Brgy. Sta. Catalina, Talugtug, Nueva Ecija

05/06/2026

📢 MAHALAGANG PABATID

UGNAYAN SA BARANGAY

📆 Petsa: Hunyo 9, 2026 (Martes)

⏰ Oras: 9:00 ng umaga

📍 Lugar: Barangay Gymnasium

Isang malaking pagbati sa ating mga kabarangay!

Inaanyayahan po ang lahat na makibahagi sa isang mahalagang pagpupulong ukol sa RSCP-Support to the Barangay Development Program (SBDP). Ang programang ito ay may nakalaang pondo mula sa National Budget na gagamitin para sa ikauunlad ng ating komunidad.

Bakit mahalagang dumalo? > Ang boses at opinyon ng bawat mamamayan ay lubos na kailangan. Sa pamamagitan ng konsultasyong ito, magkakasama nating tutukuyin kung anu-anong mga proyekto at programa ang dapat bigyang-prayoridad at higit na kinakailangan ng ating barangay.

Hinihikayat po namin ang bawat isa na maglaan ng oras at panahon. Ang inyong presensya at kooperasyon ang susi sa matagumpay na pagpapatupad ng mga proyektong ito.

Maraming salamat po at inaasahan namin ang inyong pagdalo!

27/04/2026

📢 PAALALA SA MGA SENIOR CITIZENS NG BRGY. STA. CATALINA
Ang payout ng Social Pension ay gaganapin sa:
📅 May 5, 2026 (Martes)
📍 Cinense Gym
⏰ 9:30 AM
✅ Mangyaring dumating nang maaga at dalhin ang mga kinakailangang dokumento.
✅ Sumunod sa tamang pila at health protocols para sa maayos at mabilis na proseso.
Maraming salamat po at ingat sa pagpunta! 💙

23/04/2026

PAALALA AT IMPORMASYON PARA SA MGA RESIDENTE NG BARANGAY STA. CATALINA

Ipinapaalam po sa lahat ng mamamayan ng Brgy. Sta. Catalina, Talugtug, Nueva Ecija na ang pamunuan ng barangay, sa pangunguna ng ating Punong Barangay Hon. Amado V. Quintero, ay patuloy na nagsasagawa ng mga kaukulang hakbang upang matugunan ang isyu ng mabahong amoy na nagmumula sa poultry farm na Double S Farm - A.

Kaugnay nito, nagkaroon ng Technical Conference sa tanggapan ng Municipal Mayor kung saan napagkasunduan ang mga konkretong aksyon na dapat ipatupad ng nasabing farm, kabilang ang mga hakbang upang mabawasan ang mabahong amoy at mapanatili ang kalinisan at kalusugan ng ating komunidad.

Makakaasa po ang ating mga kabarangay na ang pamunuan ng barangay ay patuloy na makikipag-ugnayan sa mga kinauukulang ahensya at mahigpit na magbabantay sa pagpapatupad ng mga napagkasunduang solusyon.

Maraming salamat po sa inyong patuloy na pakikiisa at kooperasyon para sa kaayusan at kaligtasan ng ating barangay.

14/04/2026

📢 RABIES VACCINATION SCHEDULE – BARANGAY STA. CATALINA

Sa pakikiisa sa Rabies Awareness Month, magkakaroon po tayo ng Libreng Anti-Rabies Vaccination para sa mga alagang a*o bukas:

📅 Abril 15, 2026
📍 Barangay Hall

Layunin po ng programang ito na maprotektahan ang ating mga alaga at buong komunidad laban sa rabies. Inaanyayahan po ang lahat ng may alagang a*o na magtungo sa itinakdang lugar ng bakunahan.

Tandaan:

Siguraduhing nasa tamang leash o tali ang inyong alaga.

12/04/2026

📣 PAANYAYA SA BARANGGAYAN: Kalusugan at Kabuhayan 👓

Inaanyayahan po ang lahat ng mamamayan ng Brgy. Sta. Catalina na makibahagi sa ating programang pangkalusugan na naglalayong maghatid ng libreng serbisyo para sa kalusugan ng mata.

Mga Serbisyong Handog:
✅ Maikling panayam at pag-aaral tungkol sa Primary Eye Care
✅ Libreng konsultasyon sa lahat ng may kapansanan sa mata
✅ Gabay at tulong sa operasyon ng katarata
✅ Murang halaga ng salamin sa mata ayon sa klase at kakayahan
🎁 Libreng salamin para sa mga Senior Citizen na may kaarawan sa buwan ng Abril
🎁 Libreng Reading Glasses para sa mga Barangay Workers at Barangay Officials na naka-duty sa araw ng barangayan

📅 Kailan: April 15, 2026
📍 Saan: Barangay Gymnasium
🕗 Oras: 8:00 - 12:00 PM

Hinihikayat po namin ang lahat na makiisa at samantalahin ang mga libreng serbisyong ito para sa mas maayos na kalusugan ng ating mga mata.

Maraming salamat po at inaasahan ang inyong pakikilahok! 💙

10/04/2026

'BAWAL INUMAN SA KALSADA, BAWAL TOPLESS SA KALYE'

The Department of the Interior and Local Government (DILG) announced on Monday stricter implementation of the ban on alcohol and gambling in public areas and other measures as it rollout its “Safer Cities Initiative” in Metro Manila.

Read more:
https://www.gmanetwork.com/news/topstories/nation/982744/dilg-alcohol-gambling-ban-other-measures-to-be-strictly-implemented/story/

10/04/2026

🚨 PAALALA SA LAHAT NG RESIDENTE! 🚨

Alinsunod sa Safer Cities Initiative, mahigpit na ipinagbabawal ang mga sumusunod sa ating barangay:

❌ Inuman sa kalsada
❌ Topless o walang damit pang-itaas sa kalye
❌ Videoke lampas 10 PM
❌ Pagala-gala ng mga menor de edad sa gabi

Ang mga lalabag ay maaaring hulihin at papanagutin alinsunod sa umiiral na batas at ordinansa.

👉 Makiisa tayo para sa mas maayos, ligtas, at disiplinadong komunidad.

06/04/2026

📢 PAALALA SA LAHAT

Magkakaroon po ng National OD Registration na gaganapin sa mga sumusunod na petsa:

🗓 April 7, 8, at 10, 2026
📍 Umali Gymnasium

Ang National ID Registration ay kinakailangan para sa:
✅ Pag pay-out ng mga Senior Citizens
✅ Pag-aapply ng Educational Assistance mula sa GP Partylist

📌 Hinihikayat po ang lahat na magparehistro sa itinakdang petsa upang maiwasan ang abala sa hinaharap.

Maraming salamat po sa inyong pakikiisa.

PAANYAYA SA NATIONAL ID REGISTRATION

Inaanyayahan ang lahat na magparehistro para sa National ID na gaganapin sa Abril 7, 8, at 10, 2026, mula 8:00 AM hanggang 3:00 PM sa Gov. Umali Gymnatorium.

Mga dapat dalhin:
• Isang (1) Valid ID
• Original Birth Certificate (PSA/NSO/Local)
• Original Marriage Certificate (para sa babaeng kasal)

Ang National ID ay mahalagang pagkakakilanlan na magagamit sa iba’t ibang transaksyon sa gobyerno at pribadong tanggapan. Hinihikayat ang lahat na magparehistro upang maging bahagi ng National Identification System.
Maraming salamat po.

21/03/2026

📢 PAALALA SA MAY-ARI NG KAMBING

May isang kambing po na hinuli dahil sa paninira ng pananim sa ating barangay. Ito ay kasalukuyang nasa Barangay Hall.

Inaanyayahan po ang may-ari na magtungo sa Brgy. Hall upang ito ay kunin at maayos ang usapin.

Maraming salamat po.

19/03/2026

ARANGAY ASSEMBLY DAY – 1st Semester CY 2026

Matagumpay na naisagawa noong March 17, 2026 ang ating Barangay Assembly dito sa Brgy. Sta. Catalina, Talugtug, Nueva Ecija, kung saan sama-sama nating tinalakay ang mga mahahalagang usapin, programa, at proyekto para sa ating komunidad.

Sa temang:
“Nagkakaisang Barangay Tungo sa Kalinisan, Kaayusan, Kapayapaan at Kaunlaran,” ipinakita ang tunay na diwa ng pagkakaisa at pakikiisa ng bawat mamamayan.

Maraming salamat sa lahat ng dumalo at nakiisa. Ang inyong partisipasyon ay naging mahalaga sa patuloy na pag-unlad ng ating barangay. 💙

Patuloy tayong magtulungan para sa mas maayos, ligtas, at maunlad na Sta. Catalina!