Barangay Kinawahan, San Remigio, Cebu

08/11/2024

MAAYONG ADLAW KANINYONG TANAN ❗️

Sa taas nga panahon, mas gipili nako nga magpakahilom bisan sa kadaghan na sa mga isyu, tumo tumo ug mga pasangil nga gipangbato diri kanako. Apan ang akong pagpakahilom, naabot na sa punto nga nahagit tungod sa pasangil nga “DAKO” kuno nga kantidad ang gibilin nako nga utang sa lungsod sa dihang nahuman ang akong termino isip mayor.

Agig pagtubag niining BAKAK na gilabay kanako, ania akong ipakita ang BANK ACCOUNT BALANCES AS OF JUNE 30, 2022 nga akong gipangayo gikan mismo sa atong MUNICIPAL ACCOUNTANT. Diri makita nga ako nagbilin ug kapin SINGKWENTA MILYONES (P50,484,158.76) nga balor sa kwarta sa atung panudlanan, ug kasamtangan lamang na kapin USA KA MILYON (P1,056,209.36) ang BAYRANAN nga nahabilin sa dihang nahuman ang akong termino. Gawas pa, adunay gipahigayon nga “TRANSITION”usa ko nanaug, kadto ra untang higayuna sila nisukna kon tinuod pa kining ilang mga pasangil kanako.

Kini ilaha sad gi kumpirmar nga kantidad, apan aduna lay pakapin na kuno kini akong gituyo kay ako nagdahom o dako akong pagtuo nga si Miguel ang mapuli nako nga Mayor ug nga ako kuno kining gitagana alang kaniya. Bisan kinsa pa ang mosunod kanako pagka-Mayor, mao nay mo dumala anang kantidara. Alang kana sa pag implementar sa mga programa ug mga proyekto sa lungsod.

Ako manghinaut nga kaning mga isyu mahunong na. Dili ang panamastamas ug pag pandaut ang yawe sa kadaugan. Ato lang ipatigbabaw ang kamatuoran, kay ang eleksyon lumalabay lamang. Ang ako pagpapili dili para nako kundi para sa akong DAMGO alang sa SAN REMIGIO.

IPADAYON ANG KALAMBUAN ❗️❗️❗️

29/06/2024

Maayong Adlaw kanatong Tanan.

Ang PAMUNU.AN sa atong Barangay dinhe sa Kinawahan aduna lamang i claro sa atong tanang mga lumulopyo kabahin sa DOLE TUPAD ilabina kadtong mga tawo nga nagsige ug pangutana ug nganu nga "WALA MU MAAPIL" ug kun "nganung ADUNAY NAGBALIK-BALIK" ?!!! Ug nga "abi ninyu ug nausab na ang mga panghitabo kintahay dinhe sa atong Barangay pero wala diay gihapon".!!

Agig pagtubag ug alang sa kasayuran sa tanan ang maong KAAYOHAN wala nag agi dinhe sa buhatan sa atong Barangay ug ang atong Barangay Kapitan wala usab kahibaw mahitungod niini.

Kun aduna kamo mga pangutana mahitungod/kabahin niini, abli ang atong Barangay matag Lunes hangtud sa Bernes gikan sa alas 08:00 ang takna sa buntag hangtud sa alas 05:00 ang takna sa hapon ug mamahimo kamo mubisita sa atong Barangay Hall kay andam ang atong mga Opisyales sa Barangay sa pagtubag niini.

Manghinaut nga kini inyung mahisabtan ug makahatag kini katin.awan.

Daghang Salamat.

(This is an Official Statement of Barangay Kinawahan San Remigio).

06/01/2022

Importanteng Pahibalo!

Alang sa mga Business Owners, magsugod ang atong Business-One-Stop Shop sa atong Business Processing and Licensing Office inubanan sa Municipal Treasurer's Office karon umaabot Lunes, January 10, 2022 nga mag sugod sa alas 8:00am.

Dugang pahibalo nga ang Barangay Clearance nga usa sa requirements kay adto ra sa Business-One-Stop Shop ra lukaton didto sa municipyo.

Kinahanglan usab kamo mag una sa Solid Waste Management Orientation nga pagahimoun ngadto sa inyong barangay before muadto sa munisipyo.

Pangutana lang kamo sa inyong Barangay sa schedule sa orientation ug issuance sa solid waste cert.

Sa dugang impormasyon, mahimo kamo mokontak sa atong LGU Hotline at (032) 435-9028, 0977-305-5560, 0968-637-9741 gikan Mondays-Fridays, 8:00am-5:00pm.

Ayaw usab kalimot sa pag sul-ob ug face mask ug pagdala ug ballpen.

Daghang Salamat!

05/11/2021

GASA SA MGA SAN REMIGIOHANON ATOL SA AKONG ADLAW'NG NATAWHAN

Isip pagsaulog sa kasumaran sa akong adlaw'ng natawhan karong Sabado, Nobiyembre 20, nakig-alayon ako sa AZB88 Driving School aron ihatod kaninyo ang LABING BARATO nga THEORETICAL DRIVING COURSE alang sa mga San Remigiohanon nga molukat ug Student Permit sa LTO.

Inay nga mobayad kamo ug TRES MIL PESOS alang sa TDC Certification, ako nang pagabayran ang katunga sa maong kantidad isip pahalipay sa mga San Remigiohanon nga naningkamot intawon nga makalukat ug Student Permit aron legal nga makamaneho ug sakyanan.

In short, mao na lang kini ang inyong pagabayran:

👉1,500.00 sa TDC Certification
👉550.00 or less sa Medical Certification

First come, first served kini karong Sabado, Nobiyembre 20 sugod alas 10 sa buntag sa Municipal Evacuation Center. Dili kita modawat ug reserved listing aron hapsay gyud ang atong kalihukan. Inig abot ninyo sa venue, mao sad ang pagsugod ug entertain sa atong mga tinugyanan aron kamo marehistro. Palihug pagdala ug Voter's ID o Voter's Certification. Kung wala niini, mahimo ra nga mopakita ug Barangay Certificate of Residency aron pagsiguro nga kamo lumulupyo gayud sa atong lungsod.

Kitakits, mga pinalangga kong San Remigiohanons ug ayaw kalimot pagsul-ob sa inyong facemask!

17/08/2021