National Housing Authority Region 2 and CAR 2

28/08/2026

₱𝟏𝟔𝟓-𝐌𝐈𝐋𝐘𝐎𝐍𝐆 𝐏𝐀𝐍𝐔𝐊𝐀𝐋𝐀𝐍𝐆 𝐏𝐑𝐎𝐘𝐄𝐊𝐓𝐎𝐍𝐆 𝐏𝐀𝐁𝐀𝐇𝐀𝐘 𝐏𝐀𝐑𝐀 𝐒𝐀 𝐂𝐀𝐆𝐀𝐘𝐀𝐍

Patuloy ang pakikipag-ugnayan ng National Housing Authority (NHA) Cagayan/Kalinga/Apayao/Batanes (CAKB) District Office sa Pamahalaang Panlalawigan ng Cagayan upang maisulong ang mga housing initiatives para sa mga pamilyang nangangailangan ng ligtas at maayos na tahanan.

Sa isang pagpupulong kasama si Gov. Egay Aglipay, inilahad ng NHA CAKB District Office Team na pinangunahan ni DM Rellie Buton, RSW, ang apat na panukalang proyekto sa pabahay para sa mga munisipalidad ng Calayan, Iguig, Camalaniugan, at Solana, na may kabuuang tinatayang halaga na ₱165 milyon.

Tinalakay sa pagpupulong ang mga kinakailangang hakbang at posibleng suporta upang maisulong ang mga proyekto, kabilang ang paghahanap ng kaukulang pondo at pakikipag-ugnayan sa mga concerned national government agencies.

Nagpahayag naman si Gov. Aglipay ng kanyang suporta sa mga housing initiatives at nangakong makikipag-ugnayan sa mga kinauukulang ahensya at national government officials upang makatulong sa pagsusulong ng mga panukalang proyekto.

Samantala, ibinahagi rin ng NHA CAKB District Office ang Emergency Housing Assistance Program (EHAP) ng NHA bilang isa sa mga available na programa ng Ahensya para sa mga kwalipikadong pamilyang nasiraan o nawalan ng tahanan dahil sa natural o iba pang sakuna at emergency situations, alinsunod sa umiiral na guidelines at assessment ng NHA.

Sa pamamagitan ng patuloy na koordinasyon ng NHA at mga lokal na pamahalaan, layunin ng Ahensya na maisulong hindi lamang ang pangmatagalang housing projects kundi maging ang mga programang nagbibigay ng agarang housing assistance sa mga pamilyang higit na nangangailangan.

27/08/2026

𝐅𝐈𝐍𝐀𝐍𝐂𝐈𝐀𝐋 𝐋𝐈𝐓𝐄𝐑𝐀𝐂𝐘 𝐒𝐄𝐌𝐈𝐍𝐀𝐑 𝐏𝐀𝐑𝐀 𝐒𝐀 𝐒𝐈𝐓𝐈𝐎 𝐌𝐀𝐍𝐀𝐍𝐀𝐎 𝐁𝐄𝐍𝐄𝐅𝐈𝐂𝐈𝐀𝐑𝐈𝐄𝐒

Hindi lang pabahay ang mahalaga sa pagbuo ng isang matatag na pamayanan, mahalaga rin ang financial knowledge para matulungan ang mga pamilya na mas maayos na mapamahalaan ang kanilang kita at gastusin.

Sa pakikipagtulungan ng Presidential Commission for the Urban Poor (PCUP), nagsagawa ng Financial Literacy Seminar para sa mga beneficiaries ng Sitio Mananao Site and Services, Brgy. Sitio Mananao, San Manuel, Isabela.

Layunin ng activity na matulungan ang mga beneficiaries na matutunan ang proper budgeting, responsible spending, savings, at effective income management, mga simpleng financial practices na maaaring makatulong sa pagbuo ng mas stable at secure na kinabukasan para sa kanilang mga pamilya.

Ang activity ay coordinated ng Community Support Services Unit (CSSU) ng Ifugao/Nueva Vizcaya/Quirino/Isabela District Office. Kinatawan ng NHA sina John Patrick Domingo at May Ann Malobo, habang sina Nino D. Mangaliag at John Patrick Olmedo naman ang naghatid ng seminar mula sa PCUP.

Sa ganitong mga programa, patuloy na isinusulong ng NHA at mga katuwang nitong ahensya ang isang mas holistic na approach sa housing. Hindi lamang pagkakaroon ng tahanan, kundi pagkakaroon din ng kaalaman at kakayahan para mapabuti ang buhay ng bawat pamilyang benepisyaryo.

26/08/2026

Ipinapaalam sa lahat na sarado ang tanggapan ng National Housing Authority Region II & CAR 2 Office at Cagayan/Kalinga/Apayao/Batanes District Office, Ifugao/Nueva Vizcaya/Quirino/Isabela District Office sa 31 Agosto 2026 (Lunes) bilang paggunita sa Araw ng mga Bayani (National Heroes Day), isang Regular Holiday na nakalaan upang parangalan at alalahanin ang katapangan, sakripisyo, at kabayanihan ng mga Pilipinong nag-alay ng kanilang buhay at paglilingkod para sa bayan.

Magpapatuloy ang regular na operasyon ng mga tanggapan sa 01 Setyembre 2026 (Martes).

24/08/2026

Patuloy na inilalapit ng National Housing Authority (NHA) ang mga serbisyo ng pamahalaan sa ating mga benepisyaryo, hindi lamang pabahay, kundi mga oportunidad, tulong, at serbisyong makatutulong sa pagbuo ng mas maunlad na komunidad. Ang paglahok ng mahigit 3,000 benepisyaryo sa Ika-51 NHA People’s Caravan sa Pagadian City ay patunay ng patuloy na pagtutulungan ng NHA at mga partner agencies para mas mailapit ang serbisyo sa mga Pilipinong nangangailangan. Serbisyong malapit sa tao, serbisyong may malasakit, at serbisyong tunay na nagdadala ng pag-asa.

20/08/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎

Sarado ang mga tanggapan ng National Housing Authority (NHA) sa buong bansa bukas, Agosto 21, 2026, bilang paggunita sa Ninoy Aquino Day.

Magbabalik ang operasyon ng ahensya sa Lunes, Agosto 24, 2026.

06/08/2026

𝐁𝐔𝐖𝐀𝐍 𝐍𝐆 𝐖𝐈𝐊𝐀 𝟐𝟎𝟐𝟔 | 𝐏𝐀𝐊𝐈𝐊𝐈𝐈𝐒𝐀 𝐍𝐆 𝐍𝐇𝐀 𝐑𝐄𝐆𝐈𝐎𝐍 𝐈𝐈 & 𝐂𝐀𝐑𝟐 𝐎𝐅𝐅𝐈𝐂𝐄

Nakikiisa ang National Housing Authority Region II & CAR2 Office, kasama ang Cagayan/Apayao/Kalinga/Batanes (CAKB) District Office at Ifugao/Nueva Vizcaya/Quirino/Isabela (INVQI) District Office, sa pagdiriwang ng Buwan ng Wikang Pambansa 2026 na may temang:

“Wikang Filipino at AI: Kasangkapan sa Pananaliksik at Tulay sa Yaman ng Impormasyon.”

Sa panahon ng mabilis na pag-unlad ng teknolohiya, nananatiling mahalagang sandigan ang Wikang Filipino sa pagpapalawak ng kaalaman, pagpapalaganap ng tamang impormasyon, at pagpapaunlad ng pananaliksik. Kasabay ng pag-usbong ng Artificial Intelligence (AI), higit nating mapapalakas ang serbisyong publiko at komunikasyon sa pamamagitan ng responsableng paggamit ng teknolohiya habang pinahahalagahan at isinusulong ang ating sariling wika.

Sama-sama nating ipagdiwang ang ating pambansang wika bilang tulay ng pagkakaisa, kaalaman, at mas mahusay na paglilingkod para sa bawat Pilipino.

Maligayang Buwan ng Wikang Pambansa!

04/08/2026

WALANG PASOK!

Ipinaaalam sa lahat na sarado ang tanggapan ng National Housing Authority Region II & CAR 2 Office at Cagayan/Kalinga/Apayao/Batanes District Office sa 17 Agosto 2026 (Lunes) bilang pagdiriwang ng Pavvurulun Afi Festival, alinsunod sa Proklamasyon Blg. 1368, s. 2026 na nilabas ng Tanggapan ng Pangulo, na nagdedeklara sa nasabing araw bilang Espesyal na Araw na Walang Pasok (Special Non-Working Day) sa Tuguegarao City, Cagayan.

Magpapatuloy ang regular na operasyon ng tanggapan sa 18 Agosto 2026 (Martes).

Para sa mga agarang katanungan o iba pang mahahalagang concern, maaari kayong magpadala ng email sa [email protected] o tumawag sa (078) 304-4462.

04/08/2026

Isang hakbang tungo sa mas inklusibo at mas accessible na serbisyo ng pamahalaan ang isinagawang NHA People’s Caravan: “Serbisyong Dala ay Pag-asa” sa Tacloban City, na dinaluhan ng humigit-kumulang 2,000 benepisyaryo. Sa pamamagitan ng pagtutulungan ng NHA at iba’t ibang ahensya ng pamahalaan, mas nailapit ang mahahalagang programa at serbisyong nagbibigay pag-asa at oportunidad sa mga pamilyang Pilipino.

03/08/2026

𝐏𝐀𝐆𝐃𝐈𝐑𝐈𝐖𝐀𝐍𝐆 𝐍𝐆 𝐈𝐊𝐀-𝟓𝟏 𝐀𝐍𝐈𝐁𝐄𝐑𝐒𝐀𝐑𝐘𝐎 𝐍𝐆 𝐍𝐇𝐀: 𝐇𝐀𝐓𝐈𝐃 𝐍𝐀 𝐌𝐀𝐋𝐀𝐒𝐀𝐊𝐈𝐓 𝐀𝐓 𝐏𝐀𝐆-𝐀𝐒𝐀 𝐒𝐀 𝐌𝐆𝐀 𝐁𝐀𝐓𝐀𝐍𝐆 𝐌𝐀𝐆-𝐀𝐀𝐑𝐀𝐋 𝐍𝐆 𝐒𝐈𝐓𝐈𝐎 𝐌𝐀𝐍𝐀𝐍𝐀𝐎 𝐒𝐈𝐓𝐄𝐒 & 𝐒𝐄𝐑𝐕𝐈𝐂𝐄𝐒

Bilang bahagi ng selebrasyon, nagsagawa ang National Housing Authority – Ifugao/ Nueva Vizcaya/ Quirino/ Isabela District Office ng isang Outreach Program sa Mananao Elementary School sa Brgy. Mananao, San Manuel, Isabela para sa mga mag-aaral na residente ng Sitio Mananao Sites & Services, isa sa mga proyekto ng ahensya. Sa pamamagitan ng programang ito, namahagi ang tanggapan ng school supplies sa mga 49 na mag-aaral mula Kindergarten 2 hanggang Grade 3 at nagkaroon din ng munting salu-salo para sa lahat ng mga mag-aaral ng paaralan.

Layunin ng gawaing ito na hindi lamang makatulong sa paghahanda ng mga bata sa kanilang pag-aaral, kundi maipadama rin ang tunay na diwa ng malasakit, bayanihan, at serbisyo publiko. Ang mga simpleng school supplies at masustansyang pagkain ay naging simbolo ng pag-asa at suporta sa mga kabataang patuloy na nagsisikap upang makamit ang kanilang mga pangarap.

Ang masasayang ngiti, taos-pusong pasasalamat, at kasiyahang ipinakita ng mga mag-aaral at pamunuan ng Mananao Elementary School ay nagpapatunay na ang bawat munting tulong ay may malaking epekto sa kanilang buhay. Higit pa sa pagtatayo ng mga bahay, nananatiling layunin ng National Housing Authority ang pagbuo ng mga komunidad kung saan ang bawat pamilya at bawat bata ay may pagkakataong umunlad.

Sa pagdiriwang ng ika-51 anibersaryo ng National Housing Authority, muli nating pinagtitibay ang ating pangako na maghatid ng tapat, mahusay, at may pusong serbisyo publiko, kasabay ng pagsusulong ng temang "Matatag na Pabahay, Maunlad na Pamayanan, Tungo sa Bagong Pilipinas."

Happy 51st Anniversary, National Housing Authority! Patuloy tayong maglilingkod at magbibigay ng pag-asa—isang komunidad, isang pamilya, at isang bata sa bawat pagkakataon.

13/03/2026

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎

Alinsunod sa Executive Order No. 114 s. 2026, ang lahat ng tanggapan ng National Housing Authority (NHA) sa buong bansa ay magpapatupad ng Flexible Work Arrangements (FWA) simula ngayong araw, Marso 13, 2026.

Hinihikayat namin aming mga kliyente na planuhin ang kanilang pagbisita at mga transaksyon sa mg araw na bukas ang aming tanggapan.

Nagpapasalamat kami sa inyong pag-unawa at kooperasyon.

𝐏𝐀𝐁𝐀𝐓𝐈𝐃 𝐒𝐀 𝐏𝐔𝐁𝐋𝐈𝐊𝐎

Alinsunod sa Executive Order No. 114 s. 2026, ang lahat ng tanggapan ng National Housing Authority (NHA) sa buong bansa ay magpapatupad ng Flexible Work Arrangements (FWA) simula ngayong araw, Marso 13, 2026.

Hinihikayat namin aming mga kliyente na planuhin ang kanilang pagbisita at mga transaksyon sa mga araw na bukas ang aming tanggapan.

Nagpapasalamat kami sa inyong pag-unawa at kooperasyon.