Toledo City Health Department

03/09/2026

PUBLIC ADVISORY:

KANSELADO ANG KLASE KARONG ADLAWA!

Tungod sa nakuha nga resulta sa kalidad sa hangin niining sayu sa kabuntagon, Septyembre 3, 2026, gi-kanselar ni Mayor Marjorie P. Perales ang face-to-face classes sa tanang pampubliko ug pribadong tunghaan, sa tanang lebel sa Toledo City.

Gipahimangnoan ang publiko nga magsul-ob og facemask o magtabon og basa nga labakara kung walay facemask nga magamit.

Kung mahimo, likayan ang pag-gawas-gawas sa panimalay hilabi na katong anaay gipamati sa kalawasan.

Mag-amping kitang tanan.

-Air Quality Monitoring Update from TVI CAAMS, Brgy. Cabitoonan, Toledo City

02/09/2026

PUBLIC ADVISORY:

Bisan pa sa nasinati nga "haze" sa laing parte sa Central Visayas karong adlawa, Septyembre 1, 2026 dala sa hangin gikan sa nahitabong wildfires sa Indonesia, nagpabilin nga anaa sa GOOD to FAIR ang lebel sa kalidad sa hangin nga natala sa Toledo City, karong alas 4:01 sa kahaponon.

Ang resulta gimonitor gikan sa Continuous Ambient Air Monitoring System (CAAMS)
sa Therma Visayas, Inc. nga anaa nahimutang sa Cabitoonan, Toledo City.

02/09/2026

📢 PAHIBALO 📢

Walay OPD Consultation karong September 3–4, 2026 tungod kay ang mga doktor motambong og benchmarking activity.

Ang ubang health services padayon gihapon ang serbisyo.

Salamat sa inyong pagsabot.

22/08/2026

💉 Bakuna karon, proteksyon para sa kaugmaon! ❤️

Kini mga tubag sa mga pangutana mahitungod sa MR-SIA. Paminawa ug dili magpadala sa mga misinformation.

Ang bakuna batok sa Measles ug Rubella (MR) dili lang proteksyon sa usa ka bata—proteksyon usab kini sa tibuok komunidad. Kung mas daghang bata ang mabakunahan, mas lisod mokatag ang sakit. 🛡️

Protektahi ang matag bata ug komunidad. Apil sa MR-SIA!

18/08/2026

15/08/2026

📣 PAHIBALO SA PUBLIKO | MRSIA VACCINATION

Ang Toledo City Health Department magpahigayon og MRSIA Vaccination ugma, August 16, 2026 (Domingo), sa:

📍 St. John D. Sahagun Parish

Ginaimbitar ang mga eligible nga bata ug ilang mga ginikanan/guardian nga moadto ug magpa-vaccine aron maprotektahan ang atong mga kabataan batok sa Measles, Rubella, ug iba pang vaccine-preventable diseases.

💉 Libre ang bakuna.

Palihog dal-a ang inyong anak ug ang iyang vaccination card kung aduna.

Para sa dugang impormasyon, palihog kontaka ang Toledo City Health Department.

Magbakuna. Magpanalipod. Magmalig-on ang komunidad. 💚

14/08/2026

𝗔𝗧𝗢𝗡𝗚 𝗛𝗜𝗕𝗔𝗟-𝗢𝗡 𝗔𝗡𝗚 𝗦𝗔𝗞𝗧𝗢𝗡𝗚 𝗜𝗠𝗣𝗢𝗥𝗠𝗔𝗦𝗬𝗢𝗡 𝗞𝗔𝗕𝗔𝗛𝗜𝗡 𝗦𝗔 𝗣𝗔𝗚𝗣𝗔𝗕𝗔𝗞𝗨𝗡𝗔 𝗦𝗔 𝗠𝗚𝗔 𝗕𝗔𝗧𝗔 𝗕𝗔𝗧𝗢𝗞 𝗦𝗔 𝗠𝗘𝗔𝗦𝗟𝗘𝗦 (𝗧𝗜𝗣𝗗𝗔𝗦) 𝗨𝗚 𝗥𝗨𝗕𝗘𝗟𝗟𝗔 (𝗧𝗜𝗣𝗗𝗔𝗦-𝗛𝗔𝗡𝗚𝗜𝗡)

Ang mga bakuna dugay nang napamatud-an nga luwas ug epektibo sa pagpanalipod sa mga bata batok sa mga sakit sama sa measles ug rubella.

Pinaagi sa pagbakuna, milyon-milyong mga bata ang naprotektahan batok sa posibleng pagkasakit, pagkaospital, ug kamatayon. Ang mga bakuna niagi usab sa hugot nga pagtuon, testing, ug padayon nga pag-monitor aron masiguro ang ilang kalidad, kaluwasan, ug pagkaepektibo.

Kung daghan ang mga bata nga kompleto ang ilang bakuna, mas mapugngan ang pagkaylap sa mga makatakod nga sakit ug makatabang kini sa pagpanalipod sa tibuok komunidad, lakip na ang mga tawo nga mas dali maapektuhan sa mga komplikasyon tungod sa sakit.

Busa, ayaw dayon pagtuo sa tanang impormasyon nga makita online. Susiha ang tinubdan ug pangutana sa inyong health worker aron makakuha og husto ug kasaligan nga impormasyon.

12/08/2026

𝗗𝗔𝗞𝗢 𝗢𝗚 𝗣𝗔𝗚𝗦𝗔𝗟𝗜𝗚 𝗦𝗜 𝗠𝗢𝗠𝗠𝗬 𝗦𝗔 𝗣𝗔𝗚𝗣𝗔𝗕𝗔𝗞𝗨𝗡𝗔 𝗡𝗜 𝗕𝗔𝗕𝗬 𝗔𝗥𝗢𝗡 𝗠𝗔𝗣𝗔𝗡𝗔𝗟𝗜𝗣𝗗𝗔𝗡 𝗦𝗜𝗬𝗔 𝗦𝗔 𝗧𝗜𝗣𝗗𝗔𝗦 𝗨𝗚 𝗧𝗜𝗣𝗗𝗔𝗦-𝗛𝗔𝗡𝗚𝗜𝗡 👶🛡️

Para kang Mommy Lourie Lyn, ang pagpanalipod sa kahimsog sa iyang anak maoy labing importante. Maong iyang gipabakunahan ang iyang baby aron masiguro ang proteksyon niini.

Busa, nanawagan si Mommy sa ubang mga ginikanan nga pabakunahan ang inyong mga anak nga nagpangedaron og 6-59 ka bulan batok sa measles (tipdas) ug rubella (tipdas-hangin).

Isip usa ka ginikanan, atong responsibilidad nga himsog ug layo ang mga bata sa sakit. Busa, ato silang pabakunahan!

Masiguro nato nga protektado sa mga sakit ang mga bata kung kitang tanan, magtinabangay ug makighiusa sa pagpabakuna.

Kay ang "𝗕𝗮𝗸𝘂𝗻𝗮 𝘂𝗴 𝗣𝗿𝗼𝘁𝗲𝗸𝘀𝘆𝗼𝗻 𝗻𝗶 𝗕𝗮𝗯𝘆, 𝗔𝘁𝗼𝗻𝗴 𝗥𝗲𝘀𝗽𝗼𝗻𝘀𝗶𝗯𝗶𝗹𝗶𝘁𝘆!"

12/08/2026