Sangguniang Barangay of Bagasawe

Sangguniang Barangay of Bagasawe Contact information, map and directions, contact form, opening hours, services, ratings, photos, videos and announcements from Sangguniang Barangay of Bagasawe, Public & Government Service, Bagasawe, Tuburan.

27/04/2026

📢 REMINDER!

Naay pay available slots para sa Your Face Sounds Familiar! 🎭✨

⚠️ Hinumdumi: Eksklusibo ra kini para sa mga residente sa Barangay Bagasawe.

Kung gusto mo moapil, dali na kay limitado ra ang slots!

📩 Message lang sa page or adto sa Barangay Hall para maka-register.

Daghang Salamat!

BARANGAY BAGASAWE FIESTA EXCLUSIVE: YOUR FACE SOUNDS FAMILIAR 🎭✨Andam na ba mo mokatawa, mahingangha, ug malingaw? Kalim...
18/04/2026

BARANGAY BAGASAWE FIESTA EXCLUSIVE: YOUR FACE SOUNDS FAMILIAR 🎭✨

Andam na ba mo mokatawa, mahingangha, ug malingaw? Kalimti una ang usual nga singing contest! Karong Fiesta, dili lang tingog ang labanan, apil na ang transformation ug character nga kinahanglan pak na pak!

Kinsa kaha ang sunod nga mobarog sa atong Barangay Stage? Si Sarah G? Si Justin Bieber? O basin si Bruno Mars, Beyonce, o si Sam Smith? Pwede sad miyembro sa paborito ninyong BINI! Bisan kinsa basta mailhan ug kalingawan!

MGA OPISYAL NGA LAGDA (RULES):

1. THE TRANSFORMATION: Dili pwede ang “imong kaugalingon” lang! Kinahanglan mag-transform ka isip usa ka sikat nga icon (Singer, Actor, o Pop Star).

2. THE PERFORMANCE: Live Singing. Dapat makuha nimo ang tingog, lihok, panagway, ug aura sa imong gipiling artist.

3. TIME LIMIT: Hugot nga 3 hangtod 5 minutos kada performance. Siguruha nga bibo ang matag segundo!

4. BUKAS PARA SA TANAN: Single, minyo, batan-on, o “young at heart” basta taga Barangay Bagasawe, welcome kaayo mo!

5. PROPS: Pwede ang simple nga props sa stage basta dali ra i-set up (sulod sa 1 ka minuto).

CRITERIA SA PAGHUKOM (CRITERIA FOR JUDGING):

a. Likeness & Accuracy (40%): Kamay-ong ug ka-lihok ba gyud sa gisun-an?

b. Entertainment Value (30%): Nalingaw ba o napabilib ang tibuok Barangay?

c. Performance Quality (20%): Tingog ug tibuok performance.

d. Costume & Effort (10%): Pagka-creative sa hitsura ug bisti.

SAVE THE DATE!
Asa: Barangay Bagasawe Covered Court
Kanus-a: May 22, 2026 - 7:00 P.M.

PRIZES:

The Ultimate Icon Award (Grand Champion) - Php3,000 & Plaque

The Master Mimic Award (1st Runner Up) - Php2,000 & Plaque

The Stage Stealer Award (2nd Runner Up) - Php1,000 & Plaque

Consolation prize - Php500 & Certificate of Participation

UNSAON PAG-APIL?
I-message lang ang among page o adto sa Barangay Hall ug pangitaa si Barangay Secretary Junebie Villafranca.

DALI NA! LIMITADO RA ANG SLOTS!

Ipakita imong kahanas ug kamaayo. Magkita-kita ta ninyo!

14/04/2026

PAHIBALO📢📢📢

Adunay Assembly Meeting nga pagahimoon sa:
Petsa: April 19, 2026
Oras: 1:00PM
Lugar: Bagasawe Covered Court

Ang inyong presensya importante aron hisgutan ang mga mahinungdanong butang alang sa kaayohan sa atong komunidad.

Giawhag ang tanan nga motambong ug magtinabangay sa pagpalambo sa atong barangay.

Daghang salamat❤️

31/12/2025

Maayong adlaw!

Ang Barangay Council for the Protection of Children (BCPC) sa Brgy. Bagasawe malipayon nga nagdapit sa tanang ginikanan ug kabataan sa kalihokan nga “Paskong Handog Para sa mga Bata”, usa ka Christmas Gift-Giving and Goods Distribution Program.

📍 Kinsa: Mga kabataan edad 3–12 anyos nga nagpuyo sa Brgy. Bagasawe
📍 Asa: Brgy. Bagasawe Covered Court
📍 Kanus-a: January 3, 2026 @ 10:30 AM

Ang maong kalihokan gitumong sa paghatag kalipay ug pagpakita sa atong pag-atiman sa kaayohan sa mga bata ilabi na niining panahon sa Pasko.

Dala ang espiritu sa paghiusa ug kalipay. Kita-kits!

23/12/2025

📣 PAHIBALO SA TANAN 📣

Maayong adlaw mga ka-barangay!
Gipahibalo namo nga nausab ang oras sa Pasko sa Barangay.

🗓️ Petsa: December 25, 2025
⏰ Bag-ong Oras: 3:00 PM
📍 Lugar: Basagawe Covered Court

Palihog ipahibalo usab ang inyong pamilya ug silingan.
Daghang salamat sa pagsabot ug kita-kits sa selebrasyon! 🎄✨

— Barangay Officials

21/12/2025

🌲PAHIBALO SA PASKO SA BARANGAY 🎄

Maayong adlaw sa tanang lumulupyo sa atong Barangay!
Nagpahibalo kami nga adunay Paskong Selebrasyon karong December 25,2025 sa alas 7:30 sa gabii, anhi sa atoang Barangay Covered Court.

✨ Mga kalihokan:
🎁 Raffle Draws
🎄 Exchange Gifts
Bata - Php50.00 (makaon)
Dagko- Php 200.00 (Butang)

📌 Pahinumdom:
👉 Sa raffle draws, usa (1) ra ka miyembro sa matag pamilya ang pwede makaapil aron patas ang kahigayunan sa tanan.
Gidapit ang tanang ginikanan nga magdala sa ilang mga bata aron makig-apil ug makig-selebrar sa kalipay sa Pasko. 🎉

Daghang salamat ug Malipayong Pasko sa tanan! 🎄❤️

12/11/2025

Update as of 11/12/2025
Sigon sa MSWD, bahin sa family food boxes, maghuwat lang usa ta kay wala pa man maabot ang ilang gi-request sa DSWD.

Daghang Salamat.

09/11/2025

November 9, 2025

Alang sa Kasayuran sa Tanan:

Sa mga ni-evacuate sa Evacuation Centers, duha ka sako nga bugas pa ang naabot gikan sa MSWD. Giuna una kini og hatag sa mga ni-evacuate sa Bagasawe Elementary School. Sa pagka karon, wala pay lain nga bugas nga naabot ug nadawat.

Alang sa mga nangutana bahin sa relief goods nga nadawat na sa ubang Barangays, palihug paabot lang kay gi-distribute kini in alphabetical order sa tagsa tagsa ka barangay.

Pahimangno: TANAN MAKADAWAT ANANG RELIEF GOODS, WALAY GIPILI UG WALAY GIPABORAN.

Aron malikayan ang kasamok o kalibog, mas maayo nga mangutana og direkta sa mga officials sa Barangay, kaysa mag-una-una og istorya.

Daghang salamat sa inyong pagsabot ug kooperasyon.

03/11/2025

Pahibalo Alang sa Tanang Lumolupyo sa Tuburan:

Palihug Pagmatngon: Ang Bagyong "Tino" nagkadool sa atong dapit. Gihangyo ang tanan nga mag-andam ug magbuhat dayon sa mga lakang sa pagpanalipod.

Pagpabiling Andam – Mga Pahimangnu sa Panahon sa Bagyo

1.Magpabiling Updated sa Balita – Paminaw sa PAGASA, NDRRMC, o sa inyong LGU para sa mga update sa panahon.
2. Andama ang Go Bag – Butangi og tubig, pagkaon, flashlight, first aid kit, sinina, charger, ug mga importanteng dokumento nga gibutang sa waterproof nga bag.
3. I-charge ang Tanan – Mga selpon, power bank, flashlight – buhata samtang naa pa’y kuryente!
4. Lig-ona ang Inyong Balay – Susiha ang atop, bintana, ug drainage.
5. Ihibalo Asa Mo Paingon – Ilha ang pinakaduol nga evacuation center o luwas nga lugar.
6. Magplano ang Pamilya – Sabuta kung unsaon pagkontak sa usag usa ug asa magkita kung magkabuwag.
7. Mag-pundo – Punu-a ang mga sudlanan sa tubig ug siguraduhang igo ang gas o gamit pangluto.
8. Magpabilin nga Kalma ug Andam – Balika ang inyong checklist ug ipahiluna ang mga emergency numbers.

🌀 Ang Pag-andam makaluwas og kinabuhi. Magtinabangay ta!


03/11/2025

📢 BARANGAY EMERGENCY ANNOUNCEMENT
Re: Severe Tropical Storm “TINO”

According to PAGASA, Severe Tropical Storm Tino (Kalmaegi) is bringing strong winds and heavy rains to our region. It may intensify and affect our area in the coming hours. Please stay alert and take all necessary precautions.

⚠️ REMINDERS

1. Stay indoors unless evacuation is necessary.

2. Be careful of flooding, landslides, and strong winds.

3. Keep your phones charged and have flashlights, water, and food ready.

4. Follow only official announcements from the Barangay, LGU, and PAGASA.

🏠 EVACUATION CENTERS

The following evacuation centers are open for those who need to evacuate:

1. Barangay Covered Court
2. Bagasawe Elementary School

For those who will evacuate, basic goods are available at the Barangay Hall. Please bring important documents, medicines, and basic needs.

📞 IMPORTANT NUMBERS

Barangay Contact Person: 09105273122 (Kagawad Roy Bontia - BDRRM Officer)

ANDAM: 09171161363

Tuburan Police Station: 09985986368

BFP Tuburan: 09615777877

🙏 FINAL REMINDERS

* Do not go to the sea – rough seas up to 2 meters expected (Tuburan).
* Stay calm, help one another, and avoid sharing unverified information. Safety is our shared responsibility.

Stay safe, everyone! 💙

07/10/2025

ANNOUNCEMENT 📢

Sa tanang taga Bagasawe or naay properties sa Barangay Bagasawe, gina-awhag kamo nga kung naay damage ang inyong mga balay, buildings/establishments, o sa sektor sa agrikultura (pananom, hayop, irigasyon, ug uban pa) hinungdan sa mga katalagman, ipa-report dayon kini sa Barangay Hall.

📸 Palihog dalha o ipaapil ang litrato sa mga nadanyos aron mas mapadali ang pag-validate ug pagpaabot sa report sa munisipyo.

📅 Deadline sa pagsumite: October 9, 2025
📍 Lugar sa pagsumite: Barangay Bagasawe Hall
👥 Kontak: Barangay Secretary o Barangay Disaster Risk Reduction and Management Committee (BDRRMC) headed by Barangay Kagawad Roy B. Bontia

Daghang Salamat!

Address

Bagasawe
Tuburan
6043

Website

Alerts

Be the first to know and let us send you an email when Sangguniang Barangay of Bagasawe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category