13/04/2026
City Library Office, patuloy ang mga programa at serbisyo upang maisulong ang literacy, edukasyon at community engagement.
Iprinisinta ng City Library Office ang kanilang mga programa at serbisyo upang maisulong ang literacy, edukasyon at community engagement kasabay ng isinagawang Flag Raising Ceremony sa City Hall Grounds ngayong araw, ika-13 ng Abril, 2026.
Ayon kay City Librarian Editha Maramag, umabot sa 176 onsite clients ang kanilang naserbisyuhan simula noong Enero kung saan nabigyan ang mga ito ng access sa mga reading materials.
Nakipag-ugnayan rin ang City Library Office sa Cagayan Provincial Learning and Resources Center para sa pagsasagawa ng Family Literacy and Library Instruction Program sa pakikipagtulungan sa apat na Barangay Day Care Centers na kinabibilanhan ng Annafunan West, Linao Norte, at Linao East A at B kung saan umabot sa 164 na mga bata ang dumalo.
Isinailalim ang mga ito sa storytelling sessions, guided reading at basic library orientation kung saan kapwa ang mga bata at kanilang mga magulang ang nakinabang sa interactive at educational activities.
Inilapit din ng CLO sa pamamagitan ng pagdalo sa Barangay People's Day ang kanilang mga library services sa mga Tuguegaraoeño.
Samantala, ibinahagi rin ni Tuguegarao City Information Officer Wilma Estolas ang naging accomplishments ng Tuguegarao City Information Office simula noong Oktubre noong nakaraang taon hanggang Marso 2026.
Dito, ang mga aktibidad ng Tuguegarao City Government tulad ng pagsasagawa ng Civil Wedding, pag-courtesy call ng mga bisita sa tanggapan ni Tuguegarao City Mayor Maila Rosario S. Ting Que, SP Sessions, Mai-Kumustahan sa Eskwelahan, pay-out activities, turn over ng mga bahay sa ilalim ng Bahayanihan Project at marami pang iba ay naipaabot sa publiko sa pamamagitan ng social media posting.
Inumpisahan na rin nitong Pebrero ang operasyon ng Tele-radyo at ang mga programa ng TCG sa mga media entities sa lungsod tulad ng XFM Tuguegarao, Bombo Radyo Tuguegarao at RBC Cable Master System.
Samantala, iginawad naman nina Chief of Staff Atty Renz Angelo Umambong, City Administrator Juanito Calubaquib at LNB President Restituto Ramirez ang Plaque of Appreciation mula sa Philippine Statistics Authority Region 2 kay City Civil Registry Head Carolina Calucag matapos itong tanghalin bilang Top 8 in the ten batches of CVRS 101 and 201 Training Program na isinagawa sa PSA Central Office noong nakaraang taon.
Sa naging mensahe naman ni City Administrator Calubaquib para sa mga kawani ng TCG, sinabi nito na patuloy lang ang pagtratrabaho para sa ikakabuti ng syudad ng Tuguegarao. Kasabay nito ng pag-anunsyo ng pagkakaroon ng midyear bonus sa susunod na buwan.
