MENRO Taytay,Rizal

19/08/2026

18/08/2026

17/08/2026

11/06/2026

𝟏𝟐𝟓𝐭𝐡 𝐀𝐧𝐧𝐢𝐯𝐞𝐫𝐬𝐚𝐫𝐲 𝐨𝐟 𝐭𝐡𝐞 𝐑𝐢𝐳𝐚𝐥 𝐏𝐫𝐨𝐯𝐢𝐧𝐜𝐞

Bilang pakikiisa sa pagdiriwang ng ika-125 Araw ng Lalawigan sa temang "Years of Unity and Prosperity", nagsagawa tayo ng isang Clean-up Drive sa Gonzaga Compound, Barangay San Juan, Taytay, Rizal.

Sa pangunguna ni BM Papoo Cruz, kasama sina Mayor Allan De Leon, Municipal Councilor Mitch Bermundo, Municipal Councilor Kiko Esguerra, at Barangay San Juan, Taytay, Rizal, sa pangunguna ni Barangay Chairperson Rasel Valera, at iba't ibang nasyonal at lokal na mga opisina, mga organisasyon, at mga eskwelahan, nakapagtala tayo ng humigit-kumulang 216 sako ng halo-halong basura mula sa daluyan ng Bangiad Creek.

Ang gawaing ito ay bahagi rin ng pagsusulong sa Buhayin ang Sapa, Ilog, Lawa at Karagatan Program (BUSILAK) ng ating probinsya, kung saan tayo ay naglalayong mapanatili ang kalinisan, kaayusan, at pangangalaga sa ating mga daluyang tubig.

𝘓𝘢𝘭𝘢𝘸𝘪𝘨𝘢𝘯 𝘬𝘢𝘯𝘨 𝘵𝘢𝘯𝘨𝘪𝘯𝘨-𝘵𝘢𝘯𝘨𝘪, 𝘮𝘢𝘩𝘢𝘭 𝘯𝘢𝘮𝘪𝘯 𝘮𝘢𝘨𝘱𝘢𝘬𝘢𝘪𝘭𝘢𝘯𝘮𝘢𝘯.

Taytay Public Information Office

06/05/2026

𝐊𝐚𝐬𝐚𝐲𝐬𝐚𝐲𝐚𝐧 𝐚𝐭 𝐊𝐚𝐥𝐢𝐤𝐚𝐬𝐚𝐧, 𝐏𝐢𝐧𝐚𝐠𝐭𝐚𝐠𝐩𝐨: 𝐏𝐚𝐬𝐢𝐠 𝐑𝐢𝐯𝐞𝐫 𝐇𝐞𝐫𝐢𝐭𝐚𝐠𝐞 𝐖𝐚𝐥𝐤, 𝐈𝐬𝐢𝐧𝐚𝐠𝐚𝐰𝐚 𝐩𝐚𝐫𝐚 𝐬𝐚 𝐊𝐚𝐛𝐚𝐭𝐚𝐚𝐧𝐠 𝐓𝐚𝐲𝐭𝐚𝐲

Nagsagawa ang DENR National Capital Region, sa pamamagitan ng Pasig River Coordinating and Management Office (PRCMO), ng Pasig River Heritage Walk para sa mga mag-aaral at youth group mula Taytay, Rizal, bilang bahagi ng experiential learning activities sa kahabaan ng Ilog Pasig. Ang aktibidad ay bahagi rin ng Environmental Learning Camp na isinakatuparan ng Municipal Environment and Natural Resources Office (MENRO) ng Taytay, kaugnay ng pagdiriwang ng Earth Day 2026.

Naging sentro ng walking tour ang Pasig River Esplanade, kung saan nasaksihan ng mga kalahok ang iba’t ibang interbensyon sa kahabaan ng ilog, kabilang ang cleanup operations, easement recovery, at mga umiiral na batas pangkalikasan, at ang kahalagahan ng pampublikong espasyo na nagsisilbing ligtas at maayos na lugar para sa komunidad. Ipinakita rin kung paano isinusulong ang urban development at ang mas inklusibo at sustenableng paggamit ng mga daluyan ng tubig. Binigyang-diin din ang koneksyon ng Ilog Pasig sa mas malawak na watershed system—mula Laguna de Bay hanggang Manila Bay—na nagpapakita ng kahalagahan ng sama-samang pagkilos ng mga komunidad at iba’t ibang sektor mula upstream hanggang downstream.

Sa pamamagitan ng Communication, Education, and Public Awareness (CEPA) activities gaya ng Pasig River Heritage Walk, mas pinapalawak ang kamalayan ng publiko at kabataan sa kahalagahan ng Ilog Pasig—hindi lamang bilang makasaysayang daluyan ng kalakalan at kultura, kundi bilang isang mahalagang ekolohikal na sistema na dapat ay patuloy na pangalagaan, bilang bahagi ng mas malawak na Manila Bay Rehabilitation Program.

02/05/2026

𝐊𝐚𝐛𝐚𝐭𝐚𝐚𝐧 𝐩𝐚𝐫𝐚 𝐬𝐚 𝐊𝐚𝐥𝐢𝐤𝐚𝐬𝐚𝐧: 𝐃𝐄𝐍𝐑-𝐍𝐂𝐑 𝐍𝐚𝐠𝐛𝐚𝐡𝐚𝐠𝐢 𝐧𝐠 𝐊𝐚𝐚𝐥𝐚𝐦𝐚𝐧 𝐬𝐚 𝐏𝐚𝐬𝐢𝐠 𝐑𝐢𝐯𝐞𝐫 𝐚𝐭 𝐌𝐚𝐧𝐢𝐥𝐚 𝐁𝐚𝐲 𝐑𝐞𝐡𝐚𝐛𝐢𝐥𝐢𝐭𝐚𝐭𝐢𝐨𝐧 𝐏𝐫𝐨𝐠𝐫𝐚𝐦

Nagbahagi ng kalaaman ang DENR National Capital Region sa isinagawang Environmental Learning Camp ng Pamahalaang Bayan ng Taytay (MENRO Taytay,Rizal), bilang bahagi ng pagdiriwang ng Earth Day 2026, kung saan nagsagawa ng Dalaw Turo ukol sa kasulukuyang estado ng Ilog Pasig at sa patuloy na rehabilitasyon nito sa ilalim ng Manila Bay Rehabilitation Program.

Ang aktibidad ay ginanap sa Arroceros Forest Park, Maynila at dinaluhan ng mga mag-aaral at youth organizations mula Taytay, Rizal.

Pinangunahan ng Pasig River Coordinating and Management Office (PRCMO) at Manila Bay Site Coordinating/Management Office (MBSCMO) ang talakayan na sumentro sa kasaysayan, kasalukuyang kondisyon, at mga patuloy na hakbangin para sa rehabilitasyon ng Ilog Pasig at Manila Bay, kabilang ang pagpapabuti ng kalidad ng tubig, maayos na pamamahala ng solid waste, pagpapatupad ng environmental laws, at pakikipag-ugnayan sa iba’t ibang ahensya at lokal na pamahalaan.

Bahagi rin ng aktibidad ang field exposure at pagsasagawa ng basic water quality analysis upang higit na maunawaan ang ugnayan ng mga watershed, ilog, at baybayin sa pangangalaga ng kapaligiran.

Bilang isa sa mga bayan at local government unit na bahagi ng mas malawak na Pasig River System, mahalagang katuwang ang Taytay sa pangangalaga ng ating mga daluyang tubig.

Sa pamamagitan ng paghubog sa kamalayan ng kabataan, mas napapalakas ang kolektibong pagkilos para sa mas malinis na ilog at mas ligtas na kapaligiran para sa susunod na henerasyon.

30/04/2026

𝐌𝐚𝐧𝐢𝐥𝐚 𝐁𝐚𝐲 𝐋𝐆𝐔-𝐂𝐀 𝐟𝐨𝐫 𝐭𝐡𝐞 𝐲𝐞𝐚𝐫 𝟐𝟎𝟐𝟓

Sa patuloy na pangangalaga at pagsasaayos ng ating Manila Bay, isinagawa natin ngayong araw ang Manila Bay Clean-Up, Rehabilitation and Preservation Program—Local Government Unit Compliance Assessment para sa taong 2025 sa ating bayan.

Bahagi ng isinigawang pagsusuri ang table assessment at ground validation upang makita ang implementasyon sa tatlong pangunahing kategorya: Liquid Waste Management, Solid Waste Management at Informal Settler Management.

Katuwang sa masusing pagsusuri ay ang mga validators mula sa, Provincial Health Office, Rizal Environment and Natural Resources Office, Provincial Housing Office, Manila Bay Regional Office, at DILG Rizal.

Ang aktibidad na ito ay bahagi ng ating
tuloy-tuloy na monitoring at validation upang matukoy ang mga kinakailangang interbensyon, mapalakas at madagdagan ang mga kasalukuyang aktibidad, proyekto at programa, at matiyak ang maayos at tuloy-tuloy na pagpapabuti ng implementasyon.

Mayor Allan De Leon
Taytay Public Information Office

27/04/2026