Barangay Sto.Niño, San Mateo Rizal

Barangay Sto.Niño, San Mateo Rizal Official Page of Barangay Sto. Niño, San Mateo, Rizal

Magandang Balita, mga Ka-Barangay!Ngayong darating na Mayo, may mas pinadaling paraan na para sa inyong water services! ...
23/04/2026

Magandang Balita, mga Ka-Barangay!

Ngayong darating na Mayo, may mas pinadaling paraan na para sa inyong water services! Maaari na po ninyong i-download ang Manila Water App para sa mas mabilis at mas convenient na transaksyon.

Sa Manila Water App, maaari ninyong gawin ang mga sumusunod:
✔️ Mag-check ng bill
✔️ Magbayad online
✔️ Mag-report ng concerns
✔️ Makatanggap ng updates at advisories

I-scan lamang ang QR code sa larawan o i-download sa Google Play at App Store.

Gamitin ang app at maranasan ang mas maayos at mabilis na serbisyo!




Out of 15 Barangays, tayo ay kabilang sa Top Performing Barangays! Ipinagmamalaki po namin na ang Barangay Sto. Niño ay ...
23/04/2026

Out of 15 Barangays, tayo ay kabilang sa Top Performing Barangays!

Ipinagmamalaki po namin na ang Barangay Sto. Niño ay kinilala bilang isa sa mga Top Performing Barangays para sa 1st Quarter ng Fiscal Year 2026 sa ilalim ng KALINISAN sa Bagong Pilipinas Program.

Mga Natamong Parangal:
- Top 3 – Road Clearing Operations (BARCO)
- Top 4 – BARKADA Cleanest Barangay
- Top 5 – Overall Top Performing Barangay

Ang mga pagkilalang ito ay bunga ng sama-samang pagsisikap ng ating mga opisyal at kawani, sa pangunguna ng ating Punong Barangay Dexter Manongdo Manganip at higit sa lahat, ng ating mga residente.

Maraming salamat po sa inyong patuloy na pakikiisa sa pagpapanatili ng kalinisan, kaayusan, at disiplina sa ating barangay.

Patuloy po tayong magtulungan tungo sa mas malinis, disiplinado, ligtas, at maayos na komunidad.



Clean & Green Project.Nitong nakaraan, sa pangunguna ng ating Punong Barangay Dexter Manongdo Manganip, kasama ang ating...
16/04/2026

Clean & Green Project.

Nitong nakaraan, sa pangunguna ng ating Punong Barangay Dexter Manongdo Manganip, kasama ang ating Barangay Kagawad na si D’versant " Kag Totoy Pulis" Minaling at iba pang kasamahan sa Barangay, nagsagawa tayo ng paglilinis sa gilid ng simbahan upang mapanatiling malinis at maayos ang kapaligiran ng Sto. Niño Parish.

Layunin ng ating Barangay ang magkaroon ng malinis at maayos na pamayanan. Tuwing Sabado, patuloy rin tayong nagsasagawa ng paglilinis ng ilog sa ating nasasakupan.

Tuloy-tuloy po ang ating pagsisikap sa pagpapanatili ng kalinisan at kaayusan ng ating kapaligiran.

Maraming salamat po sa inyong pakikiisa. Ginagawa po natin ito para sa ating mga susunod na henerasyon at upang magsilbing magandang halimbawa sa ating kabataan.





MALASAKIT SA KOMUNIDADSa isinagawang Community Immersion Program, isang babaeng may kapansanan na kabilang sa mga dumalo...
16/04/2026

MALASAKIT SA KOMUNIDAD

Sa isinagawang Community Immersion Program, isang babaeng may kapansanan na kabilang sa mga dumalo sa seminar ang buong pusong inalalayan ng mga tauhan ng San Mateo Municipal Police Station Rizal PPO San Mateo MPS upang makababa nang ligtas at makauwi nang maayos matapos ang aktibidad.

Ang simpleng gawaing ito ay sumasalamin sa tunay na diwa ng serbisyo. Ang pagkalinga, malasakit, at taos-pusong paglingap sa bawat miyembro ng komunidad, lalo na sa mga higit na nangangailangan.

Patuloy po nating ipakita ang malasakit at bayanihan para sa isang mas ligtas at inklusibong komunidad.




ANUNSYO SA BARANGAYSa pangunguna ng ating Punong Barangay Dexter M. Dexter Manongdo Manganip, ipinaaalam sa lahat na buk...
16/04/2026

ANUNSYO SA BARANGAY

Sa pangunguna ng ating Punong Barangay Dexter M. Dexter Manongdo Manganip, ipinaaalam sa lahat na bukas na po ang registration para sa nalalapit na Medical Mission na gaganapin sa May 30, 2026.

Ang programang ito ay handog ng Armscor Global Defense Inc. bilang bahagi ng kanilang 15th Medical Mission, sa pakikipagtulungan ng ating barangay at ng Sto. Niño Elementary School, upang maabot ang ating mga kabarangay na nangangailangan ng serbisyong medikal.

Magpalista lamang sa Barangay Hall at hanapin si Sec. Aiko upang mabigyan ng slot.

Services and Slots

• Medical Consultation – 375 slots
• Dental (Tooth Extraction only) – 75 slots
• Surgery (Cyst Removal / Circumcision) – 75 slots
• Pap Smear – 38 slots
• Reading Glasses – 75 slots
• Mother’s Wellness – 50 slots

Paalala: Ang mga nakapagparehistro na hindi makakarating bago mag-9:30 AM ay maaaring mawalan ng kanilang slot at ito ay ibibigay sa ibang naghihintay na naroroon.

Limitado lamang ang slots.




Magandang araw, ka-barangay!Sa pangunguna ng ating Punong Barangay, Dexter Manongdo Manganip, kasama ang kanyang mga Kag...
16/04/2026

Magandang araw, ka-barangay!

Sa pangunguna ng ating Punong Barangay, Dexter Manongdo Manganip, kasama ang kanyang mga Kagawad, matagumpay na naisagawa kahapon ang Capacity Building Activity under the YES Program, conducted by Provincial Environment and Natural Resources Office (PENRO).

Layunin ng aktibidad na palakasin ang kamalayan, kaalaman, at aktibong partisipasyon ng mga mamamayan sa pangangalaga ng kalikasan at sa pagsusulong ng mga programang pangkapaligiran sa ating komunidad. Tinalakay rin ang mga ipinagbabawal na gawain sa kalikasan, tulad ng pagsusunog at iba pang nakasisirang gawain sa kapaligiran, pati na rin ang wastong pamamahala ng basura.

Lubos po kaming nagpapasalamat sa ating Provincial Governor, Gov. Nina Ynares sa pagbibigay ng pagkakataon na maisagawa ang programang ito at maibahagi ang mahahalagang kaalaman tungkol sa waste management.

Taos-puso rin ang aming pasasalamat sa ating mga guest speakers na sina Engr. Marlon Pielago, Mr. Oya Tamayo, at Mr. Randy Meriado sa kanilang pagbabahagi ng kaalaman at oras.

Maraming salamat po, at patuloy tayong magtulungan para sa mas malinis at luntiang komunidad! 🌱💚


Magandang gabi mga ka-barangay!Kanina lamang ay nahuli ang dalawang kahina-hinalang indibidwal na nagbubungkal sa lugar ...
11/04/2026

Magandang gabi mga ka-barangay!

Kanina lamang ay nahuli ang dalawang kahina-hinalang indibidwal na nagbubungkal sa lugar na may kable ng PLDT. Sila ay agad na inimbitahan sa Barangay at napag-alamang ilegal na kumukuha ng kable upang ibenta.

Agad silang itinurn-over sa PNP San Mateo Municipal Police Station Rizal PPO at nahaharap sa kaukulang kaso.

Paalala: Walang puwang ang ilegal na gawain sa Sto. Niño. Patuloy po ang ating pagbabantay para sa kaligtasan ng lahat.

Mag-ingat po tayo palagi at siguraduhing naka-lock ang ating mga bahay. I-report agad ang anumang kahina-hinalang aktibidad.







Magandang araw, mga ka-Barangay!Noong nakaraang linggo, matagumpay na naisagawa ng PNP San Mateo Municipal Police Statio...
11/04/2026

Magandang araw, mga ka-Barangay!

Noong nakaraang linggo, matagumpay na naisagawa ng PNP San Mateo Municipal Police Station Rizal PPO ang Community Mobilization Program sa ating barangay, katuwang ang iba’t ibang ahensya, sa pangunguna ng ating Punong Barangay, Hon. Dexter Manongdo Manganip kasama ang ating mga Barangay Kagawad at SK Officials.

Layunin nito na palakasin ang pakikiisa ng komunidad laban sa krimen at ilegal na droga sa pamamagitan ng information drive, house-to-house visitation, clean-up drive, at iba pang aktibidad para sa kaligtasan ng lahat.

Malaki po ang naging papel ng bawat isa sa tagumpay ng programang ito—mula sa ating HOA Presidents at kanilang mga miyembro, hanggang sa mga vulnerable sectors tulad ng PWD, Senior Citizens, at Solo Parents.

Inaanyayahan po namin ang lahat na ipagpatuloy ang pakikiisa at maging mapagmatyag sa ating komunidad upang mapanatili ang kaayusan at kapayapaan.

Maraming salamat po sa inyong suporta at kooperasyon! 💙







06/04/2026

UPDATE: Mahigpit na ipatutupad ng DILG ang pagbabawal ng pag-inom ng alak sa kalsada at iba pang pampublikong lugar para matiyak ang kaligtasan ng komunidad.

Paiigtingin din ang pagpapatupad ng curfew para sa mga kabataan.

Ipinagbabawal din ang hindi pagsusuot ng damit pang-itaas at ang pagvi-videoke lampas alas-10 ng gabi, maliban kung may kaukulang permit. | via Karen De Guzman, ABS-CBN News

Barangay Assembly | 1st Semester 2026 Matagumpay na naisagawa ang ating Barangay Assembly sa pangunguna ng ating Punong ...
29/03/2026

Barangay Assembly | 1st Semester 2026

Matagumpay na naisagawa ang ating Barangay Assembly sa pangunguna ng ating Punong Barangay, Dexter Manongdo Manganip, kasama ang kanyang mga Kagawad at mga SK Officials, SK Chairperson Marie Faith Operio, kung saan tinalakay ang mga ulat, programa, at mga plano para sa patuloy na pag-unlad ng ating komunidad.

Muli nating pinatunayan na sa pagtutulungan, mas marami tayong magagawa para sa ating komunidad.

Lubos din ang aming pasasalamat sa ating mga bisita mula sa Sangguniang Bayan—Konsehal Carlito I. Briones at Konsehal Engr. Emmanuel Franklin C. Sta. Maria; DILG-MLGOO, Ms. Sherlyn Oñate-Resurreccion; at mula sa DILG-NCR, Mr. Keanne Roeh Isurda.

Maraming salamat sa aktibong pakikiisa ng bawat isa. Sama-sama tayo sa mas maayos na Barangay! 💙



Happy birthday sa ating masipag at maaasahan na Congressman Jojo Garcia. Dalangin namin ang mas magandang kalusugan ng m...
28/03/2026

Happy birthday sa ating masipag at maaasahan na Congressman Jojo Garcia. Dalangin namin ang mas magandang kalusugan ng mapaglingkuran mo pa ng mas mahabang panahon ang ating bayan ng San Mateo. Please continue to be a blessing to others. Ingat po lagi. God bless you and your family.

Ang pagbati po ay mula sa inyong Pamahalaang Barangay ng Sto. Niño.

Magandang araw po mga Kabarangay. Ang lahat po ay inaanyayahan namin sa darating na Sabado, March 28, 2026 sa ganap na 8...
23/03/2026

Magandang araw po mga Kabarangay. Ang lahat po ay inaanyayahan namin sa darating na Sabado, March 28, 2026 sa ganap na 8am para dumalo, makinig at marinig ang inyong saloobin at suhestyon sa ating Barangay Assembly. Magkita kita po tayo sa Modesta Covered Court. Salamat po

Address

San Mateo
1850

Website

Alerts

Be the first to know and let us send you an email when Barangay Sto.Niño, San Mateo Rizal posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Barangay Sto.Niño, San Mateo Rizal:

Shortcuts

Share

Category