BLGU Ilihan

04/12/2025

23rd Regular Session of Barangay Council! 💚

12/11/2025

🌟 Dako kaayo ang garbo sa Barangay Ilihan nga giila isip National Awardee sa Seal of Good Local Governance for Barangays (SGLGB)! 🌟

Kini nga prestihiyosong pasidungog nagpakita sa atong walay puas nga dedikasyon sa transparency, accountability, ug kahusayan sa serbisyo publiko. Nagpasabot kini sa kaubanang panan-aw ug paningkamot sa tanang tawo nga nagpadayon sa paghimo sa Barangay Ilihan nga usa ka modelo nga komunidad—kung asa ang panggobyerno dili lang bahin sa liderato, apan sa serbisyo, panag-uban, ug tinuod nga pag-atiman sa mga residente.

Gipaabot namo ang among tibuok kasingkasing nga pasalamat sa tanang barangay officials, SK officials, volunteers, ug sa matag Ilihanon. Ang inyong dedikasyon, kooperasyon, ug pagsalig maoy nagpasiugda niini nga kalampusan. Bisan unsang gamay nga serbisyo, matag higayon nga tabang, ug ang inyong pagsalig sa among liderato nakatabang aron maabot nato kini nga milestone.

Kini nga pasidungog dili para sa pipila lang—para kini sa tanan. Maghiusa kita sa pagselebrar niini nga dungog ug magpadayon sa pagserbisyo uban sa integridad, kalooy, ug usa ka komong damgo alang sa lig-on ug hiusa nga Barangay Ilihan.

Hinaut nga kini nga kalampusan mohagit kanato nga magpadayon sa panag-uban alang sa kaayohan, kalamboan, ug kauswagan sa atong pinalanggang komunidad. 💚

06/11/2025

21st Regular Session of Barangay Council! 💚

04/11/2025

📢 Pahibalo alang sa atong mga Senior Citizen! 👵👴

Maayong adlaw!🌞

Ipaabot namo nga pwede na makuha ang BIRTH CERTIFICATE sa mosunod nga mga SENIOR CITIZEN nga NAGPA-PROCESS sa ilang LATE REGISTRATION:

1️⃣ Hermenegildo Edpalina Delauro
2️⃣ Patricia Lumbocan Banao
3️⃣ Virginia Leyson Puebla
4️⃣ Mario Mapa Lebres
5️⃣ Feleciana Pagoyo Garlet
6️⃣ Pedro Neiz Rodes
7️⃣ Romulo Zarco Aguilar
8️⃣ Sally Dapar Baslot
9️⃣ Diosdada Tapayan Gonzales
🔟 Julieta Langgue Jamora (Claimed)

📍 Palihug kuhaa kini diri sa Barangay Office.

Sa mga wala pa na-release ang ilang birth certificate, hulat-hulat lang usa ta kay padayon pa ang pagproseso sa uban. 💪

Dako kaayo among PASALAMAT sa LGU SIBAGAT ilabi na sa opisina sa LOCAL CIVIL REGISTRAR (LCR) nga gipangulohan ni Sir Dennis Maputol, sa ilang dedikado nga tabang ug suporta sa pagproseso sa mga dokumento sa atong mga SENIOR CITIZEN. 🙏👏

💚 Daghang salamat sa inyong pagsabot, pasensya, ug kooperasyon!

Padayon ta sa panaghiusa ug pagtinabangay alang sa kaayuhan sa tanan. 🇵🇭✨

Send a message to learn more

27/02/2025

📢 PAHIBALO ALANG SA MGA SENIOR CITIZEN GIKAN SA MSWDO 📢

Ipaabot sa tanan nga benepisyaryo sa Social Pension nga ang 1st Quarter 2025 Payout ipahigayon karong:

📅 Marso 18, 2025 (Martes)
📍 Sibagat Municipal Gymnasium

Kini alang sa mga senior citizen sa Barangay Ilihan. Palihug siguroha nga dala ang inyong valid ID ug uban pang dokumento nga kinahanglan alang sa verification.

Pakiabisohan usab ang inyong mga kauban aron walay mapakyas sa maong schedule.

Daghang salamat, ug padayon ta sa pag-atiman sa kaayohan sa atong mga pinalanggang senior citizen! 💚👵

10/02/2025

📢 PAHIBALO SA TANAN 📢

Gipahibalo sa tanang lumulupyo sa Barangay Ilihan nga ugmang adlawa, Pebrero 11, 2025, alas 8:00 sa buntag hangtod alas 12:00 sa udto, aduna kitay ipahigayon nga serbisyo alang sa mga binuhing hayop. Ang Municipal Agriculture Office, mga personnel gikan sa Region, ug ang Provincial Veterinary Office ang magdumala sa maong aktibidad.

📌 Mga Serbisyo nga Ipatuman:
✅ Pagpamurga
✅ Pagpaburos
✅ Paghatag og Vitamins
✅ Pagpauwag
✅ Pagtan-aw sa inyong mga kanding, baka, ug kabaw kung pwede ba paburosan

📌 Blood Sampling sa mga Baboy

Gihangyo ang tanang tag-iya sa kanding, baka, kabaw, ug baboy nga moapil sa maong aktibidad aron mapadayon ang maayong kahimsog sa atong mga binuhi.

Dako kini nga tabang sa atong barangay! Salamat sa inyong suporta ug kooperasyon! 🙏🐄🐖🐐

05/02/2025

Una sa tanan, dako atong pagpasalamat sa atong Labawng Makagagahum sa tanang grasya, panalangin, ug kusog nga gihatag kanato. Ang atong kalampusan dili lamang bunga sa atong paningkamot kundi usa ka timaan sa Iyang gugma ug giya kanato.

Dako usab atong pasalamat sa atong mga Barangay Officials sa pagpanguna sa atong pinaka kugihan ug abtik nga Punong Barangay, Hon. Evangeline C. Pulleros, uban sa iyang mga abtik ug kugihan pud nga mga Barangay Kagawad ug SK Chairperson nga walay pagduha-duha nga ninghatag sa ilang oras, kusog, ug kakugi sa pagdesinyo ug pagpalambo sa atong Agri-Booth!
🌿 Hon. Glenda Q. Acosta
🌿 Hon. Veronico D. Cuerbo
🌿 Hon. Mernalyn J. Timosa
🌿 Hon. Marissa G. Cañete
🌿 Hon. Joemar A. Empic
🌿 Hon. Arneil S. Sambalod
🌿 Hon. Christine Mae Fallado
🌿 Hon. Beatriz P. Garlet

Special thanks kang Sir Juan Solabar, nga maoy nagporma sa atong booth design. Salamat sa atong AT Maam Conney Anunciado sa always nga pag update ug mga words of encouragement. Salamat usab sa tanang volunteers ug farmers nga walay pagduha-duha sa pagpakabana ug nitabang aron mamahimong malampuson kini nga presentasyon.

Dili pud nato kalimtan ang suporta sa atong LGU-Sibagat, nga gipangulohan ni Hon. Thelma G. Lamanilao, MD, uban ang atong Organic Champion, Vice Mayor Maria Liza L. Evangelista, CPA, REB, EnP, ang Sangguniang Bayan Members, Municipal Agriculture Office nga gipangulohan ni Ma’am Nerissa O. Nerio, ug ang Municipal Treasurer’s Office nga gipangulohan ni Ma’am Marivic M. Cubillas.

Tungod sa atong panaghiusa ug paningkamot, nakab-ot nato ang mga mosunod nga pasidungog atol sa Araw ng Sibagat 2025 Celebration:

🏆 Best Booth Design - Category A
🏆 Best Visual Merchandising - Category A
🥇 1st Place - Agri-Booth Competition (Lowland Category)
🥇 1st Place - Best Barangay in the Implementation of the Organic Agriculture Program
🥈 2nd Best Barangay - Barangay Balik-Buwis Promo 2024

Mga ka-Ilihanknown, padayon kita sa atong paningkamot ug panaghiusa! Ang atong kalampusan karon usa lamang ka sugod sa mas dagkong kausaban alang sa atong barangay. Pinaagi sa atong pagkugi, pagtinabangay, ug gugma sa atong komunidad, walay imposible nga dili nato makab-ot. 💚

Padayon ta sa pagpalambo sa atong panguma, pag-amuma sa kinaiyahan, ug pagpasiugda sa organikong pagpananom. Ang atong Barangay Ilihan usa ka buhi nga pruweba nga kung magtinabangay kita, mahitabo ang kalambuan ug kadaugan! 💚

Ipakita nato ang garbo nga pagkaIlihanknown!💚

"Padayon sa pagka kugihan Barangay ILIHAN, Padayon sa pagka maalamon ILIHANKNOWN! 💚

💚 💚 💚 💚

21/01/2025

Kami sa Barangay Council sa Barangay Ilihan nga gipanguluhan ni Punong Barangay Evangeline C. Pulleros mapasalamaton ug malipayon nga masangyaw kaninyo nga ang atong Barangay Ilihan karon usa na ka CERTIFIED Adolescent Friendly Health Facility (AFHF) Level 1. Kini nga kalampusan resulta sa atong panaghiusa, pagtinabangay, ug dedikasyon alang sa kaayuhan sa kabatan-onan ug tanang katawhan sa atong barangay.

Ang maong evaluation gipahigayon karong adlawa Enero 21, 2025, diin kini gipangulohan ni Ma’am Jenneth Funcion, RN, representante sa Provincial Health Office (PHO), uban nila Sir Bryant Kim Pantanosas (RHU-Sibagat), Sir Elvon Juntilla (PHO-ADS), ug Sir Butch Meneses (PHO-ADS).

Gipasalamatan nato ang ilang dedikasyon sa pag-assess ug paghatag ug mga rekomendasyon aron mapalambo pa ang atong serbisyo. Mapasalamaton usab kami sa tanang mitambong sa maong evaluation, labi na gyud kang Ma’am Evelia A. Canoy, nga designated person sa atong AFHF, alang sa iyang pagdumala ug pagpadayon sa mga programa alang sa kabatan-onan.

Kini nga pasidungog dili lamang usa ka milestone apan usa usab ka timailhan nga ang atong barangay nagapadayon sa pag-uswag ug paghatag ug kalidad nga serbisyo alang sa tanan. Magpadayon kita sa pagtinabangay alang sa mas maayong ugma para sa atong Barangay! 💚

30/12/2024

Kami sa Barangay Council sa Barangay Ilihan, nga gipanguluhan ni Punong Barangay Evangeline C. Pulleros mapasalamaton kang Atty. Ronald C. Lara nga maoy among Resource Speaker sa Katarungang Pambarangay Training nga may tema: "Accessing Justice Through a Gender-Responsive, Child-Friendly, and Culture-Sensitive Barangay Justice System" karong Adlawa nga ika-30 sa Disyembre, 2024.

Ang imong pagpaambit sa kahibalo ug kasinatian naghatag ug dakong kalamdagan ug pagpalig-on sa among kapasidad isip mga opisyal sa barangay ug mga miyembro sa Lupon Tagapamayapa aron mas epektibo kaming makahatag ug maayong serbisyo alang sa hustisya nga makiangayon ug sensitibo sa panginahanglanon sa tanang sektor sa komunidad.

Nagapasalamat kami sa imong dedikasyon ug walay pagduha-duha nga pagtabang aron mapalambo ang among mga kasayuran ug kahanas sa pagpahigayon sa hustisya sa barangay nga patas ug malungtaron alang sa tanang katawhan.

Dako gayud ang among pagpasalamat, ug hinaut nga padayon ang imong inspirasyon sa pag-alagad ug pagtabang sa komunidad.

Daghang Salamat, Atty. Ronald C. Lara! 💚

13/12/2024

Malipayong selebrasyon ang gihimo karong adlawa, Disyembre 13, 2024, alang sa Christmas Party sa Ilihan Day Care Center. Ang maong kalihokan gitambungan nila Kagawad Mernalyn J. Timosa, Kagawad Glenda Q. Acosta, ug SK Chairwoman Beatriz P. Garlet, nga naghatag og dugang inspirasyon sa maong espesyal nga adlaw.

Ang party puno sa lingaw ug kalipay uban ang lain-laing mga kalihokan sama sa:
🎉 Induction of Officers
🎉 Pa-games sa mga bata
🎉 Intermission sa mga nanay
🎉 Exchanging gifts sa mga nanay ug mga bata

Labaw sa tanan, usa ka dakong pasalamat ang atong gipadayag ngadto kang Ma’am Memarlie L. Cañete, ang atong Day Care Worker, nga naghatag sa iyang regalo alang sa mga kabataan ug mga nanay. Ang maong adlaw nagpamatuod sa atong paghiusa, gugma, ug pagpaambit ning panahon sa Pasko.

Daghang salamat sa tanang ning-apil ug mi-suporta sa maong kalihokan! Padayon kita sa pag-amuma sa atong kabataan ug pagdasig sa mas masadya ug malinawon nga komunidad. 🎄✨🎉