DAR Pangasinan

04/09/2026

Mula sa pagsasaka, dagdag-kabuhayan naman sa pag-aalaga ng isda!

Nasa 140 na kalahok mula sa 14 Agrarian Reform Beneficiary Organizations (ARBOs) ang naturuan ng wastong pag-aalaga ng tilapia at makabagong aquaculture technologies sa isinagawang Tilapia Culture Technology Lecture and Distribution of Fish Seedstocks ngayong araw sa Agricultural Training Institute-Regional Training Center (ATI-RTC).

Pinangunahan nina PARPO II Charlotte F. Lasmarias, PARPO I Reymond Niño R. Yu, at CARPO Lorenza G. Sevilla ang aktibidad, katuwang ang BFAR Provincial Office sa pamumuno ni Center Chief Antonieta D. Evangelista at ATI-RTC Sta. Barbara Center Assistant Director Dr. Grace Ventura.

Bukod sa bagong kaalaman, nakatanggap din ang mga ARBOs ng fish seedstocks na maaari nilang simulan alagaan at gawing dagdag na pagkakakitaan. /JMSA (📷: Bon Salazar, Jr., Graphic Artist)

04/09/2026

Pagbati para sa ating mga kapatid sa serbisyo publiko!

Taos-pusong binabati ng Department of Agrarian Reform (DAR) Pangasinan sina Director III Atty. Auramil Anne E. Morales at PARPO II Engr. Nestor T. Pagaduan sa kanilang pagkakapromote sa posisyon.

Nawa’y magsilbing inspirasyon ang bagong tungkuling ito upang higit pang maitaguyod ang mahusay, tapat, at makabuluhang serbisyo para sa ating mga magsasaka at Agrarian Reform Beneficiaries (ARBs).

Mabuhay at congratulations, Director III Morales at PARPO II Pagaduan!

02/09/2026

MGA LARAWAN: Isinagawa ng mga kawani ng DAR Pangasinan, sa pangunguna nina PARPO II Charlotte F. Lasmarias at PARPO I Reymond Niño R. Yu, ang pagbisita at pag-inspeksyon sa mga natapos na Farm-to-Market Road (FMR) Projects sa ilang barangay ng Asingan at Sta. Maria, Pangasinan.

Layunin ng inspeksyon na matiyak ang kalidad at tibay ng mga proyekto na magbibigay ng mas maayos at ligtas na daanan para sa transportasyon ng mga produkto ng mga Agrarian Reform Beneficiaries (ARBs), at sa gayon ay makatulong sa pagpapalakas ng kanilang kabuhayan at kabuuang pag-unlad ng kanilang mga pamayanan. /jmsa (Kuha ni: Bon Salazar, Jr.)

31/08/2026

ABISO MULA SA DAR PANGASINAN

Ipinababatid ng Department of Agrarian Reform (DAR) Pangasinan na muling ipatutupad ang Alternative Work Arrangements (AWA) bukas, Martes, Setyembre 1, 2026, alinsunod sa Memorandum Circular No. 133, s. 2026.

Patuloy na tatanggapin at aayusin ang mga transaksyon alinsunod sa ipinatutupad na work arrangements. Ang mga transaksyong hindi maisasagawa sa nasabing araw ay ipagpapatuloy sa susunod na regular na araw ng trabaho.

Para sa mga katanungan at concerns, maaaring makipag-ugnayan sa DAR Pangasinan sa:

📱 Globe: 0917 844 6373
📱 Smart: 0998 556 6963

Hinihikayat ang publiko na manatiling nakatutok sa official page ng DAR Pangasinan para sa iba pang anunsyo at updates.

Maraming salamat sa inyong pang-unawa at pakikiisa.

31/08/2026

27/08/2026

MAS MAAYOS NA TANGGAPAN, MAS MAHUSAY NA SERBISYO!

Nagsagawa ang Department of Agrarian Reform (DAR) Pangasinan ng 5S Activity noong Agosto 24, 2026 sa DARPO Pangasinan, Urdaneta City, bilang bahagi ng pagsusulong ng kalinisan, kaayusan, disiplina, at pagiging produktibo sa lugar ng trabaho.

Sa pamamagitan ng Sort, Set in Order, Shine, Standardize, at Sustain, sama-samang isinusulong ng mga kawani ang isang malinis, maayos, ligtas, at produktibong tanggapan para sa mas mahusay na paghahatid ng serbisyo sa ating mga Agrarian Reform Beneficiaries (ARBs) at kliyente.

BASAHIN ang karagdagang ulat: https://www.dar.gov.ph/region-i-news-pangasinan/25811

26/08/2026

Limang maikling pelikula mula sa apat na paaralan sa Pangasinan ang sumabak sa Regional Screening and Judging ng PelikulAgraryo 2026 sa Laoag City, Ilocos Norte noong Agosto 19–21, 2026. Tatlo ang kabilang sa Agrarian Reform Beneficiary (ARB) Category at dalawa sa Agrarian Reform Beneficiaries Organization (ARBO) Category.

Pinangunahan ng mga hurado na sina Director Zig Dulay, Director Edsel Harry Turda, at Assistant Secretary James Arsenio Ponce, CESO III, ang pagsusuri at paghusga sa mga pelikula.

Dinaluhan ang aktibidad ng mga opisyal ng Department of Agrarian Reform (DAR) Region I, gayundin ng Regional at Provincial Strategic Communications (StratComms) teams ng Region I. Kabilang sa StratComms Team ng Pangasinan sina Designated Provincial Information Officer (PIO) Leo Wishly C. Sapunto, Media Writer Joanna Marie S. Altesing, at Graphic Artist Bonifacio Salazar Jr.

Pararangalan ang mga nagwaging pelikula sa nalalapit na PelikulAgraryo Regional Gala, at ang mga mapipiling pelikula naman ang kakatawan sa Region I sa PelikulAgraryo DAR Central and Regional Film Festival 2026.

Basahin ang karagdagang ulat: https://www.dar.gov.ph/region-i-news-pangasinan/25810

26/08/2026

Tampok ang husay ng mga mag-aaral na manlilikha at mga kwentong tagumpay ng agrarian reform beneficiaries (ARBs) at ARB organizations (ARBOs) sa isinagawang PelikulAgraryo 2026 Screening and Judging ng DAR Ilocos Region, kung saan 14 na maikling pelikula– 5 sa ARBO category at 9 sa ARB category– ang napanood at tinasa ng tatlong hurado noong Agosto 19-21 sa Laoag City, Ilocos Norte.

26/08/2026

19/08/2026

Ang DAR Pangasinan ay muling magpapatupad ng Alternative Work Arrangements (AWA) bukas, Huwebes, Agosto 20, 2026, alinsunod sa Memorandum Circular No. 131, s. 2026.

Ang mga transaksyon sa tanggapan ay ipagpapatuloy alinsunod sa ipatutupad na work arrangements. Ang mga transaksyong hindi maisasagawa sa nasabing araw ay ipagpapatuloy sa susunod na regular na araw ng trabaho.

Pinapayuhan ang publiko na manatiling nakatutok sa mga opisyal na anunsyo ng DAR Pangasinan para sa napapanahong impormasyon at mga karagdagang abiso.

Para sa mga katanungan at iba pang concerns, maaaring makipag-ugnayan sa DAR Pangasinan Office sa mga sumusunod na numero:
Globe: 0917 844 6373
Smart: 0998 556 6963

Maraming salamat sa inyong pang-unawa at pakikiisa.