National Confederation of Labor - NCL

27/05/2026

27/05/2026

18/02/2026

National Confederation of Labor (NCL)
Pahayag sa Ika-40 Anibersaryo ng People Power Revolution
(25 Pebrero 2026)

Apatnapung taon matapos ang People Power I, ginugunita natin ang makasaysayang pagkakaisa ng sambayanan na nagpatalsik sa diktadura at nagpanumbalik ng mga demokratikong institusyon. Subalit makalipas ang apat na dekada, nananatiling bigo ang mga sumunod na administrasyon na wakasan ang kahirapan at sistemikong korapsyon na pinaghaharian ng mga dinastiya at dambuhalang korporasyon.

Habang patuloy na tumataas ang presyo ng mga bilihin at nananatiling mababa ang kita ng mga manggagawa, magsasaka, at maliliit na negosyante, iilan lamang ang tunay na nakikinabang sa tinatawag na pag-unlad. Kapos ang pondo para sa edukasyon, kalusugan, pabahay, at agrikultura, samantalang bilyon-bilyong piso ang napupunta sa mga kuwestiyonableng pondo at proyekto. Patuloy ding nasisira ang kalikasan habang napapabayaan ang mga mamamayang bulnerable sa krisis sa klima.

Dahil sa malawakang pagkilos ng taumbayan, na-iImpeach sina Ferdinand Marcos Jr. at Sara Duterte. May mga naisampa nang kaso kaugnay ng mga iskandalo at may mga ari-ariang na-freeze. Napilitang isulong ang Anti-Dynasty Bill, ngunit nananatiling kulang at may mga butas ang mga reporma.

Hindi pa rin napapanagot ang mga pangunahing utak ng korapsyon. Umiiral pa rin ang sistemang mala–pork barrel at patuloy na pinahihina ang mekanismo ng pananagutan.

Tama na! Sobra na ang pamahalaang pinatatakbo ng elitista at burgesya—na mistulang negosyo ng iilan.

Sa ika-40 anibersaryo ng People Power I, muli tayong magkaisa laban sa korapsyon at kahirapan, at sama-samang ipaglaban ang katotohanan, katarungan, at pananagutan.

Magkita-kita tayo sa EDSA Shrine, EDSA–Ortigas, at People Power Monument mula 1:00 hanggang 5:00 ng hapon.
Isama ang pamilya at mga kasama, at dalhin ang ating mga panawagan para sa tunay na pagbabago.

Mga Panawagan:

Ipatupad ang makataong sahod (living wage)!

Buwagin ang lahat ng anyo ng kontraktuwalisasyon!

Igalang ang karapatang mag-unyon!

Tuloy ang diwa ng People Power!

Mula sa tuktok pababa, panagutin ang lahat ng sangkot!

Ibalik sa bayan ang nakaw na yaman!

Pondo sa serbisyo, hindi sa korapsyon!

Wakasan ang paghahari ng mga dinastiya!

31/01/2026

Nagkaisa ang mga unyon, pederasyon, at mga labor centers mula sa Kalakhang Maynila at pisikal na dumalo, habang ang iba naman ay nakiisa sa pamamagitan ng Zoom, kabilang ang mga manggagawa mula sa Pagbilao, Mauban, at Sariaya sa lalawigan ng Quezon, sa idinaos na Labor Consultative Assembly na pinangunahan ng Caritas Philippines President na si Bishop Gerry Alminaza.

Layunin ng pagtitipon na buuin ang isang nagkakaisang tindig ng uring manggagawa laban sa malawakang korapsyon ng pamahalaang Marcos.

Hangad ng malawak na hanay ng mga manggagawa ang pagkakaisa upang wakasan ang korapsyon, katiwalian bulok na sistemang panlipunan, upang isulong ang tunay at makabuluhang pagbabago sa lipunan.

Mabuhay ang uring manggagawa!

20/01/2026

Daang Bakal Creek Side Neihgborhood Association, C6 Road Bypass, Barangay Banaba, San Mateo, Rizal.

Noong ika-18 ng Enero 2026, bumaba sa komunidad ang Urban Poor Affairs Office (UPAO)/CDO ng San Mateo at ayon sa kanilang kinatawan na si Romulo T. Chan papaalisin ang mga naninirahan na umaabot na 300 pamilya, sapagkat isasagawa umano ang pagsasaayos ng creek at pagtatayo ng bagong bahay ng pamahalaang bayan.

Ang kanilang suliranin ay wala pong anumang dokumentong ibinigay kaugnay ng sinasabing development plan ng LGU para sa proyekto ang pagpapatayo ng bagong bahay ng pamahalaang bayan, Bukod dito, batid po namin na ang lupang kanilang tinitirhan ay kasalukuyan pang may nakabinbing kaso sa korte dahil may dalawang indibidwal na parehong nagke-claim ng pagmamay-ari at kapwa nagbabayad ng amilyar.

Ayon po sa UPAO, papaalisin na sila sa Abril 2026, subalit wala pong isinagawang due process, pampublikong konsultasyon, o malinaw na paliwanag hinggil sa naturang proyekto. humihingi kami ng kopya ng mga dokumento kaugnay ng sinasabi ng UPAO na Proyektong para sa pamahalaan ng Bayan

17/01/2026

Enero 17, 2026, nagsagawa ng Leaders Assembly ang Canlibot Homeowners Association (HOA) sa Teresa, Rizal upang talakayin ang kanilang laban sa lupang tinitirikan ng kanilang komunidad. Pinangunahan ang pagpupulong ni Lawin President Atty. Arellano.

Noong 2022, in-auction ng Lokal na Pamahalaan ng Teresa ang nasabing lupa dahil sa hindi pagbabayad ng amilyar sa loob ng mahigit sampung taon. Nakiusap ang Canlibot HOA na huwag nang ituloy ang auction at sa halip ay i-award na lamang sa kanila ang lupa bilang mga kasalukuyang naninirahan at handang bumili nito. Gayunpaman, hindi ito pinansin ng alkalde.

Sumali ang HOA sa bidding ngunit kulang ang kanilang pondo. Anim na raang libong piso lamang ang kanilang naipon, samantalang umabot sa milyon ang halaga ng lupa. Marie Diane De Leon ang nanalo sa bidding sa halagang 5 6 million more or less ang diumano ay nanalo sa bidding.

Noong 2024, nakatanggap ang mga residente ng abiso ng pagpapaalis mula sa diumano ay nakabili ng lupa. Subalit napag-alaman sa Region IV-A na hindi pa naililipat ang titulo ng lupa, kahit na ayon sa patakaran ay dapat itong maisagawa sa loob ng isang taon.

Tatlong beses humiling ng pakikipagpulong ang HOA kay Mayor Rodel Dela Cruz, ngunit pawang mga kinatawan lamang ng administrasyon ang humarap sa kanila at hindi ang alkalde mismo.

Dahil dito, nagsampa ng petisyon ang HOA sa Human Settlements Adjudication Commission (HSAC) sa Halang, Calamba, Laguna. Nagsampa rin sila ng kaso laban sa gobernador, alkalde, NHA, at sa diumano ay nakabili ng lupa na si Marie Diane De Leon. Nagkaroon na rin ng unang pagdinig kaugnay ng nasabing petisyon.

Ito ang mga update na ibinahagi sa Leaders Assembly upang ihanda ang mga miyembro sa patuloy na laban para sa kanilang karapatan sa sosyalisadong pabahay.

15/11/2025

On November 14, 2025, the Workers for Just Transition on Climate Change—which includes NCL, FFW, BMP, KASAMA, PS LINK, ALU-TUCP, Katipunan, and KAMMPS Pagbilao—held a press conference at the UP Hotel in Diliman, Quezon City.
Thank you to everyone who attended and participated in the discussion on the proposed agenda of W4JT for the ongoing COP 30 in Brazil.

15/11/2025

On November 15, 2025, around 300 NCL members participated, representing Kampilan, Katipunan, Socialista, NSS, Murphy Cubao, Rizal, Baseco, Upcaville, Pandacan, and Sitio Kawayan.
In solidarity with the Global Day held for COP30 in Brazil, the event was launched from Welcome Rotonda and followed by a program at St. Joseph College on E. Rodriguez, Quezon City.