San Nicolas, Pangasinan My Home My Pride

San Nicolas, Pangasinan My Home My Pride Welcome to the Official FB Page of San Nicolas, Pangasinan under Mayor Alicia L. Primicias-Enriquez.

๐‚๐’๐€๐…, ๐“๐”๐Œ๐€๐๐†๐†๐€๐ ๐๐† ๐๐€๐†๐Ž๐๐† ๐”๐๐ˆ๐๐Ž๐‘๐Œ๐„Sa pagkilala sa mga boluntaryong patuloy na umaalalay sa mga mamamayan, ipinagkaloob n...
15/09/2026

๐‚๐’๐€๐…, ๐“๐”๐Œ๐€๐๐†๐†๐€๐ ๐๐† ๐๐€๐†๐Ž๐๐† ๐”๐๐ˆ๐๐Ž๐‘๐Œ๐„

Sa pagkilala sa mga boluntaryong patuloy na umaalalay sa mga mamamayan, ipinagkaloob ni Mayor Alicia Primicias-Enriquez ang mga bagong uniporme para sa mga miyembro ng Community Support Action Force (CSAF).

Pinangunahan ni CSAF President Leonora P. Austria ang pagtanggap sa mga uniporme, na sumisimbolo sa pagkilala sa kanilang patuloy na paglilingkod at pakikiisa sa mga programa at gawain ng pamahalaang bayan.

Kabilang sa mga tungkulin ng CSAF ang pagbibigay ng suporta sa komunidad, pakikibahagi sa civic activities, at pagtulong sa pagpapanatili ng kapayapaan at kaayusan. Sa kabila ng pagiging boluntaryo, patuloy silang naglalaan ng oras, lakas, at serbisyo para sa mga pangangailangan ng kanilang kapwa San Nicolanian.

Ipinahayag naman ni Mayor Alice ang kaniyang pasasalamat sa CSAF sa kanilang aktibong pakikiisa at pagiging maaasahang katuwang ng lokal na pamahalaan. Aniya, mahalaga ang kanilang kooperasyon sa paghahatid ng mas mabilis at mas maayos na suporta sa komunidad.

Ang ipinagkaloob na kasuotan ay nagsisilbing pagkilala sa bayanihang kusang-loob: mga mamamayang handang tumindig, tumulong, at maglingkod kapag kinakailangan.

๐…๐ซ๐จ๐ฆ ๐ง๐ข๐ง๐ž-๐ญ๐จ-๐จ๐ง๐ž, ๐ฐ๐žโ€™๐ฏ๐ž ๐œ๐ฅ๐ข๐ฆ๐›๐ž๐ ๐ญ๐จ ๐ง๐ข๐ง๐ž๐ญ๐ฒ-๐จ๐ง๐ž!๐Ÿ’™๐Ÿ’›What started as a humble online community of the Local Government of San...
14/09/2026

๐…๐ซ๐จ๐ฆ ๐ง๐ข๐ง๐ž-๐ญ๐จ-๐จ๐ง๐ž, ๐ฐ๐žโ€™๐ฏ๐ž ๐œ๐ฅ๐ข๐ฆ๐›๐ž๐ ๐ญ๐จ ๐ง๐ข๐ง๐ž๐ญ๐ฒ-๐จ๐ง๐ž!๐Ÿ’™๐Ÿ’›

What started as a humble online community of the Local Government of San Nicolas under the leadership of Mayor Alicia Primicias-Enriquez has now grown into 91,000 San Nicolanians by blood and by heart who continue to follow, connect, share, and take pride in the place we call home.

This milestone belongs to every San Nicolanian who has been part of our journey, whether here in our hometown or wherever life has taken you.

Thank you for making San Nicolas, Pangasinan My Home My Pride your home on Facebook.

San Nicolas, we are 91,000 strong, by blood and by heart! ๐Ÿ’™โค๏ธ

๐๐ˆ๐’๐“๐€ ๐๐† ๐’๐€๐ ๐๐ˆ๐‚๐Ž๐‹๐€๐’ ๐ƒ๐„ ๐“๐Ž๐‹๐„๐๐“๐ˆ๐๐Ž, ๐ƒ๐ˆ๐๐€๐†๐’๐€ ๐๐† ๐Œ๐†๐€ ๐ƒ๐„๐๐Ž๐“๐ŽDaan-daang deboto ang nagtipon upang ipagdiwang ang Kapistahan n...
14/09/2026

๐๐ˆ๐’๐“๐€ ๐๐† ๐’๐€๐ ๐๐ˆ๐‚๐Ž๐‹๐€๐’ ๐ƒ๐„ ๐“๐Ž๐‹๐„๐๐“๐ˆ๐๐Ž, ๐ƒ๐ˆ๐๐€๐†๐’๐€ ๐๐† ๐Œ๐†๐€ ๐ƒ๐„๐๐Ž๐“๐Ž

Daan-daang deboto ang nagtipon upang ipagdiwang ang Kapistahan ni San Nicolas de Tolentino, isang pagdiriwang na naging pagkakataon para sa bayan na muling magnilay sa pananampalataya, pagpapala, pagpapatawad, at pagmamahal sa kapwa.

Pinangunahan ni Most Rev. Marlo M. Peralta, D.D., Archbishop Emeritus of Nueva Segovia, ang Banal na Misa bilang tagapagdiwang at homilist. Nagbahagi rin ng mga salita ng karunungan at pananampalataya si Rev. Fr. Agerico โ€œJerryโ€ M. Orbos, SVD, habang nagpaabot naman ng pasasalamat si Rev. Fr. Farley B. Castro, parish priest ng St. Nicolas de Tolentino Parish.

Bahagi ng pagdiriwang ang solemneng prusisyon ng mga imahen ni Mama Mary at San Nicolas de Tolentino sa paligid ng town proper, gayundin ang pagbabasbas sa imahe ng patron at sa St. Nicolas Bread.

Sa kaniyang homiliya, hinikayat ni Archbishop Peralta ang mga deboto na gawing araw ng pag-alala at pasasalamat ang kapistahan, habang isinasabuhay ang kababaang-loob ni San Nicolas. Binigyang-diin din niya ang aral ni Kristo na โ€œLove one another as I have loved youโ€, isang pag-ibig na walang pinipili, maging sa mga taong nakasakit sa atin.

Samantala, pinaalalahanan ni Fr. Jerry Orbos ang mga dumalo: โ€œBuhay ka pa dahil may misyon ka paโ€โ€”ang misyon na magbigay ng saya, pag-asa, at pagpapala sa iba. Hinikayat niya ang lahat na manalangin para sa isaโ€™t isa at mamuhay nang may puso at pagmamahal.

Matapos ang misa, nagsalo-salo ang mga deboto sa masaganang pagkaing inihanda para sa lahat. Dumalo rin ang lokal na pamahalaan at kinatawan mula sa ibaโ€™t ibang sektor ng pamayanan, na sama-samang nakiisa sa banal na pagdiriwang.

Sa gitna ng awitan, panalangin, pagkain at pagkakaisa, muling ipinakita ng kapistahan na ang pinakamagandang pagpapala ay hindi yaong itinatago para sa sarili, kundi yaong ipinapasa sa iba sa pamamagitan ng pagmamahal, awa, pagpapatawad, at pagbabahagi.

๐๐€๐๐†๐Š๐€๐˜ ๐๐€๐“๐€๐†๐๐”๐€๐ ๐’๐€ ๐€๐†๐๐Ž ๐‘๐ˆ๐•๐„๐‘; ๐๐ˆ๐Š๐“๐ˆ๐Œ๐€, ๐Š๐ˆ๐๐ˆ๐‹๐€๐‹๐€๐๐† ๐“๐€๐†๐€-๐’๐€๐ ๐๐ˆ๐‚๐Ž๐‹๐€๐’Natagpuang palutang-lutang ang isang bangkay sa Agn...
13/09/2026

๐๐€๐๐†๐Š๐€๐˜ ๐๐€๐“๐€๐†๐๐”๐€๐ ๐’๐€ ๐€๐†๐๐Ž ๐‘๐ˆ๐•๐„๐‘; ๐๐ˆ๐Š๐“๐ˆ๐Œ๐€, ๐Š๐ˆ๐๐ˆ๐‹๐€๐‹๐€๐๐† ๐“๐€๐†๐€-๐’๐€๐ ๐๐ˆ๐‚๐Ž๐‹๐€๐’

Natagpuang palutang-lutang ang isang bangkay sa Agno River sa Santa Maria, Pangasinan, nitong madaling-araw, Setyembre 13, 2026. Kinilala ito ng mga kaanak bilang si Arman R. Ferrer, 45, residente ng Brgy. Sobol, San Nicolas.

Ayon sa pamilya, huling nakauwi si Ferrer bago siya umalis noong Agosto 18, at mula noon ay hindi na siya nakabalik. Huli umano siyang nakita sa Legaspi, Tayug, bago siya iniulat na nawawala.

Matapos mapansin ng mga residente ang bangkay na palutang-lutang sa ilog, agad nilang ipinagbigay-alam ito sa mga awtoridad. Rumesponde ang Santa Maria Municipal Police Station, Santa Maria MDRRMO, at Bureau of Fire Protection upang isagawa ang retrieval operation.

Samantala, inaalam pa ng Scene of the Crime Operatives ang sanhi ng kaniyang pagkamatay. Wala pang pinal na resulta kung ano ang eksaktong dahilan ng insidente o kung may naganap na foul play.

Ipinapaabot ng Lokal na Pamahalaan ng San Nicolas ang pakikiramay sa naulilang pamilya ng biktima.

#๐ƒ๐š๐ฒ๐š๐ฐ๐“๐ข๐ˆ๐ฅ๐ข || ๐’๐”๐๐‘๐„๐Œ๐ˆ๐ƒ๐Ž, ๐Š๐€๐Œ๐๐„๐Ž๐ ๐’๐€ ๐‚๐’๐‚ ๐‹๐ˆ๐๐†๐Š๐Ž๐ƒ ๐๐€๐˜๐€๐๐ˆ ๐‘๐”๐ ๐Ÿ๐ŸŽ๐Ÿ๐Ÿ”Tatlong kilometro. Isang finish line. Isang pangalan an...
13/09/2026

#๐ƒ๐š๐ฒ๐š๐ฐ๐“๐ข๐ˆ๐ฅ๐ข || ๐’๐”๐๐‘๐„๐Œ๐ˆ๐ƒ๐Ž, ๐Š๐€๐Œ๐๐„๐Ž๐ ๐’๐€ ๐‚๐’๐‚ ๐‹๐ˆ๐๐†๐Š๐Ž๐ƒ ๐๐€๐˜๐€๐๐ˆ ๐‘๐”๐ ๐Ÿ๐ŸŽ๐Ÿ๐Ÿ”

Tatlong kilometro. Isang finish line. Isang pangalan ang nangibabaw.

Pinatunayan ni Lester Vien Supremido ng San Nicolas Municipal Disaster Risk Reduction and Management Office na ang tibay ng isang lingkod-bayan ay hindi lamang nasusukat sa oras ng sakuna, kundi maging sa tapang na humarap sa hamon hanggang sa huling hakbang.

Isinagawa ng Civil Service Commission ang Lingkod Bayani Run 2026 sa Umingan, Pangasinan ngayong araw bilang bahagi ng pagdiriwang ng 126th Philippine Civil Service Anniversary, na nagbibigay-pugay sa mga lingkod-bayan sa buong bansa.

Sanay si Lester na tumakbo patungo sa panganib upang tumulong. Sa araw na ito, tumakbo siya patungo sa tagumpay upang magbigay-inspirasyon.

Pagbati, Lester Vien Supremido! Sa bilis ng iyong mga paa at tibay ng iyong puso, buong San Nicolas ang tumatakbo kasama mo.

Dayaw ka ti ili a San Nicolas! ๐Ÿ†๐Ÿ‘

๐‡๐š๐ฉ๐ฉ๐ฒ ๐Ÿ”๐Ÿ—๐ญ๐ก ๐๐ข๐ซ๐ญ๐ก๐๐š๐ฒ, ๐๐ซ๐ž๐ฌ๐ข๐๐ž๐ง๐ญ ๐…๐ž๐ซ๐๐ข๐ง๐š๐ง๐ โ€œ๐๐จ๐ง๐ ๐›๐จ๐ง๐ โ€ ๐Œ๐š๐ซ๐œ๐จ๐ฌ ๐‰๐ซ.! On this special occasion, we honor your 69 years of life...
13/09/2026

๐‡๐š๐ฉ๐ฉ๐ฒ ๐Ÿ”๐Ÿ—๐ญ๐ก ๐๐ข๐ซ๐ญ๐ก๐๐š๐ฒ, ๐๐ซ๐ž๐ฌ๐ข๐๐ž๐ง๐ญ ๐…๐ž๐ซ๐๐ข๐ง๐š๐ง๐ โ€œ๐๐จ๐ง๐ ๐›๐จ๐ง๐ โ€ ๐Œ๐š๐ซ๐œ๐จ๐ฌ ๐‰๐ซ.!

On this special occasion, we honor your 69 years of life and the years you have dedicated to public service and the Filipino people.

Leading a nation carries a responsibility that demands courage, wisdom, and steadfastness. May your birthday mark not only another year in your life, but also a renewed opportunity to strengthen your vision for a more progressive, peaceful, and united Philippines.

Happy Birthday, Mr. President. May you continue to lead with purpose, serve with humility, and work with unwavering dedication for the Philippines. ๐Ÿ‡ต๐Ÿ‡ญ

๐Š๐ฎ๐ง๐  ๐Œ๐š๐ฒ ๐’๐ฎ๐ฌ๐ฎ๐ง๐จ๐ ๐๐š๐ง๐  ๐†๐š๐ฅ๐š๐ฐ โ™Ÿ๏ธIsipin mong nakaupo ka sa harap ng isang larong hindi mo alam kung kailan matatapos. Nasa ...
13/09/2026

๐Š๐ฎ๐ง๐  ๐Œ๐š๐ฒ ๐’๐ฎ๐ฌ๐ฎ๐ง๐จ๐ ๐๐š๐ง๐  ๐†๐š๐ฅ๐š๐ฐ โ™Ÿ๏ธ

Isipin mong nakaupo ka sa harap ng isang larong hindi mo alam kung kailan matatapos. Nasa harapan mo ang pisara, ang mga piyesa, at isang mundong unti-unting nagbabago sa bawat galaw. Wala kang hawak na manwal na nagsasabi kung alin ang tamang hakbang. Minsan, sumusugal ka. Minsan, nagkakamali ka. At kung minsan, saka mo lamang nauunawaan ang halaga ng isang galaw kapag huli na upang bawiin ito.

Ganoon ang buhay.

Bawat desisyon ay isang galaw. Bawat pagpili ay may iniiwang bakas sa pisara ng ating kuwento. Kapag naitulak na ang piyesa, hindi na natin ito maaaring ibalik sa dati nitong puwesto. Hindi maaaring i-rewind ang isang salitang nakasakit, isang pagkakataong pinalampas, o isang desisyong nagdala sa atin sa maling landas.

Ngunit ang laro ay nagpapatuloy.

At marahil, iyon ang pinakamagandang bagay tungkol sa buhay. Hindi tayo hinihinging maging perpektong manlalaro. Hinihingi lamang sa atin na matutong maglaro mula sa posisyong kinalalagyan natin ngayon.

Ang pagkakamali ay hindi katapusan ng laro. Minsan, ito pa ang nagtuturo sa atin kung paano lumaban nang mas maingat, pumili nang mas matalino, at pahalagahan ang susunod na galaw.

Sapagkat hindi natin kayang baguhin ang naging galaw. Ngunit hawak pa rin natin ang susunod.

๐‡๐”๐–๐€๐† ๐Œ๐€๐†๐’๐€๐–๐€ ๐’๐€ ๐๐€๐†๐†๐€๐–๐€ ๐๐† ๐Œ๐€๐๐”๐“๐ˆ.Aming mapagmahal na Diyos,Salamat po sa panibagong araw at sa paalala ng Iyong Salita...
13/09/2026

๐‡๐”๐–๐€๐† ๐Œ๐€๐†๐’๐€๐–๐€ ๐’๐€ ๐๐€๐†๐†๐€๐–๐€ ๐๐† ๐Œ๐€๐๐”๐“๐ˆ.

Aming mapagmahal na Diyos,

Salamat po sa panibagong araw at sa paalala ng Iyong Salita na huwag kaming manghinawa sa paggawa ng mabuti, sapagkat sa tamang panahon ay aanihin namin ang bunga kung hindi kami susuko.

Ilayo Mo kami sa panghihina ng loob at sa pagnanais na sumuko. Paalalahanan Mo kami na ang bawat kabutihang ginagawa namin, gaano man kaliit, ay may kabuluhan sa Iyong paningin.

Nawaโ€™y patuloy kaming maging mabuti kahit mahirap, maging matiyaga kahit matagal ang paghihintay, at maging tapat kahit walang nakakakita.

At kapag dumating ang panahong anihin ang bunga ng aming pagtitiis, nawaโ€™y maalala naming hindi lamang ito bunga ng aming sariling lakas, kundi biyaya ng Diyos na hindi kailanman nagpabaya.

Panginoon, turuan Mo kaming magpatuloy. Sapagkat ang taong nagtitiwala sa Iyo ay hindi nasasayang ang paghihintay, at ang kabutihang itinanim nang may pananampalataya ay darating din sa panahon na Iyong itinakda.

Amen. ๐Ÿ™

โ‚ฑ๐Ÿ,๐Ÿ‘๐Ÿ๐Ÿ“ ๐€๐˜๐”๐ƒ๐€ ๐๐€๐‘๐€ ๐’๐€ ๐Ÿ๐Ÿ•๐Ÿ ๐…๐€๐‘๐Œ๐„๐‘๐’, ๐…๐ˆ๐’๐‡๐„๐‘๐…๐Ž๐‹๐Š๐’, ๐ˆ๐๐€๐Œ๐€๐Œ๐€๐‡๐€๐†๐ˆ ๐’๐€ ๐’๐„๐๐“. ๐Ÿ๐Ÿ“Aabot sa 171 magsasaka at mangingisda sa San Nicol...
12/09/2026

โ‚ฑ๐Ÿ,๐Ÿ‘๐Ÿ๐Ÿ“ ๐€๐˜๐”๐ƒ๐€ ๐๐€๐‘๐€ ๐’๐€ ๐Ÿ๐Ÿ•๐Ÿ ๐…๐€๐‘๐Œ๐„๐‘๐’, ๐…๐ˆ๐’๐‡๐„๐‘๐…๐Ž๐‹๐Š๐’, ๐ˆ๐๐€๐Œ๐€๐Œ๐€๐‡๐€๐†๐ˆ ๐’๐€ ๐’๐„๐๐“. ๐Ÿ๐Ÿ“

Aabot sa 171 magsasaka at mangingisda sa San Nicolas ang makatatanggap ng tig-โ‚ฑ2,325.00 bilang bahagi ng Presidential Assistance to Farmers and Fisherfolks Program (PAFFP) ng Department of Agricultureโ€“Regional Field Office I.

Isasagawa ang pamamahagi sa Municipal Auditorium sa Setyembre 15, 2026, para sa mga kuwalipikadong benepisyaryo na hindi nakakuha ng kanilang ayuda noong unang release.

Nakatakda ang distribution sa dalawang schedule: 8:00โ€“10:00 AM at 10:00โ€“11:30 AM. Layunin nitong matiyak na maayos, ligtas, at organisado ang pagtanggap ng mga benepisyaryo sa kanilang ayuda.

Para sa validation, kailangang magdala ang bawat benepisyaryo ng photocopy ng valid ID at tatlong specimen signatures.

Ang PAFFP ay bahagi ng tulong ng pamahalaan para masuportahan ang mga magsasaka at mangingisda na patuloy na humaharap sa mga hamon at epekto ng kasalukuyang krisis sa bansa.

๐•๐ˆ๐‹๐‹๐€๐•๐„๐‘๐ƒ๐„ ๐‘๐Ž๐€๐ƒ, ๐๐”๐Š๐€๐’ ๐๐€ ๐’๐€ ๐Œ๐†๐€ ๐Œ๐Ž๐“๐Ž๐‘๐ˆ๐’๐“๐€Setyembre 12, 2026, 11:00 AMMatapos ang pansamantalang pagsasara dahil sa pagg...
12/09/2026

๐•๐ˆ๐‹๐‹๐€๐•๐„๐‘๐ƒ๐„ ๐‘๐Ž๐€๐ƒ, ๐๐”๐Š๐€๐’ ๐๐€ ๐’๐€ ๐Œ๐†๐€ ๐Œ๐Ž๐“๐Ž๐‘๐ˆ๐’๐“๐€
Setyembre 12, 2026, 11:00 AM

Matapos ang pansamantalang pagsasara dahil sa pagguho ng lupa at pagbagsak ng mga bato, bukas na sa publiko ang Villaverde Road ngayong umaga.

Ayon sa Department of Public Works and Highways (DPWH), natapos na ang clearing operations at ligtas nang madaanan ng mga magagaan na sasakyan ang naturang kalsada.

Gayunpaman, pinaaalalahanan ang mga motorista na mag-ingat at magdahan-dahan sa pagdaan, lalo na sa mga bahagi ng kalsada na maaaring may natitirang debris o posibleng makaranas ng panibagong rockfall.

Patuloy na nakabantay ang mga awtoridad at nagpaalala na sundin ang mga abiso para sa kaligtasan ng lahat.

Address

Poblacion
San Nicolas
2447

Website

Alerts

Be the first to know and let us send you an email when San Nicolas, Pangasinan My Home My Pride posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to San Nicolas, Pangasinan My Home My Pride:

Shortcuts

Share

Category