What are the opening hours?

Monday 8am - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

https://www.facebook.com/115211944975173/

Tuguegarao Licensing Center, San Gabriel, Tuguegarao City (2026)

01/09/2026

PUBLIC ADVISORY: FREE THEORETICAL DRIVING COURSE (TDC) - SCHEDULE UPDATE

Good news, TUGUEGARAO CITY residents!

The Land Transportation Office - Tuguegarao Licensing Center, in partnership with LGU TUGUEGARAO CITY, Cagayan, will conduct a FREE Theoretical Driving Course (TDC).

TAKE NOTE: 200 SLOTS ONLY (FIRST COME FIRST SERVE)

NEW SCHEDULE:
September 12,2026 - Free Theoretical Driving Course Seminar (LECTURE DAY)

September 19, 2026 - CARAVAN VENUE: Ugac Sur Gymnasium, Tuguegarao City, Cagayan

WHO CAN JOIN:
This activity is EXCLUSIVE FOR RESIDENTS OF TUGUEGARAO CITY ONLY.

HOW TO JOIN:
1. Pre-register on or before September 11, 2026.
Register here: https://forms.gle/WjQ5PCovqRNKv2xx5

2. Bring all required documents on the day of the seminar. (Please refer to the attached image for the list of requirements)

REMINDER:
The TDC is a required seminar by LTO for applicants of Student Permits and Driver’s Licenses. This 2-day course will teach you road safety, road discipline, and traffic rules and regulations.

Let’s take this opportunity to become more responsible and disciplined drivers!

For inquiries, please message the Tuguegarao Licensing Center page.

01/09/2026

𝐋𝐓𝐎, 𝐍𝐀𝐆𝐋𝐀𝐁𝐀𝐒 𝐍𝐆 𝐒𝐂𝐎 𝐋𝐀𝐁𝐀𝐍 𝐒𝐀 𝐃𝐑𝐀𝐘𝐁𝐄𝐑 𝐍𝐆 𝐉𝐄𝐄𝐏 𝐀𝐓 𝐏𝐑𝐈𝐁𝐀𝐃𝐎𝐍𝐆 𝐒𝐀𝐒𝐀𝐊𝐘𝐀𝐍 𝐌𝐀𝐓𝐀𝐏𝐎𝐒 𝐌𝐀𝐒𝐀𝐍𝐆𝐊𝐎𝐓 𝐒𝐀 𝐑𝐎𝐀𝐃 𝐑𝐀𝐆𝐄 𝐒𝐀 𝐌𝐀𝐑𝐈𝐊𝐈𝐍𝐀 𝐂𝐈𝐓𝐘; 𝐌𝐆𝐀 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎 𝐀𝐓 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Muling umaksyon ang Land Transportation Office (LTO), sa direktiba ni LTO Chief, Assistant Secretary Markus V. Lacanilao, matapos matukoy ang mga sangkot sa insidente ng road rage sa A. Bonifacio patungong C-5 sa Marikina City, na nagresulta sa agarang pag-iisyu ng Show Cause Order (SCO) laban sa rehistradong mga may-ari at itinalagang drayber ng isang jeepney at isang pribadong sasakyan.

Batay sa video ng insidenteng nakarating sa ahensya, makikitang magkalapit na bumibiyahe ang isang pribadong sasakyan at isang jeepney sa kahabaan ng A. Bonifacio habang papalapit sa C-5, Marikina City. Kalaunan, bumaba mula sa kanilang mga sasakyan ang mga drayber, kasama ang ilan sa kanilang mga pasahero, at nasangkot sa pisikal na komprontasyon sa gitna ng kalsada.

Dahil dito, inatasan ang rehistradong mga may-ari at itinalagang drayber ng dalawang sasakyan na humarap sa Intelligence and Investigation Division (IID) ng LTO at magsumite ng kanilang sinumpaang paliwanag kaugnay ng mga paglabag na tinukoy sa kanilang mga SCO, kabilang ang Reckless Driving, Obstruction of Traffic, at pagiging Improper Person to Operate a Motor Vehicle, bukod pa sa iba pang paglabag na maaaring matukoy sa nagpapatuloy na imbestigasyon.

Samantala, isinailalim sa 90-araw na preventive suspension ang mga lisensya ng mga itinalagang drayber at inatasang agad itong isuko sa IID.

Inilagay na rin sa alarm status ang dalawang sasakyang sangkot habang nagpapatuloy ang kaukulang proseso at imbestigasyon ng ahensya.

“Hindi natin kukunsintihin ang anumang uri ng karahasan at kaguluhan sa kalsada. Hindi lisensya ang galit para bumaba ng sasakyan at makipagsagutan o makipagsuntukan sa gitna ng kalsada, lalo na kung nalalagay sa panganib ang ibang motorista. Ang mga sangkot sa insidenteng ito ay haharap sa kaukulang pananagutan,” pahayag ni Asec. Lacanilao.

Binigyang-diin ng LTO na ang kalsada ay para sa lahat at hindi lugar para sa anumang uri ng karahasan o iresponsableng pagkilos. Patuloy na paiigtingin ng ahensya ang mga hakbang laban sa mga paglabag na maaaring magbanta sa kaligtasan at kaayusan sa mga pampublikong lansangan.

01/09/2026

𝐁𝐔𝐈𝐋𝐃𝐈𝐍𝐆 𝐁𝐄𝐓𝐓𝐄𝐑 𝐀𝐒𝐒𝐄𝐒𝐒𝐎𝐑𝐒, 𝐏𝐑𝐄𝐏𝐀𝐑𝐈𝐍𝐆 𝐁𝐄𝐓𝐓𝐄𝐑 𝐃𝐑𝐈𝐕𝐄𝐑𝐒: 𝐋𝐓𝐎 𝐑𝟎𝟐 𝐒𝐓𝐑𝐄𝐍𝐆𝐓𝐇𝐄𝐍𝐒 𝐃𝐑𝐈𝐕𝐈𝐍𝐆 𝐒𝐊𝐈𝐋𝐋𝐒 𝐑𝐀𝐓𝐄𝐑𝐒

In its continuing commitment to promote competent drivers and safer roads, the Land Transportation Office Region 02 (LTO R02) conducted the Orientation Seminar for Alternate Driving Skills Raters – Batch 1 on August 28, 2026, at Hotel Carmelita, Diversion Road, Tuguegarao City, Cagayan.

The activity brought together participants from various LTO District and Extension Offices (DOs/EOs) to enhance their knowledge and skills in conducting proper, fair, and reliable driving assessments. Engr. Eztela Buscas and Mr. Arvin Zinampan, serving as Subject Matter Experts (SMEs), shared their expertise on driving skills assessment, safety standards, evaluation procedures, and proper reporting.

Acting Regional Director Geronimo C. Santos welcomed the participants and emphasized the importance of continuous learning and capability-building in ensuring quality and efficient service to the motoring public. Also present during the activity was Acting Chief of the Administrative Division Atty. Ma. Lorely L. Canapi.

The seminar concluded with closing remarks from Chief, Financial Management Division Annie N. Peralta, who encouraged the participants to apply their learnings and continue upholding professionalism in the performance of their duties.

More than just a training activity, the seminar reflects LTO R02’s continuing efforts to strengthen the competence of its personnel and ensure that driving assessments are conducted with fairness, consistency, and integrity. Better-trained assessors help develop better-prepared drivers, bringing the agency one step closer to achieving safer roads and safer communities throughout the Region.

This initiative also supports the continuing direction of the Department of Transportation (DOTr), under Acting Secretary Atty. Giovanni Z. Lopez, and the Land Transportation Office, under Assistant Secretary Markus V. Lacanilao, in strengthening road safety programs and improving services for the Filipino motoring public.

31/08/2026

𝐑𝐄𝐂𝐊𝐋𝐄𝐒𝐒 𝐍𝐀 𝐏𝐀𝐆𝐏𝐀𝐏𝐀𝐓𝐀𝐊𝐁𝐎 𝐍𝐆 𝐃𝐀𝐋𝐀𝐖𝐀𝐍𝐆 𝐒𝐏𝐎𝐑𝐓𝐒 𝐂𝐀𝐑 𝐒𝐀 𝐒𝐊𝐘𝐖𝐀𝐘, 𝐀𝐆𝐀𝐃 𝐈𝐏𝐈𝐍𝐀𝐆-𝐔𝐓𝐎𝐒 𝐍𝐈 𝐋𝐓𝐎 𝐂𝐇𝐈𝐄𝐅 𝐍𝐀 𝐈-𝐀𝐋𝐀𝐑𝐌𝐀 𝐀𝐍𝐆 𝐌𝐆𝐀 𝐒𝐀𝐒𝐀𝐊𝐘𝐀𝐍 𝐀𝐓 𝐒𝐔𝐒𝐏𝐄𝐍𝐃𝐈𝐇𝐈𝐍 𝐀𝐍𝐆 𝐋𝐈𝐒𝐄𝐍𝐒𝐘𝐀 𝐍𝐆 𝐌𝐆𝐀 𝐃𝐑𝐀𝐘𝐁𝐄𝐑

Naglabas ng Show Cause Order (SCO) ang Land Transportation Office (LTO) sa direktiba ni LTO Chief, Assistant Secretary Markus V. Lacanilao, laban sa mga sangkot na drayber at rehistradong may-ari ng dalawang sports car matapos makarating sa ahensya ang video na nagpapakita ng delikadong pagmamaneho sa Skyway.

Batay sa viral video na ipinost sa page na “Auto Vision,” kapwa makikitang nagpapalit ng linya ang dalawang sasakyan at tumatawid sa solid white line habang binabaybay ang Skyway. Napansin din na hindi gumamit ng wastong signal light ang mga drayber bago lumipat mula sa isang linya patungo sa kabilang linya, na maaaring magdulot ng panganib sa iba pang motorista.

Dahil sa ipinakitang agresibong pagmamaneho, agad na ipinag-utos ni Asec. Lacanilao ang pagsasagawa ng kaukulang aksyon at inatasan ang mga sangkot na drayber na humarap sa tanggapan ng Intelligence and Investigation Division (IID) ng LTO Central Office, para sa pagdinig sa Setyembre 7, 2026. Inatasan din silang magsumite ng kanilang mga sinumpaang salaysay, kalakip ang mga kaukulang dokumentong maaaring sumuporta sa kanilang pahayag kung bakit hindi dapat managot ang mga itinalagang drayber sa mga paglabag na nakasaad sa SCO, kabilang ang Reckless Driving at Signals on Starting, Stopping or Turning, partikular sa kabiguang magbigay ng wastong signal habang nagpapalit ng linya.

Inatasan din ang mga sangkot na drayber na magpaliwanag kung bakit hindi sila dapat ideklarang Improper Person to Operate a Motor Vehicle, na maaaring magresulta sa pagsususpinde o tuluyang pagbawi ng kanilang mga lisensya sa pagmamaneho.

Habang nagpapatuloy ang imbestigasyon, kinakailangang isuko ng ng mga sangkot na drayber ang kanilang lisensya a pagmamaneho at isasailalim ang mga ito sa 90-araw na preventive suspension. Bukod dito, inilagay rin sa alarm status ang dalawang sasakyan na sangkot sa insidente.

“Hindi sukatan ng batas ang presyo ng sasakyan. Mamahalin man o hindi, pare-pareho ang batas na kailangang sundin. Walang lugar ang espesyal na pagtrato sa sinumang lumalabag sa batas-trapiko. Haharap sila sa LTO at sasailalim sa nararapat na aksyon alinsunod sa batas," saad ni Asec. Lacanilao.

Muling ipinapaalala ng LTO na anuman ang uri, modelo o halaga ng sasakyan, kailangang sundin ng bawat motorista ang mga batas at regulasyon sa lansangan. Patuloy na paiigtingin ng ahensya ang pagpapatupad ng batas-trapiko upang mapanatili ang kaligtasan sa kalsada, at agad na aaksyunan ang bawat paglabag upang matiyak na walang sinumang makaiiwas sa kaukulang pananagutan.

31/08/2026

𝐌𝐀𝐏𝐀𝐍𝐆𝐀𝐍𝐈𝐁 𝐍𝐀 𝐏𝐀𝐆-𝐎𝐎𝐕𝐄𝐑𝐓𝐀𝐊𝐄 𝐍𝐆 𝐏𝐀𝐌𝐏𝐀𝐒𝐀𝐇𝐄𝐑𝐎𝐍𝐆 𝐁𝐔𝐒, 𝐈𝐍𝐀𝐊𝐒𝐘𝐔𝐍𝐀𝐍 𝐍𝐆 𝐋𝐓𝐎; 𝐒𝐂𝐎 𝐈𝐍𝐈𝐋𝐀𝐁𝐀𝐒, 𝐋𝐈𝐒𝐄𝐍𝐘𝐀 𝐍𝐆 𝐃𝐑𝐀𝐘𝐁𝐄𝐑 𝐒𝐔𝐒𝐏𝐄𝐍𝐃𝐈𝐃𝐎 𝐀𝐓 𝐁𝐔𝐒 𝐈𝐍𝐀𝐋𝐀𝐑𝐌𝐀

Sa ilalim ng pamumuno ni Land Transportation Office (LTO) Chief, Assistant Secretary Markus V. Lacanilao, agad na umaksyon ang ahensya at nagpalabas ng Show Cause Order (SCO) laban sa rehistradong may-ari at itinalagang drayber ng isang pampasaherong bus kaugnay ng isang insidenteng namataang mapanganib ang pagmamaneho.

Batay sa video na nakarating sa ahensya at nagsilbing batayan ng imbestigasyon, makikitang mapanganib na nag-overtake ang naturang bus at tumawid sa solid yellow lane na nagsisilbing traffic sign na nagbabawal sa pag-overtake at pagdaan sa kabilang linya.

Dahil sa malinaw na paglabag ng drayber, inaatasan ito na humarap sa tanggapan ng Intelligence and Investigation Division (IID) ng LTO Central Office para sa pagdinig sa Setyembre 4, 2026, at magsumite ng sinumpaang salaysay o paliwanag, kalakip ang mga dokumento na maaaring sumuporta sa kanilang paliwanag hinggil sa insidente.

Inaatasan ang drayber na magpaliwanag kung bakit hindi siya dapat maharap sa mga kaukulang paglabag sa ilalim ng R.A. 4136 na nakasaad sa SCO, kabilang ang Reckless Driving, Disregarding Traffic Sign, at Driving Against Traffic, gayundin kung bakit hindi dapat suspindihin o tuluyang bawiin ang kanyang lisensya dahil sa pagiging Improper Person to Operate a Motor Vehicle.

Samantala, kinakailangan din ipaliwanag ng rehistradong may-ari kung bakit hindi siya dapat managot sa mga paglabag na Employing Reckless, Insolent, and Arrogant Driver, at Breach of Franchise Conditions.

Isinailalim na rin sa alarm status ang naturang bus habang nagpapatuloy ang imbestigasyon. Kinakailangan namang isuko ng driver ang kanyang lisensya sa pagmamaneho sa IID, na isasailalim sa 90-araw na preventive suspension.

"Hindi namin palalampasin ang ganitong mapanganib na pagmamaneho, lalo na sa pampasaherong bus. Kung hindi kayang sumunod sa batas-trapiko, haharap sa pananagutan, ipatutupad namin ang nararapat na parusa,” saad ni Asec. Lacanilao.

Muling nagpapaalala ang LTO sa lahat ng motorista na mahigpit na sumunod sa batas-trapiko at iwasan ang anumang uri ng mapanganib na pagmamaneho. Patuloy na magsasagawa ng kaukulang aksyon ang ahensya laban sa mga lalabag upang matiyak ang kaligtasan ng lahat ng gumagamit ng kalsada.

Samantala, patuloy hinihikayat ng LTO ang publiko na iulat ang mga nasasaksihang paglabag sa opisyal na page na I-report mo kay LTO Chief o sa website na https://ireportmokayltochief.ph/ para sa maagap na imbestigasyon ng ahensya. Dahil sa LTO, bawat ulat ng paglabag, may aksyon.

31/08/2026

𝐒𝐀𝐒𝐀𝐊𝐘𝐀𝐍𝐆 𝐍𝐀𝐇𝐔𝐋𝐈-𝐂𝐀𝐌 𝐒𝐀 𝐁𝐈𝐆𝐋𝐀𝐀𝐍𝐆 𝐏𝐀𝐆𝐋𝐈𝐊𝐎 𝐏𝐀𝐓𝐔𝐍𝐆𝐎 𝐒𝐀 𝐄𝐗𝐈𝐓 𝐋𝐀𝐍𝐄 𝐒𝐀 𝐒𝐋𝐄𝐗, 𝐈𝐍𝐈𝐒𝐘𝐔𝐇𝐀𝐍 𝐍𝐆 𝐋𝐓𝐎 𝐍𝐆 𝐒𝐂𝐎; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Sa direktiba ni Land Transportation Office (LTO) Chief, Assistant Secretary Markus V. Lacanilao, inisyuhan ng Show Cause Order (SCO) ang rehistradong may-ari at itinalagang drayber ng isang sasakyan matapos itong mamataang nagsagawa ng biglaang pagliko patungo sa exit lane habang bumibiyahe sa South Luzon Expressway (SLEX).

Batay sa video na nakarating sa LTO, makikitang biglaang lumiko ang naturang sasakyan patungo sa exit lane, isang maniobrang maaaring magdulot ng panganib hindi lamang sa mga sakay nito kundi maging sa iba pang kasabay na motorista sa kalsada.

Dahil dito, inatasan ng LTO ang rehistradong may-ari at itinalagang drayber na humarap sa Intelligence and Investigation Division (IID) sa itinakdang pagdinig at magsumite ng kanilang sinumpaang paliwanag kaugnay ng mga paglabag na tinukoy sa SCO.

Kabilang sa mga paglabag na iniimbestigahan ay ang Reckless Driving at pagiging Improper Person to Operate a Motor Vehicle, gayundin ang iba pang paglabag na maaaring matukoy sa nagpapatuloy na imbestigasyon.

Samantala, agad na isinailalim sa 90-araw na preventive suspension ang driver’s license ng itinalagang drayber at inatasang isuko ito sa IID habang nagpapatuloy ang imbestigasyon. Inilagay rin sa alarm status ang naturang sasakyan.

“Hindi puwedeng basta na lamang gumawa ng biglaang maniobra sa kalsada nang hindi iniisip ang maaaring mangyari sa ibang motorista. Isang maling desisyon lamang ay maaaring humantong sa aksidente at maglagay sa panganib sa buhay ng iba. Kaya dapat malinaw sa bawat drayber na ang pagmamaneho ay may kaakibat na responsibilidad,” pahayag ni Asec. Lacanilao.

Tiniyak ng LTO na patuloy nitong ipatutupad ang mga umiiral na batas at regulasyon laban sa mga mapanganib at iresponsableng gawain sa lansangan. Binigyang-diin ng ahensya na ang bawat desisyong ginagawa sa likod ng manibela ay may direktang epekto sa kaligtasan hindi lamang ng drayber kundi maging ng lahat ng gumagamit ng kalsada.

31/08/2026

𝐋𝐓𝐎, 𝐔𝐌𝐀𝐊𝐒𝐘𝐎𝐍 𝐒𝐀 𝐑𝐎𝐀𝐃 𝐑𝐀𝐆𝐄 𝐍𝐀 𝐊𝐈𝐍𝐀𝐒𝐀𝐍𝐆𝐊𝐔𝐓𝐀𝐍 𝐍𝐆 𝐌𝐆𝐀 𝐃𝐑𝐈𝐕𝐄𝐑 𝐍𝐆 𝐓𝐀𝐗𝐈 𝐀𝐓 𝐓𝐑𝐔𝐂𝐊; 𝐒𝐂𝐎 𝐈𝐍𝐈𝐋𝐀𝐁𝐀𝐒, 𝐌𝐆𝐀 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐒𝐀𝐒𝐀𝐊𝐘𝐀𝐍 𝐈𝐍𝐀𝐋𝐀𝐑𝐌𝐀

Agad na kumilos ang Land Transportation Office (LTO), sa ilalim ng pamumuno ni Assistant Secretary Markus V. Lacanilao, matapos makarating sa ahensya ang viral video ng isang road rage incident na kinasangkutan ng isang taxi at isang truck. Dahil dito, naglabas ang LTO ng Show Cause Order (SCO) laban sa dalawang driver at kanilang mga rehistradong may-ari.

Batay sa video na inilabas ng page na “The Visor,” makikita ang tatlong indibidwal na sakay ng truck na sabay-sabay na umaatake at nananakit sa isang taxi driver sa gitna ng kalsada. Sa naturang pangyayari, nakapuwesto rin ang truck sa paraang nakahahadlang sa maayos na daloy ng trapiko.

Samantala, sa hiwalay na video na nakarating sa ahensya, makikitang naghagis ng isang bagay ang taxi driver at ilang ulit na hinampas ng tubo ang windshield ng truck. Matapos nito, hinabol niya ang mga sakay ng truck habang dala pa rin ang tubo at nakipagtalo sa driver nito. Nagpatuloy ang komprontasyon hanggang sa hampasin niya ang pintuan sa bahagi ng driver, na nagresulta sa pagkabasag ng salamin nito.

Dahil sa ipinakitang pag-uugali ng mga sangkot na driver sa kalsada, agad na nagsagawa ng kaukulang aksyon ang LTO. Kinakailangan nilang humarap sa tanggapan ng Intelligence and Investigation Division (IID) ng LTO Central Office para sa pagdinig sa Setyembre 7, 2026 at magsumite ng kanilang sinumpaang salaysay o paliwanag, kalakip ang mga dokumentong maaaring sumuporta sa kanilang panig kaugnay ng insidente.

Kabilang sa mga dapat nilang ipaliwanag ay kung bakit hindi sila dapat managot sa mga paglabag na nakasaad sa SCO. Kailangang ipaliwanag ng truck driver kung bakit hindi siya dapat managot sa paglabag na Obstruction of Traffic, gayundin kung bakit hindi dapat ideklarang Improper Person to Operate a Motor Vehicle ang dalawang driver, na maaaring humantong sa pagsuspinde o pagbawi ng kanilang mga lisensya sa pagmamaneho.

Samantala, kinakailangan ding ipaliwanag ng rehistradong may-ari o operator ng taxi kung bakit hindi siya dapat managot sa paglabag na Employing Reckless, Insolent, Discourteous or Arrogant Drivers kaugnay ng pag-uugali ng kanyang driver.

Kasabay ng pagpapalabas ng SCO, kinakailangang isuko ng mga sangkot na driver ang kanilang mga lisensya sa IID at ipatutupad ang 90-araw na preventive suspension. Inilagay din sa alarm status ang truck at pampasaherong taxi habang nagpapatuloy ang imbestigasyon.

“Ang lisensya sa pagmamaneho ay hindi pribilehiyong dapat napupunta sa mga taong walang kontrol sa sarili at ginagawang lugar ng karahasan ang kalsada. Hindi ito katanggap-tanggap. Hindi namin kukunsintihin ang ganitong marahas na pag-uugali at sisiguraduhin naming mananagot ang mga sangkot,” pahayag ni Asec. Lacanilao.

Muling ipinapaalala ng LTO na mahigpit nitong ipatutupad ang mga patakaran laban sa road rage at anumang uri ng karahasan sa kalsada. Hinihikayat ang lahat ng motorista na pairalin ang disiplina, pagpipigil sa sarili at paggalang sa kapwa. Sa halip na makipagtalo o gumanti, manatiling kalmado at unahin ang kaligtasan ng lahat. Ang motoristang pinagkalooban ng lisensya ay inaasahang may disiplina.

31/08/2026

𝐍𝐀𝐓𝐈𝐎𝐍𝐀𝐋 𝐇𝐄𝐑𝐎𝐄𝐒 𝐃𝐀𝐘

Ang Land Transportation Office (LTO) ay nakikiisa sa paggunita ng Araw ng mga Bayani ngayong Agosto 31 bilang pagkilala at pagbibigay-pugay sa mga magigiting na Pilipinong nag-alay ng kanilang buhay at paglilingkod para sa bayan.

Kaugnay nito, sarado ang lahat ng tanggapan ng LTO sa buong bansa ngayong araw, Agosto 31, 2026 bilang pagtalima sa naturang pambansang paggunita.

Magbabalik ang regular na operasyon ng lahat ng tanggapan ng LTO sa Setyembre 1, 2026.

Para sa iba pang anunsyo at mahahalagang impormasyon, manatiling nakasubaybay sa opisyal na social media accounts ng LTO.

Maraming salamat at Maligayang Araw ng mga Bayani! 🇵🇭

31/08/2026

𝐋𝐓𝐎, 𝐍𝐀𝐆-𝐈𝐒𝐘𝐔 𝐍𝐆 𝐒𝐂𝐎 𝐋𝐀𝐁𝐀𝐍 𝐒𝐀 𝐑𝐈𝐃𝐄𝐑 𝐍𝐀 𝐏𝐔𝐌𝐀𝐒𝐎𝐊 𝐒𝐀 𝐂𝐀𝐑-𝐅𝐑𝐄𝐄 𝐙𝐎𝐍𝐄 𝐀𝐓 𝐊𝐀𝐋𝐀𝐔𝐍𝐀𝐍 𝐀𝐘 𝐍𝐀𝐊𝐀𝐁𝐀𝐍𝐆𝐆𝐀 𝐍𝐆 𝐃𝐀𝐋𝐀𝐖𝐀𝐍𝐆 𝐑𝐔𝐍𝐍𝐄𝐑 𝐒𝐀 𝐌𝐀𝐊𝐀𝐓𝐈 𝐂𝐈𝐓𝐘; 𝐋𝐈𝐒𝐄𝐍𝐒𝐘𝐀 𝐒𝐔𝐒𝐏𝐄𝐍𝐃𝐈𝐃𝐎, 𝐌𝐎𝐓𝐎𝐑𝐒𝐈𝐊𝐋𝐎 𝐈𝐍𝐀𝐋𝐀𝐑𝐌𝐀

Muling umaksyon ang Land Transportation Office (LTO), sa ilalim ng pamumuno ni LTO Chief Assistant Secretary Markus V. Lacanilao, matapos magsagawa ng mabilis na imbestigasyon at maglabas ng Show Cause Order (SCO) laban sa rehistradong may-ari at itinalagang rider ng motorsiklong sangkot sa viral na insidenteng naganap sa Ayala Avenue, Makati City noong Agosto 30.

Batay sa inisyal na imbestigasyon ng LTO, nasangkot ang rider sa insidente kung saan dalawang runner ang nabangga habang isinasagawa ang mga aktibidad sa lugar na itinalagang car-free zone.

Dahil sa insidenteng ito, inaatasan ang rehistradong may-ari at rider na humarap sa tanggapan ng Intelligence and Investigation Division (IID) ng LTO para sa isasagawang pagdinig sa Setyembre 8, 2026. Kinakailangan nilang magsumite ng sinumpaang salaysay o paliwanag, kalakip ang mga kaukulang dokumentong maaaring magsuporta sa kanilang isusumiteng paliwanag kaugnay ng mga alegasyon laban sa kanila.

Maaaring maharap ang rider sa mga paglabag na Reckless Driving at Disregarding Traffic Signs, gayundin sa pagsuspinde o pagbawi ng kanyang driver’s license dahil sa pagiging Improper Person to Operate a Motor Vehicle.

Samantala, isinailalim na sa alarm ang sangkot na sasakyan habang nagpapatuloy ang imbestigasyon. Isasailalim din sa alarm ang kanyang driver’s license at kinakailangang isuko ito sa IID, kung saan ito ay papatawan ng preventive suspension sa loob ng 90 araw.

“Kung may malinaw na pagbabawal, dapat malinaw din ang pagsunod. Sa nangyari sa Makati, hindi namin hahayaang mauwi sa wala ang isang paglabag na nagdulot ng panganib sa mga taong dapat ay ligtas na gumagamit ng kalsada,” pahayag ni Asec. Lacanilao

Sa huli, muling ipinapaalala ng LTO na patuloy nitong binabantayan ang mga paglabag sa kalsada at agad na kumikilos sa mga insidenteng nakaaapekto sa kaligtasan ng publiko. Hinihikayat ng ahensya ang lahat ng motorista na laging maging responsable at disiplinado sa pagmamaneho upang maiwasan ang anumang aksidenteng maaaring magdulot ng pinsala sa ating sarili, gayundin sa kapwa motorista.

28/08/2026

𝐓𝐈𝐍𝐆𝐍𝐀𝐍: APAT NA ‘PATOK’ JEEPNEY NA MAY PEKENG LISENSYA, ILEGAL NA MODIFICATION AT IMPROVISED PLATE, HINULI AT INIMPOUND NG LTO

Alinsunod sa direktiba ni Land Transportation Office (LTO) Chief, Assistant Secretary Markus V. Lacanilao na paigtingin ang pagpapatupad ng mga batas-trapiko at tiyakin ang kaligtasan ng lahat ng gumagamit ng kalsada, apat na pampasaherong jeepney, na karaniwang tinatawag na “Patok” ang nahuli at isinailalim sa kustodiya ng ahensya sa isinagawang enforcement operation ng Law Enforcement Service (LES) noong Agosto 25.

Nagsagawa ng pinaigting na enforcement operation ang mga law enforcement officers mula alas-2:00 ng hapon hanggang alas-6:00 ng gabi sa kahabaan ng Marcos Highway at Sumulong Highway.

Sa inspeksyon, natukoy ang iba’t ibang paglabag ng apat na Public Utility Jeepney (PUJ), kabilang ang defective parts and accessories, unauthorized modification, paggamit ng spurious driver’s license, inappropriate driver’s license, at paggamit ng unauthorized improvised plate number.

Dahil sa mga naturang paglabag, agad na isinailalim sa kaukulang enforcement action ang apat na nasabing jeepney at dinala sa impounding facility para sa kaukulang proseso.

“Simple lang naman ang gusto natin, makauwi nang ligtas ang lahat ng bumibiyahe. Kaya hindi natin palalampasin ang mga paglabag na maaaring magsapanganib sa buhay ng ating mga motorista at pasahero,” ani Asec. Lacanilao.

Muling iginiit ni Asec. Lacanilao na walang puwang sa kalsada ang mga sasakyang hindi sumusunod sa itinakdang pamantayan at mga batas-trapiko, lalo na ang mga paglabag na maaaring maglagay sa panganib sa buhay at kaligtasan ng mga motorista, pasahero, at iba pang gumagamit ng lansangan.

Patuloy ang LTO sa pagpapaigting ng mga operasyon laban sa mga mapanganib at ilegal na sasakyan tungo sa pagsusulong ng mas ligtas, maayos, at disiplinadong sistema ng transportasyon para sa lahat.

Tuguegarao Licensing Center

01/09/2026

01/09/2026

01/09/2026

31/08/2026

31/08/2026

31/08/2026

31/08/2026

31/08/2026

31/08/2026

28/08/2026

Address

Opening Hours

Website

Alerts

Shortcuts

Share

Category

Listing takedown request

Monday	8am - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm