Business Permits and Licensing Office - Trinidad, Bohol

28/05/2026

Ang atong opisina aktibong nitambong sa virtual Ease of Doing Business (EODB) Forum 2026 karong adlawa, Mayo 28, 2026.

Nakasentro ang diskusyon sa pagpadali, pag-digitalize, ug pagpahapsay sa mga proseso sa permit alang sa mga proyekto sa enerhiya sa atong lungsod. Padayon ang BPLO Trinidad sa paghatag og mas paspas ug de-kalidad nga serbisyo para sa atong mga negosyante!

21/05/2026

Padayon ang hiniusang lihok sa Business Permits and Licensing Office (BPLO) ug Opisina sa Municipal Treasurer karong adlawa, Mayo 21, 2026, alang sa ikaduhang adlaw sa post-inspection ubos sa direktang giya sa atong Mayor Atty. Roberto C. Cajes, PhD. Kini nga lakang gipatuman aron masiguro ang kalimpyo, hapsay nga trapiko, ug legalidad sa tanang lokal ug silingang vendors nga naninda alang sa tulo ka adlaw nga Graduation Ceremony sa Trinidad Municipal College (TMC). Sama kagahapon, gihatagan gihapon og higayon ang mga wala pa'y permit nga makasettle ug makaproseso dayon sa ilang mga dokumento on-the-spot sa Municipal Treasurer’s Office nga kauban sa operasyon.

Dako ang pasalamat sa lokal nga kagamhanan sa padayon nga kooperasyon ug dinalian nga pagtuman sa mga vendors sa atong mga regulasyon ug obligasyon. Magpadayon kini nga pag-roving ug pag-monitor ang atong team hangtod ugma, Mayo 22, 2026, aron masiguro nga patas, legal, ug hapsay ang operasyon sa tanan alang sa kalamposan niining tulo ka adlaw nga selebrasyon.

20/05/2026

The Business Permits and Licensing Office (BPLO), operating under the direct supervision of the Office of the Municipal Mayor, extends its warmest gratitude to the Department of Trade and Industry (DTI) Bohol for partnering with us in the successful MSME Business Opportunities Forum.

We are deeply grateful for your unwavering dedication, valuable insights, and programs that empower our local entrepreneurs. Under the strong leadership of our local government, we continue to build a more vibrant, progressive, and business-friendly Trinidad!

20/05/2026

Isip kabahin sa opisyal nga mandato sa opisina ug ubos sa direktang giya sa atong pinalanggang Mayor Atty. Roberto C. Cajes, PhD., nipahigayon og subsob nga post-inspection ang Business Permits and Licensing Office (BPLO), kauban ang opisina sa Municipal Treasurer, sa vicinity sa Cultural Center karong adlawa, Mayo 20, 2026. Kini nga hiniusang lakang gipatuman aron masiguro ang kahapsay, kaluwasan, ug legalidad sa tanang vendors—lakip na ang atong mga lokal nga negosyante ug ang mga vendors gikan sa mga silingang lungsod nga nidisplay alang sa tulo ka adlaw nga graduation ceremony sa atong Kolehiyo - Trinidad Municipal College (TMC) nga molungtad hangtod Mayo 22, 2026.

Gawas sa pag-inspeksyon sa dagan sa trapiko ug kalimpyo, gihatagan usab nato og higayon ang mga vendors nga nakadisplay na apan wala pa'y permit nga makabayad ug makaproseso dayon sa ilang mga dokumento ngadto sa Municipal Treasurer’s Office nga kauban sa operasyon.

Dako ang pasalamat sa lokal nga kagamhanan sa kooperasyon sa tanang vendors nga daling ni tuman sa mga regulasyon ug niasikaso sa ilang mga obligasyon. Padayon nga mag-roving ug mag-monitor ang BPLO ug Treasury team sa mosunod nga mga adlaw aron masiguro nga patas ug legal ang operasyon sa tanan, samtang ginatabangan ang mga negosyante nga makapaninda nga hapsay alang sa kalampusan niining tulo ka adlaw nga selebrasyon.

19/05/2026

Malampusong gipahigayon karong adlawa ang MSME Business Opportunities Forum sa Trinidad pinaagi sa hiniusang paningkamot sa LGU Trinidad kauban sa atong kaabag ang Department of Trade and Industry – Bohol, Negosyo Center Area 2, Philippine Franchise Association ug Small Business Corporation.

Ang maong kalihokan nagtigom sa mga lokal nga MSMEs, mga nagtinguhang negosyante, ug mga stakeholder sa komunidad alang sa mahinungdanong mga panaghisgot kabahin sa mga oportunidad sa franchising, mga programa sa business financing, ug mga inisyatibo sa pagpalambo sa negosyo.

Tumong sa forum nga mapalig-on ang lokal nga sektor sa negosyo, mapalambo ang kapasidad sa mga negosyante, ug makamugna og mas daghang oportunidad pang-ekonomiya sulod sa lungsod.

Gitambongan kini ni Municipal Administrator isip representative ni Mayor Atty. Roberto C. Cajes, Ph.D. DTI Provincial Director AM. Vierna Teresa C. Ligan represented by Engr. Jerome John Gabin, Jessa Mae Bahag (PFA), Ms. Joy Egagamao (SBCORP), DTI Area Coordinator Dennis Lambojon, Business Councilor Mr. Napthali Balaba, Ms. Ma. Fatima Uy from Negosyo Center Trinidad, BPLO Ryan Mayol ug mga MSMEs sa lungsod sa Trinidad.

18/05/2026

Local Government Unit of Trinidad
MSME BUSINESS OPPORTUNITIES FORUM
on May 19, 2026 Tuesday 8:00 AM to 4:00 Pm
at Mayor's Office Conference Hall.

Local Government Unit of Trinidad
MSME BUSINESS OPPORTUNITIES FORUM
on May 19, 2026 Tuesday 8:00 AM to 4:00 Pm
at Mayor's Office Conference Hall.

11/05/2026

ATTENTION SA TANANG NAA SA LISTAHAN!

Alang sa mga PUJ drivers sa Trinidad nga anaa sa listahan, schedule na sa inyong PAYOUT karong May 13, 2026 (Merkules) adto sa DAMPAS GYM, TAGBILARAN CITY

MGA REQUIREMENTS NGA KINAHANGLANG DALHON:
• 2 ka photocopy sa inyong Valid Driver's License
• Printed copy sa inyong BBMS

Palihug andama ang inyong mga requirements daan aron dili malangan ug hapsay ang dagan sa payout. I-tag o i-share kini sa inyong mga kaila nga naa sa listahan aron mapahibalo sila.

Daghang salamat ug amping sa biyahe!

06/05/2026

06/05/2026

The LGU-Trinidad Business Permits and Licensing Office (BPLO), under the Office of the Mayor, stands in full support of today's Online Orientation conducted by the Anti-Red Tape Authority.