City Health Office - Tagum

03/09/2026

Happy Birthday, Dr. Arnel R. Florendo!☺️💐💐💐

02/09/2026

02/09/2026

DILI KA NAG-INUSARA: PAGLAUM UG TABANG PARA KANIMO 🤝✨
Dili sayon ang magdala og bug-at nga gibati, apan ayaw kalimti nga dili nimo kinahanglang pas-anon ang tanan nga ikaw ra usa.

Sama sa gipagawas sa atong video, ang SEPTEMBER mao ang SU***DE PREVENTION AWARENESS MONTH. Ang su***de o ang pagtapos sa kaugalingong kinabuhi dili usa ka kakulangon o kapakyasan. Usa kini ka resulta nga pwerteng bug-ata na gyud sa tanan ug gikinahanglan na ang tabang.

Paminawa ang video aron masabtan nato kung ngano importante kaayong istoryahan kini, ug aron mahibal-an ang mga warning signs nga gipklaro ni Dr. Mary Trisha V. Tabigue, MO III, kung kinahanglan na og tabang ang usa ka tawo.

Kung kinahanglan nimo o sa imong kaila og kaistorya pwede ra kayo ka moduol kang Nurse Trisha Jay J. Suaybaguio. Andam siya maminaw ug motabang nimo sa pamaagi nga sigurado ug confidential:
📍 ASA: City Health Office – Mental Health Program, Mabini St., Brgy. Magugpo South, Tagum City
⏰ KANUS-A: Martes ug Huwebes | 8: 00 AM – 12:00 NN

Andam kanunay ang among pultahan alang kanimo. I-share kini nga video sa imong pamilya o mga amigo para sa mas 💚!


***deprevention

02/09/2026

𝐒𝐇𝐒 𝐒𝐭𝐮𝐝𝐞𝐧𝐭𝐬 𝐬𝐚 𝐓𝐚𝐠𝐮𝐦, 𝐆𝐢𝐩𝐚𝐥𝐢𝐠-𝐨𝐧 𝐚𝐧𝐠 𝐤𝐚𝐡𝐢𝐛𝐚𝐥𝐨 𝐬𝐚 𝐀𝐝𝐨𝐥𝐞𝐬𝐜𝐞𝐧𝐭 𝐇𝐞𝐚𝐥𝐭𝐡 𝐈𝐬𝐬𝐮𝐞𝐬

Nagpahigayon og Adolescent Health Issues and Perspectives (AHIP) Educational and Health Advocacy Activity ang Philippine Obstetrical and Gynecological Society (POGS) alang sa mga Grade 11 ug Grade 12 nga mga estudyante karong adlawa, Septyembre 2, 2026.

Gipahitabo ang maong aktibidad sa Herminigildo C. Baloyo, MD Hall ug Tagum City National Comprehensive High School(TCNCHS) Gym, nga gitambungan sa mga estudyante gikan sa Tagum City Regional Academy for Senior High School ug TCNCHS.

Tumong sa maong kalihukan nga mahatagan ang mga kabatan-onan og hustong kahibalo ug impormasyon kabahin sa nagkalain-laing isyu nga ilang maatubang isip adolescents.

Gipalambo usab ang ilang kahibalo kabahin sa Mental Well-Being, Hygiene and Personal Care, Healthy Lifestyle Choices, ug Digital Life and Social Behaviour, lakip na ang Anti-Smoking Campaign, Diabetes and Hypertension Awareness, ug STI-HIV/AIDS Awareness.

Kini nga inisyatiba nagmalampuson pinaagi sa pakigtambayayong sa Lokal nga Panggamhanan sa Tagum, ilawum sa City Mayor’s Office ug City Health Office, uban sa Tagum City Council of Women Foundation, Tagum Medical City - Formerly Bishop Joseph REGAN Memorial Hospital – Obstetrics and Gynecology Department, ug Deped Tagum City Division .

01/09/2026

READY NA BA MO, SHS? Real Talks ug Health Checks Para sa Inyo!✨✨

Aduna ba kay pangutana bahin sa imong panglawas, lifestyle, o mga kabag-ohan nga imong nasinati karon? Mag-uban ta aron mahibal-an nato ang tinuod nga sitwasyon sa atong panglawas!
Mga topics:
👍DOH 7 Healthy Habits – Mga simpleng pamaagi matag-adlaw para sa mas lig-on nga lawas ug hunahuna.
👍Reproductive Health & Wellness - Real talk bahin sa kabag-ohan sa lawas, saktong pagpili, ug self-care.
👍Ill Effects of Smoking & Va**ng - Proteksyon sa lungs ug pangarap batok sa nikotina, hypertension, ug diabetes.

ASA ug KANUS-A:
📍 8:00 AM – 9:00 AM | TCRASHS (Grades 11 & 12)
Lugar: Tagum Cultural Center Theater Hall

📍 9:30 AM – 10:30 AM | TCNCHS (Grades 11 & 12)
Lugar: TCNCHS School Gym

Magkita-kita ta ninyo, Senior High School (SHS)! Protektado ang kaugalingon, protektado ang pamilya para sa 💚!

01/09/2026

SUNDOWN CLINIC – FREE HIV TESTING/ COUNSELING

🗓 KANUS-A: September 4, 2026 (Biyernes)
🕔ORAS: 5:00 PM – 10:00 PM
📍ASA: City Health Office -Tagum Reproductive Health and Wellness Center, Mabini St., Barangay Magugpo South, Tagum City

Take charge of your health and know your HIV status.
Your health matters.

Para sa 💚 , Get tested.
Kita kits! 👍

01/09/2026

𝐋𝐈𝐕𝐄: 𝐇𝐄𝐀𝐋𝐓𝐇𝐘 𝐓𝐀𝐆𝐔𝐌 | Kauban nato karong adlawa si 𝐑𝐚𝐞 𝐊𝐚𝐭𝐡𝐞𝐫𝐢𝐧𝐞 𝐀𝐩𝐮𝐫𝐚, 𝐑𝐍 – Health Education and Promotion Officer II, aron atong hisgutan ang usa ka importante kaayong hilisgutan—Youth Mental Health.

Apil ug paminaw sa atong diskusyon karong adlawa ug pagkat-on og mga praktikal nga paagi aron mapalambo ang mental well-being sa atong kabatan-onan.

31/08/2026

Sa atong pag-obserbar sa National Heroes Day karong adlawa, Agosto 31, atong hinumduman ug pasidunggan ang kaisog ug mga sakripisyo sa atong mga bayani alang sa kagawasan ug kaugmaon sa atong nasud.

Ang ilang mga paningkamot nagpahinumdom kanato sa dakong bili sa pagmahal sa nasud ug pagbarug alang sa kaayohan sa tanan, ug hinaot nga atong ipadayon ang ilang legasiya pinaagi sa matinud-anong pagserbisyo, pagtinabangay, ug pag-amuma sa atong komunidad. 🇵🇭

29/08/2026

𝐑𝐄𝐆𝐈𝐎𝐍-𝐖𝐈𝐃𝐄 𝐇𝐄𝐀𝐋𝐓𝐇 𝐏𝐑𝐎𝐌𝐎𝐓𝐈𝐎𝐍 𝐏𝐑𝐎𝐆𝐑𝐀𝐌 𝐈𝐌𝐏𝐋𝐄𝐌𝐄𝐍𝐓𝐀𝐓𝐈𝐎𝐍 𝐑𝐄𝐕𝐈𝐄𝐖 𝐀𝐍𝐃 𝟐𝟎𝟐𝟕 𝐒𝐓𝐑𝐀𝐓𝐄𝐆𝐈𝐂 𝐀𝐋𝐈𝐆𝐍𝐌𝐄𝐍𝐓 𝐎𝐅 𝐀𝐂𝐓𝐈𝐕𝐈𝐓𝐈𝐄𝐒

Subay sa gipagawas nga Unified National Agenda (UNA) for Health kung diin usa sa lima ka major priorities mao ang Healthy Settings, usa ka Region-wide Health Promotion Program Implementation Review and 2027 Strategic Alignment of Activities ang malampusong gipahigayon sa Department of Health Davao Center for Health Development pina-agi sa Health Promotion Unit kaniadtong Agosto 26-27, 2026 sa Apo View Hotel, Davao City.

Gitambungan ug gipartisiparan kini sa mga Provincial, City, ug Municipal Health Education and Promotion Officers (HEPOs) sa tibuok rehiyon pinaagi sa pagpanguna ni Health Promotion Unit Head, Ms. Yasmin Mandangan.

Atol sa maong kalihokan, gisusi ang mga nahimong inisyatiba ug kalampusan sa health promotion, lakip na ang mga maayong pamaagi ug hagit nga nasinati sa pagpatuman niini.

Gihisgutan ang mga strategies nga pagabuhaton alang sa pagpataas sa Health Literacy sa rehiyon, apil na usab ang pag kab-ot sa mas daghan pang learning institutions, workplaces, ug communities nga ma recognize isip usa ka healthy setting.