What are the opening hours?

Monday 8pm - 5pm Tuesday 8am - 5pm Wednesday 8am - 5pm Thursday 8am - 5pm Friday 8am - 5pm

NFA Bohol Branch, P. Burgos Street, Mansasa District, Tagbilaran City (2026)

15/09/2026

NFA BOHOL, ISINUSULONG ANG PALLGU MOA SA SANGGUNIANG BAYAN NG TALIBON

Dumalo si NFA Bohol Branch Manager Pilita Barajan sa pagpupulong ng Sangguniang Bayan ng Talibon upang ipaliwanag at isulong ang pagpapatupad ng PALLGU Memorandum of Agreement (MOA) sa pagitan ng NFA at Pamahalaang Bayan ng Talibon.

Layunin ng PALLGU MOA na palakasin ang koordinasyon at pagtutulungan ng NFA at Local Government Unit (LGU) upang makapagbigay ng karagdagang premium o insentibo sa mga magsasaka, bukod pa sa umiiral na buying price ng NFA para sa palay.

Sa pamamagitan ng naturang partnership, makikinabang ang mga magsasaka dahil madaragdagan ang kanilang kita mula sa mas magandang presyo ng kanilang palay; makikinabang ang NFA sa pagkakaroon ng mas matatag na ugnayan sa LGU at mas malaking pagkakataong makapag-procure ng palay para sa buffer stock; at makikinabang ang LGU sa pamamagitan ng direktang pakikiisa sa programa na naglalayong suportahan ang kabuhayan ng mga lokal na magsasaka at palakasin ang sektor ng agrikultura sa kanilang nasasakupan.

Binigyang-diin ni BM Barajan na ang PALLGU MOA ay isang konkretong halimbawa ng pagkakaisa ng national government at local government sa pagsusulong ng kapakanan ng mga rice farmers, habang tinitiyak ang sapat at matatag na suplay ng bigas sa lalawigan.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

14/09/2026

📢 PALAY BUYING PRICE
Epektibo: September 14-20, 2026

Patuloy ang pagbili ng NFA Bohol ng malinis at tuyong palay sa halagang ₱30.00 kada kilo, bilang suporta sa mga lokal na magsasaka at kanilang ani.

14/09/2026

COA Entrance Conference sa NFA Bohol

Isinagawa ang Entrance Conference ng Commission on Audit (COA) para sa Compliance Audit ng NFA Bohol para sa Calendar Year 2025, na pinangunahan ni Ms. Mae Ann Caroro, Audit Team Leader.

Tinalakay sa pagpupulong ang mahahalagang usapin hinggil sa compliance audit sa palay procurement, kabilang ang Terms of Audit Engagement, Audit Scope at Audit Thrust Areas, Audit Outputs, gayundin ang iba pang mahahalagang usapin, isyu, at concern na may kaugnayan sa isinagawang audit.

Layunin ng Entrance Conference na matiyak ang malinaw na pagkakaunawaan sa audit objectives, saklaw, pamamaraan, at mga kinakailangang dokumento upang maisagawa nang maayos, sistematiko, at transparent ang pagsusuri sa mga operasyon at transaksyon ng NFA Bohol para sa CY 2025.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

14/09/2026

𝗡𝗙𝗔 𝗕𝗼𝗵𝗼𝗹 𝗞𝗮𝗶𝘀𝗮 𝘀𝗮 𝗛𝗮𝗻𝗱𝗼𝗴 𝗻𝗴 𝗣𝗮𝗻𝗴𝘂𝗹𝗼, 𝗛𝗮𝘁𝗶𝗱 𝗦𝗲𝗿𝗯𝗶𝘀𝘆𝗼 𝘀𝗮 𝗺𝗴𝗮 𝗕𝗼𝗵𝗼𝗹𝗮𝗻𝗼

Nakiisa ang iba’t ibang National Government Agencies (NGAs) at ang Provincial Government of Bohol sa isinagawang “Handog ng Pangulo”, isang nationwide activity na naglalayong ilapit at ipaabot ang mga pangunahing programa, serbisyo, at tulong ng pamahalaan nang direkta sa mga mamamayan.

Pinangunahan ni Governor Erico Aristotle Aumentado ang naturang aktibidad sa lalawigan ng Bohol, kasama si FTI President Joseph Rudolf Lo bilang Guest of Honor.

Bilang bahagi ng paghahatid ng serbisyo at suporta sa mga Boholano, nakiisa ang Department of Agriculture (DA) at Food Terminal, Inc. (FTI), katuwang ang National Food Authority (NFA) Bohol, sa pamamagitan ng pagpapalawig ng “Benteng Bigas, Meron Na!” Program.

Sa pamamagitan ng programa, naihatid sa mga mamimili ang abot-kayang bigas, bilang bahagi ng patuloy na pagsisikap ng pamahalaan na matiyak ang pagkakaroon ng sapat, abot-kaya, at dekalidad na pagkain para sa bawat pamilyang Pilipino.

Patuloy namang susuporta ang NFA Bohol sa mga programang naglalayong palakasin ang food security at maisulong ang kapakanan ng mga magsasaka at mamimili sa lalawigan.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

11/09/2026

Nagsalita si Branch Manager Pilita Barajan sa mga miyembro ng Federation of Talibon SRIS Irrigators Association (FETASIA) sa kanilang buwanang pagpupulong upang isulong at ipabatid ang programa ng NFA sa pagbili ng palay.

Ipinaliwanag ni Branch Manager Barajan na ang pagtutulungan at pakikipagtulungan ng National Food Authority (NFA), mga magsasaka ng palay, at mga ahensiyang kaanib ng Department of Agriculture (DA) ay may mahalagang papel sa pagpapanatili ng sapat na buffer stock ng bigas sa lalawigan ng Bohol.

Binigyang-diin din niya na sa kasalukuyang presyong ₱30.00 kada kilo ng malinis at tuyong palay, nananatiling kompetitibo ang presyo ng pagbili ng NFA, na naglalayong mahikayat ang mga magsasaka na direktang makipagtransaksiyon sa Ahensya. Aniya, mahalaga ang patuloy na pagkuha ng palay mula sa mga lokal na magsasaka upang matiyak ang sapat na suplay ng bigas at masuportahan ang tuloy-tuloy na pagpapatupad ng P20 Rice Program.

Hinikayat din ni Branch Manager Barajan ang mga miyembro ng FETASIA na samantalahin ang programa ng NFA at makipagtulungan sa Ahensya upang higit na mapalakas ang lokal na produksyon at seguridad sa pagkain sa lalawigan.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

11/09/2026

NFA Bohol Branch Manager Pilita Barajan, Nagpaabot ng Programa ng NFA sa LGU Talibon

Nagpaabot ng courtesy visit si NFA Bohol Branch Manager Pilita Barajan kay Vice Mayor Dave Evangelista ng Lokal na Pamahalaan ng Talibon upang ilahad at talakayin ang mga pangunahing programa ng National Food Authority (NFA), partikular ang palay procurement program, PALLGU, at P20 Rice Program.

Sa naturang pagbisita, binigyang-diin ni Manager Barajan ang kahalagahan ng pakikipagtulungan ng NFA at ng lokal na pamahalaan upang higit na mapalawak ang suporta sa mga lokal na magsasaka at matiyak ang mas magandang presyo at merkado para sa kanilang ani.

Samantala, nagpahayag si Vice Mayor Evangelista ng matibay na suporta at pangako ng pakikipagtulungan sa mga nasabing programa para sa kapakanan at kapakinabangan ng mga rice farmers ng Talibon. Ipinahayag din niya ang kahandaan ng LGU Talibon na isulong at i-lobby sa Sangguniang Bayan ang panukalang ₱5.00 kada kilogram na karagdagang insentibo para sa mga magsasakang magbebenta ng kanilang palay sa NFA, bukod pa sa umiiral na buying price ng NFA.

Ang nasabing inisyatiba ay nagpapakita ng patuloy na pagtutulungan ng NFA at LGU Talibon sa pagsusulong ng kapakanan ng mga magsasaka, pagpapalakas ng lokal na produksyon ng palay, at pagpapatatag ng food security sa lalawigan ng Bohol.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

07/09/2026

📢 PALAY BUYING PRICE
Epektibo: September 7-13, 2026

Patuloy ang pagbili ng NFA Bohol ng malinis at tuyong palay sa halagang ₱30.00 kada kilo, bilang suporta sa mga lokal na magsasaka at kanilang ani.

04/09/2026

𝗟𝗚𝗨 𝗦𝗮𝗻 𝗠𝗶𝗴𝘂𝗲𝗹, 𝗣𝗶𝗻𝗮𝗻𝗴𝘂𝗻𝗮𝗵𝗮𝗻 𝗮𝗻𝗴 𝗜𝗻𝘁𝗲𝗿-𝗔𝗴𝗲𝗻𝗰𝘆 𝗖𝗼𝗼𝗿𝗱𝗶𝗻𝗮𝘁𝗶𝗼𝗻 𝗠𝗲𝗲𝘁𝗶𝗻𝗴 𝗽𝗮𝗿𝗮 𝘀𝗮 𝗡𝗙𝗔 𝗥𝗶𝗰𝗲 𝗣𝗿𝗼𝗰𝗲𝘀𝘀𝗶𝗻𝗴 𝗣𝗿𝗼𝗷𝗲𝗰𝘁

Mainit na tinanggap ng Local Government Unit (LGU) ng San Miguel, sa pangunguna ni Honorable Mayor Ian Gil Mendez, si NFA Deputy Administrator John Robert Hermano sa kanyang opisyal na pagbisita sa munisipalidad bilang tugon sa imbitasyon ng LGU para sa Inter-Agency Coordination Meeting hinggil sa pagtatatag ng NFA Rice Processing Project sa Brgy. Tomoc.

Dumalo sa naturang pagpupulong ang mga pangunahing stakeholder at kinatawan mula sa iba’t ibang ahensya ng pamahalaan at mga organisasyon ng magsasaka, kabilang ang Sangguniang Bayan, mga hepe ng iba’t ibang tanggapan ng munisipyo, National Irrigation Administration (NIA), Department of Agriculture (DA), Department of Agrarian Reform (DAR), Department of Public Works and Highways (DPWH), Philippine Center for Postharvest Development and Mechanization (PhilMech), mga Irrigators’ Associations, at mga miyembro ng Provincial Farmers' Action Council (PFAC) Bohol.

Layunin ng pagpupulong na pagtugmain at malinaw na matukoy ang mga tungkulin at pananagutan ng bawat ahensya at stakeholder, gayundin ang pagtiyak sa mga kinakailangang paghahanda, teknikal na pangangailangan, at institusyonal na suporta para sa matagumpay na pagpapatupad ng panukalang NFA Rice Processing Project sa San Miguel.

Tinalakay rin sa pagpupulong ang mga isyu at alalahaning inilahad ng sektor ng mga magsasaka, partikular ang mga usaping may kaugnayan sa produksyon ng palay, post-harvest activities, at pangkalahatang kapakanan ng mga lokal na magsasaka.

Inaasahang makatutulong ang panukalang proyekto sa pagpapalakas ng lokal na industriya ng palay sa pamamagitan ng pagbibigay ng mas maayos at makabagong post-harvest facilities, gayundin sa pagpapahusay ng kakayahan ng mga magsasaka at kanilang mga organisasyon na maayos na iproseso, iimbak, at ibenta ang kanilang ani.

Sa pamamagitan ng mas pinaigting na koordinasyon at pagtutulungan ng iba’t ibang ahensya, layunin ng inisyatibang ito na makatulong sa pagpapanatili ng seguridad sa pagkain, pagpapataas ng produktibidad at kita ng mga magsasaka, at pagsuporta sa mga programa ng pamahalaan tungo sa isang mas matatag, produktibo, at napapanatiling sektor ng palay.

Malugod ding tinanggap ni Mayor Mendez sina NFA Region VII Regional Manager Liza Balagot, Assistant Regional Manager Engr. Charles Alingod, NFA Bohol Branch Manager Pilita Barajan, at ang iba pang kawani ng NFA na dumalo sa coordination meeting.

Binigyang-diin ng aktibidad ang nagkakaisang pangako ng pambansang pamahalaan, lokal na pamahalaan, mga katuwang na ahensya, at sektor ng pagsasaka na magtulungan sa pagsusulong ng mga programang makikinabang ang mga magsasakang Boholano at magpapalakas sa produksyon ng palay at post-harvest infrastructure ng lalawigan.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

03/09/2026

Mainit na sinalubong ng mga empleyado ng NFA Bohol si Deputy Administrator John Robert Hermano sa kanyang opisyal na pagbisita sa lalawigan ng Bohol.

Malugod din nilang tinanggap ang bagong talagang Assistant Regional Manager na si Engr. Charles G. Alingod, kasama si Regional Manager Liza R. Balagot.

Sa naturang pagbisita, nagtipon ang mga NFA Executives at mga empleyado para sa isang General Assembly Meeting, kung saan ibinahagi ni Deputy Administrator Hermano ang mahahalagang usapin hinggil sa operasyon ng ahensya, partikular na ang mas pinaigting na programa sa pagbili ng palay bilang suporta sa mga magsasaka at sa pagpapatupad ng Post Harvest Facility (PHF) Modernization Projects sa buong bansa.

Binigyang-diin din ang kahalagahan ng aktibong pakikibahagi ng bawat kawani upang maisakatuparan ang mga programa at layunin ng NFA tungo sa mas episyente at mas responsibong serbisyo para sa mga magsasakang Pilipino.

𝑺𝒂 #𝑩𝒂𝒈𝒐𝒏𝒈𝑷𝒊𝒍𝒊𝒑𝒊𝒏𝒂𝒔
#𝒕𝒊𝒚𝒂𝒌𝒂𝒏𝒈𝒃𝒊𝒈𝒂𝒔𝒑𝒂𝒏𝒂𝒕𝒂𝒈𝒂𝒏𝒈𝒃𝒖𝒌𝒂𝒔
𝑨𝒏𝒈 #𝑵𝒆𝒘𝑵𝑭𝑨
#𝑴𝒂𝒚𝑴𝒂𝒍𝒂𝒔𝒂𝒌𝒊𝒕𝑴𝒂𝒂𝒂𝒔𝒂𝒉𝒂𝒏𝑻𝒖𝒎𝒖𝒕𝒖𝒈𝒐𝒏
𝑯𝒂𝒏𝒅𝒐𝒈 𝒂𝒚 #𝑺𝒆𝒓𝒃𝒊𝒔𝒚𝒐𝒏𝒈𝑻𝒂𝒑𝒂𝒕 𝒂𝒕 #𝑺𝒆𝒓𝒃𝒊𝒔𝒚𝒐𝒏𝒈𝑷𝒂𝒕𝒂𝒔

01/09/2026

REQUEST FOR QUOTATION (RFQ) No. 2026-08-003

Provision of Powerhouse and Manual Transmission Switch for the Proposed Post Harvest Facility in Ubay, Bohol through Small Value Procurement (SVP)

Approved Budget of the Contract - PHP 1,200,000.00
Deadline - September 7, 2026 at 5:00 PM

https://drive.google.com/drive/folders/1Nf7gOKNeFEPzctML_gp8zGwIFzLasXue?usp=drive_link

NFA Bohol Branch

15/09/2026

14/09/2026

14/09/2026

14/09/2026

11/09/2026

11/09/2026

07/09/2026

04/09/2026

03/09/2026

01/09/2026

Address

Opening Hours

Website

Alerts

Shortcuts

Share

Category

Listing takedown request

Monday	8pm - 5pm
Tuesday	8am - 5pm
Wednesday	8am - 5pm
Thursday	8am - 5pm
Friday	8am - 5pm