Tarlac City Agriculture Office - FITS

29/05/2026

𝗣𝗔𝗟𝗔𝗬 𝗦𝗘𝗘𝗗𝗦 & 𝗙𝗢𝗟𝗜𝗔𝗥 𝗙𝗘𝗥𝗧𝗜𝗟𝗜𝗭𝗘𝗥 𝗗𝗜𝗦𝗧𝗥𝗜𝗕𝗨𝗧𝗜𝗢𝗡 🌾

Kasunod ng launching ng distribution noong May 20, 2026 ay tuloy tuloy na ang pamamahagi ng hybrid at in**ed seeds kasama ang foliar fertilizer sa iba’t ibang barangay sa Tarlac City bilang suporta sa ating mga magsasaka ngayong panahon ng pagtatanim.

Layunin ng programang ito na makatulong sa pagpapataas ng produksyon ng ating mga rice farmers sa pamamagitan ng dekalidad na binhi at pataba.

Sa kasalukuyan ay nakapamahagi na sa labingsiyam (19) na barangay ang tanggapan. Narito ang mga barangay na nakatanggap na ng nasabing inputs:

🗓️ May 20, 2026
◾️Balibago I
◾️Burot
◾️Tariji

🗓️ May 25, 2026
◾️Banaba

🗓️ May 26, 2026
◾️Ungot
◾️Batang-Batang
◾️Dalayap
◾️Santa Cruz

🗓️ May 27, 2026
◾️Care (Batch 1)
◾️Bora
◾️Sapang Tagalog
◾️Amucao
◾️Aguso
◾️Culipat

🗓️ May 28, 2026
◾️Balete
◾️Lourdes
◾️San Pascual
◾️Maliwalo

🗓️ May 29, 2026
◾️Care (Batch 2)
◾️Matatalaib
◾️San Jose
◾️San Carlos

Asahan ang patuloy na pamamahagi sa iba pang barangay upang mas maraming magsasaka ang mabigyan ng kaukulang suporta para sa kasalukuyang cropping season.

27/05/2026

𝗙𝗔𝗥𝗠 𝗜𝗡𝗣𝗨𝗧𝗦 𝗣𝗔𝗥𝗔 𝗦𝗔 𝗠𝗚𝗔 𝗖𝗢𝗢𝗣𝗘𝗥𝗔𝗧𝗢𝗥𝗦 𝗡𝗚 𝗛𝗬𝗕𝗥𝗜𝗗 𝗠𝗢𝗗𝗘𝗟 𝗙𝗔𝗥𝗠 | May 27, 2026

Patuloy na isinusulong ng Tarlac City Agriculture Office ang pagpapaunlad ng produksyon ng palay sa pamamagitan ng pagpapatupad ng Hybrid Rice Model Farm Project sa Barangay Amucao at ilang karatig barangay.

Bilang bahagi nito, pinangunahan ni Acting City Agriculturist Mr. Ronald Allan M. Reyes katuwang ang farmer-cooperator na si Mr. Michael Calilung ang pamamahagi ng mga agricultural interventions tulad ng Longping hybrid seeds, Folistim Humi-N+, at Humus sa mga cooperators ng programa. Ang mga intervention na ito ay inaasahang makatutulong sa pagpapalakas ng pananim, pagpapabuti ng kalidad ng lupa, at pagpapataas ng produksyon upang mas maging produktibo at matatag ang kabuhayan ng ating mga magsasaka.

Kasabay nito, nagsagawa rin ng technical briefing si Mr. Ardee F. Dayag, Field Specialist ng ProAgri Seed Corp., hinggil sa tamang pagtatanim at pamamahala ng Longping upang mabigyan ang mga cooperators ng karagdagang kaalaman.

Lubos ding nagpapasalamat ang City Agriculture Office kay Ms. Gina Sadaba, Rice Report Officer ng La Paz, sa kanyang maagap na pagtulong at pakikipag-ugnayan upang masiguro ang maayos na validation ng mga benepisyaryo at maiwasan ang duplication ng interventions, lalo na’t may ilang magsasaka mula sa Amucao na mayroon ding mga sakahang nasasakupan ng La Paz.

Patuloy ang suporta para sa kabuhayan ng ating mga magsasaka. ✨

26/05/2026

21/05/2026

𝗣𝗔𝗙𝗙𝗣 𝗕𝗔𝗧𝗖𝗛 𝟯 𝗗𝗜𝗦𝗧𝗥𝗜𝗕𝗨𝗧𝗜𝗢𝗡 𝗦𝗔 𝗦𝗠 𝗧𝗔𝗥𝗟𝗔𝗖 𝗘𝗩𝗘𝗡𝗧 𝗖𝗘𝗡𝗧𝗘𝗥

Matagumpay na naisagawa ngayong araw ang pay-out ng Presidential Assistance for Farmers and Fisherfolk Program (PAFFP) Batch 3 para sa mga kwalipikadong magsasaka ng Tarlac City.

Sa ilalim ng programa, tumanggap ang bawat benepisyaryo ng ₱2,325 na tulong pinansyal na magagamit bilang dagdag-suporta sa kanilang pagsasaka at iba pang pangangailangan sa kabuhayan.

Kabuuang 1,976 farmer-beneficiaries ang nabigyan ng ayuda sa isinagawang aktibidad.

Ang naturang programa ay bahagi ng patuloy na pagsisikap ng pamahalaan na makatulong sa mga magsasaka sa gitna ng tumataas na gastusin sa produksyon at iba pang hamon sa sektor ng agrikultura.

20/05/2026

𝗟𝗔𝗨𝗡𝗖𝗛𝗜𝗡𝗚 𝗔𝗧 𝗖𝗘𝗥𝗘𝗠𝗢𝗡𝗜𝗔𝗟 𝗗𝗜𝗦𝗧𝗥𝗜𝗕𝗨𝗧𝗜𝗢𝗡 𝗡𝗚 𝗖𝗘𝗥𝗧𝗜𝗙𝗜𝗘𝗗 𝗦𝗘𝗘𝗗𝗦, 𝗛𝗬𝗕𝗥𝗜𝗗 𝗦𝗘𝗘𝗗𝗦, 𝗔𝗧 𝗙𝗢𝗟𝗜𝗔𝗥 𝗙𝗘𝗥𝗧𝗜𝗟𝗜𝗭𝗘𝗥 𝗦𝗔 𝗕𝗔𝗟𝗜𝗕𝗔𝗚𝗢 𝗜 | May 20, 2026

Opisyal nang inilunsad sa Barangay Balibago I ang pamamahagi ng certified at hybrid rice seeds, Folimac, at Humi-N na pinangunahan ng City Agriculture Office sa ilalim ng pamumuno ni Acting City Agriculturist Mr. Ronald Allan M. Reyes. Ang aktibidad ay bahagi ng patuloy na programa ng pamahalaan upang masuportahan ang mga magsasaka sa pagpapataas ng produksyon at pagpapaunlad ng kanilang kabuhayan.

Kasabay ng launching ay nagsagawa rin ng technical briefing ang Syngenta upang mabigyan ng sapat na kaalaman at gabay ang mga benepisyaryong magsasaka hinggil sa wastong pagtatanim at pamamahala ng kanilang hybrid rice varieties, kabilang ang S6003 na siyang ipinamahagi sa mga magsasaka ng Balibago I.

Dumalo din bilang panauhing pandangal si City Councilor at Committee Chair on Agriculture Hon. Jerome “Doc J” Lapeña bilang pagpapakita ng kanyang suporta sa mga programa at inisyatibo para sa sektor ng agrikultura at sa kapakanan ng mga magsasaka ng Tarlac City.

Sa ilalim ng pamumuno ni Mayor Susan A. Yap, patuloy na isinusulong ng Pamahalaang Lungsod ng Tarlac katuwang ang City Agriculture Office ang mga programang naglalayong palakasin ang sektor ng agrikultura para sa mas masagana at maunlad na Tarlac City.

16/05/2026

𝗪𝗘𝗘𝗞 𝟴: 𝗙𝗔𝗥𝗠𝗘𝗥𝗦 𝗙𝗜𝗘𝗟𝗗 𝗦𝗖𝗛𝗢𝗢𝗟 | 𝗕𝗔𝗧𝗔𝗡𝗚-𝗕𝗔𝗧𝗔𝗡𝗚, 𝗧𝗔𝗥𝗟𝗔𝗖 𝗖𝗜𝗧𝗬 🌾
‎
‎Matagumpay na nairaos ang Ika-walong Linggo ng Farmer Field School (FFS) sa Brgy. Batang-Batang nitong nakaraang Mayo 14, 2026. Naging sentro ng talakayan at aktibidad ang pag-aaral tungkol sa Diagnostic Tools on Rice, partikular ang paggamit ng Soil Test Kit (STK) at Minus One Element Technique (MOET).
‎
‎Sa unang bahagi ng pagsasanay, masusing ibinahagi ni Ms. Christina U. Domingo ang tamang pamamaraan ng pagkuha ng sample ng lupa na isasailalim sa pagsusuri gamit ang STK. Sinundan ito ng isang aktwal na demonstrasyon upang mas maunawaan ng mga magsasaka ang tamang proseso ng pag-analisa sa kalidad ng kanilang lupa.
‎
‎Naging mataas din ang interes ng mga kalahok sa pagtalakay kay Mr. Joel S. Transfiguracion hinggil sa MOET. Sa pamamagitan ng teknikong ito, nagkaroon ng pagkakataon ang mga magsasaka na aktwal na masubukan ang paggaya sa tunay na estado ng kanilang bukirin upang matukoy kung anong partikular na elemento o sustansya ang kulang o sagad na sa kanilang lupa.
‎
‎Ang mga ganitong uri ng makabagong kaalaman ay naglalayong tulungan ang ating mga lokal na magsasaka na makatipid sa abono at mapataas ang antas ng kanilang ani sa pamamagitan ng siyentipikong pagsasaka.
‎
‎Ang tagumpay ng gawaing ito ay katuwang ang ating Lokal na Pamahalaan sa pamumuno ni Mayor Susan A. Yap, na patuloy na naglalaan ng suporta para sa kapakanan ng ating mga lokal na magsasaka. 👨‍🌾👩‍🌾
‎
‎
‎
‎
‎
‎

15/05/2026

15/05/2026

𝗣𝗔𝗠𝗔𝗠𝗔𝗛𝗔𝗚𝗜 𝗡𝗚 𝗣𝗔𝗙𝗙𝗣 𝗕𝗔𝗧𝗖𝗛 𝟮 𝗦𝗔 𝗦𝗠 𝗧𝗔𝗥𝗟𝗔𝗖

Kasalukuyang isinasagawa sa SM Tarlac ang distribusyon ng Presidential Assistance for Farmers and Fisherfolk Program (PAFFP) Batch 2 para sa mga kuwalipikadong magsasaka ng Tarlac City.

Sa ilalim ng nasabing programa, tumatanggap ang bawat benepisyaryo ng tulong pinansyal na nagkakahalaga ng ₱2,325 bilang suporta sa kanilang kabuhayan.

Layunin ng programa na mabigyan ng agarang tulong ang mga magsasaka upang makatulong sa pagharap sa patuloy na pagtaas ng gastusin sa produksyon at iba pang pangangailangan sa sektor ng agrikultura.

Kabuuang 2,260 benepisyaryo ang inaasahang mabibigyan ng ayuda ngayong araw sa isinagawang distribution activity.

09/05/2026

𝗦𝗢𝗜𝗟 𝗔𝗠𝗘𝗡𝗗𝗠𝗘𝗡𝗧𝗦 𝗗𝗜𝗦𝗧𝗥𝗜𝗕𝗨𝗧𝗜𝗢𝗡 𝗨𝗣𝗗𝗔𝗧𝗘 | April 29-May 6, 2026

Patuloy pa din ang distribution ng V-Hybrid Soil Conditioner, Vigormax Organic Soil Amendment, at Sulfate sa iba't ibang barangay:

✅Tibagan
✅Ungot
✅Buenavista
✅Balanti
✅San Juan de Mata
✅Trinidad

Layunin nitong mapabuti ang kalidad ng lupa at mapataas ang ani ng ating mga magsasaka.

Tuloy-tuloy ang serbisyong pang-agrikultura para sa mas maunlad na pagsasaka. ✨

08/05/2026

𝗣𝗔𝗚𝗟𝗨𝗟𝗨𝗡𝗦𝗔𝗗 𝗡𝗚 𝗟𝗔𝗡𝗗𝗕𝗔𝗡𝗞 𝗔𝗚𝗥𝗜𝗦𝗘𝗡𝗦𝗢 𝗣𝗟𝗨𝗦 𝗟𝗘𝗡𝗗𝗜𝗡𝗚 𝗣𝗥𝗢𝗚𝗥𝗔𝗠 | May 8, 2026

Nakiisa ang humigit-kumulang 1,000 na magsasaka sa isinagawang orientation ng Landbank of the Philippines Agrisenso Plus Lending Program. Kasabay nito ay ipinakilala din ang Agri-Fishery Support thru Capability Enhancement for Nationwide Development (ASCEND) Program.

Layunin ng programang ito na mabigyan ang mga magsasaka ng mas accessible at abot-kayang pautang upang masuportahan ang kanilang kabuhayan sa gitna ng patuloy na pagtaas ng gastusin sa produksyon at krisis sa enerhiya.

Patuloy ang pagbibigay ng suporta at oportunidad para sa mas matatag na sektor ng agrikultura sa Tarlac City. 🌾✨