Sorsogon Provincial Information Office - SPIO

15/06/2026

ISANG MAKASAYSAYANG TAGUMPAY PARA SA SORSOGON!

Buong pagmamalaking binabati ni Governor Boboy Hamor ang lahat ng mga alkalde ng Lalawigan ng Sorsogon matapos makamit ng Pamahalaang Panlalawigan, Lungsod ng Sorsogon, at lahat ng labing-apat (14) na bayan ang 2025 Good Financial Housekeeping (GFH) Seal mula sa DILG.

Sa kauna-unahang pagkakataon, nakamit ng buong lalawigan ang 100% compliance sa pamantayan ng maayos, tapat, at responsableng pamamahala sa pananalapi, isang patunay ng matibay na pagkakaisa at paglilingkod ng bawat lokal na pamahalaan sa pagsusulong ng mabuting pamamahala at serbisyong may pananagutan sa mga Sorsoganon.

Ayon kay Governor Boboy, ang pagkilalang ito ay bunga ng sama-samang pagsisikap ng mga alkalde, konseho, at mga empleyado ng pamahalaan sa buong Sorsogon upang matiyak na ang pondo ng bayan ay nagagamit nang wasto, malinaw, at para sa kapakinabangan ng bawat Sorsoganon.

12/06/2026

12/06/2026

June 12, 2026

WATCH | Sama-samang ginunita ng Pamahalaang Panlalawigan ng Sorsogon, mga pambansang ahensya ng pamahalaan, at mga kasapi ng uniformed services ang ika-128 Anibersaryo ng Araw ng Kalayaan ng Pilipinas.

Sa pag-alala sa kabayanihan at sakripisyo ng ating mga bayani, muling pinagtibay ang diwa ng pagkakaisa, pagmamahal sa bayan, at pananagutan sa patuloy na paghubog ng isang malaya at maunlad na bansa para sa susunod na henerasyon.

11/06/2026

Ngayong Araw ng Kalayaan, sama-sama nating alalahanin ang katapangan ng mga bayaning nagbigay daan sa ating malayang kinabukasan.

Happy Independence Day!

11/06/2026

LOOK | Nagpapatuloy sa paglilibot sa mga paaralang kasali para sa validation ng 7K Champions ang team mula sa Kapitolyo ngayong araw, Hunyo 11, 2026 sa bayan ng Magallanes at Bulan, Sorsogon.

Nais tingnan ng grupo kung ang naturang mga eskwelahan ay may stable na gulayan sa paaralan, naipatutupad ang kalinisan sa kapaligiran at iba pang aspeto ng patimpalak.

11/06/2026

June 11, 2026

TINGNAN | Pinangunahan ni Governor Boboy Hamor ang briefing kasama ang mga kinatawan ng Provincial Engineers Office at Provincial Health Office para talakayin ang comprehensive master plan ng Sorsogon Provincial Hospital (SPH).

Layunin ng master plan na gabayan ang pangmatagalang expansion at modernization ng mga pasilidad at medical services ng SPH upang mas matugunan ang lumalaking pangangailangan ng mga Sorsoganon.

Napapanahon ayon kay Governor Boboy ang pagpaplano kasunod ng nakaambang paglalagay ng MRI machine at pagpapalawak ng dialysis services na inatasan ng gobernador bilang bahagi ng patuloy na pagpapalakas ng healthcare system sa lalawigan.

11/06/2026

TARA NA SA KADIWA NG PANGULO SA KAPITOLYO!

Mamili ng mga de-kalidad at abot-kayang lokal na produkto sa darating na Hunyo 15, 2026, sa likod ng SP Building, hatid ng Pamahalaang Panlalawigan ng Sorsogon.

Suportahan ang ating mga lokal na magsasaka at negosyante habang namimili ng sari-sari at produktong Sorsoganon.

Kita-kits Sorsoganons!

10/06/2026

TINGNAN: Malinis na kapaligiran, may masaganang taniman sa buong eskwelahan at disiplinadong mga estudyante ang sumalubong sa mga 7K Champions validator matapos nilang magtungo sa ilang paaralan sa bayan ng Pilar noong Hunyo 10, 2026 upang tingnan at i-validate ang mga eskwelahan bilang kalahok sa patimpalak na 7K Champions.

10/06/2026

June 10, 2026

MGA BUNTIS AT BAGONG PANGANAK NA INA, MAKATATANGGAP NG MATERNAL KITS SA BUONG LALAWIGAN

Pormal nang inilunsad ngayong araw sa Sorsogon Provincial Hospital (SPH) ang pamamahagi ng Maternal Kits para sa mga buntis at mga bagong panganak na ina sa lalawigan.

Pinangunahan nina Provincial Health Officer Dr. Jun Bolo kasama sina Board Members Roland Añonuevo at Nini Ravanilla ang paglulunsad ng programa kung saan personal na tinanggap ng mga beneficiaries ang mga maternal kits na naglalaman ng mga pangunahing gamit para sa pangangalaga ng ina at sanggol.

Ang programang ito ay isa sa mga inisyatiba ni Governor Boboy Hamor kung saan ang pondo ay direktang ipinalabas ng kapitolyo mula sa savings ng Special Health Fund bilang bahagi ng patuloy na pagpapalakas ng serbisyong pangkalusugan ng Pamahalaang Panlalawigan ng Sorsogon.

Bukod sa Sorsogon Provincial Hospital, ipamamahagi rin ang mga Maternal Kits sa iba’t ibang District at Medicare Hospitals sa lalawigan, gayundin sa mga Rural Health Units (RHUs) na mayroong birthing homes upang mas marami pang ina at sanggol ang makinabang sa programang ito.

Sa pamamagitan ng hakbanging ito, patuloy na ipinapakita ng kapitolyo ang malasakit at suporta nito sa kalusugan at kapakanan ng bawat pamilyang Sorsoganon.