23/05/2025
๐๐จ๐๐ฃ๐ ๐๐ง๐๐๐ฃ๐๐จ๐๐๐ค๐ฃ๐ ๐๐ช๐๐ค๐ฃ ๐จ๐ ๐๐๐ ๐ช๐ฃ๐: ๐ผ๐ฃ๐ ๐๐๐๐ ๐๐ก๐ค๐จ ๐ฃ๐ ๐๐๐ข๐๐๐๐ก๐๐๐ฃ ๐๐๐ง๐ ๐จ๐ ๐ข๐๐ ๐ผ๐ฅ๐๐ ๐ฉ๐๐๐ค
Ngayong umaga, isang hindi inaasahang trahedya ang sumubok sa katatagan ng ating pamayanan sa pamamagitan ng isang sunog na sumiklab sa bahagi ng ating Pamilihang Bayan. Kasabay ng pag-apula sa apoy ay ang mabilisang pagtugon ng ating mga kinauukulang ahensya upang masimulan ang proseso ng pagtukoy at pagtulong sa mga lubos na naapektuhan ng insidente.
Bilang tugon, isinagawa kaagad ngayong araw ang isang Assessment Validation Interview na pinangunahan ng Provincial Social Welfare and Development Office (PSWDO) katuwang ang Municipal Social Welfare and Development Office (MSWDO Santa Cruz). Ang layunin ng aktibidad na ito ay hindi lamang upang makita ang kabuuang saklaw ng pinsala kundi higit sa lahat, upang matiyak na ang lahat ng tulong na ilalaan ng Pamahalaan ay direktang maipararating sa mga tunay na biktima ng nasabing sunog.
Sa isinagawang oryentasyon, malinaw na ipinahayag na may dalawang pangunahing listahan na ginagamit bilang batayan sa pagkilala ng mga apektado. Una, ang listahan mula sa Business Permit and Licensing Office (BPLO) na naglalaman ng mga lehitimong may-ari ng mga tindahan at puwesto sa palengke, at ikalawa, ang tala mula sa Market Office na binubuo ng mga taong may permit at regular na nagbabayad ng ticket para sa kanilang mga puwesto.
Gayunpaman, sa kabila ng pagkakaroon ng mga opisyal na listahan, kinikilala rin ng ating pamahalaan na may mga negosyanteng hindi rehistrado bilang may-ari ng pwesto ngunit aktibong umaangkin ng kabuhayan bilang mga umuupa o nagnenegosyo sa ilalim ng ibang pangalan. Bukod pa rito, may mga mangangalakal na hindi direktang nasunugan ngunit matinding naapektuhan ang kita at operasyon dahil sa pagkasira ng kabuuang daloy ng komersyo. Dahil dito, isinagawa ang masinsinang interview upang maisama rin sa listahan ang mga ganitong kaso, bilang pagpapakita ng malasakit at katarungan sa pagbibigay ng tulong.
Ang layunin ng hakbanging ito ay malinaw na walang maiiwan. Ang ating Pamahalaang Bayan, katuwang ang Pamahalaang Panlalawigan ay nagkakaisa sa hangaring mabigyang suporta ang bawat isaโanumang antas ng pinsala ang kanilang naranasan. Kaya naman, hinihikayat po ang lahat na pairalin ang mahinahong pakikipag-ugnayan, iwasan ang pagpapakalat ng maling impormasyon, at huwag magbitaw ng masasakit na salita na maaaring makasama sa kabuuang proseso ng rehabilitasyon at pagbangon ng ating komunidad.
Para naman sa mga hindi nakarating sa isinagawang interview ngayong araw, o sa mga may karagdagang katanungan o paglilinaw, maaari po kayong dumulog sa mga sumusunod na Tanggapan, bukas Araw ng Sabado. (May 24, 2025)
Provincial Social Welfare and Development Office (PSWDO) โ M.H Del Pilar St. Barangay Poblacion III, Santa Cruz, Laguna (sa likod ng Chowking)
Municipal Social Welfare and Development Office (MSWDO) โ Lopez Jaena St. Barangay Poblacion IV, Santa Cruz, Laguna.
Business Permit and Licensing Office (BPLO) โ Barangay Poblacion III, Santa Cruz, Laguna(sa loob ng bagong munisipyo)
Market Office โ A. Regidor St. Barangay Poblacion V, Santa Cruz, Laguna
Sa panahon ng ganitong pagsubok, ang pagkakaisa, malasakit, at pagtutulungan ang siyang magiging susi upang sama-sama tayong makabangon. Magsilbi nawa itong paalala na sa bawat sakuna, mas higit nating kailangan ang pagkakaroon ng bukas na isipan at pusong handang makiisa sa kapwa.
