa bugas nga 10 kilo matag usa ngadto sa matag pamilya sa tibuok Villanueva, Misamis Oriental, nga natigayon sa Municipal Hall Gymnasium.

Kini nagtimaan sa paglunsad sa programa nga “Bigay Bigas para sa Masa”, usa ka inisyatibo ilawom sa Local Government Support Fund – Financial Assistance to LGUs (LGSF-FALGU), nga naghatag og tabang sa bugas ngadto sa mga kabus ug nagkahiusang gihimo kauban ang DA, DILG, DSWD, ug uban pang LGU partners aron masiguro nga matag panimalay sa lungsod makadawat sa gikinahanglan nga suporta sa bugas.

Malipayong nakigduyog ang mga residente sa pagdawat sa ilang mga pack, ug nagpahayag sa ilang dakong pasalamat.

Gipasabot usab sa mga opisyal sa LGU Villanueva nga kini mao lamang ang unang batch, ug adunay sunod nga mga distribusyon aron masiguro nga walay panimalay sa Villanueva nga mapalabyan.

Ang programa nagpakita sa paningkamot dili lamang sa dayon-dayon nga seguridad sa pamugas apan usab sa pagtukod og lig-on ug nagkahiusang komunidad.

Ang hands-on nga pamaagi ni Governor Juliette ug Mayor Julio T. Uy nagpamatuod nga molampos ang serbisyo publiko kung anaa ang mga presensiya sa mga lider nga kanunay nga nag-amuma, ug konektado sa mga tawo nga ilang giserbisyohan.

MALIPAYON NGA NATAPOS ANG 3-DAY BUILDING PERMIT UG CERTIFICATE OF OCCUPANCY USERS TRAINING NGA GITAMBONGAN NI MAYOR JULI...
21/05/2026

MALIPAYON NGA NATAPOS ANG 3-DAY BUILDING PERMIT UG CERTIFICATE OF OCCUPANCY USERS TRAINING NGA GITAMBONGAN NI MAYOR JULIO T. UY

Malipayon nga misaksi si Mayor Julio T. Uy sa katapusang adlaw sa 3-Day Building Permit and Certificate of Occupancy Users Training, nga gipahigayon sa May 19–21, 2026 sa Bongloy Hall, Municipal Hall, Villanueva.

Ang training gihost sa Department of Information and Communications Technology (DICT) Region 10, uban sa mga Information Systems Analysts, aron mapalambo ang kahibalo sa building permit ug certificate of occupancy processes sa atong mga kawani.

Giila ni Mayor Uy ang kalampusan sa training ug nagpasalamat sa tanan nga nitambong, nga nagpakita sa dedikasyon sa pagpaayo sa serbisyo sa publiko.

Read the article on the website here: https://villanuevamisor.gov.ph/mayor-julio-t-uy-graces-culmination-of-three-day-building-permit-and-certificate-of-occupancy-users-training-in-villanueva/

IMPORTANTENG PAHIBALOKining maong kalihukan karon dinhi sa Villanueva Municipal Gymnasium nga “Bigay-Bigas Program” kay ...
21/05/2026

IMPORTANTENG PAHIBALO

Kining maong kalihukan karon dinhi sa Villanueva Municipal Gymnasium nga “Bigay-Bigas Program” kay usa lamang ka ceremonial turnover alang sa mga nalista nga 1,500 packs sa matag pamilya.

Ang matagaan lamang karon mao ang mga barangay sa Poblacion Uno, Dos, ug Tres. Ang uban pa nga barangay, e-schedule ug diha mismo ipang-hatud sa matag barangay.

Dili lang kita mabalaka kung dili pa kamo makadawat karon, tungod kay aduna pa kitay sunod nga batch nga moabot.

Hulat lang sa inyong barangay para sa updates.

Ang atong paninguha sa LGU Villanueva nga ang matag pamilya sa tibuok Villanueva makadawat gayud sa Bigay-Bigas, busa palihug paghulat ug sundon ang schedule ug instructions sa inyong barangay.

Palihug usab dala sa inyong valid ID o uban gikinanglan nga dokumento kung moadto sa sunod nga turnover aron mas sayon ang proseso.

Daghang salamat sa inyong pasensya ug kooperasyon.

Kini usa ka importanteng pahibalo gikan sa LGU Villanueva alang sa kaayohan sa tanan katawhan.

COURTESY VISIT | MAYOR’S OFFICELGU VILLANUEVAMay 19, 2026DICT Regional Office 10 – Information Analyst System Team mibis...
19/05/2026

COURTESY VISIT | MAYOR’S OFFICE
LGU VILLANUEVA
May 19, 2026

DICT Regional Office 10 – Information Analyst System Team mibisita sa opisina ni Mayor Julio T. Uy niining hapon human sa ilang tibuok adlaw nga training session sa pipila ka mga sakop sa LGU Villanueva.

Ang maong training nagtutok sa Building Permit ug Certificate of Occupancy System, usa ka digital nga platform nga alang sa mga residente ug stakeholders sa pagproseso sa ilang building permits pinaagi sa electronic manner—mas paspas, mas sayon, ug mas transparent nga serbisyo publiko.

Kini nga inisyatibo kabahin sa padayon nga digital transformation sa lokal nga gobyerno aron mapalambo ang efficiency sa serbisyo ug mapadali ang transaksyon sa katawhan.

Nagpasalamat ang DICT sa mainit nga pagdawat ug suporta ni Mayor Julio T. Uy ug sa LGU Villanueva sa ilang paningkamot nga mahimong mas moderno ug accessible ang government services alang sa tanang constituents.

Address

New Municipal Hall Complex, Looc
Villanueva
9002

Opening Hours

Monday 8am - 5pm
Tuesday 8am - 5pm
Wednesday 8am - 5pm
Thursday 8am - 5pm
Friday 8am - 5pm

Telephone

+639362145602

Website

Alerts

Be the first to know and let us send you an email when LGU Villanueva posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to LGU Villanueva:

Shortcuts

Share

Category