29/08/2026
๐ ๐ด๐ฎ ๐๐ด๐ฎ๐ฟ๐ฎ๐ป๐ด ๐๐ฎ๐ธ๐ฏ๐ฎ๐ป๐ด ๐ฎ๐ ๐ง๐๐ด๐ผ๐ป ๐ป๐ด ๐ฃ๐ฎ๐บ๐ฎ๐ต๐ฎ๐น๐ฎ๐ฎ๐ป๐ด ๐๐๐ป๐ด๐๐ผ๐ฑ ๐๐ฎ๐๐ด๐ป๐ฎ๐ ๐ป๐ด ๐๐ป๐๐ถ๐ฑ๐ฒ๐ป๐๐ฒ ๐๐ฎ ๐๐พ๐๐ถ๐ป๐ผ ๐๐ฟ๐ถ๐ฑ๐ด๐ฒ ๐ฎ๐ ๐ฃ๐ฎ๐๐๐น๐ผ๐ ๐ป๐ฎ ๐ฃ๐ฎ๐ด-๐๐น๐ฎ๐ป
Patuloy ang ating mahigpit na pagbabantay sa sitwasyon ng Aquino Bridge matapos gumuho ang bahagi nito bandang 11:56 kagabi, Agosto 28, 2026.
Sa ngayon, hindi maaaring gamitin ang Aquino Bridge dahil sa pinsalang dulot ng pagbagsak ng bahagi nito. Isinasagawa ng DPWH ang masusing technical assessment upang matukoy ang lawak ng pinsala at ang mga kinakailangang hakbang para sa pagkukumpuni o iba pang posibleng solusyon. Mula sa assessment na ito matutukoy kung ano ang kinakailangang intervention at kung gaano katagal maaaring abutin ang pagsasaayos ng tulay.
Kasabay nito, mino-monitor din natin ang Agana Bridge. Magpapatupad ng traffic management scheme at mga alternatibong ruta para sa mga sasakyan, lalo na para sa mga truck, bus, at heavy equipment, upang mapanatiling passable at ligtas ang tulay at maiwasan ang sobrang bigat ng daloy ng trapiko rito. Nakikipag-ugnayan rin ang City Government sa PNP, Provincial Government, at mga karatig-bayan upang maayos na mapag-aralan at maipatupad ang rerouting plan.
Para sa mga pamilyang maaaring maapektuhan ng pagbaha, nagsagawa na tayo ng preemptive evacuation sa humigit-kumulang 60 pamilya sa Zone 3, San Isidro Tibag, 7 pamilya sa Burot, at 2 pamilya sa San Luis kahapon. Patuloy nating mino-monitor ang mga lugar na may pagbaha sa iba't ibang barangay, habang patuloy namang umaandar ang ating mga pumping station.
Magpapatuloy din ang sandbagging operations sa mga lugar na nangangailangan nito. Kasabay nito, tuloy-tuloy rin ang ating relief distribution. Sa ngayon, humigit-kumulang 7,000 pamilya na sa buong lungsod ang nabigyan ng relief assistance.
Ayon sa Tarlac City Water District - PrimeWater, ang Barangay San Isidro, Tibag, Baras-Baras, Dolores, Care, Sapang Maragul ay nakararanas ng low water pressure to no water dahil apektado ang linya ng tubig sa tulay. Bilang augmentation measure, naghanda ang City Government ng water truck upang makatulong sa mga lugar na maaaring makaranas ng kakulangan sa suplay ng tubig.
Mananatiling bukas ang ating mga City Health Center upang matugunan ang mga kinakailangang serbisyong medikal ng ating mga kababayan.
Sa ating mga magulang, lalo na sa mga may maliliit na anak, panatilihin muna natin sila sa loob ng bahay at huwag munang palabasin kung hindi kinakailangan. Sa ganitong sitwasyon, mas mabuting maging maingat at huwag ilagay sa panganib ang ating mga sarili at pamilya.
Manatiling updated sa mga opisyal na impormasyon at abiso ng City Government. Kung may anumang concern o nangangailangan ng tulong, ipagbigay-alam agad sa City Government at sa inyong barangay upang agad nating maaksyunan:
๐จ ๐๐๐ฅ๐ฅ๐ ๐ข ๐ง๐ฎ๐ฟ๐น๐ฎ๐ฐ ๐๐ถ๐๐
๐ฑ Smart: 0921-930-0047
โ๏ธ Landline: (045) 470-8647
๐ ๐๐๐ฃ ๐ฅ๐๐๐ โ ๐ง๐ฎ๐ฟ๐น๐ฎ๐ฐ ๐๐ถ๐๐ ๐๐ถ๐ฟ๐ฒ ๐ฆ๐๐ฎ๐๐ถ๐ผ๐ป
โ๏ธ (045) 982-1356 / (045) 606-0329
๐ฑ 0991-512-4752
๐ฎ ๐ง๐ฎ๐ฟ๐น๐ฎ๐ฐ ๐๐ถ๐๐ ๐ฃ๐ผ๐น๐ถ๐ฐ๐ฒ ๐ฆ๐๐ฎ๐๐ถ๐ผ๐ป
๐ฑ 0998-598-5494
Hinihiling ko sa bawat isa na ipagdasal natin ang kaligtasan ng ating lungsod, ng bawat pamilya, at ng lahat ng ating mga kababayan.
Kaligtasan ng bawat Tarlaqueรฑo ang ating pangunahing prayoridad. Mag-ingat po tayo lalo naโt tuloy-tuloy pa rin ang buhos ng ulan.
