28/04/2026
PAMPUBLIKONB PAALALA:
Kung may kamag-anak kayo, kaibigan, o kakilala na nahuli at naka-kulong, pakisabihan po sila na mag-ingat sila kasi merong mga nagpapanggap na empleyado raw ng korte at ibang ahensya ng gobyerno na kakausapin kayo patungkol sa bail o pyansa. Kapag nakapagpiyansa na daw ang mga akusado o bago sila magpipiyansa, meron daw tatawag sa kanila at magniningil ng additional payment para sa piyansa at tatakutin sila na makukulong ulit o kaya ay hindi makakalabas kapag hindi nakapagbigay. Kung paano nakuha ang mga numero nila, ay isang misteryo at walang nakakaalam.
Meron din mga nagpapanggap na empleyado ng korte o ibang ahensya na magniningil ng pera para daw sa favorable decision/resolution ng case nila.
Wala pong ganyang mga gawain sa Korte ng URDANETA at Piskalya natin. Kung may babayaran kayong piyansa, yung amount lang na nakasaad sa Information o yung pinayagan ng Korte na reduced amount lang ang babayaran ninyo at may kasama itong resibo. At sa mismong Justice Hall kayo magbabayad thru JEPS. Hindi via unverified na GCash account. Wala pong GCash payment sa pagbabayad ng pyansa o anumang court fees.
Kung may duda kayo, kausapin po ninyo ang mga abogado ninyo o kaya sa Piskalya na rin at sa Korte para ma-advise kayo maigi kung kayo ay binibiktima ng mga scammer. Check for the employees valid ID.
Maraming salamat.
