Sariaya Tourism Culture and the Arts Office

02/06/2026

Happy Pride Month mula sa Sariaya Tourism, Culture and the Arts Office!

Ngayong Pride Month, ipinagdiriwang natin ang pagkakaiba-iba na siyang nagpapayaman sa ating kultura at bayan. Tulad ng makukulay na tanawin, tradisyon, at mga tao ng Sariaya, ang bawat indibidwal ay may natatanging kwento na nararapat pakinggan, igalang, at ipagdiwang.

Nawa'y patuloy nating itaguyod ang isang bayan na bukas sa lahat—isang Sariayang kinikilala ang dignidad ng bawat tao at nagbibigay ng espasyo para sa pagmamahal, paggalang, at pagkakapantay-pantay.

Sa buwang ito at sa mga susunod pa, patuloy nating yakapin ang diwa ng pagkakaisa sa gitna ng ating mga pagkakaiba.

02/06/2026

21/05/2026

Valse de Sariaya 💙💙💙💙💙

Isang karangalan para sa Indak Guiguintenyo Folkloric Group na mapili bilang isa sa mga demonstrators ng Valse de Sariaya kasama ang Hiyas Kalilayan.💚

Lubos po kaming nagpapasalamat kay Sir Joe Anthony Lingayo Basco, researcher ng sayaw, sa pagtitiwala at pagbibigay sa amin ng pagkakataong maipakita ang ganda, pino, at kasaysayan ng isa sa mga pinakakilalang sayaw mula sa Sariaya, Quezon.

Ang karanasang ito ay hindi lamang isang pagtatanghal, kundi isang pagkakataon upang mas mapalalim ang aming kaalaman at pagpapahalaga sa mayamang pamana ng kulturang Pilipino.

Maraming salamat po, Sir Joe Anthony Basco, at sa aming mga kasama sa Hiyas Kalilayan. Patuloy nating buhayin at ipagmalaki ang ating mga katutubong sayaw at tradisyon. 💚

20/05/2026

Isang gabi ng kultura, sining, at husay ang ating nasaksihan sa ginanap na Valse de Sariaya Folk Dance Competition bilang bahagi ng pagdiriwang ng Agawan Festival 2026!

Buong galak nating nasaksihan ang lahat ng grupong nakiisa at nagbigay-buhay sa ating makulay na tradisyon sa pamamagitan ng kanilang kahanga-hangang pagtatanghal ng katutubong sayaw. Tunay na ipinakita ng bawat kalahok ang talento, disiplina, at pagmamahal sa mayamang kultura ng pagiging Sariayahin.

Maraming salamat sa lahat ng sumuporta upang maging matagumpay ang programang ito. Nawa’y patuloy nating buhayin at ipagmalaki ang ating pamana para sa susunod na henerasyon.

Mabuhay ang kulturang Sariayahin! Mabuhay ang Agawan Festival 2026!

19/05/2026

NAGING MATAGUMPAY ANG AGAWAN FOOD FEST 2026!

Lubos po nating ipinagmamalaki ang naging tagumpay ng ating Agawan Food Fest 2026 na tunay na nagpakita ng masasarap na pagkaing Sariayahin, makukulay na kultura, at mainit na pagtutulungan ng ating bayan bilang bahagi ng pagdiriwang ng Agawan Festival 2026.

Nagmistulang sentro ng saya, sarap, at pagkakaisa ang ating Food Fest sa paglahok ng iba’t ibang food exhibitors, lokal na negosyante, at mga mamamayang buong pusong sumuporta sa ating mga produktong sariling atin. Tunay na ipinagmamalaki ang talento at kasipagan ng bawat Sariayahin sa larangan ng pagkain at turismo.

Maraming salamat po sa lahat ng nakiisa, sumuporta, at naging bahagi ng matagumpay na selebrasyong ito. Patuloy po nating suportahan ang lokal na produkto at sama-sama nating itaguyod ang mayamang kultura at turismo ng ating mahal na bayan ng Sariaya.

18/05/2026

Agawan Festival 2026

18/05/2026

ISANG TAOS-PUSONG PASASALAMAT PARA SA MATAGUMPAY NA PAGDIRIWANG NG AGAWAN FESTIVAL 2026!

Mula sa Sariaya Tourism, Culture and the Arts Office, taus-puso po kaming nagpapasalamat sa lahat ng nakiisa, tumulong, at sumuporta upang maging matagumpay at makulay ang pagdiriwang ng Agawan Festival 2026.

Sa pamamagitan ng ating sama-samang pagkilos, muli nating naipakita ang mayamang kultura, tradisyon, kasaysayan, sining, at pagkakaisa ng Bayan ng Sariaya. Tunay na naging buhay ang diwa ng Agawan Festival dahil sa pagmamahal ng bawat isa sa ating bayan.

Hangad namin na mas lalo pa nating mapagyaman ang turismo, kultura, at sining ng Sariaya sa mga susunod pang taon.

Mabuhay ang kulturang Sariayahin!
Mabuhay ang Agawan Festival!
Hanggang sa muli, Agawan Festival 2027!

16/05/2026

💙💙💙💙💙