Aries Gaboy Lim

Aries Gaboy Lim Tapat sa Diyos at tapat na maglilingkod sa Talaveraños.

Sa ating pagkakaisa at sa dala nating pag-asa, sabay-sabay nating iaangat ang Bayan ng Talavera! 💙💛❤️

This is the official page of the 24th Mayor of Talavera, Nueva Ecija.

02/09/2026

SA PANAHON NG UNOS, HINDI DAPAT NAG-IISA ANG ATING MGA KABABAYAN.

Nagtungo tayo sa mga low-lying areas ng Talavera upang personal na makita ang kalagayan ng ating mga kababayang naapektuhan ng pagbaha.

Kasama ang Pwersa ng Pag-asa, naghatid din tayo ng kaunting tulong at bigas mula sa sarili nating resources para sa ilang pamilyang nangangailangan.

Alam kong hindi nito kayang lutasin ang lahat ng problema. Hindi rin nito agad mababawi ang mga nawala at naapektuhan ng baha.

Pero sa ganitong mga panahon, nais kong iparamdam sa ating mga kababayan na may kasama kayo. May nakikinig. May lider na handang lumapit at tumulong, lalo na kapag mahirap ang sitwasyon.

Hindi man natin mapigilan ang unos, kaya nating piliing harapin ito nang magkakasama.

Para sa Talavera. Para sa ating mga kababayan.
Tuloy ang pag-asa.

Ngayong taon, ating ginugunita ang Ika-130 Unang Sigaw ng Nueva Ecija—isang makasaysayang paalala ng tapang, pagkakaisa ...
01/09/2026

Ngayong taon, ating ginugunita ang Ika-130 Unang Sigaw ng Nueva Ecija—isang makasaysayang paalala ng tapang, pagkakaisa at pagmamahal sa lalawigan .

Isang diwang Novo Ecijano na patuloy na buhay at nagbibigay-inspirasyon sa bawat henerasyon.


PUSO. DANGAL. AT GALING. 💙❤️💛Pinangunahan ng Municipal Human Resource Management Office (HRMO) ang pagdiriwang ng Kick-o...
01/09/2026

PUSO. DANGAL. AT GALING. 💙❤️💛

Pinangunahan ng Municipal Human Resource Management Office (HRMO) ang pagdiriwang ng Kick-off Ceremony para sa 126th Philippine Civil Service Anniversary ng Pamahalaang Bayan ng Talavera.

Higit sa isang pagdiriwang, ito ay isang paalala sa bawat Lingkod Bayani na ang tunay na serbisyo ay nangangailangan ng puso sa paglilingkod, dangal sa tungkulin, at galing sa bawat gawa.

Bilang isang Pamahalaang Bayan, patuloy nating itaguyod ang isang serbisyo-publiko na may pagmahahal sa tungkulin, integridad, at kahusayan—dahil bawat serbisyong ginagawa natin ay para sa ating mga kababayan.

Mabuhay ang ating mga Lingkod Bayani! Mabuhay ang serbisyo publiko!



Para sa mga patuloy na naglilingkod sa kapwa at sa bayan, saludo kami sa inyo. 🫡 Sa bawat araw na pinipili ninyong tumul...
30/08/2026

Para sa mga patuloy na naglilingkod sa kapwa at sa bayan, saludo kami sa inyo. 🫡

Sa bawat araw na pinipili ninyong tumulong, magsikap at maglingkod, dala ninyo ang tunay na diwa ng kabayanihan.

Maligayang Araw ng mga Bayani!


MARAMING PROBLEMA ANG KAILANGANG HARAPIN BILANG MAYOR, PERO MAY MGA SANDALING GANITO NA NAGPAPAALALA KUNG BAKIT SULIT AN...
30/08/2026

MARAMING PROBLEMA ANG KAILANGANG HARAPIN BILANG MAYOR, PERO MAY MGA SANDALING GANITO NA NAGPAPAALALA KUNG BAKIT SULIT ANG LAHAT. 🫶

Ang makita nating mga estudyante na unti-unting napapalapit sa kanilang mga pangarap—iyon ang isa sa mga bagay na talagang malapit sa puso ko.

Hindi lang ito simpleng assistance. Investment ito sa ating mga kabataan at sa kinabukasan ng Talavera.

Sa pamamagitan ng Talavera Student Empowerment Educational Program (SEED), halos 5,000 students (JHS, SHS at College level) ang atin pong natulungan.

Maraming salamat sa tiwala. Patuloy nating gagawin ang lahat para mas marami pa sa ating mga kabataan ang magkaroon ng pagkakataong makapag-aral, mangarap, at umangat.

Para sa kabataan. Para sa kinabukasan. Para sa Talavera. 💙❤️💛

Hindi man natin kayang pigilan ang patuloy na pag-ulan at mga pagsubok na dumarating, patuloy tayong manalangin para sa ...
29/08/2026

Hindi man natin kayang pigilan ang patuloy na pag-ulan at mga pagsubok na dumarating, patuloy tayong manalangin para sa kaligtasan ng bawat pamilya, bawat tahanan at bawat kababayan.

Mag ingat po tayo palagi!

GRATEFUL FOR THE JOURNEY. 🙏Isang makabuluhang paglalakbay ng pagkatuto, pakikinig, at pagbabahagi sa LEADERS FOR EXCELLE...
29/08/2026

GRATEFUL FOR THE JOURNEY. 🙏

Isang makabuluhang paglalakbay ng pagkatuto, pakikinig, at pagbabahagi sa LEADERS FOR EXCELLENCE AND PUBLIC SERVICE (LEAP) Open Government Fellowship Program – Module 4 and Graduation Ceremony.

Maraming salamat sa pagkakataong matuto mula sa mga kapwa lingkod-bayan at sa mga bagong pananaw na maaari nating maiuwi at maisabuhay sa paglilingkod sa Talavera.

Higit sa lahat, salamat sa Diyos sa gabay, lakas, at biyaya upang matapos natin ang programang ito.

Bitbit ang mga bagong aral, bagong pananaw, at mas malalim na pagpapahalaga sa tunay na paglilingkod.

Maraming salamat sa Diyos sa pagkakataong matuto. Ngayon, uuwi tayo sa Talavera na may dalang kaalaman—at handang gamitin ito para patuloy tayong umangat. 🙌

| August 28, 2026 (Friday)Sa direktiba po ng ating Governor Oyie Umali at alinsunod sa Executive Order No. 26, Series ...
27/08/2026

| August 28, 2026 (Friday)

Sa direktiba po ng ating Governor Oyie Umali at alinsunod sa Executive Order No. 26, Series of 2026, suspended po muna ang face-to-face classes sa lahat ng antas sa buong lalawigan bilang pag-iingat sa kaligtasan ng ating mga mag-aaral.

Batay po sa PAGASA Weather Advisory No. 20, kabilang ang Nueva Ecija sa mga lugar na nasa Yellow Heavy Rainfall Outlook.

Isinasaalang-alang din ang magkakasunod na Rainfall Advisory, Thunderstorm Advisory, at Heavy Rainfall Warning na inilabas ngayong Agosto 27 dahil sa malakas hanggang matinding pag-ulan sa lalawigan.

Pinapayuhan po ang lahat na manatiling alerto at subaybayan ang mga opisyal na abiso ng DOST-PAGASA at ng Pamahalaang Bayan.

Mag-ingat po tayo at manatiling ligtas, Talaveraños! 🙏


PARA SA BAWAT BAYAN. PARA SA BAWAT KABABAYAN. Nagsama-sama po ang mga Mayor sa League of Municipalities of the Philippin...
26/08/2026

PARA SA BAWAT BAYAN. PARA SA BAWAT KABABAYAN.

Nagsama-sama po ang mga Mayor sa League of Municipalities of the Philippines – Luzon Island Cluster Conference 2026 upang magbahagi ng karanasan, matuto mula sa isa’t isa at mag-uwi ng mga bagong pananaw at pamamaraang maaaring maging konkretong solusyon at hakbang para sa bawat bayan.

Bawat kwento, mabuting gawain at bagong kaalaman ay maaaring maging susunod na hakbang tungo sa mas responsive, mas handa at mas maunlad na mga munisipalidad.

Mahalaga rin na sa mga ganitong pagkakataon, naririnig ang boses ng bawat LGU—ang mga karanasan, pangangailangan, hamon at mga mungkahing makatutulong upang makagawa ng mas angkop, mas konkretong at mas nararapat na mga hakbang para sa bawat bayan.

Dahil kapag ang mga bayan ay nagtutulungan at nagkakaisa, mas maraming magandang pagbabago ang naiuuwi sa ating mga kababayan.

Sama-sama tayong umaangat. Sama-sama nating iaangat ang bawat bayan.

HINDI LANG SILA ANG KINABUKASAN. SILA ANG KASAMA NATIN SA PAGBUO NITO.Hindi lang talento at saya ang naiuwi natin mula s...
24/08/2026

HINDI LANG SILA ANG KINABUKASAN. SILA ANG KASAMA NATIN SA PAGBUO NITO.

Hindi lang talento at saya ang naiuwi natin mula sa Youth Empowerment Summit sa Talavera National High School nitong August 20, 2026 bilang bahagi ng pagdiriwang ng Linggo ng Kabataan.

Maraming learnings, bagong ideya, realizations, at inspirasyon ang nabuksan sa bawat kabataang nakilahok. Sa bawat talakayan at kwentuhan, mas nakita natin ang kanilang mga pananaw, pangarap, at mga bagay na nais nilang baguhin at maabot.

Nabigyan sila ng espasyo upang matuto, magsalita, magtanong, magbahagi ng ideya, at higit sa lahat, maramdaman na may nakikinig at may naniniwala sa kanila.

Dahil ang kabataan ay nangangailangan hindi lamang ng direksyon, kundi ng pagkakataon, suporta, pag-unawa, at mga taong handang makinig.

Marami tayong kabataang may kakayahan. Marami ang may bagong ideya. Marami ang may pangarap. At marami sa kanila ang maaaring maging bahagi ng solusyon at pag-unlad ng Talavera.

Patuloy nating pakinggan ang kabataan. Bigyan sila ng pagkakataon. Suportahan ang kanilang mga ideya.

Dahil kapag binuksan po natin ang pinto para sa kanila, mas marami ring posibilidad ang nabubuksan para sa kinabukasan ng ating bayan.


Address

Talavera

Website

Alerts

Be the first to know and let us send you an email when Aries Gaboy Lim posts news and promotions. Your email address will not be used for any other purpose, and you can unsubscribe at any time.

Shortcuts

Share

Category