02/06/2026
Isang mahalagang hakbang tungo sa mas inklusibo at mas maayos na serbisyong pangkalusugan ang isinagawa ng Pamahalaang Lungsod ng San Pedro sa pamamagitan ng isang Memorandum of Agreement (MOA) sa pagitan ng San Pedro Medical Center at Unihealth Southwoods Hospital and Medical Center para sa pagpapatupad ng Hospital Financial Assistance Program.
Bilang unang pakikipagkasunduan ng lungsod sa isang pribadong ospital sa labas ng San Pedro, layunin ng programang ito na mapalawak ang access ng mga San Pedrense sa tulong medikal at dekalidad na serbisyong pang-ospital. Sa pamamagitan ng pagtutulungang ito, mas maraming mamamayan ang mabibigyan ng pagkakataong makatanggap ng agarang, episyente, at makataong pangangalagang pangkalusugan.
Patuloy ang Pamahalaang Lungsod sa pagsusulong ng mga programang inuuna ang kalusugan at kapakanan ng bawat San Pedrense.
