16/08/2024
102 YEARS OLD NGA SENIOR CITIZEN NGA TAGA- BRGY. ALEGRIA, ALABEL, MIDAWAT OG ONE HUNDRED THOUSAND PESOS NGA CASH INCENTIVE GIKAN SA LOKAL NGA GOBYERNO SA ALABEL
ALABEL, Sarangani Province (Agosto 07, 2024) β Midawat og cash incentive nga One Hundred Thousand Pesos (P 100,000.00) gikan sa Lokal nga Gobyerno sa Alabel ang 102- years old nga lola gikan sa Barangay Alegria, Alabel, Sarangani Province, atul sa flag-raising ceremony, Lunes sa buntag, ika- 05 sa Agosto 2024 sa Alabel Municipal Civic Gymnasium.
Ang maong centenarian, giila nga si Porita Balco Mangcal. Siya usa ka lumolupyo sa Purok Malaya, Barangay Alegria, Alabel, Sarangani Province.
Sumala sa datos gikan sa Alabel Municipal Social Welfare and Development Office si Mangcal, natawo kaniadtong Hunyo 15, 1922. Ang iyahang edad karon kay 102 β years old na!
Walaβy bana ug mga anak si Mangcal ug sulod sa kapin usa ka gatos nga tuig nagpabilin siya nga dalaga kauban ang iyahang 2 pa ka igsoon nga puros mga dalaga. Ang iyahang usa ka igsoon, mag- 100 years old na sa Nobyembre 20 karong tuiga.
Nagpabilin nga himsog ug walaβy seryoso nga balatian si Lamengga Betoca. Sekrito matud pa sa iyahang hataas nga pangidaron mao ang pagkaon og mga masustansiya nga pagkaon sama sa gulay, prutas ug ginalikayan niya ang pagkaon og karne ug tam-is nga pagkaon.
Midawat usab sa ilahang insentibo ang Octogenarian (80 years old) nga si Patricia Peloriana Dejito, ug ang Nonagenerain (90 years old) nga si Abdon Cardenez Jamio, nga mga taga- Brgy. Alegria, Alabel.
Ang Lokal nga Panggamhanan sa Alabel, padayon sa pagmugna og mga programa ug balaud aron maampingan ang katawhan batuk sa mga sakit ug mapataas ang kinabuhi sa tawo sama sa ordinansa asa ginabawal ang pagpanigarilyo sa mga pampubliko nga mga lugar ug ang pag-promote sa backyard gardening ug organic farming ilalom sa 5K Masaganang Alabel Program (5K MAP) sa Salarda Administration.
Bag-o ang maong pagturn-over sa financial assistance, miagi sa proseso ug validation ang mga dokumento sa maong mga benepisyaryo pinaagi sa Alabel Municipal Social Welfare and Development Office.
Gihimong basehan sa maong financial assistance ang birth certificate, barangay certification ug uban pang legal nga mga dokumento isip pamatuod sa edad sa maong benepisyaryo.
Kaniadtong 2019, gi-aprobahan usab ni Mayor Salarda ang Municipal Ordinance No. 13-2019-144, an ordinance amending the Municipal ordinance No.11-2015-099 kun βOctogenarian, Nonagenarian and Centenarian Award to Qualified Senior Citizens in the Municipality of Alabel.β
βBeginning Calendar Year 2021, only the following senior citizens shall be granted with a monetary award on his or her birthday, to wit;
a. Those who reached 80 years old will receive Five Thousand Pesos (P5, 000.00); and
b.Those who reached 90 years old will receive Ten Thousand Pesos (P10,000.00)β
Nakaangkon usab ang atong mga sentenaryo ug letter of felicitation gikan sa Local Chief Executive isip pagtimbaya sa iyang hataas nga kinabuhi.
Gawas sa One Hundred Thousand Pesos (P 100,000.00) gikan sa munisipyo sa Alabel, aduna pa gayud laing 100 Thousand Pesos gikan sa National Government pinaagi sa DSWD Region XII, na iproseso pa sumala sa MSWDO. (ALABEL INFORMATION OFFICE)
