Zambaleño Tayo

Zambaleño Tayo Para sa Zambales, magtulungan tayo!

𝐏𝐁𝐁𝐌, 𝐏𝐄𝐑𝐒𝐎𝐍𝐀𝐋 𝐍𝐀 𝐁𝐔𝐌𝐈𝐒𝐈𝐓𝐀 𝐒𝐀 𝐁𝐑𝐆𝐘. 𝐒𝐓𝐀. 𝐅𝐄, 𝐒𝐀𝐍 𝐌𝐀𝐑𝐂𝐄𝐋𝐈𝐍𝐎; 𝐓𝐔𝐋𝐎𝐍𝐆 𝐌𝐔𝐋𝐀 𝐒𝐀 𝐏𝐀𝐌𝐁𝐀𝐍𝐒𝐀𝐍𝐆 𝐏𝐀𝐌𝐀𝐇𝐀𝐋𝐀𝐀𝐍, 𝐈𝐍𝐈𝐇𝐀𝐓𝐈𝐃Personal na bu...
04/09/2026

𝐏𝐁𝐁𝐌, 𝐏𝐄𝐑𝐒𝐎𝐍𝐀𝐋 𝐍𝐀 𝐁𝐔𝐌𝐈𝐒𝐈𝐓𝐀 𝐒𝐀 𝐁𝐑𝐆𝐘. 𝐒𝐓𝐀. 𝐅𝐄, 𝐒𝐀𝐍 𝐌𝐀𝐑𝐂𝐄𝐋𝐈𝐍𝐎; 𝐓𝐔𝐋𝐎𝐍𝐆 𝐌𝐔𝐋𝐀 𝐒𝐀 𝐏𝐀𝐌𝐁𝐀𝐍𝐒𝐀𝐍𝐆 𝐏𝐀𝐌𝐀𝐇𝐀𝐋𝐀𝐀𝐍, 𝐈𝐍𝐈𝐇𝐀𝐓𝐈𝐃

Personal na bumisita ngayong araw si Pangulong Ferdinand R. Marcos Jr. sa Brgy. Sta. Fe, San Marcelino, Zambales upang ihatid at ipamahagi ang mga kinakailangang tulong mula sa Pambansang Pamahalaan sa mga kababayang naapektuhan ng kalamidad.

Sinalubong ng Punong Lalawigan ng Zambales, Gov. Jun Ebdane, ang Pangulo, kasama ang mga kinatawan ng iba’t ibang National Government Agencies. Nakiisa rin sa pagsalubong sina Deputy Speaker at 1st District Cong. Jay Khonghun, 2nd District Congw. Doris Maniquiz, San Marcelino Mayor Elvis R. Soria, Vice Mayor Jimbo Gongora, mga miyembro ng Sangguniang Bayan, at mga opisyal ng Brgy. Sta. Fe.

Sa kanyang pagbisita, tiniyak ni Pangulong Marcos ang patuloy na suporta ng Pambansang Pamahalaan upang matulungan ang Brgy. Sta. Fe na makabangon at muling maibalik ang normal na pamumuhay ng mga residente.

Kasabay ng agarang pagtugon sa mga pangangailangan ng mga mamamayan, isinusulong din ang pangmatagalang mga solusyon upang matugunan ang mga suliraning dulot ng kalamidad at mapalakas ang seguridad at kapakanan ng mga komunidad.

Ikaw, Ako

𝟐-𝐃𝐀𝐘 𝐁𝐒𝐏 𝐎𝐑𝐈𝐄𝐍𝐓𝐀𝐓𝐈𝐎𝐍 𝐀𝐍𝐃 𝐓𝐑𝐀𝐈𝐍𝐈𝐍𝐆, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐒𝐈𝐍𝐈𝐌𝐔𝐋𝐀𝐍 𝐒𝐀 𝐙𝐀𝐌𝐁𝐀𝐋𝐄𝐒Matagumpay na naisagawa ang unang araw ng 2-Day D...
04/09/2026

𝟐-𝐃𝐀𝐘 𝐁𝐒𝐏 𝐎𝐑𝐈𝐄𝐍𝐓𝐀𝐓𝐈𝐎𝐍 𝐀𝐍𝐃 𝐓𝐑𝐀𝐈𝐍𝐈𝐍𝐆, 𝐌𝐀𝐓𝐀𝐆𝐔𝐌𝐏𝐀𝐘 𝐍𝐀 𝐒𝐈𝐍𝐈𝐌𝐔𝐋𝐀𝐍 𝐒𝐀 𝐙𝐀𝐌𝐁𝐀𝐋𝐄𝐒

Matagumpay na naisagawa ang unang araw ng 2-Day Division Orientation and Training on BSP Advancement and Troop & Outfit Management sa Balin Sambali, Iba, Zambales, na nilahukan ng mga Scout Leader at District Coordinator mula sa iba’t ibang distrito ng lalawigan.

Pinangunahan ng Local Council Board and Committees, sa pangunguna ni Council Chair Gov. Hermogenes “Jun” Ebdane, ang pagsasanay na naglalayong palakasin ang kaalaman at kakayahan ng mga Scout Leader sa epektibong pamamahala ng kanilang mga troop at outfit.

Tinalakay sa unang araw ang mahahalagang paksa tulad ng Advancement Scheme, Steps in Scout Advancement, Merit Badge System, Advancement Requirements, Accomplishment of Forms, at District Advancement Mapping upang mas mapahusay ang proseso ng paggabay at pagsubaybay sa pag-unlad ng bawat Scout.

Naging masigla rin ang programa sa pamamagitan ng mga palaro, aktibidad, at presentasyon na nagpatibay sa samahan, teamwork, at camaraderie ng mga kalahok.

Ikaw, Ako

Ngayong buwan, nawa’y unti-unting bumukas ang mga pintuang matagal mong ipinagdarasal. Nawa’y dumating ang mga biyayang ...
04/09/2026

Ngayong buwan, nawa’y unti-unting bumukas ang mga pintuang matagal mong ipinagdarasal. Nawa’y dumating ang mga biyayang hindi mo inaasahan, mga oportunidad na para sa’yo, mga bagong simula, at mga sagot sa mga panalanging matagal mo nang hinihintay. 🙏

Hindi ka pinaghintay ng Diyos nang walang dahilan. Minsan, kailangan lang nating maghintay dahil may mas magandang plano Siyang inihahanda para sa atin.

Ikaw, Ako

Malugod na pagbati sa lahat ng 2026 B.E.S.T. Barangay Passers mula sa iba’t ibang bayan ng Lalawigan ng Zambales! 🎉👏Ang ...
03/09/2026

Malugod na pagbati sa lahat ng 2026 B.E.S.T. Barangay Passers mula sa iba’t ibang bayan ng Lalawigan ng Zambales! 🎉👏

Ang tagumpay na ito ay patunay ng inyong dedikasyon, pagsusumikap, at patuloy na paghahangad ng mahusay at tapat na paglilingkod sa inyong mga komunidad.

Ang pagkakapasa sa B.E.S.T. ay hindi lamang isang personal na tagumpay, kundi isang pagkilala sa inyong kakayahan at commitment na isulong ang mabuting pamamahala, episyenteng serbisyo, at makabuluhang pag-unlad para sa bawat barangay.

Ikaw, Ako

“𝐏𝐔𝐒𝐎, 𝐃𝐀𝐍𝐆𝐀𝐋, 𝐀𝐓 𝐆𝐀𝐋𝐈𝐍𝐆 𝐏𝐀𝐑𝐀 𝐒𝐀 𝐁𝐀𝐘𝐀𝐍,” 𝐁𝐈𝐍𝐈𝐆𝐘𝐀𝐍𝐆-𝐃𝐈𝐈𝐍 𝐒𝐀 𝟏𝟐𝟔𝐓𝐇 𝐂𝐈𝐕𝐈𝐋 𝐒𝐄𝐑𝐕𝐈𝐂𝐄 𝐀𝐍𝐍𝐈𝐕𝐄𝐑𝐒𝐀𝐑𝐘Opisyal nang sinimulan ng Pama...
03/09/2026

“𝐏𝐔𝐒𝐎, 𝐃𝐀𝐍𝐆𝐀𝐋, 𝐀𝐓 𝐆𝐀𝐋𝐈𝐍𝐆 𝐏𝐀𝐑𝐀 𝐒𝐀 𝐁𝐀𝐘𝐀𝐍,” 𝐁𝐈𝐍𝐈𝐆𝐘𝐀𝐍𝐆-𝐃𝐈𝐈𝐍 𝐒𝐀 𝟏𝟐𝟔𝐓𝐇 𝐂𝐈𝐕𝐈𝐋 𝐒𝐄𝐑𝐕𝐈𝐂𝐄 𝐀𝐍𝐍𝐈𝐕𝐄𝐑𝐒𝐀𝐑𝐘

Opisyal nang sinimulan ng Pamahalaang Panlalawigan ng Zambales ang pagdiriwang ng 126th Philippine Civil Service Anniversary ngayong Setyembre sa pamamagitan ng Flag Raising Ceremony na pinangunahan ng President Ramon Magsaysay Memorial Hospital.

Dumalo sa programa sina Board Members Hon. Rundstedt “Rundy” C. Ebdane, Hon. Carol Guevarra, Hon. Athena Tarongoy, at Hon. Nestor Pacheco, kasama ang mga Provincial Government Department Heads at mga kawani ng pamahalaang panlalawigan.

Binigyang-diin ni Ms. Gamelia Datugan ang tema ngayong taon na “Puso, Dangal, at Galing para sa Bayan,” na nagbibigay-diin sa kahalagahan ng paglilingkod nang may malasakit, integridad, at kahusayan.

Sa kanyang mensahe bilang kinatawan ni Governor Hermogenes E. Ebdane Jr., ibinahagi ni Board Member Rundy Ebdane ang paalala na ang tunay na halaga ng serbisyo publiko ay hindi nasusukat sa posisyon o titulo, kundi sa serbisyong tunay na nararamdaman ng mga mamamayan at komunidad.

Hinikayat niya ang bawat lingkod-bayan na patuloy na maglingkod nang may kababaang-loob, dedikasyon, at malasakit, at gawing gabay ang kahusayan sa bawat tungkulin.

Ikaw, Ako

𝟭𝟭𝟵𝘁𝗵 𝗕𝗶𝗿𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆 𝗻𝗶 𝗣𝗮𝗻𝗴𝘂𝗹𝗼𝗻𝗴 𝗥𝗮𝗺𝗼𝗻 𝗠𝗮𝗴𝘀𝗮𝘆𝘀𝗮𝘆Ngayong Agosto 31, ginugunita ng Zambales ang ika-119 na kaarawan ni...
31/08/2026

𝟭𝟭𝟵𝘁𝗵 𝗕𝗶𝗿𝘁𝗵 𝗔𝗻𝗻𝗶𝘃𝗲𝗿𝘀𝗮𝗿𝘆 𝗻𝗶 𝗣𝗮𝗻𝗴𝘂𝗹𝗼𝗻𝗴 𝗥𝗮𝗺𝗼𝗻 𝗠𝗮𝗴𝘀𝗮𝘆𝘀𝗮𝘆

Ngayong Agosto 31, ginugunita ng Zambales ang ika-119 na kaarawan ni Ramon Magsaysay, ang ikapitong Pangulo ng Pilipinas at isa sa mga pinakakilalang anak ng Zambales, na isinilang noong Agosto 31, 1907.

Kilala si Pangulong Magsaysay bilang isang lider na naglapit sa pamahalaan sa karaniwang mamamayan. Iniwan niya ang isang pamana ng integridad, kababaang-loob, at tunay na paglilingkod sa bayan—mga pagpapahalagang patuloy na nagsisilbing gabay sa mga lingkod-bayan sa kasalukuyan.

Sa paggunita sa kanyang buhay at pamana, ating alalahanin ang kanyang paninindigan na ang pampublikong posisyon ay isang pananagutan na dapat gampanan nang may katapatan, malasakit, at dedikasyon sa sambayanang Pilipino.

Isang pagpupugay sa dakilang anak ng Zambales at lider na ang adhikain para sa mabuting pamamahala ay patuloy na nagbibigay-inspirasyon sa bawat henerasyon.

𝗠𝗮𝗯𝘂𝗵𝗮𝘆 𝗮𝗻𝗴 𝗮𝗹𝗮𝗮𝗹𝗮 𝗻𝗶 𝗣𝗮𝗻𝗴𝘂𝗹𝗼𝗻𝗴 𝗥𝗮𝗺𝗼𝗻 𝗠𝗮𝗴𝘀𝗮𝘆𝘀𝗮𝘆!

Ikaw, Ako

IBA, ZAMBALES — Sama-samang ipinagdiriwang ngayong Agosto 28, 2026 ang kapistahan ni San Agustin at ang anibersaryo ng p...
28/08/2026

IBA, ZAMBALES — Sama-samang ipinagdiriwang ngayong Agosto 28, 2026 ang kapistahan ni San Agustin at ang anibersaryo ng pagkakatatag ng St. Augustine Cathedral sa bayan ng Iba, Zambales.

Ang St. Augustine Cathedral ay isang makasaysayang simbahan na itinayo gamit ang coral at limestone, na nagsisilbing mahalagang sagisag ng pananampalataya at kasaysayan sa lalawigan. Ito rin ang nagsisilbing luklukan ng Roman Catholic Diocese of Iba.

Matatagpuan ang katedral sa tapat mismong Provincial Capitol, kung saan kapwa nagsisilbing saksi ang dalawang gusali sa mahigit apat na siglo ng kasaysayan ng relihiyon at pamahalaang sibil sa Zambales.

Sa pagdiriwang ngayong araw, inaanyayahan ang mga mananampalataya at buong pamayanan na makiisa sa mga gawaing panrelihiyon bilang pagbibigay-pugay kay San Agustin, patron ng katedral, at bilang paggunita sa makasaysayang papel ng simbahan sa buhay ng mga taga-Iba at ng buong lalawigan.

Higit pa sa isang gusali, nananatiling simbolo ang St. Augustine Cathedral ng pananampalataya, tradisyon at kasaysayan ng Zambales—isang pamana na patuloy na pinahahalagahan at inaalagaan ng mga susunod na henerasyon.

Ikaw, Ako

IBA, Zambales — Isinagawa noong Agosto 26, 2026 sa Sports Complex Gymnasium, Iba, Zambales ang pagsusumite ng mga kinaka...
27/08/2026

IBA, Zambales — Isinagawa noong Agosto 26, 2026 sa Sports Complex Gymnasium, Iba, Zambales ang pagsusumite ng mga kinakailangang dokumento ng mga estudyanteng benepisyaryo ng Handog Edukasyon Program ng Pamahalaang Panlalawigan ng Zambales sa pamumuno ni Gov. Hermogenes E. Ebdane Jr.

Kabilang sa mga benepisyaryo ang mga estudyanteng kasalukuyang naghahanda para sa kanilang Board Exam sa pamamagitan ng review center o self-review, mga kumukuha ng Doctorate Degree, at mga nagtapos na may Latin Honors.

Sa pamamagitan ng Handog Edukasyon, patuloy na ipinakikita ng Pamahalaang Panlalawigan ang suporta at pagkilala sa sipag, tiyaga at tagumpay ng mga kabataang Zambaleño.

Patuloy na isinusulong ng Pamahalaang Panlalawigan ng Zambales ang mga programang naglalayong magbigay ng mas maraming oportunidad at suporta sa edukasyon para sa mga mag-aaral ng lalawigan.

Source: Zambales for the People

Ikaw, Ako

Muling binuksan para sa mga bisita ang Anghalo Lubong Nangaloan Falls sa San Felipe, Zambales, ayon sa Municipal Touris...
26/08/2026

Muling binuksan para sa mga bisita ang Anghalo Lubong Nangaloan Falls sa San Felipe, Zambales, ayon sa Municipal Tourism Office ng San Felipe.

Muli nang makakapunta ang mga nature lover at adventure seeker sa tanyag na likas na pasyalan upang maranasan ang ganda ng talon at ang adventure na hatid ng trail patungo rito.

Pinapayuhan ang mga bisita na mag-ingat, lalo na sa mga bahaging maaaring maging madulas matapos ang pag-ulan.

📌 PAALALA SA TRAIL: Hindi pinahihintulutan ang paggamit ng ATV sa daan patungo sa falls. Maaari lamang itong lakarin o sakyan ang mga awtorisadong karison.

Hinihikayat din ang lahat na panatilihing malinis at maayos ang lugar. Dalhin pabalik ang sariling basura at pairalin ang responsableng turismo upang mapangalagaan ang likas na kagandahan ng Anghalo Lubong Nangaloan Falls.

📍 Anghalo Lubong Nangaloan Falls, San Felipe, Zambales

Mag-enjoy, mag-ingat, at makiisa sa pangangalaga ng ating kalikasan! 🌱

Source: Zambales Tourism

Ikaw, Ako

𝐑𝐃𝐂 𝐈𝐈𝐈 𝐂𝐇𝐀𝐈𝐑 𝐆𝐎𝐕. 𝐉𝐔𝐍 𝐄𝐁𝐃𝐀𝐍𝐄, 𝐈𝐍𝐈𝐋𝐀𝐇𝐀𝐃 𝐊𝐀𝐘 𝐏𝐁𝐁𝐌 𝐀𝐍𝐆 𝐊𝐀𝐋𝐀𝐆𝐀𝐘𝐀𝐍 𝐍𝐆 𝐂𝐄𝐍𝐓𝐑𝐀𝐋 𝐋𝐔𝐙𝐎𝐍Inilahad ni Regional Development Council ...
25/08/2026

𝐑𝐃𝐂 𝐈𝐈𝐈 𝐂𝐇𝐀𝐈𝐑 𝐆𝐎𝐕. 𝐉𝐔𝐍 𝐄𝐁𝐃𝐀𝐍𝐄, 𝐈𝐍𝐈𝐋𝐀𝐇𝐀𝐃 𝐊𝐀𝐘 𝐏𝐁𝐁𝐌 𝐀𝐍𝐆 𝐊𝐀𝐋𝐀𝐆𝐀𝐘𝐀𝐍 𝐍𝐆 𝐂𝐄𝐍𝐓𝐑𝐀𝐋 𝐋𝐔𝐙𝐎𝐍

Inilahad ni Regional Development Council III (RDC III) Chair at Zambales Governor Jun Ebdane kay Pangulong Ferdinand “Bongbong” Marcos Jr. ang kasalukuyang kalagayan ng Central Luzon kasunod ng mga nagdaang bagyo at EnInilahad ni Regional Development Council III (RDC III) Chair at Zambales Governor Jun Ebdane kay Pangulong Ferdinand “Bongbong” Marcos Jr. ang kasalukuyang kalagayan ng Central Luzon kasunod ng mga nagdaang bagyo at En Habagat.

Sa isinagawang briefing ngayong Agosto 24 sa Pampanga Capitol, tinalakay ang lawak ng pinsalang dulot ng kalamidad, kabilang ang mga nasirang tulay at iba pang imprastraktura, mga silid-aralan, patuloy na pagbaha sa mga komunidad, pinsala sa pananim at kabuhayan, gayundin ang kalagayan ng mga pamilyang inilikas at mga lugar na nananatiling isolated.

Binigyang-diin din ang pangangailangan para sa agarang pagtugon sa mga pangunahing pangangailangan ng mga apektadong mamamayan, kasabay ng pagsusulong ng mga matibay at pangmatagalang solusyon upang mabawasan ang epekto ng mga kalamidad sa Central Luzon.

Ikaw, Ako,

Address

Subic
2209

Website

Alerts

Be the first to know and let us send you an email when Zambaleño Tayo posts news and promotions. Your email address will not be used for any other purpose, and you can unsubscribe at any time.

Shortcuts

Share