Sangguniang Bayan San Vicente

12/08/2026

MABILIS NA AKSYON PARA SA TUBIG SA BRGY. SILANGAN!

Upang agad na matugunan ang matinding kakulangan sa suplay ng tubig, mabilis na inaksyonan at ginamitan ng sariling pera ni Vice Mayor Joseph Stanley G. Alegre ang pagpalit ng Jet Matic Pump at pagpalinis sa nasabing lugar sa Brgy. Silangan.

Naging matagumpay at mabilis ang naturang inisyatibo sa pakikipagtulungan at suporta ni Mayor Mariano "B**g" Palma at ng mga Konsehal ng Bayan, gayundin sa teknikal na gabay ng Municipal Engineering Department sa pamumuno ni Engr. Maria Angelica Balon.

Isang malaking pasasalamat din ang ipinaaabot ng Pamahalaang Bayan kay Gng. Evangeline Del Pilar Salazar sa kanyang taos-pusong pagpayag at pahintulot na magamit ang kanyang pribadong lupa upang doon maayos at maipwesto ang kinakailangang pasilidad.

MAHALAGANG PAALALA SA LAHAT:

Ang tubig na magmumula sa Jet Matic Pump ay gagamitin lamang sa mga pangaraw-araw na gawaing-bahay (tulad ng paghuhugas, paglalaba, at pampaligo). HINDI PO ITO PWEDENG INUMIN. Pakisigurado po na maglaan ng hiwalay na inuming tubig para sa kaligtasan ng bawat pamilya.

12/08/2026

Pampublikong Anunsyo / News Update
GABI-GABING RASYON NG TUBIG SA DALAWANG BARANGAY, IKAKASA NG LOKAL NA PAMAHALAAN NG SAN VICENTE

Upang matugunan ang matinding krisis sa suplay ng tubig, nagkasundo ang Lokal na Pamahalaang Bayan ng San Vicente sa pangunguna ni Mayor Mariano "B**g" Palma, kasama si Vice Mayor Joseph Stanley G. Alegre at ang buong Sangguniang Bayan, na magpatupad ng gabi-gabing rasyon ng tubig sa dalawang barangay na pinakanaapektuhan ng kawalan ng supply.

Ang naturang hakbang ay magsisilbing pansamantalang solusyon upang maibsan ang pangangailangan ng mga residente habang patuloy ang proseso sa pagkakabit ng dalawang (2) 15HP booster pump na isasagawa ng Hiraya at Camarines Norte Water District (CNWD). Ang mga bagong booster pump na ito ang inaasahang magpapalakas sa pressure ng tubig at magbibigay ng permanenteng solusyon sa problema sa suplay sa buong bayan.

Patuloy ang pakikipagtulungan ng Pamahalaang Bayan at Sangguniang Bayan sa mga kinauukulang ahensya at water utility providers upang maipahatid ang mabilis at maayos na serbisyo para sa lahat ng mamamayan ng San Vicente.

11/08/2026

7th Special Session of Sangguniang Bayan.

10/08/2026

Mula sa simpleng "kamustahan" hanggang sa hinding-hindi matatapos na kwentuhan.

Nagkahirilingan 👁️
Nagkairibahan 🤝
Nagkaurulay 🗣️
Nagkarakan 🍽️

Minsan lang magkairibahan, kaya siguradong sulit ang bawat segundo.

10/08/2026

💧 AKSYON SA KAKULANGAN NG TUBIG SA ATING BAYAN 💧

Upang mabigyan ng agarang solusyon ang matinding pangangailangan sa supply ng tubig sa ating munisipalidad, personal na nagtungo ang Lokal na Pamahalaang Bayan ng San Vicente sa pangunguna ni Mayor Mariano "B**g" Palma, Vice Mayor Joseph Stanley G. Alegre, at ang buong Sangguniang Bayan sa tanggapan ng Hiraya at Camarines Norte Water District (CNWD).

Pangunahing layunin ng nasabing pagpupulong ang direktang paghimok sa pamunuan ng Hiraya at CNWD na maglatag ng konkretong hakbang at agarang solusyon upang matugunan ang nararanasang kawalan at kakulangan ng tubig sa ating mga barangay.

Kaisa ang buong Pamahalaang Bayan at Sangguniang Bayan sa pagtiyak na matutugunan ang batayang pangangailangang ito ng ating mga kababayan. Patuloy po naming ibabalita ang mga susunod na development at hakbang hinggil sa usaping ito.

10/08/2026

57th Regular Session

04/08/2026

Magandang araw po sa ating lahat!

Pinagbibigay-alam po ng ating Vice Mayor na bukas po ang kanyang tahanan para sa mga kababayan natin na nangangailangan ng tubig.
Maaari po kayong MAG-IGIB NG TUBIG sa kanyang tahanan sa mga sumusunod na araw at oras:
📅 Kailan: Tuwing Martes, Huwebes, at Sabado ⏰ Oras: 6:00 PM – 8:00 PM (Ika-6 hanggang ika-8 ng gabi)
⚠️ PAALALA:
• Ang tubig po ay PANG-HUGAS AT PANG-LINIS LAMANG (Non-potable water).
• HINDI PO ITO PWEDENG INUMIN.
Magdala lamang po ng inyong sariling lalagyan ng tubig. Maraming salamat po at mag-ingat ang lahat!

04/08/2026

56th Regular Session

29/07/2026

PATULOY NA KAKULANGAN SA TUBIG SA SAN VICENTE, IPINATAWAG NG SANGGUNIANG BAYAN ANG PRIMEWATER

Upang mabigyang-linaw ang ating mga kababayan at matugunan ang patuloy na krisis sa supply ng tubig, opisyal na ipinatawag ng Sangguniang Bayan ng San Vicente ang pamunuan ng PrimeWater sa ginanap na Session noong July 20, 2026.

Layunin ng hakbang na ito na hingan ng malinaw na paliwanag at konkretong solusyon ang PrimeWater ukol sa mga sumusunod:

💧 Dahilan ng madalas na pagkawala at mababang presyon ng tubig sa iba't ibang barangay.

💧 Mga agarang aksyon gaya ng water rationing sa mga apektadong lugar.

💧 Long-term plan o mga hakbangin upang matiyak ang sapat at tuloy-tuloy na supply ng tubig sa buong bayan.

Hindi tumitigil ang Sangguniang Bayan sa pag-aaksyon upang masiguro na makakamtan ng bawat pamilyang San Vicenteno ang maayos at maaasahang serbisyo sa tubig.

Manatiling nakatutok sa ating official page para sa mga susunod na balita at opisyal na ulat hinggil sa naging talakayan.

Enjoy the videos and music you love, upload original content, and share it all with friends, family, and the world on YouTube.