27/05/2026
27 Mayo 2026
Sa patuloy at matibay na pagsuporta ng ating Kgg. Na Punong Lungsod Hon. Anthony “Kuya Piwa” A. Lim sa mga programang nagsusulong ng mabuting pamamahala, epektibong serbisyo publiko, at pangmatagalang kaunlaran para sa ating bawat Tayabasin, patuloy niyang pinapalakas ang mga makabuluhang inisyatiba, kabilang ang matagumpay na pakikiisa sa ginanap na Quezon Provincial Consultation for the Local Government Code Review and Amendment Program (LGC REVAMP) noong ika -26 ng Mayo 2026 sa M.I Sevilla Hotel and Resort, Brgy. Domoit, Lucena City.
Bilang bahagi ng mahalagang gawaing ito, aktibong nakiisa ang aming Head-LDRRMO, Dr. Rosario P. Bandelaria kasama ang ilan sa mga opisyal at kawani ng Pamahalaang Lungsod upang mas mapalakas at mas mapabuti pa ang mga polisiya at programa ng lokal na pamahalaan upang higit na makatugon sa pangangailangan ng mamamayang Tayabasin.
Sa magkakasunod na taon, nananatiling matatag na katuwang at tagasuporta ang Tayabas City Disaster Risk Reduction and Management Office (CDRRMO) sa mahahalagang programa tulad nito, na patuloy na nagpapalakas ng ugnayan at pagtutulungan ng mga ahensya upang higit pang maisulong ang kahandaan sa sakuna, pagpapalakas ng mga serbisyong pampubliko at katatagan sa panahon ng emerhensiya.
Ang gawaing ito ay sumasalamin sa bisyon ng ating Tayabas City Mayor Anthony A. Lim para sa isang handa, may pagkakaisa, at matatag na Lungsod ng Tayabas kung saan ang sama-samang pamamahala, maayos na pamumuno, at pinalakas na mga programang pangkomunidad na nagsisiguro na walang Tayabasin ang maiiwan, lalo na sa panahon ng pangangailangan.🩵
❤
-Ayt
