23/04/2026
๐๐๐๐๐๐๐๐๐ ๐๐ ๐๐๐๐๐๐ ๐๐๐๐๐ ๐๐ ๐๐๐๐๐, ๐๐๐๐๐ ๐๐๐๐๐๐๐ ๐๐ ๐๐๐๐๐๐๐๐๐๐ ๐๐ ๐๐๐๐๐๐๐๐๐ ๐๐ ๐๐๐๐๐๐๐๐ ๐
๐๐๐๐๐๐๐
Ang Pastulan Festival, na sadyang inaabangan at nilalahukan ng ibang-ibang barangay, paaralan at organisasyong sibiko ng San Pascual ay inisyatibo ng simbahan ng Parokya ni San Pascual Baylon upang makapagpasalamat sa patrong pintakasi para sa isang buong taong kasaganahan at upang parangalan at papurihan ang patrong pastol ng ating bayang taglay hindi lamang ang kanyang pangalan, mandiโy pati ang kanyang pamamatnubay. Itinakda ang araw ng taunang Pastulan Festival na ngayon ay nasa ika-18 taon na, sa darating na huling Sabado (Mayo 16, 2026) bago sumapit ang Kapistahan ng Barangay Poblacion, Mayo 17.
At bilang paghahanda, tinipon ng pamunuan ng komite ng 18th Pastulan, sa pangunguna ng chairperson nito na si G. Ranier Ilagan Dacut ang mga mananayaw ng nasabing festival upang sila ay maturuan ng tamang eksekusyon ng mga pangunahing galaw o basic steps ng sayaw. Ito ay isinagawa noong nakaraang Lingo, April 19, 2026, sa simbahan ng Parokya.
Dito ay itinama ang tila nakasanayang maling galaw ng mga mananayaw ng mga nakaraang Pastulan. Sa pamamagitan ng step-by-step na pagtuturo, kasama na ang tamang posisyon ng mga kamay, natutunan ng mga dumalo ang mga tamang steps pati na rin ang kahulugan ng bawat galaw nito.
