What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm Saturday 8am - 2:15am

Municipal Government of Valencia, Bohol, Poblacion Occidental, Valencia (2026)

29/05/2026

☑️🧡 KC MAE GAMAYON, GOLD MEDALIST SA PALARONG PAMBANSA

Gipaabot sa Lokal nga Panggamhanan sa Valencia ubos sa pagpangulo ni Mayor Neil Balite ang mainitong pagtimbaya ug pag congratulate gikan sa tibuok lungsod alang kang KC Mae Gamayon gikan sa Barangay Maubo, Valencia, Bohol human makadaog og bulawang medalya sa Secondary Girls’ Pinweight Category sa Arnis sa Palarong Pambansa 2026 nga gipahigayon sa Agusan del Sur.

Si Gamayon, nga estudyante sa Mayor Pablo O. Lim Memorial High School, mipakita og talagsaong kahanas, disiplina ug determinasyon aron mabuntog ang mga labing kusgan nga mga arnisador gikan sa nagkadaiyang rehiyon sa nasod ug masungkit ang kampeonato alang sa Central Visayas.

Matud ni Mayor Neil Balite, ang kadaugan ni Gamayon usa ka dakong garbo dili lamang sa Valencia kondili sa tibuok Bohol.

“Dako kaayong among pagpasalamat ug pagpasidungog kang KC Mae Gamayon sa iyang talagsaong kalampusan sa Palarong Pambansa. Bisan pa sa mga hagit nga iyang naagian sa wala pa ang kompetisyon, nagpabilin siyang lig-on ug determinado nga makab-ot ang iyang damgo. Ikaw usa ka inspirasyon sa kabatan-onan sa Valencia ug sa tibuok Bohol. Nagpakita ka nga pinaagi sa paningkamot, disiplina ug pagtuo sa Ginoo, walay imposible nga maabot. Ang tibuok Valencia mapasigarbuhon kanimo,” matud ni Balite.

Ang maong bulawang medalya dugang sa dungog nga gidala ni Gamayon sa Valencia ug sa Bohol samtang nagpadayon ang pagsikad sa mga atletang Boholano sa nasudnong patimpalak.

Sa kanunay, Barug Valencia!🧡🧡🧡

29/05/2026

☑️🧡 PADAYON NGA GI-MONITOR ANG PRESYO SA PETROLYO SA VALENCIA

Nagpadayon ang Lokal nga Panggamhanan sa Valencia ubos sa pagpangulo ni Mayor Neil Balite sa hugot nga pagmonitor sa presyo sa petrolyo aron masiguro nga husto ug transparent ang gipatuman nga presyo sa mga gasolinahan sulod sa lungsod.

Base sa monitoring nga gihimo alas-12 sa udto niadtong Mayo 29, 2026, mao kini ang kasamtangang presyo sa mga produktong petrolyo sa Valencia:

• Bohol JL Distribution System (Asinan, Canmanico)

* Gasoline Regular – ₱81.80/litro
* Diesel – ₱85.35/litro
* Kerosene – ₱108.41/litro

• Triple Seven-P Petroleum Corporation (Asinan, Canmanico)

* Gasoline Regular – ₱80.21/litro
* Gasoline Premium – ₱81.21/litro
* Diesel – ₱91.35/litro
* Kerosene – ₱129.80/litro

• San Isidro Labrador Gasoline Station (Riverside, Canmanico)

* Gasoline Regular – ₱81.80/litro
* Gasoline Premium – ₱82.80/litro
* Diesel – ₱87.10/litro

• Triple N Gas Station (Poblacion Oriental)

* Gasoline Regular – ₱89.95/litro

• Bohol Petroleum Refilling Station (Poblacion Occidental)

* Gasoline Regular – ₱81.81/litro
* Gasoline Premium – ₱82.81/litro
* Diesel – ₱85.35/litro

• Barnette Caltex Gasoline Filling Station (Catug-an)

* Gasoline Regular – ₱84.81/litro

• JJJ Gas Station (Banderahan)

* Gasoline Regular – ₱89.00/litro
* Diesel – ₱94.00/litro

• R Cagatin Gas Station (Marawis)

* Gasoline Regular – ₱90.00/litro

Matud ni Mayor Neil Balite, importante nga padayon nga mamonitor sa LGU ang presyo sa petrolyo tungod kay dako kini’g epekto sa panginabuhi sa mga residente, ilabi na sa mga drayber, mag-uuma ug mga negosyante.

“Padayon ang atong pagmonitor sa presyo sa petrolyo aron masiguro nga adunay tukmang impormasyon nga mahibaw-an ang atong mga katawhan. Gusto nato nga transparent ang presyo sa matag gasolinahan ug mahibalo ang publiko kung asa sila makapalit nga mas angay sa ilang panginahanglan. Ang LGU Valencia magpabiling alerto ug magtinabangay sa mga hingtungdan aron maprotektahan ang interes sa atong mga konsumidor,” matud ni Mayor Balite.

Gidasig usab sa mayor ang publiko nga magpadayon sa pagmatngon sa presyo sa mga produktong petrolyo ug mosumbong dayon sa LGU kon adunay makitang kalapasan o dili makatarunganong pagsaka sa presyo.

27/05/2026

☑️🧡 REAL PROPERTY TAX AMNESTY HANGTOD NA SA HULYO 5, 2026

Gipahibalo sa Municipal Treasurer’s Office nga mahimo pang maka-avail ang kaigsoonan tang Valencianhon sa Real Property Tax Amnesty ubos sa Republic Act No. 12001 o RPVARA.

Ubos niini, wala nay bayranan nga penalty, surcharges ug interest alang sa mga delinquent real properties basta makabayad sulod sa gitakdang panahon hangtod Hulyo 5, 2026 lamang.

Sumala sa balaod, apil sa amnesty ang wala mabayring real property taxes, idle land tax ug uban pang special levy taxes nga natipon sa miaging mga tuig.

Gidasig ni Mayor Neil Balite ang tanang tag-iya og yuta ug kabtangan nga pahimuslan ang maong programa aron mahapsay ang ilang obligasyon sa buhis ug malikayan ang dugang gastohan sa umaabot.

Matod ni Mayor Balite, dako kining tabang dili lamang sa mga taxpayers kondili usab sa padayon nga pagpalambo sa serbisyo sa lokal nga panggamhanan pinaagi sa hustong koleksyon sa buhis.

Alang sa dugang impormasyon, mahimong moduol sa Municipal Treasurer’s Office.

Sa kanunay, Barug Valencia!🧡🧡🧡

26/05/2026

☑️🧡 LOCAL HEALTH BOARD UG MUNICIPAL NUTRITION COUNCIL ALANG SA 2ND QUARTER MEETING!

Malampusong gihimo ang 2nd Quarter Meeting sa Local Health Board ug Municipal Nutrition Council diin gipresentar sa nagkalain-laing opisina ug mga ahensya ang ilang mga nahimo nga programa ug kalampusan alang sa panglawas ug nutrisyon sa komunidad.

Gitambongan kini ni Mayor Neil Balite uban sa mga miyembro sa konseho ug nagkalain-laing sektor lakip sila si Dr. Roseanne Erika Loquellano (Municipal Health Officer), Kag. Jerald Portrias (SB Health Committee Chairperson), Kag. Elsa Galacio (ABC president), Kag. Nicoleson Gallemado (SK Federated President), John Clayton F. Eusenia (DOH DMO), Jed Ighot (DILG), Ester Galorport (Budget Officer), Mary Grace Lim (MSWDO) ug uban pang mga representante gikan sa health, education, social welfare, barangay, SK, religious sector, ug municipal offices.

Sa maong miting, gihisgutan ang mga lakang aron mas mapalambo pa ang serbisyo sa panglawas, nutrisyon, sanitasyon, ug kaayohan sa katawhan. Gipakita usab sa matag departamento ang ilang accomplishments sa ikaduhang quarter isip kabahin sa padayon nga pagserbisyo sa publiko.

Matud ni Mayor Neil Balite, importante ang panaghiusa sa matag sektor aron masiguro nga mahatagan ug hapsay ug epektibong serbisyo ang katawhan.

“Padayon kitang magtinabangay alang sa mas himsog ug mas lig-on nga komunidad. Ang kalampusan sa atong mga programa resulta sa kooperasyon ug dedikasyon sa matag opisina ug sektor nga nagserbisyo sa katawhan,” pahayag ni Mayor Balite.

Nagpasalamat usab ang lokal nga panggamhanan sa tanang miyembro ug mga partisipante nga nagpadayon sa pagsuporta sa mga programa alang sa kaayohan sa lungsod.

Sa kanunay, Barug Valencia!🧡🧡🧡

25/05/2026

✔️🧡 EARL ZANDER GALIPOSO, NAKABRONZE MEDAL SA PALARONG PAMBANSA 2026!

Dako’ng garbo para sa Valencia, Bohol partikular sa barangay Pangian ug sa tibuok Region VII – Central Visayas human nakadaog og Bronze Medal si Earl Zander Galiposo sa 400 Meter Run – Elementary Boys sa Palarong Pambansa 2026.

Gipasigarbo ni Earl ang iyang talento, kakugi ug determinasyon aron makadala og dungog sa ilang lungsod ug rehiyon. Daghang netizens ug mga taga-Valencia ang naghatag og congratulatory messages alang sa iyang maayong performance sa nasudnong kompetisyon.

Samtang, nagpahatod usab og mensahe sa suporta ug pagdayeg si Mayor Neil Balite alang sa batan-ong atleta.

“Congratulations Earl Zander Galiposo sa imong dakong kalampusan sa Palarong Pambansa 2026. Ikaw usa ka inspirasyon sa kabatan-onan sa Valencia nga pinaagi sa paningkamot ug disiplina, posible nga maabot ang pangandoy. Padayon sa pagpaningkamot ug hinaut nga mas daghan pa ka’g madaug nga kadaugan sa umaabot. Ang LGU Valencia kanunay nga mosuporta sa atong mga atleta,” matod ni Mayor Neil Balite.

Congratulations, Earl! Padayon sa pagdagan padulong sa imong mga damgo!

Sa kanunay, Barug Valencia!🧡🧡🧡

25/05/2026

☑️🧡 MGA BAG-ONG CLASSROOM SA VALENCIA TUKORON

Padayon ang pagpalig-on sa sektor sa edukasyon sa lungsod sa Valencia pinaagi sa pagtukod sa duha ka classroom buildings ilawom sa programa sa Department of Education (DepEd).

Pagatukoron ang usa ka 1-storey, 2-classroom building sa Ginopolan Elementary School nga nagkantidad og P5.3 milyon ug nahimutang sa Ginopolan Proper, Valencia, Bohol. Samtang usa usab ka 1-building nga adunay 2 classrooms ang pagatukoron sa Taytay Elementary School sa Taytay, Valencia, Bohol nga nagkantidad og kapin P4.3 milyon.

Gipaambit ni Valencia Mayor Dionisio Neil Balite ang iyang kalipay ug pasalamat alang sa maong proyekto nga dakong tabang sa mga estudyante ug magtutudlo sa lungsod.

Matud ni Mayor Balite, padayon ang suporta sa lokal nga panggamhanan sa sektor sa edukasyon tungod kay kini maoy pundasyon sa mas maayong kaugmaon sa kabataang Valencianhon.

“Dako kaayo ni nga kalipay para sa atoa tungod kay pinaagi ani mas mapalambo pa nato ang kahimtang sa pag-eskwela sa atong mga kabataan. Ang edukasyon maoy yawe sa ilang kaugmaon ug padayon gyud ang atong suporta alang kanila,” matud ni Mayor Balite.

Ang maong proyekto kabahin sa padayon nga paningkamot sa gobyerno aron matubag ang panginahanglan sa dugang classrooms ug mas maayong pasilidad sa mga pampublikong tunghaan.

Sa kanunay, Barug Valencia!🧡🧡🧡

24/05/2026

☑️🧡 MGA PANGUTANA UG TUBAG KABAHIN SA 5KG RICE ASSISTANCE ⚠️⚠️⚠️

Mga Valencianhon, PALIHUG humanon sa nato ug basa sa dili pa mo react/comment!

23/05/2026

☑️🧡 CIVIL WEDDING CEREMONY 💍

Malampuson ug malipayon nga gipahigayon ang civil wedding nila Melchor Dalde ug Jonaliza Agacer, nga gipangunahan ni Mayor Dionisio Neil A. Balite.

Sa ilang panaghiusa, dili lang legal nga kasabutan ang gipirmahan kundili usa ka lig-on nga saad nga magtinabangay, magtinahuray, ug maghigugmaay bisan unsa pa ang mga pagsulay nga moabot sa ilang kinabuhi isip magtiayon.

Gidunggan ang maong seremonya sa presensya sa pamilya ug mga higala nga misaksi sa ilang saad sa walay katapusang gugma ug pag-amuma sa usag usa.

Daghang pagpanghinaut sa malipayon, malinawon, ug malungtarong panaghiusa sa bag-ong minyo. 💖

Sa kanunay, Barug Valencia! 🧡🧡🧡

20/05/2026

☑️🧡 VALENCIA, USA SA TOP PERFORMING LGU SA REAL PROPERTY TAX COLLECTION & ADMINISTRATION

Gipasidunggan ang Local Government Unit sa Valencia isip usa sa top performing LGUs sa tibuok probinsya sa Real Property Tax Collection ug Administration alang sa Fiscal Year 2025.

Usa sa nakadawat og pag-ila si Mayor Dionisio Neil A. Balite isip “Top Performing Local Chief Executive” tungod sa iyang suporta sa revenue generation program ug treasury operations nga nakapausbaw sa koleksyon sa Real Property Tax sa lungsod.

Gidawat usab sa LGU Valencia ang “Top Performing LGU – 3rd Class Municipality” award tungod sa maayong performance sa Real Property Tax Administration ug pagtaas sa assessed value sa lungsod.

Samtang si Municipal Assessor Orchyl Niño M. Pait, REA ug Municipal Treasurer Kristine Dale T. Corpuz gipasidunggan usab isip top performing officials sa ilang tagsa-tagsang opisina. Si Corpuz nakab-ot og 105.81% collection efficiency rate alang sa Fiscal Year 2025.

Ang awarding ceremony gihimo niadtong Mayo 20, 2026 sa Bohol Tropics Resort uban ni Bohol Governor Erico Aristotle C. Aumentado ug mga opisyal sa Provincial Government of Bohol.

Matud ni Mayor Dionisio Neil A. Balite, “Nagpasalamat ko sa tanang Valencianhons, businessmen, entrepreneurs ug taxpayers nga nagtinabangay aron mahimong usa sa top performing LGUs ang Valencia sa Real Property Tax Collection ug Administration. Kini nga kalampusan bunga sa panaghiusa ug pagsalig sa katawhan sa atong lokal nga gobyerno.”

Sa kanunay, Barug Valencia!🧡🧡🧡

20/05/2026

☑️🧡 MGA PRESYO SA PETROLYO SA MGA GASOLINE STATION SA VALENCIA, BOHOL GIMONITOR

Nagpadayon ang fuel price monitoring sa mga gasoline station sulod sa lungsod sa Valencia, Bohol karong Mayo 20, 2026 alas 12 sa udto aron masiguro nga transparent ug sakto ang presyo sa petrolyo nga ginabaligya sa publiko.

Base sa gipagawas nga monitoring report, ania ang kasamtangang presyo sa pipila ka fuel products:

• Bohol JL Distribution System – Gasoline Regular: ₱82.84 | Diesel: ₱82.32 | Kerosene: ₱109.17
• Triple Seven-P Petroleum Corporation – Gasoline Regular: ₱79.00 | Premium: ₱80.00 | Diesel: ₱91.35 | Kerosene: ₱129.80
• San Isidro Labrador Gasoline Station – Gasoline Regular: ₱80.20 | Premium: ₱81.20 | Diesel: ₱83.50
• Triple N Gas Station – Gasoline Regular: ₱89.95 | Diesel: ₱85.99
• Bohol Petroleum Refilling Station – Gasoline Regular: ₱80.21 | Premium: ₱81.21 | Diesel: ₱82.32
• Barnette Caltex Gasoline Filling Station – Gasoline Regular: ₱83.21
• JJJ Gas Station – Gasoline Regular: ₱87.50 | Diesel: ₱94.00
• R Cagatin Gas Station – Gasoline Regular: ₱90.00

Matud ni Valencia Mayor Neil Balite, importante ang padayon nga pagmonitor sa presyo sa petrolyo aron maprotektahan ang mga konsumidor ug malikayan ang pagsaka sa presyo nga walay basehan.

“Padayon kitang magbantay sa presyo sa petrolyo aron masiguro nga patas ug husto ang presyo nga ginabayran sa atong mga lumulupyo. Kinahanglan transparent ang tanang gasoline station alang sa kaayohan sa publiko,” matud ni Mayor Neil.

Samtang, nag-awhag usab ang lokal nga panggamhanan sa mga motorista nga pirming motan-aw sa updated fuel prices aron makapili ug mas barato ug mas angay nga gasoline station.

18/05/2026

☑️🧡 PRESYO SA PETROLYO SA MGA GASOLINE STATION SA VALENCIA

VALENCIA, BOHOL - Mao kini ang updated posted prices sa mga produktong petrolyo sa tanang gasoline stations sulod sa lungsod karong Mayo 18, 2026 alas 12 sa udto isip kabahin sa padayong pagmonitor sa presyo sa lana aron masiguro ang hustong presyo alang sa konsumidor.

Base sa monitoring, ang presyo sa regular gasoline nagkabat tali sa ₱79.00 hangtod ₱90.00 kada litro, samtang ang premium gasoline nagkabat sa ₱80.00 hangtod ₱82.10 kada litro. Ang diesel usab nagkabat gikan ₱79.50 hangtod ₱94.00 kada litro.

Lakip sa adunay pagtaas sa presyo mao ang San Isidro Labrador Gasoline Station sa Riverside, Canmanico diin ang regular gasoline misaka gikan ₱79.00 ngadto ₱81.10, premium gikan ₱80.00 ngadto ₱82.10 ug diesel gikan ₱83.50 ngadto ₱84.80 kada litro.

Matod ni Valencia Mayor Neil Balite, importante ang padayong pagmonitor sa presyo sa petrolyo aron maprotektahan ang interes sa katawhan.

“Padayon kitang magmonitor sa presyo sa petrolyo sa atong lungsod aron masiguro nga patas ug klaro ang presyo nga ginabayaran sa atong mga konsumidor. Importante nga updated ang publiko aron malikayan ang sobra nga paningil ug mapalambo ang transparency,” sumala ni Mayor Neil Balite.

Nagpahimangno usab ang LGU sa tanang operators sa gasoline stations nga mosunod sa sakto nga posted prices ug magpabiling transparent sa ilang operasyon.

Sa kanunay, Barug Valencia!🧡🧡🧡

Municipal Government of Valencia, Bohol

29/05/2026

29/05/2026

27/05/2026

26/05/2026

25/05/2026

25/05/2026

24/05/2026

23/05/2026

20/05/2026

20/05/2026

18/05/2026

Address

Opening Hours

Website

Alerts

Shortcuts

Share

Category

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm
Saturday	8am - 2:15am