Ok Ka Yu

31/05/2026

JRMSU ADMISSION TEST UPDATE ‼️

Maayong buntag!

Atua lamang i-clarify nga karong June 15, 2026, Admission Test pa lamang kini. Human sa admission test, didto pa mag-ranking ug magpili sa 50 ka estudyante nga makasulod sa BSBA Major in Marketing Management (BSBA-MM) ug 50 ka estudyante nga makasulod sa BS Tourism Management.

📌 Update sa gidaghanon sa mga nagpalista para sa Admission Test:

• BSBA-MM – 56 ka aplikante
• BS Tourism – 31 ka aplikante

Pwede pa gihapon kamo magpalista sa duha ka kurso (BSBA-MM ug BS Tourism Management) aron adunay mas daghang oportunidad nga makasulod sa usa sa mga programa.

Salamat kaayo!

28/05/2026

📢 𝗔𝗡𝗡𝗢𝗨𝗡𝗖𝗘𝗠𝗘𝗡𝗧 📢

In line sa atuang pag-abre sa klase karong Agosto 2026, ang Jose Rizal Memorial State University (JRMSU) Main Campus – Sergio Osmeña Extension magahimo ug Admission Test alang sa mga gustong mo-eskwela para sa School Year 2026–2027.

📚 Mga kursong pwede kuhaon:
• Bachelor of Science in Tourism (BS Tourism)
• Bachelor of Science in Business Administration major in Marketing Management (BSBA-MM)

🗓 Date sa Admission Test:
June 15, 2026

📍 Venue:
Municipal Gymnasium

⏰ Time:
9:00 AM

📌 Sa motake sa Admission Test:
• 50 ka estudyante lamang ang kuhaon para sa BS Tourism
• 50 ka estudyante lamang ang kuhaon para sa BSBA major in Marketing Management

🗓 Deadline sa pagpalista:
June 12, 2026

Giawhag ang tanang interesado nga magpalista na sa Office of the Municipal Mayor ug pangitaon lamang si Ms. Paula Elexa B. Benerado ug Ms. Maxene Faith Limbaro.

📞 Contact Number:
09382120592

📱 Facebook Accounts:
Paula Elexa Berioso Benerado
Maxene Faith Limbaro-Mercadejas

📄 Mga kinahanglan dalhon nga requirements:
• High School Report Card
• PSA Issued Birth Certificate
• 1x1 ug 2x2 ID Pictures

Daghang salamat!

26/05/2026

Good News📰

📣 ATTENTION NURSING AND ALLIED HEALTH SCIENCE STUDENTS!

Maayong balita para sa atong mga estudyante nga nagtinguha nga mahimong future healthcare workers! The Commission on Higher Education (CHED) is now accepting applicants for the 𝗔𝗛𝗘𝗔𝗗 (𝗔𝗹𝗹𝗶𝗲𝗱 𝗛𝗲𝗮𝗹𝘁𝗵 𝗘𝘅𝗽𝗲𝗿𝗶𝗲𝗻𝘁𝗶𝗮𝗹 𝗔𝘀𝘀𝗶𝘀𝘁𝗮𝗻𝗰𝗲 𝗳𝗼𝗿 𝗗𝗲𝘀𝗲𝗿𝘃𝗶𝗻𝗴 𝗦𝘁𝘂𝗱𝗲𝗻𝘁𝘀) financial grant program.

Kini usa ka national program ug ang financial grant magagikan mismo sa Commission on Higher Education (CHED). Ang tanan nga applications kinahanglan isumite directly ngadto sa CHED pinaagi sa ilang official application portal.

𝗔𝗻𝗼 𝗮𝗻𝗴 𝗱𝗮𝗽𝗮𝘁 𝗺𝗮𝗹𝗮𝗺𝗮𝗻 𝘁𝘂𝗻𝗴𝗸𝗼𝗹 𝘀𝗮 𝗔𝗛𝗘𝗔𝗗 𝗚𝗿𝗮𝗻𝘁:
• May one-time ₱25,000 subsidy para sa RLE (Related Learning Experience) ng qualified allied health science students
• Isa sa mga qualifications ang combined annual gross family income na hindi lalampas sa ₱1.2 million
• Only 19,000 slots available nationwide

Atong dasigon ang tanang kwalipikadong estudyante sa Zamboanga del Norte nga mo-apply ug gamiton kining oportunidad alang sa ilang edukasyon ug pangandoy sa kinabuhi.

Sa Bag-ong Zanorte, padayon ta sa pagpalapad sa mga oportunidad sa edukasyon ug pagpalig-on sa atong healthcare sector pinaagi sa pag-invest sa atong kabatan-onan.

𝗠𝗮𝗴-𝗮𝗽𝗽𝗹𝘆 𝗻𝗮 𝗽𝗮𝗿𝗮 𝘀𝗮 𝗔𝗛𝗘𝗔𝗗 𝗚𝗿𝗮𝗻𝘁:
https://ahead.ched.gov.ph/

For inquiries, message the CHED page:
https://www.facebook.com/PhCHED.gov

Kuyog Ta sa pag-abot sa mga damgo! 💙

25/05/2026

𝗣𝗥𝗢𝗖𝗟𝗔𝗠𝗔𝗧𝗜𝗢𝗡 𝗡𝗢. 𝟭𝟮𝟱𝟮

𝗗𝗘𝗖𝗟𝗔𝗥𝗜𝗡𝗚 𝗠𝗢𝗡𝗗𝗔𝗬, 𝟮𝟮 𝗝𝗨𝗡𝗘 𝟮𝟬𝟮𝟲, 𝗔 𝗦𝗣𝗘𝗖𝗜𝗔𝗟 (𝗡𝗢𝗡-𝗪𝗢𝗥𝗞𝗜𝗡𝗚) 𝗗𝗔𝗬 𝗜𝗡 𝗧𝗛𝗘 𝗠𝗨𝗡𝗜𝗖𝗜𝗣𝗔𝗟𝗜𝗧𝗬 𝗢𝗙 𝗦𝗘𝗥𝗚𝗜𝗢 𝗢𝗦𝗠𝗘𝗡̃𝗔, 𝗣𝗥𝗢𝗩𝗜𝗡𝗖𝗘 𝗢𝗙 𝗭𝗔𝗠𝗕𝗢𝗔𝗡𝗚𝗔 𝗗𝗘𝗟 𝗡𝗢𝗥𝗧𝗘

𝗪𝗛𝗘𝗥𝗘𝗔𝗦, on 22 June 2026, Monday, the Municipality of Sergio Osmeña, Province of Zamboanga del Norte will mark the celebration of its Founding Anniversary;

𝗪𝗛𝗘𝗥𝗘𝗔𝗦, it is but fitting and proper that the people of the Municipality of Sergio Osmeña be given full opportunity to participate in the occasion and enjoy the celebration;

𝗡𝗢𝗪, 𝗧𝗛𝗘𝗥𝗘𝗙𝗢𝗥𝗘, 𝗜, 𝗥𝗔𝗟𝗣𝗛 𝗚. 𝗥𝗘𝗖𝗧𝗢, Acting Executive Secretary, by authority of the President, FERDINAND R. MARCOS, JR., do hereby declare Monday, 22 June 2026, a special (non-working) day in the Municipality of Sergio Osmeña, Province of Zamboanga del Norte.

𝗜𝗡 𝗪𝗜𝗧𝗡𝗘𝗦𝗦 𝗪𝗛𝗘𝗥𝗘𝗢𝗙, I have hereunto set my hand and caused the seal of the Republic of the Philippines to be affixed.

Done in the City of Manila, this 14th day of May, in the year of Our Lord, Two Thousand and Twenty Six.

By authority of the President:

𝗥𝗔𝗟𝗣𝗛 𝗚. 𝗥𝗘𝗖𝗧𝗢
Acting Executive Secretary

Office of the President
MALACAÑANG RECORDS OFFICE

CERTIFIED COPY

ATTY. LOVELY V. TOLENTINO-NAVA
DIRECTOR IV

24/05/2026

𝐆𝐎𝐎𝐃𝐒 𝐃𝐎𝐍𝐀𝐓𝐈𝐎𝐍 𝐏𝐑𝐎𝐆𝐑𝐀𝐌

Dako kaayong kalipay ug pasalamat ang atong gibati sa malampusong pagpahigayon sa Goods Donation Program ganiha sa atong Municipal Gymnasium nga nagdala ug dako nga kaayohan alang sa katawhan sa Sergio Osmeña.

Kini nga programa nahimong posible pinaagi sa partnership sa CI-Philippines, Inc., Zamboanga del Norte Association of Illinois (ZAMNAI), Dipolog Youth Club (DYC), Provincial Government of Zamboanga del Norte, ug Local Government Unit of Sergio Osmeña, uban sa bililhong assistance sa Clamohoy Clan. Dako kaayo among pagpasalamat sa ilang suporta ug pagpakig-uban aron mahimong malampuson ang maong kalihokan.

Pinaagi niini, daghang mapuslanong donasyon ang atong nadawat sama sa medical supplies, multivitamins alang sa mga senior citizens ug mga buntis, reading glasses, ug nagkadaiyang medical devices nga makatabang sa pagpalig-on sa kahimsog sa atong komunidad.

Atong giila ug dako kaayong gipasalamatan ang presensya sa atong mga kauban ug partners nga mitambong ug misuporta niini nga mahinungdanong kalihokan. Sa ngalan ni Sir Joshua Amado Bicoy (ZAMNAI), mitambong si Sir Donald Pactol; sa ngalan ni Engr. Vincent Brian Ranillo (DYC), mitambong si Sir Edwin Regencia; sa ngalan ni Gov. Darel Dexter Uy, atong gipasalamat ang presensya ni Ms. Charmie A. Asprer, ang atong Provincial Administrator; ug sa ngalan ni Hon. Vice Mayor Ciddycriz Villamin, mitambong si Doc. Ace Ronan Hechanova.

Dako usab ang atong pagpasalamat sa Dipolog Youth Club (DYC) Team ug ZAMNAI Team sa ilang dedikasyon ug suporta aron mahimong organisado ug malampuson ang maong programa.

Espesyal usab nga pasalamat sa tanang department heads nga niattend, mga facilitators, atong emcee, photographer, mga nanghakot sa donasyon, ug ilabina sa Head sa MNAO nga si Sir Guilbert Saturos ug sa iyang tibuok team sa maayong pagpangulo ug koordinasyon nga nahimong hinungdan aron mahimong hapsay ug organisado ang maong event.

Sa padayon natong panaghiusa ug pagtinabangay, mas daghan pa kitang matabangan ug maabot nga serbisyo alang sa atong katawhan. ❤️

21/05/2026

Kagahapong adlawa, malampusong gipahigayon ang atong Municipal Development Council (MDC) Meeting sa Municipal Library uban sa aktibong partisipasyon sa atong mga barangay officials, MPDO, ug uban pang mga personahe nga nagtinabangay alang sa kalamboan sa atong lungsod.

Usa sa mga mahinungdanong nahisgutan ug atong gipaabot nga mahatag sa matag barangay mao ang Starlink Internet Connection ug POC Radio, isip kabahin sa atong paningkamot nga mapalig-on ang komunikasyon ug mapadali ang serbisyo sa katawhan, ilabina sa panahon sa emergency ug mga kalamidad. Kini usa ka dakong lakang aron mas mapakusgan ang koneksyon ug koordinasyon sa matag barangay alang sa mas episyente ug paspas nga pagserbisyo.

Dako ang akong pasalamat sa tanang nitambong ug nagpakita sa ilang suporta ug kooperasyon. Pinaagi sa panaghiusa ug padayon nga paningkamot, mas daghan pa kitang mahimo alang sa mas lig-on ug mauswagon nga Sergio Osmeña.

Padayon ta sa tinuod nga serbisyo para sa katawhan!

19/05/2026

𝗚𝗢𝗩. 𝗗𝗔𝗥𝗘𝗟 𝗨𝗬: 𝗣𝗔𝗡𝗔𝗚𝗛𝗜𝗨𝗦𝗔 𝗠𝗔𝗢𝗬 𝗬𝗔𝗪𝗘 𝗦𝗔 𝗣𝗔𝗚𝗣𝗔𝗨𝗦𝗪𝗔𝗚 𝗦𝗔 𝗣𝗥𝗢𝗕𝗜𝗡𝗦𝗬𝗔

SERGIO OSMEÑA, SR. --- Atol sa iyang unang higayon nga pag-atender sa flag ceremony ug pag-blessing sa mga sakyanan ug ekipo sa lungsod sa Sergio Osmeña niadtong Lunes, Mayo 18, gipasiugda ni Darel Dexter Uy ang kamahinungdanon sa panaghiusa ug pagtinabangay aron mapaspas ang pagpatuman sa mga programa ug proyekto nga makatabang sa katawhan ug makapahaw-as sa kapobrehon sa probinsya.

Sa iyang mensahe, giingon ni Governor Uy nga gibahin-bahin sa probinsyal nga pangagamhanan ang pondo aron matabangan ang matag lungsod sa pagpatuman sa nagkalain-laing serbisyo ug programa alang sa katawhan.

“Atong gibahin-bahin ang kwarta sa probinsya para itabang sa mga munisipyo sa tibook probinsya kay ganahan ta nga mapaspas ang pag-implementar sa mga proyekto ug programa sama sa health, education, agriculture, livelihood ug uban pa, aron nga mahaw-as sa kapobrehon ang atong probinsya. Mao nga kinahanglan kita maghiusa, mag-kuyog na ta!” matud pa ni Governor Uy.

Gibutyag usab sa gobernador nga padayon nga gipalig-on sa iyang administrasyon ang mga programa sa panglawas, edukasyon, agrikultura ug panginabuhian aron mas daghang pamilya ang makabenepisyo ug makabangon gikan sa kalisod.

Sumala kaniya, ang maayong koordinasyon tali sa probinsyal nga pangagamhanan ug mga lokal nga yunit sa gobyerno makatabang aron dali nga mahatod ang serbisyo ngadto sa katawhan, ilabina sa mga komunidad nga nanginahanglan og dugang suporta.

Dugang pa niya, pinaagi sa panaghiusa ug kooperasyon sa matag sektor, mas mapadali ang pag-abot sa kalamboan ngadto sa matag lungsod ug barangay sa probinsya.

Nanawagan si Governor Uy sa tanang opisyal ug residente sa probinsya nga ipadayon ang pagtinabangay aron masiguro nga ang mga proyekto ug serbisyo sa gobyerno maabot sa tanang komunidad.

Sa laing bahin, mipasalamat si Mayor Glen N. Yu ngadto kang Governor Uy tungod sa padayon nga suporta sa probinsyal nga pangagamhanan sa mga proyekto ug programa sa ilang lungsod.

Dugang pa niya nga nalipay siya pag-ayo tungod kay ang Sergio Osmeña maoy unang lungsod nga giapilan ni Governor Uy sa ilang regular nga flag-raising ceremony. -30-

19/05/2026

Daghang salamat kang Gov Darel Uy sa imong pagduaw ug pakig-uban sa Blessing Ceremony sa atong mga bag-ong municipal vehicles. Dakong dungog alang sa Municipality of Sergio Osmeña nga kami ang unang munisipyo nga imong giatendan sa Flag Ceremony isip Gobernador sa Probinsya.

Nagpasalamat usab kami sa imong padayon nga suporta sa among lungsod. Nagsaad kami nga ipadayon ang tinuod ug matinud-anong pag-alagad alang sa tanang Osmeñahanon.

19/05/2026

Malampuson nga nahuman kagahapon ang Blessing Ceremony sa Newly Acquired Municipal Vehicles, usa ka mahinungdanong lakang aron mas mapalig-on ug mapadali pa ang serbisyo sa atong lokal nga panggamhanan ngadto sa matag lungsoranon.

Sa among kinasingkasing nga pagpasalamat, dako kaayo ang atong pasalamat kang Hon. Gov Darel Uy sa iyang bililhong presensya ug makapadasig nga mensahe alang sa katawhan sa Sergio Osmeña. Ang imong suporta ug paggiya dakong inspirasyon sa among padayong paningkamot alang sa kalamboan sa atong lungsod.

Dako usab ang atong pagpasalamat sa presensya ug suporta ni Hon. Vice Mayor Ciddycriz Villamin, sa atong mga SB Members, ug kang Hon. Zosimo Palomares Jr. alang sa opening remarks nga nakadugang kahulugan sa maong kalihokan.

Usab, among ginapasalamatan si Rev. Fr. Teotimo “Jun” Quiñones sa pagpanalangin sa atong mga bag-ong municipal vehicles aron magmalampuson ug mahimong instrumento sa mas paspas ug episyenteng serbisyo ngadto sa katawhan.

Labaw sa tanan, daghang salamat sa tanang nitambong, mga opisyal, empleyado sa munisipyo, ug mga bisita nga mipakita sa ilang suporta ug pakighiusa aron mahimong malampuson kining mahinungdanong kalihokan. Kining mga bag-ong sakyanan simbolo sa atong padayong paningkamot nga madala ang serbisyo ngadto sa matag barangay ug matag panimalay.

Padayon ang kaaYUhan, serbisyo, ug kalamboan alang sa mas lig-on nga Sergio Osmeña! 💛