Ang Sanggunian

Ang Sanggunian The Official page of the Sanggunian Panlungsod ng Tarlac

02/09/2026

32nd Regular Sesison

Katuwang sa Panahon ng Pagluluksa: Burial Assistance para sa mga Senior Citizen sa Lungsod ng Tarlac, Itinaas na sa ₱5,0...
27/08/2026

Katuwang sa Panahon ng Pagluluksa: Burial Assistance para sa mga Senior Citizen sa Lungsod ng Tarlac, Itinaas na sa ₱5,000

Hindi madali ang mawalan ng mahal sa buhay, lalo na’t kasabay ng emosyonal na kalungkutan ang mabigat na gastusin sa burol at pagpapalibing. Bilang tugon dito, opisyal nang ipinatupad ng Pamahalaang Lungsod ng Tarlac ang City Ordinance No. X-26-002-2026 upang itaas ang burial financial assistance ng mga senior citizen na nakatala sa OSCA mula ₱3,000 patungong ₱5,000.

Ang naturang panukala ay inakda ni Kgg. Diosdado A. Briones at co-sponsored ni Kgg. Emily R. Ladera-Facunla. Nagkaisang pinagtibay ito ng Sangguniang Panlungsod sa pamumuno ni Bise Mayor Katrina Theresa Angeles at inaprubahan ni Punong Lungsod Susan A. Yap.

Sapat at Seryosong Suporta
Ina-update ng bagong ordinansang ito ang lumang probisyon sa ilalim ng City Ordinance No. 004-06. Ayon sa tala ng Office for Senior Citizens Affairs (OSCA), mahigit 10,000 senior citizen ang pumanaw sa Tarlac City mula 2020 hanggang kalagitnaan ng 2026—isang patunay sa patuloy na pangangailangan ng tulong-pinansyal sa mga pamilyang Tarlakenyo sa gitna ng kanilang pagdadalamhati.

Upang matiyak ang tuloy-tuloy na pagpapalabas ng pondo, naglaan ang pamahalaang lungsod ng ₱8 Milyon mula sa General Fund nito.

Mga Hakbang sa Pag-apply ng Tulong-Pinansyal
Upang mabilis na maiproseso ang tulong, kailangan lamang iharap ng naulilang asawa, kamag-anak, o legal guardian ang mga sumusunod na dokumento sa OSCA:

Para sa Naulilang Asawa: OSCA I.D. ng pumanaw, valid I.D. ng asawa, Certified True Copy ng Death Certificate, at Marriage Contract.

Para sa Kamag-anak (kung wala na ang asawa): OSCA I.D. ng pumanaw, Certified True Copy ng Death Certificate, Birth Certificate ng mag-aayos na kamag-anak, valid I.D.s, at Authorization Letter (kung kinakailangan).

Para sa Guardian/Kinatawan (kung walang kamag-anak sa Tarlac): OSCA I.D., Death Certificate, Barangay Certification of Guardianship, valid I.D., at Authorization mula sa pinakamalapit na kamag-anak.

Matapos suriin at ideklara ng OSCA na kumpleto ang mga requirements, ang City Social Welfare and Development Office (SWDO) na ang magpoproseso at maglalabas ng pondo.

Ang hakbang na ito ay patunay ng patuloy na pagpapahalaga ng Lungsod ng Tarlac sa mga nakakatanda at ang pagbibigay ng agarang kalinga sa mga pamilyang nangangailangan.

Pinangunahan ni Acting Vice Mayor Diosdado “Jojo” A. Briones ang ika-31 regular session ng Sangguniang Panlungsod, kung ...
27/08/2026

Pinangunahan ni Acting Vice Mayor Diosdado “Jojo” A. Briones ang ika-31 regular session ng Sangguniang Panlungsod, kung saan tinalakay at pinagtibay ang ilang mahahalagang panukala, resolusyon at committee reports.

Kabilang sa mga pangunahing kaganapan ang emosyonal na privilege speech ni Councilor P*e Jay E. Basangan, na nagpahayag ng kanyang mga dahilan para sa irrevocable resignation, kabilang ang hangaring makapaglaan ng panahon sa kanyang pamilyang nakabase sa Estados Unidos.

Pinagtibay rin ng konseho ang Joint Resolution na nagpapahayag ng pinakamataas na pagpapahalaga at pasasalamat kay Basangan para sa kanyang mga kontribusyon at dedikasyon sa serbisyo publiko.

Samantala, binigyan naman ng Highest Commendation si Atty. Jose I. Dela Rama, Dean ng TSU College of Law, bilang pagkilala sa kanyang natatanging kontribusyon sa legal education.

Nakatakda ring isalang sa second reading sa susunod na regular session ang panukalang ordinansa para sa Tarlac City Longevity Incentive Program, na magbibigay ng karagdagang longevity cash gifts sa mga kwalipikadong senior citizen na aabot sa edad na 80, 85, 90, 95 at 100.

Ang panukala ay inakda ni Councilor Emily R. Ladera-Facunla, kasama si Councilor Diosdado A. Briones bilang co-author.

Iniulat at pinagtibay rin ang mga committee reports mula sa Committees on Transportation, Laws and Good Governance, Appropriations, Human Rights and Social Justice, Senior Citizens, Market, at Barangay Affairs.

26/08/2026

29th Regular Session

NOTICE OF VIRTUAL HEARINGIpinapabatid sa publiko na ang Tarlac Electric Inc. (TEI) ay naghain ng petisyon sa Energy Regu...
26/08/2026

NOTICE OF VIRTUAL HEARING

Ipinapabatid sa publiko na ang Tarlac Electric Inc. (TEI) ay naghain ng petisyon sa Energy Regulatory Commission (ERC) para sa aplikasyon ng Tax Recovery Adjustment Charge on Tax Arrearages Paid on Real Property Tax on Machineries (ERC Case No. 2026-067 CF).

Paksa: Virtual Hearing, Expository Presentation, at Pre-Trial Conference

Petsa at Oras: Setyembre 11, 2026 (Biyernes), ganap na 2:00 ng hapon (2:00 P.M.)

Platform: MS Teams Application

Designated Physical Venue (Mirroring Location): TEI Principal Office, Mabini Street, Brgy. Mabini, Tarlac City

Inaanyayahan ang lahat ng interesadong partido at consumer na makibahagi o dumalo sa nasabing pagdinig.

LOOK: The Committee on Transportation convened to discuss regulations and operations of local Motorcycle/Tricycle Taxi H...
15/08/2026

LOOK: The Committee on Transportation convened to discuss regulations and operations of local Motorcycle/Tricycle Taxi Hailing Apps in Tarlac City.

IN PHOTOS: 10th Sanggunian Tripartite Committee convened to discuss the enactment of the Senior Citizens Longevity Cash ...
15/08/2026

IN PHOTOS: 10th Sanggunian Tripartite Committee convened to discuss the enactment of the Senior Citizens Longevity Cash Gift Ordinance.

Masigasig na nagpulong ang Committee on Public Works ng 10th Sanggunian upang talakayin ang mga paksang makapagbibigay n...
14/08/2026

Masigasig na nagpulong ang Committee on Public Works ng 10th Sanggunian upang talakayin ang mga paksang makapagbibigay ng solusyon sa mga inilapit na hinaing at sitwasyon. 🛠️🏗️

13/08/2026

Committee on Transportation

28th Regular Session: Mga Panukalang Pangkalusugan, Transportasyon, at Kabataan, Tinalakay ng Sangguniang PanlungsodIlan...
06/08/2026

28th Regular Session: Mga Panukalang Pangkalusugan, Transportasyon, at Kabataan, Tinalakay ng Sangguniang Panlungsod

Ilang mahahalagang panukala at resolusyon na may kaugnayan sa transportasyon, kalusugan, kabataan, edukasyon, at pampublikong kaayusan ang tinalakay sa 28th Regular Session ng 10th Sangguniang Panlungsod ng Tarlac.

Kabilang sa mga inaprubahan ang FY 2026 SK Annual Budgets ng siyam na barangay, Supplemental Budget ng Barangay San Jose de Urquico, at isang resolusyong humihiling ng paghahanda ng Supplemental Budget para sa Annual SK Development and Empowerment Fund.

Isinangguni naman sa Committee on Transportation ang 170 aplikasyon para sa Motorized Tricycle Operator’s Permit (MTOP), gayundin ang petisyon ng TODA Federation kaugnay ng operasyon ng Maxim sa lungsod.

Inirefer din sa mga kaukulang komite ang mga panukalang ordinansa para sa pagpapalakas ng Ecological Solid Waste Management, pagbabawal sa pagbebenta ng sigarilyo, v**e, to***co products, at alak sa mga menor de edad, at ang panukalang pagtaas ng pondo para sa Voluntary Blood Donation Program mula ₱2 milyon tungo sa ₱4 milyon.

Samantala, ipinasa rin ang mga resolusyong nagbibigay-pugay kay Alex Eala para sa kanyang makasaysayang tagumpay sa WTA Tour at sa 26 bagong abogado ng Tarlac State University na nakapasa sa 2025 Bar Examinations.

Inaprubahan din ng konseho ang pagbibigay ng awtoridad sa City Mayor na lumagda sa Memorandum of Agreement kasama ang PAGCOR at Department of Education para sa pagpapatupad ng PAGCOR School Building Project sa Sapang Maragul Integrated School.

Address

Hilario Street
Tarlac
2300

Website

Alerts

Be the first to know and let us send you an email when Ang Sanggunian posts news and promotions. Your email address will not be used for any other purpose, and you can unsubscribe at any time.

Shortcuts

Share

Category