Public Market Office of San Miguel Bulacan

02/06/2026

02/06/2026

PAUNAWA
PARA SA LAHAT NG MAMIMILI AT NAGTITINDA SA PAMPUBLIKONG PALENGKE

Bilang pakikiisa sa programa ng pamahalaan Ng Bayan ng San Migue lpara sa pangangalaga ng kalikasan at upang mabawasan ang lumalalang problema sa basura, lalo na ang mga plastik na nagdudulot ng polusyon sa ating kapaligiran, ang paggamit at pamimigay ng single-use plastic bags sa loob ng Pampublikong Palengke ay mahigpit nang ipinagbabawal

Ang hakbang na ito ay naglalayong mabawasan ang dami ng basurang plastik na karaniwang itinatapon at bumabara sa mga kanal, estero, at iba pang daluyan ng tubig na nagiging sanhi ng pagbaha at pagkasira ng kalikasan. Nais din nitong hikayatin ang bawat mamamayan na maging responsable sa kanilang pamimili at paggamit ng mga materyales na makatutulong sa pangangalaga ng ating kapaligiran para sa susunod na henerasyon.

Kaugnay nito, hinihiling sa lahat ng mamimili na magdala ng sarili nilang mga lalagyan at reusable na kagamitan sa tuwing mamimili sa palengke. Maaaring gamitin ang mga sumusunod:

*Eco Bag o Reusable Bag
para sa mga tuyong produkto at pangkalahatang pinamili;
*Bayong bilang
* tradisyunal at matibay na alternatibo sa plastik;
Microwavable o Reusable Food Containers para sa karne, isda, lutong pagkain, at iba pang produktong nangangailangan ng ligtas na lalagyan;
*Fish Net Bag o Mesh Bag para sa mga gulay, prutas, at iba pang sariwang produkto;
*Reusable Plastic Containers na may Takip para sa mga produktong may sabaw o likido;
Basket o Iba Pang Matitibay na Lalagyan na maaaring gamitin nang paulit-ulit.

Pinapaalalahanan din ang lahat ng nagtitinda na huwag nang magbigay o gumamit ng single-use plastic bags sa kanilang mga mamimili. Sa halip, hikayatin ang mga mamimili na magdala ng sariling lalagyan o gumamit ng mga alternatibong reusable at environment-friendly na materyales.

Ang kooperasyon ng bawat isa ay mahalaga upang mapanatiling malinis, maayos, at ligtas ang ating pampublikong palengke. Sa pamamagitan ng simpleng pagdadala ng sariling lalagyan, malaki ang maitutulong natin sa pagbabawas ng basura at sa pangangalaga ng ating kalikasan.

Makiisa sa kampanyang:

"MAGDALA NG SARILING LAGAYAN, IWASAN ANG PLASTIKAN!"
"ECO BAG, BAYONG, CONTAINER AT FISH NET ANG DALHIN SA PALENGKE."

Ang mahigpit na pagpapatupad ng patakarang ito ay para sa kapakanan ng lahat at ng ating kapaligiran.

Maraming salamat sa inyong pang-unawa, pakikiisa, at patuloy na suporta.

26/05/2026

“Habang ang iba ay abala lang sa pagdaan sa palengke, may mga batang araw-araw na tahimik na nakikipaglaban doon para sa kanilang kinabukasan. 🥹

Mga batang hindi pa man tapos mangarap ay maaga nang natutong mapagod.
Mga kamay na dapat lapis ang hawak, pero minsan ay pagod at responsibilidad muna ang kinakarga.

Maraming salamat Mayor B**g Alvarez at Market Master Cristina Garcia Abu AT MARKET OFFICE STAFF na gumabay AT Tumulong para sa pagpapatuloy at pag aasikaso sa mga batang SPES 2026 kay sir PIPPN FELIPE MIGUEL BUENCAMINO ang PESO MAN ng Municipality of San Miguel Bulacan

Sa bawat pawis, pagngiti kahit pagod, at tahimik na pagtitiis — may pangarap na unti-unting binubuo. ✨

At ngayon, hindi lang simpleng pagtatapos ang ipinagdiriwang natin.
Ito ay bunga ng mga araw na pinili nilang bumangon kahit mahirap.
Bunga ng mga gabing pagod na ang katawan pero hindi piniling sumuko.

Sa simpleng palengke, maraming pangarap ang nabuhay.
Dito natutunan ng mga batang SPES na hindi nakakahiya ang magsimula sa mababa, dahil ang tunay na kahihiyan ay ang sumuko sa buhay.

Hindi man nila suot ang mamahaling damit o nakaupo sa malamig na opisina, pero dala nila ang pinakamahalagang bagay — ang tapang na ipagpatuloy ang laban para sa pamilya at para sa sarili. 💙

At balang araw, kapag natupad na nila ang mga pangarap nila, maaalala nila na minsang naging saksi ang palengke sa kanilang unang laban sa buhay.

Sa mga batang SPES, hindi lang kayo nagtapos…
pinatunayan ninyong may mga kabataang kahit pagod na, patuloy pa ring nangangarap. 🥹🎓

18/05/2026

“Hindi man perpekto ang bawat laro, challenge, at ganap namin, pero isang bagay ang sigurado — naging totoo ang saya, tawanan, at samahan. 💙✨

Sa bawat pagod, sigawan, asaran, at kulitan, doon namin mas napatunayan na hindi lang basta grupo ang meron kami kundi isang team na marunong magtulungan, umintindi, at sumabay sa hirap at saya ng bawat isa. 🫶

Ang Team Building na ito ay hindi lang tungkol sa activities at pictures, kundi tungkol sa mga alaala at pagkakaibigang mas lalong tumibay. Maraming salamat sa aming napaka bait na market master Cristina Garcia Abu at Pamilya , sa aming punong bayan Mayor B**g Alvarez. sa lahat ng nag effort, nakisama, at naging parte ng napakasayang experience na ito. Hindi matutumbasan ng kahit anong pagod ang mga ngiti at memories na mababaon namin pagkatapos ng araw na ito. ☀️🌊

Bitbit namin pauwi hindi lang mga litrato kundi mga alaala na habang buhay naming maaalala. Hanggang sa susunod na tawanan, kwentuhan, at adventure kasama ang pinaka solid na team! 🔥❤️

“STRONGER TOGETHER BETTER TOMORROW 💪

CORAL VIEW RESORT

07/05/2026

MALIGAYANG KAPISTAHAN SAN MIGUEL ARCANGEL

𝐌𝐚𝐥𝐢𝐠𝐚𝐲𝐚𝐧𝐠 𝐏𝐢𝐬𝐭𝐚𝐧𝐠 𝐁𝐚𝐲𝐚𝐧 𝟐𝟎𝟐𝟔 𝐚𝐭 𝐢𝐤𝐚-𝟑𝟎𝟏 𝐧𝐚 𝐊𝐚𝐩𝐢𝐬𝐭𝐚𝐡𝐚𝐧 𝐧𝐢 𝐒𝐚𝐧 𝐌𝐢𝐠𝐮𝐞𝐥 𝐀𝐫𝐜𝐚𝐧𝐠𝐞𝐥 𝐬𝐚 𝐚𝐭𝐢𝐧𝐠 𝐦𝐢𝐧𝐚𝐦𝐚𝐡𝐚𝐥 𝐧𝐚 𝐁𝐚𝐲𝐚𝐧 𝐧𝐠 𝐒𝐚𝐧 𝐌𝐢𝐠𝐮𝐞𝐥!

Sa loob ng mahabang panahon, nananatiling ilaw at inspirasyon si San Miguel Arcangel sa ating bayan. Siya ang sagisag ng katapangan, pananampalataya, at kabutihan—mga pagpapahalagang patuloy nating pinanghahawakan bilang isang nagkakaisang pamayanan.

Nawa’y patuloy tayong gabayan at pagpalain ni San Miguel Arcangel upang maging huwaran ng kabutihan, katapatan, at dangal sa ating kapwa.

Pagpupugay kay San Miguel Arcangel, ating Patrong Sakdal Giting at gabay sa buhay na matapat at marangal.


**gAlvarez

04/05/2026

Isang taos-puso pasasalamat sa lahat ng nakiisa, tumulong, at naglaan ng oras upang maging ganap na matagumpay ang ating Banal na Misa na ginanap ngayong umaga sa Public Market.

Sa ating mahal na kura na nanguna sa banal na pagdiriwang, at sa masipag na ama ng Bayan ng San Miguel Mayor B**g Alvarez at sa aming market master Cristina Garcia Abu nawalang sawang supporta at sa public market staff at volunteers na walang sawang nag-asikaso ng bawat detalye, kay kap konsi @ Melvin Santos sa pag bibigay ng bulaklak at sa ama ng barangay San Jose kap john " jango " Dantis at sa kanyang mga kasama sa baranagay TMG At sa lahat ng mananampalataya na dumalo at nakibahagi kayo po ang naging dahilan kung bakit naging makabuluhan, mataimtim, at puno ng biyaya ang ating pagtitipon. Ang inyong presensya, panalangin, at aktibong pakikiisa ay nagpatunay ng ating matibay na pananampalataya at pagkakaisa bilang isang komunidad.

Hindi man naging perpekto ang lahat, ang mahalaga ay sama-sama nating nairaos ang pagdiriwang na may puso, dedikasyon, at malasakit sa isa’t isa. Ang bawat simpleng ambag—oras, pagod, at serbisyo—ay naging malaking bahagi ng tagumpay ng gawaing ito.

Nawa’y magsilbing inspirasyon ang araw na ito upang lalo pa nating patibayin ang ating pananampalataya, palalimin ang ating ugnayan sa Diyos, at ipagpatuloy ang diwa ng pagtutulungan at pagkakaisa sa ating komunidad. Dalhin natin ang biyaya ng banal na misa sa ating pang-araw-araw na pamumuhay at maging liwanag tayo sa kapwa.

Muli, maraming maraming salamat po sa inyong lahat! Hangad namin ang patuloy ninyong kaligtasan, gabay, at masaganang biyaya mula sa Poong Maykapal.

🙏✨

03/05/2026

Magandang araw po sa inyong lahat!

Kami po ay magalang na nag-aanyaya sa bawat isa na makiisa at dumalo sa gaganaping Banal na Misa sa darating na Lunes, na isasagawa sa ating Public Market . Ang gawaing ito ay isang mahalagang pagkakataon upang tayo ay magsama-sama bilang isang komunidad sa pananalangin, pasasalamat, at paghingi ng patnubay at biyaya mula sa Poong Maykapal.

Sa pamamagitan po ng banal na pagdiriwang na ito, nawa’y lalo pang tumibay ang ating pananampalataya at pagkakaisa, gayundin ang ating malasakit sa isa’t isa bilang magkakapitbahay at kabahagi ng iisang pamayanan.

Araw: Lunes
Lugar: Palengke parking area sa ( likod )
Oras: 9 ng umaga

Lubos po naming inaasahan ang inyong pakikiisa at pagdalo sa nasabing gawain. Ang inyong presensya ay magiging malaking bahagi sa tagumpay at kabuluhan ng ating sama-samang pananalangin.

Maraming salamat po at nawa’y patuloy tayong pagpalain ng Maykapal

23/04/2026

Taos pusong pasasalamat po, Mayor B**g Alvarez! ❤️

22/04/2026