11/10/2022
Nagpahigayon karong adlawa petsa 11 sa Oktubre ,2022 ug coastal clean-up drive sa baybayon sa Brgy. Matabang,Libuganon, Tagum City, , Davao del Norte ang mga personahe sa HPG Davao del Norte ubos sa pagdumala ni PMAJ GERRY A GALAN Provincial chief kauban ang mga miyembro sa FSRAP inubanan sa ilang coordinator Reynaldo Gulayan ug FSRAP Davao del Norte President Engr. Giljan Matabang. Gipahigayon ang maong programa isip pag awhag ug paghatag ug kasayuran sa kabililhon sa kadagatan isip usa sa nag-unang tinubdan sa pagkaon sa katawhan. Ang pag-amping niini makahatag ug malungtaron nga solusyon sa nagkanihit nga suplay ug pagkamatay sa mga isda tungod sa nagkalain-laing matang sa basura. Atong responsibilidad nga mohimo ug dakong lakang aron ang atong kinaiyahan ato pang maprotektahan alang sa umaabot pang henerasyon sa mga kabataan.
