Barangay Ampid 1 Public Information Office

08/09/2026

ANUNSIYO PUBLIKO | Walang Pasok!

Sa bisa ng Executive Order No. 35, s. 2026 ng ating punongbayan, Mayor Omie Rivera, WALANG PASOK sa lahat ng antas ng mga pampubliko at pribadong paaralan sa bayan ng San Mateo Rizal bukas ng Miyerkules, ika-9 ng Setyembre 2026.

Ito ay bilang pakikiisa sa pagdiriwang ng Kapistahan ng Mahal na Birhen ng Bayang San Mateo, Nuestra Señora de Aranzazu at ika-28 Kakanin Festival. Sa araw na ito, sama-sama nating bigyang-halaga ang diwa ng pananampalataya sa pamamagitan ng taimtim na panalangin at pagbibigay-pugay sa Mahal na Birheng Aranzazu.

Viva La Virgen!

08/09/2026

08/09/2026

ANUNSIYO TRAPIKO | Kakanin Festival Parade and Procession
Pansamantalang magpapatupad ng FULL ROAD CLOSURE at STOP-AND-GO TRAFFIC SCHEME sa ilang mga kalsada sa San Mateo sa ika-9 ng Setyembre 2026.
Oras ng parada: 7:00 AM to 1:00 PM
Oras ng prusisyon: 3:00 PM to 7:00 PM
Ito ay upang bigyang-daan ang pagsasagawa ng Float Parade and Procession bilang bahagi ng maringal na pagdiriwang ng 28th Kakanin Festival sa ating bayan ngayong taon. Magsisimula ang parada at prusisyon sa National Shrine and Parish of Our Lady of Aranzazu (NSPOLA) at babagtasin ang kahabaan ng Brgy. Sta. Ana, Brgy. Guitnang Bayan I at II, Brgy. Dulong Bayan I at pabalik ng NSPOLA.
Mga ALTERNATIBONG RUTA para sa mga papuntang Montalban at Marikina
1. Miguel Cristi - Daang Bakal Rd. - Patiis Rd.
2. C6 Bypass Rd. - C6 Rd. - Patiis Rd.
3. San Mateo-Batasan Rd. - Litex Payatas R. - Rodriguez Highway - A. Mabini St.
4. C6 Bypass Rd. - C6 Rd. - Sipak Maly - P. Rodriguez Rd. - Millex Rd. - A. Mabini St. (for medium to large vehicles)
Inaabisuhan ang mga motorista na magdahan-dahan sa pagmamaneho upang makapagbigay-daan sa prusisyon. Asahan ang pagbigat ng daloy ng trapiko.
Maraming salamat sa inyong pag-unawa.

07/09/2026

𝗣𝗔𝗕𝗔𝗧𝗜𝗗 𝗦𝗔 𝗣𝗨𝗕𝗟𝗜𝗞𝗢 | 𝗣𝗢𝗧𝗘𝗡𝗧𝗜𝗔𝗟 𝗕𝗘𝗡𝗘𝗙𝗜𝗖𝗜𝗔𝗥𝗜𝗘𝗦 𝗡𝗚 𝟰𝗣𝘀

Ang Pamahalaang Barangay Ampid Uno, sa pakikipag-ugnayan sa mga kinauukulang ahensya ng pamahalaan, ay nagpapaabot ng paanyaya sa lahat ng 𝗣𝗢𝗧𝗘𝗡𝗦𝗬𝗔𝗟 na benepisyaryo ng 𝗣𝗮𝗻𝘁𝗮𝘄𝗶𝗱 𝗣𝗮𝗺𝗶𝗹𝘆𝗮𝗻𝗴 𝗣𝗶𝗹𝗶𝗽𝗶𝗻𝗼 𝗣𝗿𝗼𝗴𝗿𝗮𝗺 (𝟰𝗣𝘀) na makilahok sa isasagawang 𝗦𝗽𝗲𝗰𝗶𝗮𝗹 𝗥𝗲𝗴𝗶𝘀𝘁𝗿𝗮𝘁𝗶𝗼𝗻 𝗮𝘁 𝗖𝗼𝗺𝗺𝘂𝗻𝗶𝘁𝘆 𝗩𝗮𝗹𝗶𝗱𝗮𝘁𝗶𝗼𝗻.

Layunin ng aktibidad na maisagawa ang kinakailangang dokumentasyon, beripikasyon, at pagsusuri sa mga kwalipikadong pamilya bilang bahagi ng proseso ng pagtukoy sa mga maaaring maging benepisyaryo ng programa.

📅 𝗣𝗲𝘁𝘀𝗮: 𝗦𝗲𝘁𝘆𝗲𝗺𝗯𝗿𝗲 𝟵, 𝟮𝟬𝟮𝟲
🕗 𝗢𝗿𝗮𝘀: 𝟴:𝟬𝟬 𝗔𝗠 – 𝟱:𝟬𝟬 𝗣𝗠
📍 𝗗𝗼ñ𝗮 𝗣𝗲𝗽𝗲𝗻𝗴 𝗖𝗼𝘃𝗲𝗿𝗲𝗱 𝗖𝗼𝘂𝗿𝘁

📑 MGA DOKUMENTONG DAPAT DALHIN

Hinihikayat ang lahat ng potensyal na benepisyaryo na magdala ng mga kinakailangang dokumento para sa bawat miyembro ng pamilya, kung naaangkop:

• Birth Certificate
• Marriage Contract – para sa mga kasal na miyembro
• Death Certificate – para sa mga yumaong miyembro
• PhilSys ID at/o anumang patunay ng PhilSys registration ng lahat ng miyembro ng pamilya
• School Attendance Certificate, Valid School ID, at/o Form 138 – para sa mga batang kasalukuyang nag-aaral
• Health Attendance Certificate – para sa mga buntis at/o miyembrong nasa edad 0–5 taong gulang
• PWD ID at/o Medical Certificate – para sa mga miyembrong may kapansanan

⚠️ MAHALAGANG PAALALA

𝗔𝗻𝗴 𝗽𝗮𝗴𝗸𝗮𝗸𝗮𝘀𝗮𝗺𝗮 𝘀𝗮 𝗹𝗶𝘀𝘁𝗮𝗵𝗮𝗻 𝗻𝗴 𝗺𝗴𝗮 𝗽𝗼𝘁𝗲𝗻𝘀𝘆𝗮𝗹 𝗻𝗮 𝗯𝗲𝗻𝗲𝗽𝗶𝘀𝘆𝗮𝗿𝘆𝗼 𝗮𝘆 𝗵𝗶𝗻𝗱𝗶 𝗻𝗮𝗻𝗴𝗮𝗻𝗴𝗮𝗵𝘂𝗹𝘂𝗴𝗮𝗻𝗴 𝗽𝗶𝗻𝗮𝗹 𝗻𝗮 𝗯𝗲𝗻𝗲𝗽𝗶𝘀𝘆𝗮𝗿𝘆𝗼 𝗻𝗮 𝗻𝗴 𝟰𝗣𝘀. 𝗔𝗻𝗴 𝗻𝗮𝘀𝗮𝗯𝗶𝗻𝗴 𝗽𝗿𝗼𝘀𝗲𝘀𝗼 𝗮𝘆 𝗯𝗮𝗵𝗮𝗴𝗶 𝗹𝗮𝗺𝗮𝗻𝗴 𝗻𝗴 𝗖𝗼𝗺𝗺𝘂𝗻𝗶𝘁𝘆 𝗩𝗮𝗹𝗶𝗱𝗮𝘁𝗶𝗼𝗻, 𝗱𝗼𝗸𝘂𝗺𝗲𝗻𝘁𝗮𝘀𝘆𝗼𝗻, 𝗮𝘁 𝗽𝗮𝗴𝘀𝘂𝘀𝘂𝗿𝗶 𝗻𝗴 𝗺𝗴𝗮 𝗸𝗶𝗻𝗮𝘂𝘂𝗸𝘂𝗹𝗮𝗻𝗴 𝗮𝗵𝗲𝗻𝘀𝘆𝗮 𝘂𝗽𝗮𝗻𝗴 𝗺𝗮𝘁𝘂𝗸𝗼𝘆 𝗮𝗻𝗴 𝗺𝗴𝗮 𝗽𝗮𝗺𝗶𝗹𝘆𝗮𝗻𝗴 𝗻𝗮𝗸𝗮𝘁𝘂𝘁𝘂𝗴𝗼𝗻 𝘀𝗮 𝗶𝘁𝗶𝗻𝗮𝗸𝗱𝗮𝗻𝗴 𝗽𝗮𝗺𝗮𝗻𝘁𝗮𝘆𝗮𝗻 𝗻𝗴 𝗽𝗿𝗼𝗴𝗿𝗮𝗺𝗮.

Pinapayuhan ang lahat ng kinauukulang pamilya na kumpletuhin at dalhin ang mga kinakailangang dokumento upang maging maayos at episyente ang proseso ng validation at registration.

Ang Pamahalaang Barangay Ampid Uno, sa pamumuno ni Kapitan Elmer Buensuceso Manahan, ay patuloy na nakikiisa sa mga programa ng pamahalaan na naglalayong mapalawak ang access ng ating mga kabarangay sa mga serbisyong panlipunan at iba pang programang makatutulong sa kapakanan ng bawat pamilya.

Para sa wastong impormasyon at gabay, makipag-ugnayan sa mga kinauukulang personnel sa lugar ng registration.

07/09/2026

Sa kabila ng patuloy na pagbuhos ng malakas na ulan, isinagawa ang isang personal na pagbisita sa Sunnyville 4 Annex at iba pang lugar sa Barangay Ampid Uno upang masusing makita at matukoy ang aktuwal na kalagayan ng ating mga kabarangay na lubhang naapektuhan ng pagbaha dulot ng walang tigil na pag-ulan na dala ng Hanging Habagat noong nakaraang linggo.

Pinangunahan ng ating butihing 𝗖𝗼𝗻𝗴𝗿𝗲𝘀𝘀𝗺𝗮𝗻 𝗝𝗼𝗷𝗼 𝗚𝗮𝗿𝗰𝗶𝗮, kasama sina 𝗕𝗼𝗸𝗮𝗹 𝗝𝗼𝗵𝗻 𝗣𝗮𝘁𝗿𝗶𝗰𝗸 𝗕𝗮𝘂𝘁𝗶𝘀𝘁𝗮, Konsehal Jojo Juta, 𝗞𝗼𝗻𝘀𝗲𝗵𝗮𝗹 𝗕𝗼𝘆 𝗦𝗮𝗹𝗲𝗻, at ang ating butihing Kapitan Elmer Buensuceso Manahan, ang naturang pag-iikot at pagbisita sa mga lugar na kabilang sa mga lubhang naapektuhan ng pagbaha.

Layunin ng naturang pagbisita na personal na masaksihan ang kalagayan ng mga residente, matukoy ang mga pangunahing sanhi at lugar na madalas bahain, at higit sa lahat, makapaglatag ng mga konkretong hakbang at agarang solusyon upang maibsan at maiwasan ang paglala ng pagbaha sa mga naturang lugar.

Kasabay nito, binigyang-pansin din ang kahalagahan ng pagpapatuloy at mas pinaigting na pagpapatupad ng mga gawaing paglilinis sa mga pangunahing daluyan ng tubig. Isa sa mga layunin ng pagbisita ay matiyak na ang mga benepisyaryo ng TUPAD Program ng Department of Labor and Employment (DOLE) ay maayos na nakikibahagi sa pagtanggal ng mga bara, basura, putik at iba pang sagabal sa mga kanal at pangunahing daluyan ng tubig sa ating barangay.

Ang pagkakaroon ng maayos, malinis at malayang daluyan ng tubig ay mahalagang bahagi ng mga hakbang upang mapababa ang panganib ng pagbaha, lalo na sa panahon ng matitinding pag-ulan.

Taos-puso ang ating pasasalamat kay Congressman Jojo Garcia sa kanyang malasakit, agarang pagtugon at personal na pagbisita sa ating barangay, gayundin kay Governor Nina Ynares sa patuloy na suporta at malasakit sa mga mamamayan ng ating nasasakupan.

06/09/2026

LIVE | FLAG RAISING CEREMONY SEPT 7, 2026 HOSTED BY : BHW

01/09/2026

𝗔𝗕𝗜𝗦𝗢 𝗧𝗥𝗔𝗣𝗜𝗞𝗢 | 𝗧𝗢𝗧𝗔𝗟 𝗧𝗥𝗨𝗖𝗞 𝗕𝗔𝗡 𝗔𝗟𝗢𝗡𝗚 𝗚𝗘𝗡. 𝗟𝗨𝗡𝗔 𝗔𝗩𝗘𝗡𝗨𝗘

Ipinababatid sa publiko, lalo na sa mga motorista at operator ng mga truck at iba pang malalaking sasakyan, ang pagpapatupad ng pansamantalang Total Truck Ban sa bahagi ng Gen. Luna Avenue, malapit sa San Mateo Medical Center, mula Setyembre 1 hanggang Setyembre 6, 2026.

Ang pansamantalang restriksiyong ito ay ipatutupad upang bigyang-daan ang isasagawang emergency repair works ng Manila Water, bilang bahagi ng agarang pagkukumpuni at pagsasaayos ng mga kinakailangang pasilidad sa nasabing lugar.

Kaugnay nito, mahigpit na hinihikayat ang lahat ng apektadong motorista na sundin ang mga itinakdang alternatibong ruta na makikita sa kalakip na larawan, upang maiwasan ang abala, pagsisikip ng daloy ng trapiko, at iba pang hindi inaasahang pangyayari.

Hinihingi po ang pang-unawa, pakikiisa, at kooperasyon ng bawat isa habang isinasagawa ang naturang emergency repair works.

Mangyaring magplano ng biyahe at gamitin ang mga alternatibong ruta na itinakda.

Maraming salamat po sa inyong patuloy na pakikiisa at kooperasyon.

01/09/2026

𝗧𝗜𝗡𝗚𝗡𝗔𝗡 | 𝗣𝗔𝗠𝗔𝗠𝗔𝗛𝗔𝗚𝗜 𝗡𝗚 𝗥𝗘𝗟𝗜𝗘𝗙 𝗚𝗢𝗢𝗗𝗦 𝗡𝗚 𝗔𝗧𝗜𝗡𝗚 𝗣𝗔𝗠𝗔𝗛𝗔𝗟𝗔𝗔𝗡𝗚 𝗕𝗔𝗥𝗔𝗡𝗚𝗔𝗬 𝗦𝗔 𝗠𝗚𝗔 𝗥𝗘𝗦𝗜𝗗𝗘𝗡𝗧𝗘 𝗡𝗚 𝗚𝗢𝗟𝗗𝗘𝗡 𝗖𝗥𝗘𝗘𝗞

Bilang tugon sa pangangailangan ng mga residenteng lubhang naapektuhan ng pagbaha dulot ng tuloy-tuloy na pag-ulan na dala ng habagat, nagsagawa ang Pamahalaang Barangay ng Ampid Uno ng pamamahagi ng relief goods sa mga residente ng Golden Creek.

Sa pangunguna at direktiba ng ating masipag, maalalahanin, at mapagkalingang Punong Barangay, Kap. Elmer Buensuceso Manahan, ay agarang nagkakaisa at kumilos ang buong Pamahalaang Barangay ng Ampid Uno upang matiyak na maabot ang mga pamilyang nangangailangan ng agarang tulong at suporta sa gitna ng naranasang kalamidad.

Katuwang ang mga masisipag at dedikadong miyembro ng Sangguniang Barangay, patuloy na isinusulong ang mabilis, maayos, at makataong paghahatid ng serbisyo para sa kapakanan ng bawat mamamayan. Ang kanilang pagkakaisa at walang sawang paglilingkod ay patunay ng isang pamahalaang barangay na handang tumugon sa oras ng pangangailangan at laging nakahandang umagapay sa kanilang nasasakupan.

Sa ilalim ng pamumuno ni Kap. Elmer Buensuceso Manahan, kasama ang kanyang mga kagawad, opisyal, at kawani ng barangay, nananatiling matatag ang adhikain ng Pamahalaang Barangay ng Ampid Uno napaglilingkod ng tapat at may respeto sa tao, lalo na sa panahon ng sakuna at pagsubok.

Ang serbisyong may malasakit, pagkakaisa, at agarang pagtugon ay patuloy na magsisilbing gabay tungo sa isang mas ligtas, mas maunlad, at mas matatag na Barangay Ampid Uno.

31/08/2026

LIVE | FLAG RAISING CEREMONY SEPTEMBER 01, 2026 HOSTED BY: LUPON TAGAPAMAYAPA