29/03/2026
Para sa lahat ng mga kabataan at manlalaro ng Barangay Kaingin,
Nais po naming ipabatid ang ilang mahahalagang pagbabago at adjustments para sa ating gaganaping SK Kaingin Basketball League 2026. Matapos ang masusing pagpupulong ng ating Sangguniang Kabataan, narito po ang mga bagong detalye:
📌 Extension ng Registration
Upang mabigyan ng pagkakataon ang iba pang nagnanais lumahok at mas mapadami pa ang ating mga koponan, ang deadline ng palistahan ay extended hanggang April 11, 2026.
Hindi pa po natin naabot ang kinakailangang dami ng mga manlalaro upang makabuo ng inaasahang bilang ng mga team, kaya’t minarapat po naming i-extend ang registration.
📌Anunsyo sa Bunutan (Drawing of Colors)
Ang nakatakdang bunutan ngayong March 29, 2026 (Linggo) ay CANCELLED.
Ito ay dahil sa kakulangan pa ng bilang ng mga manlalaro at koponan.
📌 Pagtugon sa Panawagan ng Sangguniang Bayan
Bilang pakikiisa at pagtalima sa mungkahi ng ating Sangguniang Bayan, pansamantala po nating ia-adjust ang timeline ng ating liga. Layunin nito na maging sensitibo sa kasalukuyang sitwasyong pang-ekonomiya at matiyak na ang ating aktibidad ay makatutulong sa lahat nang walang labis na pasanin.
📌 Bagong Iskedyul ng Bunutan
Ang pagpipili ng kulay ng bawat koponan ay gaganapin sa April 12, 2026 (Linggo) sa ating Covered Court. Inaasahan ang pagdalo ng mga kinatawan ng bawat team.
📌 Paghahanda para sa Opening
Nais naming linawin na tuloy na tuloy ang ating liga. Ang adjustment na ito sa ating Opening Day ay magsisilbing karagdagang panahon para sa bawat manlalaro at koponan na mas makapag-ensayo at makapaghanda nang maigi.
Hiling po namin ang inyong malawak na pang-unawa. Ang lahat ng hakbang na ito ay para sa ikagaganda at ikatatagumpay ng ating programa para sa kabataan.
Manatiling nakasubaybay sa ating page para sa mga susunod pang anunsyo.
Maraming salamat po!
