21/07/2025
Assallamu Allaikum Wa Rahmatullahi Wa Barakatuh.
Ang OMA Friendly Summer Basketball Tournament 2025 opisyal nang nahuman. Kini nga kalihokan usa ka dakong kalampusan nga nagtigom sa mga kabatan-onan ug mga komunidad sa Muslim sa tibuok lalawigan sa Bohol.
Dako among pasalamat sa Provincial Government of Bohol, ilabina kang Gov. Aris Aumentado, sa ilang walay puas nga suporta sa OMA ug sa tanang kalihokan niini, lakip na ang pag-apruba sa OMA Activity Design 2025 diin nalakip ang maong basketball tournament. Ang ilang suporta nagpamatood sa ilang tinuoray nga pagtan-aw sa kalambuan ug kalig-on sa Muslim nga komunidad sa lalawigan. pinaagi sa ilang tabang, nahimo kining kalihokan nga usa ka malampuson ug makapadasig nga plataporma alang sa kabatan-onan ug sa tibuok komunidad.
Pasalamatan sad nato ang tanang teams nga miparticipate ug mipakita sa tinud-anay nga sportsmanship. Dugang pa, among gipasalamatan ang tanang muslim community ug katawhan nga mipadayon sa ilang suporta, labi na sa mga opisyal sa BMC-PEM Inc. ug Office of Muslim Affairs (OMA) nga naningkamot sa organisasyon ug kalampusan sa maong tournament.
Labi na gayud, among ipasidungog ug gipasalamatan ang pagbisita ni Hon. Onasis Balt, ang Regional Director sa NCMF Region 7, uban sa iyang kauban. Ang ilang presensya usa ka dakong dungog ug inspirasyon alang sa tanang Muslim sa Bohol, nga nagpamatuod nga ang atong mga paningkamot giila sa mas taas nga pangagamhanan.
Kini nga kalihokan usa usab ka paagi sa pagpahimulos sa kahigayunan aron malingaw ang kabatan-onan ug malikayan ang pag-apil sa mga dautang lihok sama sa iligal nga rekrutment ug droga. Pinaagi sa sports, kita nakahatag og positibong kalihokan nga nagpasibo sa tinuod nga pamaagi sa panaghiusa ug kalinaw.
Daghang salamat sa tanang miparticipate ug misuporta labina kay Omar Sultan sa iyang pagpaningkamot og facilitate resulta sa pagka success sa atoang tournament. Magkita ta pag-usab sa sunod nga tournament, In Shaa Allah. Padayon ang panaghiusa sa mga Muslim sa Bohol!
